དེ་རིང་སྐབས་བཅོ་ལྔ་བའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གསུམ་པ་དབུ་འཛུགས་གནང་སོང་ལ། ཚོགས་གཙོའི་དབུ་འབྱེད་གཏམ་བཤད་ནང་། ནམ་རྒྱུན་སྤྱི་ཟླ་གསུམ་པའི་གྲོས་ཚོགས་དེ་སྔོན་རྩིས་སྐོར་ཡིན་ཡང་། ཐེངས་འདིར་བོད་ནང་གི་ཛ་དྲག་ཐོག་བགྲོ་གླེང་གནང་སྐབས་སྤྱི་འཐུས་དང་བཀའ་བློན་ཚོས་དོ་སྣང་སྤྲོད་དགོས་པའི་རེ་སྐུལ་བཅས་གནང་སོང་།
དེ་རིང་ཕྱི་ཚེས་ ༡༤ ཉིན་གྱི་ཞོགས་པའི་ཆུ་ཚོད་ ༩།༣༠ སྟེང་སྐབས་བཅོ་ལྔ་བའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གསུམ་པ་གངས་སྐྱིད་སྤྱི་འཐུས་ཚོངས་ཁང་དུ་དབུ་འཛུགས་གནང་སོང་ལ། མཛད་སྒོའི་ཐོག་བོད་མི་མང་སྤྱི་འཐུས་ཚོགས་གཙོ་གཞོན་གཉིས་གཙོས་པའི་སྤྱི་འཐུས་རྣམ་པ་དང་། བཀའ་བློན་ཁྲི་པ་དབུས་པའི་བཀའ་བློན་རྣམ་པ། དེ་བཞིན་ཟུར་ཉན་དུ་ཕེབས་མཁན་ལྷན་ཁང་ཁག་གི་དྲུང་ཆེ་རྣམ་པ་དང་། སློབ་གྲྭ་ཁག་ཅིག་གི་སློབ་ཕྲུག་བཅས་ཕེབས་འདུག ཐེངས་འདིའི་གྲོས་ཚོགས་ཀྱི་ལས་དོན་གཙོ་བོ་ཕྱི་ལོ་ ༢༠༡༢ ནས་ ༢༠༡༣ བར་གྱི་དབུས་བོད་མིའི་སྒྲིག་འཛུགས་ལྷན་ཁང་མ་ལག་དང་བཅས་པའི་སྔོན་རྩིས་གཏན་འབེབས་དེ་ཡིན་ཞིང་། དེ་རིང་ཉིན་ཧྲིལ་བོར་བོད་ནང་གི་ཛ་དྲག་གནས་སྟངས་ཐོག་བགྲོ་གླེང་དང་གྲོས་ཆོད་གཏན་འབེབས་གནང་རྒྱུ་ཡིན་འདུག ཚོགས་གཙོ་མཆོག་གིས་ཚོགས་འདུ་དབུ་འཛུགས་ཀྱི་གསལ་བསྒྲགས་དང་ཚང་མ་སྐུ་བཞེངས་ཐོག་བོད་རྒྱལ་ཁབ་ཆེན་མོའི་རྒྱལ་གླུ་གྱེར་འདོན་གནང་རྗེས། སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་ཚོགས་འདུ་དབུ་འཛུགས་གཏམ་བཤད་གནང་སོང་།
ཚོགས་གཙོ་མཆོག་གིས་དུས་རྒྱུན་ཕྱི་ཟླ་ ༣ པའི་གྲོས་ཚོགས་དེ་དབུས་བོད་མིའི་སྒྲིག་འཛུགས་ལྷན་ཁང་མ་ལག་དང་བཅས་པའི་སྔོན་རྩིས་གཏན་འབེབས་དང་། བཀའ་ཤག་གི་ལས་འཆར་མཁྱེན་རྟོགས་དང་སྟངས་འཛིན་གྱི་གལ་ཆེའི་ལས་རིམ་ཞིག་ཡིན་པ་དང་། དེ་བཞིན། སྤྱི་འཐུས་རྣམ་པས་ཐེངས་འདིའི་སྔོན་རྩིས་བརྒྱུད་དེ་ས་གནས་ཁག་ཏུ་ལས་གཞི་གང་ཡོད་མཁྱེན་རྟོགས་ཐུབ་ཅིང་། མ་འོངས་པར་ཕྱོགས་སྐྱོད་སྐབས་ས་གནས་འཐུས་ཚོགས་ཡོད་ས་ཁག་ཏུ་སྟངས་འཛིན ཚད་ལྡན་ཡོང་ཐུབ་པའི་ལས་རིམ་ཞིག་ཡིན་ཡང་། དེང་སྐབས་བོད་ནང་རང་ལུས་མེར་བསྲེགས་དང་། རྒྱ་དམག་གིས་མེ་མདའ་བརྒྱབ་སྟེ་བོད་མི་དམར་གསོད་སོགས་ཧ་ཅང་ཛ་དྲག་གི་དུས་ཚོད་ཅིག་ཆགས་ཡོད་སྟབས། ད་རེབ་གྲོས་ཚོགས་ཀྱི་ལས་རིམ་དང་པོར་བོད་ནང་གི་གནས་སྟངས་ཐོག་ཉིན་གཅིག་རིང་བགྲོ་གླེང་བྱ་རྒྱུ་ཡིན་པ་དང་། དེ་ལ་གྲོས་ཚོགས་འཐུས་མི་རྣམ་པ་དང་། བཀའ་བློན་རྣམ་པས་རིག་པ་བསྒྲིམས་ཏེ་ཆ་ཤས་ལེན་རྒྱུ་གལ་ཆེན་པོ་ཡིན་ལུགས་སོགས་གསུངས་སོང་།
ཚོགས་གཙོ་མཆོག་གིས་གསུངས་དོན། “ ༢༠༠༩ ལོའི་གྲྭ་བཀྲ་བྷེ་ནས་བརྩིས་ཏེ་འདས་པའི་ལོ་གཅིག་རིང་བོད་མི་ ༢༧ གྱིས་རང་ལུས་བཞུགས་འབུལ་བྱས་ཡོད་པ་དང་། དེའི་ཁྲོད་ཀྱི་ཐ་མ་དེ་གསུམ་བཅུའི་དུས་དྲན་ཉིན་རྔ་པ་ཀིརྟི་དགོན་པའི་གྲྭ་དགེ་པེ་ལགས་ཀྱིས་རང་ལུས་བཞུགས་འབུལ་བྱས་ཏེ་འདས་གྲོངས་སུ་ཕྱིན་པའི་གནས་ཚུལ་ཐོན་ཡོད། རྒྱ་ནག་གིས་གང་བྱུང་མེ་མདའ་བརྒྱབ་ཏེ་དམར་གསོད་ཀྱི་གནས་ཚུལ་ཐོན་ཡོད་སྟབས། བོད་ནང་ཛ་དྲག་གི་གནས་ཚུལ་འགྲོ་བཞིན་པའི་ཐད་ནས། ད་རེས་གྲོས་ཚོགས་ཀྱི་ཉིན་དང་པོ་བོད་ནང་གི་ཛ་དྲག་གི་གནས་ཚུལ་གྱི་སྐོར་ལ་བགྲོ་གླེང་ཙམ་དུ་མ་ཟད། དཔང་རྟགས་ནག་པོ་བཏགས་ཏེ་བོད་ནང་བོད་མི་ཚོས་དཀའ་སྡུག་མྱོང་བཞིན་པ་དེར་སྐྱིད་སྡུག་མཉམ་མྱོང་དང་། རྒྱལ་སྤྱིའི་སྤྱི་ཚོགས་ལ་རེ་སྐུལ་ཆེད་(Save Tibet)༼ བོད་སྐྱོབ་རོགས ༽ཅེས་པའི་དཔང་རྟགས་བཏགས་ཡོད། གྲོས་ཚོགས་འདི་བརྒྱུད་དེ་རྒྱལ་སྤྱིའི་སྤྱི་ཚོགས་དང་བོད་གཞིས་བྱེས་གཉིས་ཀྱི་བོད་མི་ཚོར་རྣམ་འགྱུར་ཤུགས་ཆེན་པོ་ཞིག་སྟོན་ཆེད་གྲོས་ཚོགས་ཀྱི་དུས་སྐབས་སུ་ཚང་མས་བཏགས་ཡོད། ” ཅེས་གསུངས་བྱུང་།
ཡང་ཚོགས་གཙོ་མཆོག་གིས་ཐེངས་འདིའི་ལས་རིམ་གྱི་ཐད་ནས། “ ད་རེས་སྤྱི་འཐུས་རྣམ་པས་རིག་པ་བསྒྲིམ་དགོས་ས་གཙོ་བོ་སྔོན་རྩིས་ཆགས་ཡོད། སྔོན་རྩིས་ཐོག་ང་ཚོས་དུས་ཚོད་གང་འཚམ་གཏོང་དགོས་པ་མ་ཟད། ཁྲིམས་བཟོའི་ལས་དོན་ཐོག་ནས་ཀྱང་གནད་དོན་གལ་ཆེན་གྱི་རིགས་ཁག་ཅིག་གྲོས་ཚོགས་ཕྱི་ནང་གཉིས་ཀྱི་གནད་དོན་འོག་ཡོང་སྲིད་པ་རེད། སེམས་ཚོར་དང་འདྲེས་པའི་གནད་དོན་རིགས་ཡོད་པ་ཡིན་ན། གྲོས་ཚོགས་ནང་བགྲོ་གླེང་བྱེད་སྐབས། ང་ཚོ་དམངས་གཙོའི་ཐོག་ཤར་སྐྱོད་བྱེད་ཀྱི་ཡོད་པ་རེད། གྲོས་ཚོགས་ཀྱི་ཆེ་མཐོང་བཞག་པའི་ཐོག་གྲོས་ཚོགས་ནང་བཀའ་མོལ་གནང་རྒྱུ་དང་། དགོངས་པ་བཞེས་ཕྱོགས་དེ་ཚོ་གལ་ཆེན་པོ་རེད། ཁྲིམས་བཟོའི་ལས་དོན་དང་འབྲེལ་བའི་ཐོག་ནས་ཚོགས་ཆུང་གི་སྙན་ཐོ་ཡོང་གི་ཡོད་པ་རེད། ད་རེབ་དུས་ཚོད་བྱུང་ན། སང་ཉིན་ཁྲིམས་བཟོའི་ལས་དོན་ཐོག་བཞུགས་མོལ་ཚོགས་འདུ་བསྐང་རྒྱུ་དང་། ད་ལྟ་བོད་ནང་འགྲོ་བཞིན་པའི་ཛ་དྲག་གནས་སྟངས་ཐོག སྤྱི་འཐུས་དང་བཀའ་ཤག་ཟུར་དུ་ཚོགས་ཟིན་པ་འམ། ཡང་ན། བཀའ་ཤག་ལྷན་རྒྱས་ཟུར་དུ་ཚོགས་ནས་ལས་རིམ་བང་བསྒྲིགས་ཟིན་པ་དང་། བསྒྲིག་འཆར་ཡོད་པའི་ཐོག་ཕྱོགས་མཐའ་ཁག་ནས་ཕེབས་པའི་སྤྱི་འཐུས་རྣམ་པར་གོ་སྐབས་བསྐྲུན་ཆེད་བཞུགས་མོལ་ཚོགས་འདུ་ཚོགས་རྒྱུའི་འབད་བརྩོན་གནང་གི་ཡིན། ”ཞེས་གསུངས་བྱུང་བ་མ་ཟད། ཐེངས་འདིའི་གྲོས་ཚོགས་སྟེང་སྤྱི་འཐུས་ཚང་མས་མི་མང་གི་རེ་བ་བཅོལ་བ་ལྟར། བཟང་སྤྱོད་དང་ལྡན་པའི་ཐོག་དགོངས་ཚུལ་གསུང་རྒྱུ་དང་། དམངས་གཙོའི་འགྲོ་ལུགས་ལྟར་བསྒྲུབ་རྒྱུ། ལས་རིམ་ཚར་བའི་རྗེས་སུའང་གྲོས་ཚོགས་ཀྱི་བཀའ་མོལ་དང་ལམ་སྟོན་ལྟར་ལག་ལེན་བསྟར་དགོས་པའི་འབོད་སྐུལ་སོགས་གནང་སོང་།
ཚོགས་གཙོ་མཆོག་གིས་སྤྱི་འཐུད་པདྨ་འབྱུང་གནས་དང་སྤྱི་འཐུས་ཀིརྟི་སྒྲོལ་དཀར་ལྷ་མོ། སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན་བཅས་མི་གསུམ་ཚོགས་གཙོའི་ལས་ཚབ་དང་། སྤྱི་འཐུས་ཀརྨ་ཡེ་ཤེས་དང་སྤྱི་འཐུས་ཡེ་ཤེས་སྒྲོལ་མ། སྤྱི་འཐུས་བསྟན་པ་ཡར་འཕེལ། སྤྱི་འཐུས་དབྱངས་ཅན་སྒྲོལ་དཀར། སྤྱི་འཐུས་མཁན་པོ་ནོར་བུ་ཚེ་རིང་བཅས་བསྐོ་བཞག ༢༠༠༩ ལོའི་ཕྱི་ཟླ་ ༢ པའི་ཚེས་ ༢༦ ཉིན་དགེ་འདུན་པ་བཀྲ་བྷེ་ལགས་ཀྱིས་རང་ལུས་མེར་བསྲེགས་བཏང་སྟེ་དས་གྲོངས་སུ་ཕྱིན་པ་གཙོས་པའི་རང་ལུས་མེར་བསྲེགས་གཏོང་མཁན་རྣམས་དང་གར་ཡོད་ཤེས་ཀྱི་མེད་པ་རྣམས། དེ་བཞིན། རྒྱ་གཞུང་གིས་བྲག་མགོ་དང་གསེར་རྟ། འཛམ་ཐང་སོགས་བོད་མི་དམར་གསོད་བཏང་བ་ཁག་བཅས་ལ་གཞུང་འབྲེལ་མྱ་ངན་གུས་འདུད་ཀྱི་གྲོས་ཆོད་སོགས་བཞག་སོང་།
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཇོ་ནང་པའི་འབོད་བསྐུལ་གཟུར་གནས་དགྱེས་པའི་བདེན་གཏམ།
དེ་ཡང་འཕགས་མཆོག་སྤྱན་རིས་གཟིགས་ཀྱི་གདུལ་ཞིང་མཉམ་མེད་བུ་རམ་ཤིང་བ་གང་ཉིད་མངོན་པར་འཚང་རྒྱ་བའི་གནས་འཕགས་ཡུལ་རྡོ་རྗེ་གདན་གྱི་བྱང་ཕྱོགས། བསིལ་ལྡན་གངས་ཅན་ལྗོངས་འདིར་རྒྱལ་བའི་བསྟན་པ་རིན་པོ་ཆེ་དར་ནས་ལོ་སྟོང་ཕྲག་དག་འགྲོ་བཞིན་ཡོད་པའི་དུས་རབས་ཉེར་གཅིག་པ་འདིར་འཛམ་གླིང་གོ་ལ་ཧྲིལ་བོར་གནས་པའི་རྒྱལ་ཁབ་རྣམས་ཆབ་དཔལ་རིག་གསུམ་ཡར་རྒྱས་་གོང་འཕེལ་འགྲོ་བཞིན་པའི་སྐབས་འདིར་ང་ཚོ་གངས་ཅན་པ་དག་གིས་ཀྱང་རྒྱལ་ཁབ་ཕན་ཚུན་དང་ཆོལ་གསུམ་ནང་ཕན་ཚུན་ལ་མཐུན་སྒྲིལ། རྒྱབ་སྐྱོར། གུས་བསྐུར། ཉམས་མྱོང་། ཞི་བདེའི་ཐབས་ལམ་ཟབ་མོ་སོགས་ལ་བརྟེན་ནས་ཐུན་མོང་མ་ཡིན་པའི་བོད་བརྒྱུད་ནང་བསྟན་ཆོས་ལུགས། སངས་རྒྱས་ཐུགས་རྗེ་ཅན་ནས་བརྒྱུད་པའི་སྒྲུབ་བརྒྱུད་ཤིང་རྟ་བརྒྱད་ཀྱི་ཟབ་མོའི་ཉིང་བཅུད་ཀྱི་ཆོས་བརྒྱུད་འདི་རྣམས་དང་མེས་པོ་གོང་མ་དག་གི་ཤུལ་བཞག་་བཅུ་ཕྲག་རིག་གནས་དང་སྲོལ་རྒྱུན་བཟང་པོ། དེངས་སྐབས་བོད་ལ་དར་ཡོད་པའི་དམངས་གཙོ་འོས་ལྟར་གྱི་བཀའ་བློན་འདེམས་ཚུལ་སོགས་དམངས་གཙོ་གཙང་མ་སོགས་ཡར་རྒྱས་དང་གོང་འཕེལ་འགྲོ་ཐབས་ལ་འབད་དགོས་པ་ང་ཚོའི་འོས་འགན་ཡིན་པས་དེ་ལུགས་ལྟར་གང་ནུས་ཅི་ལྕོགས་ཀྱི་འབད་དགོས། བཙན་བྱོལ་བོད་གཞུང་དུ་ཆོས་བརྒྱུད་ཆེན་མོ་བཞི་དང་གཡུང་དྲུང་བོན་དང་ལྔ་ཞེས་འབོད་ཀྱིན་འདུག དེ་ནི་ང་ཚོ་ཇོ་ནང་པ་ལ་མཚོན་ན་ཆོས་བརྒྱུད་གྲས་སུ་མ་བཞག་པ་ནི་བོད་ཀྱིས་གྲས་སུ་མ་བཞག་པ་དང་གཉིས་སུ་མ་མཆིས། ང་ཚོ་ཆོས་བརྒྱུད་གྲས་སུ་མི་འཇོག་པའི་རྒྱུ་མཚན་དང་གྲས་སུ་ཚུད་མི་ཐུབ་པའི་ཆ་རྐྱེན་གང་ཡང་མེད་པར་ང་ཚོ་ལ་མཐོང་ཆུང་དང་དམའ་འབེབས་བྱས་ནས་མི་བཞག་པ་ཡིན་སྲིད། ཇོ་ནང་གཞི་ཕྱིས་ཡོངས་ནས་འབོད་བསྐུལ་དང་ཞུ་བ་གང་མང་ཕུལ་ཀྱང་རེ་འབྲས་མ་སྨིན་པས་ང་ཚོ་ལ་ཡིད་ཕམ་དང་སེམས་ཁུར་ཆེས་ཆེན་པོ་ཡོད། བོད་གཞུང་ནས་རྒྱ་ནག་ལ་བོད་ལ་རང་དབང་དང་དམངས་གཙོ་མེད་པས་ང་ཚོ་ལ་རང་དབང་དགོས་ཟེར་བཞིན་ཡོད་པ་རེད། དེ་དང་གཅིག་པ་གཅིག་རྐྱང་རེད་ང་ཚོ་ཇོ་ནང་པ་ལ་ཆོས་བརྒྱུད་རང་དབང་ཆོས་བརྒྱུད་གཞན་ལ་གང་ཡོད་ཚང་མ་དེ་ང་ཚོ་ལ་དགོས་པ་རེད། ང་ཚོ་ཇོ་ནང་པ་ལ་མཚོན་ན་སྤྱིར་བོད་ལ་རང་དབང་མེད་པའི་སྤྱིའི་སྡུག་བསྔལ་དང་སྒོས་བཙན་བྱོལ་བོད་ཀྱི་ཆོས་བརྒྱུད་གྲས་སུ་མ་བཞགས་པའི་སྒོས་ཀྱི་སྡུག་་བསྔལ་ཡོད་པ་རེད། དེའི་ཕྱིར་འབོད་བསྐུལ་ཞུས་པ་ཡིན།
བོད་ཡུལ་འདི་ནས་ཆོས་བརྒྱུད་ཚང་མ་འདྲ་མཉམ་དང་རིས་སུ་མི་གཅོད་པའི་བོད་ཆོལ་ཁ་གསུམ་དང་གྲུབ་མཐའ་ཕན་ཚུན་ལ་ཕྲག་དོག་དང་སྡང་སེམས་མེད་པར་མཐུན་སྒྲིལ་ཟབ་མོ་ཡོད།
ང་ཚོ་གཞི་ཕྱིའི་ཡོངས་ནས་བོད་གཞུང་ལ་རེ་ཞུ་ཐེངས་མང་པོ་ཕུལ་ཀྱང་རེ་འབྲས་མ་སྨིན་པས་ང་ཚོའི་ད་ནི་ཐབས་ཟད་འུ་ཐུག་པ་ཡིན་པས་བྱ་བ་འགའ་རེ་དྲན་འཆར་ཡོད། འོན་ཀྱང་དེ་འདྲ་མ་དགོས་ན་ང་ཚོ་ཇོ་ནང་པའི་མི་ཚད་བོད་ཡོངས་ཀྱི་ནང་ལ་ཆོལ་ཁ་དང་ཆོས་བརྒྱུད་བར་སོགས་ཕྱོགས་མང་པོ་ལ་ཕན་ཐོགས་ཆེན་པོ་ཡོད། མདོར་ན་སྤྱི་ལོ་༢༠༡༢ ལོར་ད་ལོ་ངེས་པར་དུ་འཇོག་དགོས་པས་ད་ལན་ཡང་རེ་ཞུ་བྱས་པ་ཡིན་པས་དགོས་མེད་ཀྱི་འཆལ་གཏམ་མི་བཤད་པར་ཆོས་བརྒྱུད་གྲས་སུ་བཞག་ནས་ཆོས་བརྒྱུད་ཆེན་པོ་ལྔ་གཡུང་དྲུང་བོན་དང་དྲུག་བཅས་གྲས་སུ་བཞག་པར་སོར་བཅུའི་ཐལ་མོ་སྙིང་གར་སྦྱར་ནས་བཀའ་ཁྲི་བློ་བཟང་སངགེ་གཙོས་དབུས་བོད་མའི་སྒྲིག་འཛུགས་ཆོས་རིག་ལས་ཁུངས་བཅས་ལ་ཇོ་ནང་པའི་བོད་གཞི་ཕྱིས་ཡོངས་ཀྱི་ཚབས་བྱས་ནས་གསོལ་བ་ལན་བརྒྱ་འདེབས་སོ།། ད་ལོ་ཆོས་བརྒྱུད་ཐོབ་ཐང་མ་སྤྲད་ན་ང་ཚོའི་ཡང་གང་ཐུབ་ཀྱིས་ངྷ་སར་སོགས་སུ་མཛད་སྒོ་འདྲ་མིན་དང་གསལ་བསྒྲགས། ཟས་བཅད། མེ་མཆོད་མི་ཕུལ་བའི་འང་ངེས་པ་མེད་པས་ཐུགས་ལ་འཛིན་པར་ཞུ་ཞུ། གཏམ་དཔེ་ཞིག་ལ། བརྙས་ན་ནང་དང་ཆད་ན་ཐུར་ཞེས་པ་ལྟར་ཤ་དང་ཁྲག་རྒྱུད་གཅིག་པའི་བོད་ཕུ་ནུའི་བརྙས་ན་དེ་ལ་ན་ཟུག་སྲན་མི་བཟོད་པ་སྐྱེ་སྲིད་པས་དེ་འདྲ་མི་བྱེད་པར་བཀའ་དྲིན་ཡང་ཡང་ཞུ།
གླིང་གྲོལ་གྱིས་འབོད་སྐུལ་ཞུས་པ་ཡིན།
སྐབས་བཅོ་ལྔ་བའི་བོད་མི་མང་སྤྱི་འཐུས་རྣམ་པའི་བཀའ་མོད་གསུང་སྟངས་ངོ་མ་བཟང་། འདང་དགུང་ཆུ་ཚོད་༡༠་བར་དུས་ཚོད་འཕར་མའི་ཐོག་འཚོགས་བཞིན་འདུག་པས་ངོ་མ་ང་ཚོ་བརྙན་འཕྲིན་དུ་ལྟ་མཁན་ཚོར་དམིགས་བསལ་བྲོ་བ་འདུག
འོག་ན་གྲྭ་རྒོད་ཟེར་བའི་སེར་བྱེས་བྱ་བྲལ་ཁང་ཚན་གྱི་བླ་རྒན་བཀོར་གཟན་དེས་ཁ་རྒྱག་པ་འདྲ་བཤད་ཀྱིན་འདུག
བཀོར་ཟས་ནས་མ་བསྡད་པར་ཐོག་མར་རང་ཉིད་ལངས་ན་འགྲིག་གི་ཡོད་རེད། གྲྭ་རྒན་འདི་འདྲའི་རིགས་རྒྱག་སོང་ན་དྲ་འབུ་བྱེད་རྒྱུ་ལས་གང་ཡང་འབྱོན་གྱི་མ་རེད།
ཚོགས་དུས་འདིར་མི་མང་གི་སྐུ་ཚབ་རྣམ་པ་ཚོ་ནས་ང་ཚོ་མིག་མདུན་ནས་བསྐྱོད་བཞིན་པའི་དཔའ་བོ་དཔའ་མོ་ཚོའི་དགོས་མདུན་ལ་དགོངས་པ་ཟབ་བཞེས་ཀྱིས་བཀའ་སྤྱི་གཉིས་ཀྱིས་དབུ་འཁྲིད་འོག་ལས་འགུལ་གཞི་རྒྱ་ཆེ་བ་ཞིག་སྤེལ་རྒྱུའི་འཆར་གཞི་གཏིང་ནས་མི་མང་ཀྱི་སྣེ་འཁྲིད་བྱ་རྒྱུའི་རེ་བ་སྙིང་ནས་བཅངས་ཤིང་ཡོད་ལའང་། ང་ཚོ་གཞུང་མང་གཉིས་ཀྱི་ནུས་མཉམ་དུ་སྤུངས་པ་ཡིན་ན་གྲུབ་འབྲས་ཞིག་ཐོན་རྒྱུ་ལེགས་ཡོད།
ང་ཚོའི་སྤྱི་ལྷན་དེ། འཚོགས་པ་གཟི་བརྗིད་ཆེ་ཞིང་བགྲོས་པ་དོན་སྙིང་ལྡན་པ། གྲོལ་བ་འཛུམས་མདངས་རྒྱས་པ་ཞིག་ཡོང་བར་བདག་ལ་ཡིད་ཆེས་ཡོད་དོ།།
སྨོན་ནོ། རྩོམ་སྒྲིག་པར། སྤྱི་འཐུས་ཀརྨ་ཡེ་ཤེས་སོངས་༤ བོ་ག་རེ་ལ་བསྐོས་སམ།
བོད་ཁ་བ་ཅན་ལ་རེ་བ་བཟང་། །
སྤྱིར་༸གོང་ས་མཆོག་ལ་བརྟེན་ས་བཟང་ ། །
མདུན་བདེ་སྲུང་དངོས་གྲུབ་སྐུ་སྲུང་བཟང་། །
དེར་རྒྱ་རི་སྒྲོལ་མའི་རྒྱབ་རི་བཟང་། །
ཁོང་སྐུ་སྒེར་ཡིག་ཚང་སྐུ་བྱར་བཟང་། །
དྲུང་རྔ་བ་ཚེ་རྒྱམ་རྒྱུ་བ་བཟང་། །
ཕྱི་བཙན་བྱོལ་བོད་མིའི་བྱ་སྤྱོད་བཟང་། །
མགོ་བཀའ་ཁྲི་མཆོག་གིས་བཀའ་བཀོད་བཟང་། །
བར་བཀའ་བློན་རྣམ་པའི་བཀའ་གྲོས་བཟང་། །
དཔོན་སྤེན་པ་ཚེ་རིང་སེམས་པ་བཟང་། །
གྲོགས་སྤྱི་འཐུས་རྣམ་པའི་སྤྱི་སེམས་བཟང་། །
སྒེར་ཚོགས་པ་ཁག་གི་མཛད་པ་བཟང་། །
ནང་གཞིས་ལུས་སྤུན་ཟླའི་བྱ་ལས་བཟང་། །
ཆེ་རྒན་རབས་ཟུར་བ་ཡ་རབ་ཡིན ། །
གཞོན་མི་རབས་གསར་བ་བུ་རབ་ཡིན ། །
སྤྱིར་ཆོལ་ཁ་གསུམ་པོ་ཆ་མཉམ་ཡིན ། །
དགོས་ཨ་མདོ་རྔ་བ་ངར་བ་ཡིན ། །
ཛ་དྲག་གི་གནས་བབ་འདི་བཀུར་འོས་སྤྱི་མཐུས་རྣམས་པས་སྔར་ལས་ལྷག་པའི་ཐབ་བྱུས་དང་གྲོས་མོལ་དཔྱོད་གཞིགས་སོགས་ཡོང་བའི་རེ་སྨོན་ཆེར་ཆེར་ཡོད།
ཚོགས་འདི་ལེགས་འགྲུབ་ཡོང་བར་ཞུ་རྒྱུ་དང་ཆབས་གཅིག་ཞུ་འབྲས། ད་ལྟའི་བོད་ནང་གི་གནས་སྟེང་དང་ཨ་རིར་ཡོད་པའི་ཟས་བཅད་ངོ་རྒོལ་བ་རྣམས་པའི་ལས་འགུལ་ལ་རྒྱབ་སྐྱོར་གྱི་ཐད་དུ་གྲོས་ཆོད་ཡག་པོ་ཞིག་འཇོག་རྒྱུ་མཁྱེན་མཁྱེན། བཙན་བྱོལ་བོད་མི་སྡེབ་ལང་གི་ལས་འགལ་དམིགས་བསལ་བ་ཞིག་གི་སྣེ་འཁྲིད་རོགས།
བཀུར་འོས་དཔལ་ལྡན་སྤྱི་འཐུས་ཚོགས་གཙོ་གཞོན་དབུས་བོད་གཞིས་བྱེས་མི་མང་གི་ངོ་ཚབ་རྣམ་པས ། ཁ་ཚ་དགོས་གཏུག་གི་གནད་དུ་ཁེལ་བའི་གྲོས་ཆོད་རབ་དང་རིམ་པ་འཇོག་ཐུབ་པའི་ཡིད་ཆེས་དང་སྨོན་ལམ་ཡོད ། དགོངས་དོན་ལྷུན་གྱིས་གྲུབ་པར་ཤོག
ཚོགས་གཙོ་མཆོག་གི་བཀའ་བཞིན་འཐུས་མི་ཡོངས་ཀྱིས་ཕྱག་ལེན་དུ་བསྟར་རྒྱུ་གལ་ཆེ།
དཔེར་ན། ཚོགས་གཙོས་ལྷ་ཁང་གལ་ཆེན་ཞིག་བཞེངས་ནའང་འཐུས་མི་ཚོ་མཇལ་དུ་མ་སླེབས་ཚེ་དཀོར་གཉེར་ལ་ཡོང་སྒོ་ཆུང་བ་ནང་བཞིན་རེད།
བོད་མི་མང་གི་སྐུ་ཚབ་རྣམ་པ་བོད་ནང་ལ་གཟིགས་དང་སྐྱིད་ཉལ་བྱེད་རན་ཞིག་གཏན་ནས་མིན་པའི་བཙན་བྱོལ་ན་ཡོད་པའི་བོད་པ་ཚོ་འདི་ལ་གཟིགས་དང་ཁྲབ་སྟོན་མིན་པས་དོན་དངོས་ཀྱི་དགའ་བོ་འདི་ཚོ་ལ་གཟིགས་རོགས། ཡར་ལོངས་ཤོག་ནུས་པ་གཅིག་ཏུ་སྒྲིལ་རོགས་བོད་པ་མཉམ་དུ་ལོངས་ཤོག་བོད་པ་ཡོངས་སུ་རྫོགས་པ་ས་གནས་གང་དུ་ཡོད་ན་མཉམ་དུ་དུས་གཅིག་ལ་ལོངས་ཤོག ཕྱི་སྡོད་ཚོགས་ལ་མང་ཆེ་བ་དཔལ་འབྱོར་གྱི་དཀའ་ངལ་ཡོད་ཀྱང་དེ་རྗེས་སུ་བསྒྲུབ་ཆོག་བོད་ནང་གི་དགའ་རྒོད་ཚོའི་རྗེས་སུ་ཞབས་འདྲེན་མ་ཞུ་རོགས། བོད་པ་ཚོ་ད་མ་བཞུགས་རོགས་སྤྱི་སྒེར་གཉིས་ཀ་མ་བཞུགས་རོགས། ཚོར་བ་ཡོད་མཁན་ཞིག་བྱ་རོགས།
བོད་པ་ཚོ་མཉམ་དུ་ལོངས་ཤོག་མྱུར་ཏུ་ལོངས་ཤོག
སྐབས་འདིའི་ཚོགས་འདུ་ཧ་ཅང་གནད་འགག་ཅན་ཞིག་ལ་ངོས་འཛིན་ཞུ་བཞིནཡོད། བརྗིད་ལྡན་པའི་ངང་ལེགས་འགྲུབ་ཡོང་བར་སྨོན།