འདས་པའི་ཟླ་ ༡༡ ཙམ་གྱི་རིང་ཡེ་མན་མི་མང་གིས་ལོ་ ༣༣ རིང་སྲིད་དབང་སྒེར་འཛིན་བྱེད་མཁན་སྲིད་འཛིན་ཟུར་པ་སཱ་ལེ་ (Ali Abdullah Saleh) ལ་ངོ་རྒོལ་བྱས་མཐར། སོའོ་ཌེ་ཨ་རབ་ (Saudi Arabia) ཀྱི་བར་འདུམ་འོག སྔར་ལོའི་ཕྱི་ཟླ་ ༡༡ ནང་ཁོང་གིས་མི་མང་ལ་སྲིད་དབང་རྩིས་སྤྲོད་དང་། འབྱུང་འགྱུར་ཟླ་ ༣ ནང་སྲིད་འཛིན་འོས་བསྡུ་བྱ་རྒྱུའི་ཁས་ལེན། སོའོ་ཌེ་ཨ་རབ་ཀྱི་བར་འདུམ་འོག་རྗེས་ཕྱོགས་སྲིད་འཛིན་ཟུར་པ་སཱ་ལེ་ལ་ནག་ཉེས་མི་ཡོང་པའི་གན་རྒྱ་བཞག་ཡོད་པ་ལྟར། ཉེ་སྔོན་ཡེ་མན་སྲིད་འཛིན་གྱི་འོས་བསྡུ་བྱས་ཡོད་པ་དང་། ཕྱི་ཚེས་ ༢༦ ཉིན་སྐུ་ཞབས་ཧཱ་ཌེ་ལགས་ཡེ་མན་གྱི་སྲིད་འཛིན་གསར་པར་འོས་འདེམས་བྱུང་སྟེ། འབྱུང་འགྱུར་གྱི་ལོ་ ༢ རིང་ཁོང་གི་སྣེ་ཁྲིད་འོག་རྒྱལ་ཁབ་ཀྱི་རྩ་ཁྲིམས་གསར་པ་གཏན་འབེབ་དང་། ལོ་གཉིས་རིང་གི་ལས་དོན་ཐད་མང་ཚོགས་འདོད་བློ་མ་ཁེངས་པ་བྱུང་ཚེ་བསྐྱར་དུ་སྲིད་འཛིན་འོས་བསྡུ་བྱ་རྒྱུ་བྱས་ཡོད་འདུག
གསར་འགོད་པ། བནྡེ་སྐྱབས།
