ཕ་ཡུལ་མགོ་ལོག་ནས་ཡིན་པའི་ཨོ་རྒྱན་རིག་འཛིན་ལགས་ཀྱིས་ཨེ་ཤ་ཡ་རང་དབང་རླུང་འཕྲིན་ཁང་ལ་གནས་ཚུལ་མཁོ་སྤྲོད་བྱས་པ་ལྟར་ན། འདི་ལོའི་བོད་ཆུ་འབྲུག་ལོའི་ལོ་སར་ཚེས་ ༡ ཉིན་མདོ་སྨད་མགོ་ལོག་ཇོ་ནང་ལྕམ་མདའ་དགོན་པའི་ནང་སྐྱ་སེར་ ༣༠༠ ལྷག་འཛོམས་ཏེ། ཞོགས་པའི་ཆུ་ཚོད་ ༨ པ་ནས་དགོང་མོའི་ཆུ་ཚོད་ ༥ བ་བར་༸གོང་ས་མཆོག་དང་རྒྱལ་བ་ཀརྨ་པ་དབུས་པའི་བསྟན་འཛིན་སྐྱེས་བུ་རྣམས་ཀྱི་སྐུ་ཚེ་བསྐལ་བརྒྱར་བསྟན་པ་དང་། བོད་བསྟན་སྲིད་ཀྱི་ཆེད་དུ་རང་སྲོག་བློས་གཏོང་བྱས་པའི་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་བཟང་སྤྱོད་སྨོན་ལམ་གསུང་ཡོད་པ་མ་ཟད། ཉིན་དེར་པདྨ་རྫོང་ཐོག་ཏུ་བོད་མི་སྐྱ་སེར་བརྒྱ་ཕྲག་ཁ་ཤས་འདུ་འཛོམས་ཀྱིས། བོད་མི་ཚོར་ཆོས་དད་རང་དབང་སྤྲོད་དགོས་པའི་སྐོར་སོགས་འབོད་ཚིག་འདྲ་མིན་སྒྲོག་བཞིན་ངོ་རྒོལ་སྐད་འབོད་བྱས་སྐབས། རྒྱ་ནག་གཞུང་གིས་ངོ་རྒོལ་རྔམ་སྟོན་གནང་མཁན་བོད་མི་བརྒྱ་ཕྲག་འགའ་ཤས་ཀྱི་ཁོངས་ནས་དགེ་འདུན་པ་ ༡ དང་། མི་སྐྱ་ ༧ བཅས་མི་ ༨ འཛིན་བཟུང་བཀག་ཉར་བྱས་ཡོད་འདུག
གནས་ཚུལ་མཁོ་སྤྲོད་པས་བརྗོད་དོན་ལྟར་ན། མགོ་ལོག་ཁུལ་གྱི་བོད་མི་ཚོས་སྔར་ལོ་ཕྱི་ཟླ་ ༣ པ་ནས་བོད་ནང་གི་བོད་མི་མང་པོས་རང་ལུས་མེར་བསྲེགས་ཀྱི་ངོ་རྒོལ་ལས་འགུལ་སྤེལ་བ་རྣམས་ལ་གདུང་སེམས་མཉམ་སྐྱེད་ཆེད་ལོ་སར་སྲུང་བརྩི་མི་བྱེད་པའི་ཐག་གཅོད་བྱས་ཡོད་ཀྱང་། འབྲེལ་ཡོད་ཉེན་རྟོག་པས་ལོ་སར་གཏོང་དགོས་པའི་བཙན་བཀའ་བཏང་ཡོད་པ་མ་ཟད། ཉེ་བའི་དུས་ནས་དགོན་སྡེ་ཁག་གི་ཉེ་འཁོར་དང་ས་གནས་ཡོངས་སུ་དམག་མི་འགྲེམས་འཇོག་གིས་དམ་དྲག་ཤུགས་ཆེར་བྱེད་ཀྱི་ཡོད་འདུག
ཇོ་ནང་མ་རྒྱལ་བར་ཀ་བ་ལ་ལྷག་ཡོད་པ་རེད།
བཀྲ་ཤིས་ཟེར་བ་དེ་ཡང་མཁན་རྫིན་དེའི་རྒྱུགས་ཁྱུ་ཡིན་ས་རེད།
ཨྱོན་ཟེར་མདོག་ལ་བལྟས་ན་རྙིང་མ་འདྲ་བོ་ཡིན་མདོག་ཁ་བོ་རེད།
ཞེན་ཁོག་ལ་བལྟས་ན་ཇོ་ནང་འདྲ་བོ་ཡིན་ས་རེད།
གང་ལྟར་ཁྱོད་མི་ཡག་པོ་ཞིག་ཡིན་ས་མ་རེད།
ཞེན་་་་་་་་་་་་་་་་་་་་་་་་་་་་་་
ཇོ་ནང་བ་བོད་ནང་ལ་ཡོད་པ་རེད་ནས་དེ་སུའི་བྲིས་པ་རེད་ཁུངས་མེད་ལུང་མེད་མང་པོ་མ་བྲི་རོགས།
བོད་ནང་གི་བོད་མི་ཚོས་རང་ལུས་བསྲེགས་བཏང་པའི་གྲངས་ཀ་ཚད་ངེས་ཅན་ཞིག་ཏུ་བསླེབས་ཟིན་པས། ད་མི་ཅིག་ཅིག་བཟུང་སོང་དང་བཙོན་འཇུག་བྱས་སོང་ཟེར་ན་ཚོར་བ་མེད་པ་འདྲ་ཞིག་ཚར་པ་རེད།
སྤྱིར་མེར་བསྲེགས་བཏང་སྟེ་རང་སྲོག་བློས་བཏང་པ་ལས་བཙོན་འཇུག་གིས་སྡུག་སྦྱོང་མནར་གཅོད་ཚད་མེད་པ་བཏང་ན་དེས་སྡིགས།
ཁ་སྔོན་བོད་ནང་གི་དྲ་བ་ཞིག་ཏུ། ཕྱི་ཟླ་གསུམ་པར་ཁྲག་བཞུར་པའི་དུས་ཡིན་པས་ང་ཚོས་དེ་དུས་བལྟ་ཡོང་ཞེས་གཅིག་གཅིག་ལ་སྐུལ་བ་འདྲ་ཞིག་བྱས་འདུག
བོད་ནང་ནས་མེ་འབར་ན་བཙན་བྱོལ་ནས་དུ་བ་ཐོན་དགོས་མིན་ཐད་སྐད་ཆ་བཤད་མཁན་ཇེ་མང་རེད། བོད་ནང་ནས་མེ་འབར་ན་བཙན་བྱོལ་ནས་ཀྱང་མེ་འབར་ན་ཅིས་མི་ཆོག ཡང་ན་བཙན་བྱོལ་ནས་མེ་འབར་ཏེ་བོད་ནང་ནས་དུ་བ་ཐོན་ན་ཅིས་མི་ཆོག
གང་ལྟར་གསུམ་ཅུ་དུས་དྲན་སླེབས་ལ་ཉེ་བས་བོད་མིའི་སྒྲིག་འཛུགས་ཀྱིས་ད་ནས་སྔོན་འཆར་ལས་འགུལ་དང་ཁྱབ་སྒྲོག་ཇི་ལྟར་བྱེད་དགོས་ཐད་དགོངས་པ་བཞེས་རན་ཕྱིས་མི་འདུག་གོ
རྒྱལ་ལོ་རྒྱལ་ལོ་བོད་རྒྱལ་ལོ།
རྒྱལ་བ་ཇོ་ནང་པ་རྒྱལ་གྱུར་ཅིག
༸གོང་ས་མཆོག་བོད་ལ་གདན་འདྲེན་ཡོང་བར་ཤོག