ནམ་མཁའ།
འཐབ་ཕྱོགས་གཅིག་གྱུར་པུའུ་ཡི་སྐུ་ཞབས་ཀྲུའུ་ལགས། ཁྱོད་ཀྱིས་དེང་སང་གྲངས་ཉུང་མི་རིགས་ཀྱི་ལག་རྩར་མྱངས་ཏེ། དུག་སྨན་སྤྲད་ནས་གྲངས་ཉུང་མི་རིགས་རྨ་མེད་ཁག་རྣག་གིས་གསོད་འདོད་པ་དེ་རེད་ལ། ཁྱོད་ཀྱི་བསམ་ཚུལ་འདིའི་རྒྱབ་ལྗོངས་ན་དབུས་དམར་ཕྱོགས་ཚོགས་པ་ཡོད་པ་གསལ་བོ་རེད། དེ་རིང་ཁྱོད་ཚོས་སི་ཏ་ལེན་གྱིས་བཤད་པའི་༼ མི་རིགས་ཞིག་རྩ་མེད་དུ་གཏོང་དགོས་ན་སྔོན་ལ་དེའི་སྐད་དང་ཡི་གེ་རིག་གཞུང་མེད་པར་བཟོ་དགོས། དེ་མིན་ཆ་ཚང་དམར་གསོད་བྱེད་པ་ནི་ཐབས་བྱུས་ཞིག་མིན༽ཅེས་པའི་སྐད་ཆ་འདི་དེ་རིང་དངོས་སུ་ལག་བསྟར་བྱེད་འདོད་པ་དེ་རེད།
ཁྱོད་དང་ཁྱོད་ཀྱི་སྲིད་གཞུང་གི་འདོད་ཐོག་ལ་རྟ་རྒྱུག་རྒྱུ་ཧ་ཅང་དཀའ་མོད། གང་ལྟར་སེམས་གཏིང་ནག་པོ་ཡོད་པའི་འབྲས་བུ་ཕྱིར་ཐོན་པ་རེད། ཁྱོད་ཀྱིས་གྲངས་ཉུང་མི་རིགས་ཀྱི་སློབ་མ་ཚོ་རྒྱ་མི་རིགས་དང་མཉམ་བསྲེས་དང་འཚོ་སྡོད་མཉམ་རོལ་བྱ་དགོས་བའི་འབོད་སྐུལ་དང་། དེ་མིན་ད་རུང་གནས་སྤོར་བྱེད་དགོས་བའི་བསམ་ཚུལ་བཏོན་འདུག དེ་ནི་གྲངས་ཉུང་མི་རིགས་ཀྱི་སྐད་དང་ཡི་གེ་རིག་གཞུང་ཆ་ཚང་མི་རིགས་ཆེན་པོ་ཞིག་གི་ནང་འཐིམ་དུ་འཇུག་འདོད་པ་དེ་རེད། ཁྱོད་ཀྱིས་བཤད་པ་བཞིན་སློབ་ཕྲུག་ཚོ་མཉམ་བསྲེས་ཀྱིས་སློབ་གྲྭ་གཅིག་ཏུ་བསྡུ་འདོད་ཀྱང་། ༢༠༠༡༡ ལོར་ལྕགས་ལམ་བཟོ་གྲྭའི་སློབ་གྲྭའི་ནང་གི་སློབ་མ་ཚོ་འཁྲུག་འཛིང་ཤོར་བ་དེ་མ་མཐོང་ངམ། འདིའི་རྟགས་མཚན་ནི་མི་རིགས་མཉམ་བསྲེས་ནམ་ཡང་ཡོང་མི་ཐུབ་པའི་རྟགས་རེད། ཕྱོགས་གཅིག་ནས་བཤད་ན་ཁྱོད་ཀྱིས་གྲངས་ཉུང་མི་རིགས་དག་གི་རིག་གཞུང་དང་སྐད་ཡིག་སོགས་ལ་མཐོང་ཆུང་དང་ཁྱད་གསོད་བྱེད་པ་མ་ཟད། གྲངས་ཉུང་མི་རིགས་ཀྱི་དཀྱིལ་ལ་དུག་རྫས་འཕངས་ཏེ་རྨ་མེད་ཁག་རྣག་གིས་གསོད་འདོད་པ་དེ་རེད།
སྤྱིར་འཛམ་གླིང་འདིའི་སྒང་ན་ལག་དམར་ཆེན་པོ་གསུམ་ཡོད་ཅིང་། དེ་དག་ནི་ཧེ་ཐི་ལེ་དང་སི་ཏ་ལེན། མའོ་ཙེ་ཏུང་གསུམ་ཡིན་ལ། ཁྱོད་རང་གྲངས་ཉུང་མི་རིགས་ཀྱི་སྐད་ཡིག་རིག་གཞུང་གསོད་མཁན་གྱི་ལག་དམར་ཞིག་བྱེད་འདོད་ཡོད་པ་གསལ་བོ་རེད། ཁྱོད་ལྟར་ན་སྐད་གཅིག་གྱུར་དང་ཡི་གེ་གཅིག་གྱུར་རིག་གཞུང་གཅིག་གྱུར། ཐ་ན་ཁ་ཟས་ཡང་གཅིག་གྱུར་བྱེད་འདོད་ཡོད་སྲིད་མོད། ཁྱོད་ཀྱི་མི་རིགས་གཅིག་པ་ཀོང་ཏུང་གི་སྐད་དེ་པེ་ཅིན་གྱི་སྐད་དང་གཅིག་གྱུར་བཟོ་ཐུབ་བམ། ཀོང་ཏུང་གི་མི་ཐམས་ཅད་པེ་ཅིན་ལ་གནས་སྤོར་བྱེད་ཐུབ་བམ། རྒྱ་རིགས་ནང་ཧི་མ་ལ་ཡའི་རི་འདབས་སུ་འཚོ་བཞེས་ཀྱིས་ནོར་ལུག་འཚོ་སྐྱོང་བྱེད་ཐུབ་མཁན་ག་ཚོད་ཡོད། ཁྱོད་ཀྱིས་སྲིད་གཞུང་གིས་མེ་མདའ་བྲང་ལ་གཏད་དེ་ཡུ་གུར་བ་ཚོར་བཙན་དབང་གིས་ཕག་ཤ་དང་ང་ཚོ་བོད་མི་ཚོར་བཙན་དབང་གིས་ཁྱི་ཤ་ཟ་རུ་འཇུག་འདོད་ཨེ་ཡིན།
ཁྱོད་ཀྱིས་ད་རུང་མི་རིགས་གཞན་དང་དེའི་རིག་གཞུང་ལ་མཐོང་ཆུང་བྱེད་པ་ནི་བྱབ་ཆུང་ཡིན་ཟེར་བ་དང་། ཁྱོད་ཀྱིས་གྲངས་ཉུང་མི་རིགས་ཚོས་མི་རིགས་གཞན་གྱི་ས་ནས་སློབ་སྦྱོང་བྱེད་དགོས་སྐོར་བཤད་པ་འདི་གཉིས་ནང་འགལ་ཡིན་པ་མ་ཟད། ཧ་ཅང་གཡོ་སྒྱུ་ཆེ་བའི་གཏམ་ཞིག་རེད། གལ་སྲིད་མི་རིགས་གཞན་གྱི་ས་ནས་ལེགས་པའི་སློབ་སྦྱོང་བྱེད་དགོས་ཟེར་ན་ཐོག་མར་ཁྱོད་རང་ཉིད་ཀྱིས་ལག་ལེན་ལ་བསྟར་དགོས་བས། ཁྱོད་དང་ཁྱོད་ཀྱི་རྒྱ་མི་རིགས་ཚོས་བོད་ཡིག་བོད་སྐད་དང་། སོག་པོ་དང་ཡུ་གུར་སོགས་གྲངས་ཉུང་མི་རིགས་ཁག་གི་སྐད་དང་ཡི་གེ་ལ་སློབ་སྦྱོང་བྱ་རྒྱུར་གྲ་སྒྲིག་ཡོད་དམ། ལོ་ངོ་དྲུག་བཅུའི་རིང་ལ་སློབ་གསོ་བཏང་ཡང་གྲངས་ཉུང་མི་རིགས་ཚོའི་བསམ་བློར་འགྱུར་བ་ཅི་གང་ཡང་གཏོང་ཐུབ་མེད། དེ་རིང་ཁྱེད་ཀྱིས་མེ་མདའི་འོག་ནས་བཙན་ཤེད་ཀྱིས་སློབ་གསོ་གཏོང་འདོད་པ་དང་། བསམ་བཞིན་དུ་མི་རིགས་བར་འགལ་ཟླ་བཟོ་བ་འདི་ནི་ཅི་འདྲའི་ཡ་ང་ཞིང་སྙིང་རྗེ་མེད་པའི་ཐ་ཤལ་གྱི་བྱ་སྤྱོད་ཞིག་རེད་ཨང་།
སྤྱིར་སྲོག་ཆགས་གང་ཡིན་ཡང་འབྱུང་བཞིའི་འཕྲོད་པ་ལ་རྟེན་དགོས་མོད། ཁྱོད་ཀྱིས་བཙན་དབང་གིས་ཚ་བའི་ལུང་པའི་མི་འཛམ་གླིང་གི་མཐོ་སྒང་ལ་བཙན་སྤོར་བྱ་རྒྱུ་དང་གྲང་འཁྱག་མཐོ་སྒང་གི་མི་ཚ་བའི་ལུང་པར་བཙན་སྤོར་བྱེད་བཅུག་སྟེ། གཅེས་སུ་འོས་པའི་རྒྱལ་འབབས་རང་བྱུང་འབྱུང་བཞིས་འཆི་ལམ་དུ་འདེད་འདོད་པ་དེ་རེད། དེ་བས་ཀྱང་ཁ་གསལ་དུ་བཏང་ན། གྲངས་ཉུང་མི་རིགས་དང་དེའི་རིག་གཞུང་ལ་མེ་མདའི་འོག་གི་རིག་གནས་གསར་བརྗེ་གཉིས་པ་ཞིག་བྱེད་འདོད་པ་དེ་རེད། འདི་ནི་ང་ཚོ་གྲངས་ཉུང་མི་རིགས་ཁག་གིས་དུས་ནམ་ཡང་ངོས་ལེན་བྱེད་ཐབས་མེད་པའི་འཁྲུལ་སྣང་གི་རྨི་ལམ་ཞིག་ཡིན། ད་རུང་བཤད་འདོད་པ་ཞིག་ལ། ཁྱོད་རང་ཁྱོད་ཀྱི་མི་རིགས་དང་ཁྱོད་ཀྱི་སྐད་ཡིག་རིག་གཞུང་ལ་ཞེན་ཁ་ཅི་ཙམ་ཆེ་བ་དེ་བཞིན་དུ་ངེད་ཅག་བོད་པ་ཚོ་ཡང་བོད་མི་རིགས་དང་བོད་སྐད་ཡིག་རིག་གཞུང་ལ་ཞེན་ཁ་ཡོད་ཆོག་ལ། གྲངས་ཉུང་མི་རིགས་གཞན་དག་ཀྱང་དེ་དེ་བཞིན་ནོ།།
ཧོང་ཀོང་གི་གསར་འགོད་པ་ཞིག་གིས་ཁྱེད་ལ་དྲི་བ་འདྲི་དུས་༼ ཁྱོད་ཀྱི་འཛུམ་མདངས་ཀྱིས་ཡིད་དབང་འཕྲོག་ལ་ཁྱོད་ཀྱི་བྱ་སྤྱོད་ཀྱིས་མི་གསོད ༽ཟེར་བ་དེ་ནི་ཅི་འདྲའི་དྲང་བདེན་དང་བློ་གཟུར་བོ་གནས་པའི་གཏམ་ཞིག་ཡིན་ཡང་། དེ་རིང་ཁྱེད་ཀྱི་བྱ་སྤྱོད་ངོ་མ་དེ་ཕྱི་རུ་མངོན་ཏེ་འཛམ་གླིང་སྟེང་གླེང་བཞིན་ཡོད། དཔེར་ན། རྒྱ་མི་རིགས་ཀྱི་ཕྲུ་གུ་ཞིག་བོད་ནས་སྐྱེས་ཀྱང་། ཁྱོད་ཀྱི་མི་རིགས་དང་ཁྱོད་ཀྱི་ཕ་ཡུལ་གང་ཡིན་དྲིས་ཚེ་ང་རྒྱ་རིགས་དང་ངའི་ཕ་ཡུལ་རྒྱ་ནང་གི་གྲོང་ཁྱེར་ག་གེ་མོ་ཞིག་ཡིན་ཟེར་བ་ལས། ངའི་ཕ་ཡུལ་བོད་དང་ང་བོད་པ་ཡིན་ནམ་ཡང་ལབ་མི་སྲིད། དེ་བཞིན། བོད་པ་ཞིན་ཅང་སོག་པོ་སོགས་གང་ཡིན་ཡང་རྒྱ་ནག་ནང་སྐྱེས་ཀྱང་སེམས་ནང་ཕ་མའི་མི་རིགས་དང་དེའི་ཕ་ཡུལ་དུ་ཞེན་ཁ་འཁྱེར་བ་ནི་འགྲོ་བ་མིའི་རིགས་ཀྱི་ཐུན་མོང་གི་གཤིས་ཀ་ཞིག་ཡིན། དེ་བཞིན། མིའི་བསམ་བློར་མེ་མདས་འགྱུར་བ་གཏོང་ཐབས་མེད་ལ། ལམ་ཁ་འདི་གཅིག་པུ་ལས་གདམ་ག་གཞན་མ་སྤྲད་ཚེ་ཁྱོད་ཀྱིས་བཤད་པ་བཞིན་ཁ་བྲལ་འགྲོ་བ་ལས་འོས་མེད།
མདོར་བསྡུས་ན། ཁྱོད་དང་ཁྱོད་ཀྱི་ཆུང་མ་གཉིས་དུས་རྒྱུན་འཁོན་འཛིང་ཁོ་ནས་འཚོ་བ་སྐྱེལ་མཁན་ཞིག་ཡིན་ན། དེ་ལ་ཁྱིམ་དཔོན་གྱིས་འགྲིག་འཇགས་བཟོ་ཐབས་མེད་ལ། ཁྲིམས་སྒྲིག་གི་བཙན་གནོན་འོག་དེ་བས་ཀྱང་མཛའ་བརྩེ་འགུག་ཐབས་མེད་པས། བཙན་ཤེད་ཀྱིས་མཉམ་སྡོད་བྱེད་དུ་བཅུག་ཚེ་ཁྱེད་གཉིས་སེམས་ནང་ན་ཟུག་སྔར་བས་ཆེ་རུ་ཕྱིན་ཏེ། ཉིན་གཅིག་བཟའ་ཐོར་བྱ་རྒྱུ་ལས་འོས་མེད་ལ། གཅིག་བྱས་ན་ནང་འཛིང་གིས་ཁྱོ་ཤི་ང་གསོན་གྱི་གནས་ཚུལ་ཡ་ང་བ་ཡང་འབྱུང་སྲིད།
ཕྱི་ལོ་ ༢༠༡༡ ཟླ་ ༣ ཚེས་ ༣ ཉིན།
དཔེ་ཡག་པོ་བྲིས་འདུག། ཐུགས་རྗེ་ཆེ། ཁུག་རྟ་ནི་ནང་ཕན་ཚུན་དཀྲུགས་དགོས་ན་ཡག་ཐག་ཆོད་རེད་མ་ཏོག་རྒྱ་དང་ཐུག་ན་མེད་རེད། གོ་རྒྱུ་འཚོ་རྒྱུ་མེད་རེད། དུས་བབ་ཚོང་ལ་རེ་བ་འདི་དྲ་ཐོག་འགོད་རོག་ཞུ།
སྲིད་དབང་སྒེར་སྤྱོད་བྱེད་མཁན་རྒྱ་ནག་གི་ཀྲུའུ་ཝེ་ཆོན་ཟེར་བའི་མི་འདིའི་ཚོའི་ཀླད་པའི་ནང་དུ་འགྲོ་བ་མིའི་རིགས་ཀྱི་སྤྱི་ཡོངས་ལ་སེམས་འཁུར་བྱེད་ནུས་པའི་རང་བྱུང་ཀླད་པའི་ནང་གི་རྫས་ཤིག་ཚང་མེད་པའམ་ཡང་ན་ཀླད་པའི་རྩ་ཕྲན་ཞིག་ལ་སྐྱོན་ཤོར་ཡོད་པ་རེད།
དངོས་ནས་བྱས་ན་རྒྱ་ནག་གིས་ཚན་རྩལ་ལ་མཐོང་ཆེན་བྱེད་པ་ལྟར་དེང་རབ་ཀྱི་ཚན་རིག་གི་ཐོག་ནས་ཀྲའུ་ཝེ་ཆོན་གི་ཀླད་པའི་རྩ་རིགས་ཚན་རིག་ཐོག་ནས་བརྟག་དཔྱད་བྱེད་དགོས་པའི་དུས་ལ་སླེབས་འདུག
གུས་པས་གཞིག་ན་ཀྲུའུ་ཡི་སྐད་ཆ་དེར་སྣང་མེད་དུ་གཏང་ཡང་རུང་བ་ཞིག་རེད། ཁོ་དང་ཁོའི་འགོ་ཁྲིད་ཚོའི་སེམས་ན་མ་རབས་དེ་འདྲ་དྲན་བཞིན་པ་གསལ་བོ་ཡིན་ཡང་། གལ་སྲིད་མ་རབས་ཀྱི་བསམ་བློ་དེ་དངོས་སུ་ལག་བསྟར་བྱ་ན། ང་ཚོའི་རླུང་རྟ་དར་བའི་ལྟས་སུ་མཐོང་། བྱིས་བློ་བ་ཚོས་བོད་དང་ཡུ་གར་བ་གཅིག་པོ་མིན་པར་མི་རིགས་ལྔ་བཅུ་ང་ལྔ་ཡི་སེམས་ལ་རྨ་ཁ་བཟོ་ནུས་ན། ང་ཚོས་རྒྱ་ནག་ཁ་ཐོར་འགྲོ་སྟངས་ལ་ལྟད་མོ་ལྟ་ནས་སྡོད་ཆོག་གི་རེད། ཁོ་ཚོས་བསམ་པར་གྲངས་ཉུང་མི་རིགས་མང་ཆེ་བར་རང་གི་སྐད་དང་ཡི་གེ་ཉམས་ཟིན་པས་མི་རིགས་དེའི་ཡོད་ཚད་དབང་དུ་བསྡུས་ཡོད་འདོད་ཀྱིན་པ་འདྲ། ཁོ་ཚོའི་གླེན་རྟགས་དེ་ངོ་མ་གད་མོ་ཤོར་བའི་ཡུལ་རང་རེད། ཕྱོགས་གཞན་ཞིག་ནས་གཞིག་ན། བང་ལེ་ཤོང་གི་ལྟ་བ་སྟེ། མི་རིགས་རང་སྐྱོང་འཐབ་རྩོད་ཀྱི་ཁ་ཕྱོགས་རྒྱལ་ཁབ་ཀྱི་གཏན་ལ་ཕབས་ཟིན་པའི་ས་གནས་རང་སྐྱོང་ནས་རིམ་བཞིན་འགོ་བརྩམ་དགོས་པའི་དོན་གནད་དེ་ལ་འཇིག་སྣང་གིས་ཀྲུའུ་ཁོས་ས་བཤད་རྡོ་བཤད་བྱས་པ་མིན་འགྲོ། གཏན་ཕབ་ཟིན་པའི་ས་གནས་རང་སྐྱོང་མིང་ཙམ་ལས་དོན་དངོས་སུ་ལག་བསྟར་བྱེད་ཀྱིན་མེད་པ་དངོས་ཡོད་ཀྱིས། གང་ལྟར་རྒྱ་ནག་གི་དབུ་ཁྲིད་ཚོའི་མགོ་ན་བཞིན་པ་གསལ་བོ་རེད་ཡྭ།
ཀྲུའུ་ལྦེ་ཆོན་ཀྱི་སྐད་ཆ་འདི་ཡང་བསྐྱར་གླེང་སློང་བྱེད་རྒྱུ་གལ་ཆེན་རེད། ཁོའི་སྐད་ཆ་འདི་གར་སྟེགས་ན་རྒྱ་གཞུང་གི་འདོད་འདུན་ལྟར་རྒྱ་ནག་མི་མང་ལ་བསྟོད་གླུ་ལེན་ཕྱོགས་ཙམ་མ་རེད། ཀྲུའུ་ལྦེ་ཆོན་ཀྱི་སྐད་ཆ་འདིའི་བསྟན་དོན་ནི། རང་གཞུང་ལ་དབུ་མའི་ལམ་གྱི་དམིགས་བྱ་རང་སྲིད་རང་སྐྱོངས་ཚད་ལྡན་ཞིག་ནམ་ཡང་ཐོབ་རེ་མེད་པའི་བརྡ་ལན་གཏོང་ཀྱིན་པ་རེད། དེ་ལས་ཀྱང་ད་ལྟའི་བོད་ནང་གི་དཔའ་བོ་དཔའ་མོ་དག་གིས་གུང་ཁྲན་སྲིད་གཞུང་གི་གཉའ་མནོན་དང་དབང་ཤུགས་འགོག་རྒོལ་བྱེད་ཆེད་རང་སྲོག་བློས་གཏོང་གི་མཛད་སྤྱོད་ལ་སྣང་ཆུང་། བསམ་བཞིན་དུ་བོད་མི་མང་ཛ་དྲགས་རང་བཞིན་གྱི་གནས་ལ་ཕུད་འདེད་གཏོང་ཀྱིན་ཡོད་པ་རེད།
ཁོས་བཤད་པའི་སྐད་ཆ་དེ་དག་ནི་རྒྱ་ནག་གི་རྩ་ཁྲིམས་ནང་གསལ་བའི་མི་རིགས་རང་སྐྱོང་ས་ཁུལ་གྱི་ཐོབ་ཐང་དང་ཁྲིམས་ལུགས་དང་ཡོངས་སུ་འགལ་བ་ཞིག་ཡིན་ལ་སྐད་ཆ་དེ་དག་ནི་དེ་སྔོན་ཧྥན་མིང་གི་བྱ་སྤྱོད་དང་མཚུངས་ཀྱི་ཡོད་པ་རེད། དེའི་མཇུག་འབྲས་ག་རེ་ཡོང་གི་ཡོད་པ་རྒྱ་ནག་གཞུང་ལ་ལོ་རྒྱུས་ཀྱིས་བརྡ་ལན་སྤྲད་ཡོད་པ་རེད། དེར་བརྟེན་ཁོ་པའི་སྐད་ཆར་ཚད་ཐུབ་རང་བཞིན་གྱི་ནུས་པ་མེད་པ་རེད། འོན་ཀྱང་ཁོ་པའི་རྩོམ་ཡིག་དེའི་དམིགས་ཡུལ་ངོ་མ་ནི་རྒྱ་སྤ྄ི་དང་རྒྱ་ནག་མི་མང་གི་ཚུར་སྣང་གི་ལན་ཆ་ག་རེ་ཡོང་མིན་ཚོད་ལྟ་བྱེད་པ་ཞིག་ཡིན་སྲིད།
ཀྲུའི་ཝེ་ཆོན། ཁྱོད་ཀྱི་ལུས་ངག་ཡིད་གསུམ་བ་སྤུའི་ཁུང་བུ་དང་བཅས་པར་དམར་ཕྱོགས་ཚོགས་པའི་བྱིན་བརླབས་ཡོད་པས་རྒྱ་བོད་མཛའ་འབྲེལ་བར་ལ་གཏོར་བཤིགས་གཏོང་མཁན་ཞིག་ཡིན་པར་ངོས་འཛིན་ཡོད། གལ་ཏེ་གྲངས་ཉུང་མི་རིགས་འདི་ལུག་ཁྱུ་ཞིག་ཡིན་ན། ཁྱོད་ཉིད་ལུག་ཁྱུ་དེའི་རྗེས་སྙེག་པའི་ཟ་འདོད་ཀྱི་འགྲམ་ཆུ་ལང་བའི་སྤྱང་ཀི་ཞིག་རེད། ཀ་བུམ་གཉིས་གཅིག་འགྱུར་བྱེད་པར་ཅི་ཙམ་འབད་རུང་ཁྱོད་རང་གི་གླེན་རྟགས་ཨུ་ཚུགས་རང་རེད། 你休息多一点。照顾自己。哈哈。：）