གཟའ་ཕུར་བའི་ཉིན་ཨ་རིའི་རྒྱལ་སྲིད་དྲུང་ཆེ་ལས་རོགས་ལྕམ་ཝེན་ཌེ་ལགས་ཀྱིས། བལ་ཡུལ་སྲིད་བློན་བྷ་བྷོ་རཱམ་ལགས་ཀྱིས་བོད་མི་སྐྱབས་བཅོལ་བའི་དཀའ་ངལ་སེལ་རྒྱུའི་ཁས་ལེན་བྱས་ཡོད་སྐོར་བརྗོད་འདུག
ཁ་སང་ཕྱི་ཚེས་ ༥ ཉིན། ཨ་རིའི་རྒྱལ་སྲིད་ལྷན་ཁང་གི་ཆབ་སྲིད་ལས་དོན་ཐད་ཀྱི་རྒྱལ་སྲིད་དྲུང་ཆེ་ལས་རོགས་ཝེན་ཌེ་ (Wendy Sherman) ལགས་ཀྱིས་གསར་ལམ་ཁག་ཏུ་གནས་ཚུལ་སྤེལ་ཏེ། ཉེ་སྔོན་ཁོ་མོས་བལ་ཡུལ་སྲིད་བློན་བྷ་བྷོ་རཱམ་ (Baburam Bhattarai) ལགས་སུ། ཨ་རི་གཞུང་གིས་བལ་ཡུལ་ནང་ཡོད་པའི་བོད་མི་སྐྱབས་བཅོལ་བ་དག་གི་གནས་སྟངས་ཐད་དོ་སྣང་ཐུགས་འཚབ་གནང་བཞིན་པའི་སྐོར་བརྗོད་ཡོད་པ་བསྒྲགས་འདུག
ཉེ་སྔོན་ལྕམ་ཝེན་ཌེ་ལགས་ཀྱིས་བལ་ཡུལ་སྲིད་བློན་བྷ་བྷོ་རམ་ལགས་སུ། བལ་ཡུལ་ནང་སྐྱབས་བཅོལ་དུ་ཕེབས་མཁན་བོད་ཚོར་བལ་ཡུལ་གཞུང་གིས་སྐྱབས་བཅོལ་ཡིག་ཆ་གང་ཡང་སྤྲོད་ཀྱི་མེད་སྟབས། བོད་མི་སྐྱབས་བཅོལ་བ་དེ་དག་ལ་བལ་ཡུལ་ནང་ཕྱོགས་བསྐྱོད་དང་སློབ་སྦྱོང་གི་གོ་སྐབས་རག་གི་མེད་པ་མ་ཟད། ཁོ་ཚོའི་བྱིས་པ་རྣམས་ཀྱང་བལ་ཡུལ་གཞུང་གི་སློབ་གྲྭ་ཁག་ནང་སློབ་སྦྱོང་གི་གོ་སྐབས་རག་གི་མེད་པ་སོགས་ཀྱི་དཀའ་ངལ་གནས་སྟངས་སྐོར་གླེང་ཡོད་འདུག
ལྕམ་ཝེན་ཌེ་ལགས་ཀྱིས་གསར་ལམ་ཁག་ཏུ་བརྗོད་པ་ལྟར་ན། བལ་ཡུལ་སྲིད་བློན་བྷ་བྷོ་རཱམ་ལགས་ཀྱིས་ཀྱང་སྐབས་དང་བསྟུན་ནས་བོད་མི་སྐྱབས་བཅོལ་བའི་དཀའ་ངལ་གནད་དོན་རྣམས་སེལ་རྒྱུ་ཡིན་པའི་ཁས་ལེན་བྱས་ཡོད་འདུག
བལ་ཡུལ་ནང་བོད་མི་སྐྱབས་བཅོལ་བ་ཆིག་ཁྲི་ལྷག་གནས་སྡོད་བྱས་ཡོད་པ་དང་། སྔོན་ཆད་བལ་ཡུལ་ནང་བཙན་བྱོལ་དུ་འབྱོར་བའི་བོད་མི་རྣམས་ལ་སྐྱབས་བཅོལ་ཡིག་ཆ་རག་གི་ཡོད་ཀྱང་། ཉེ་བའི་ལོ་འགའི་སྔོན་ནས་བཟུང་བོད་ནས་གསར་དུ་འབྱོར་བའི་བོད་མི་ཚོར་སྐྱབས་བཅོལ་ཡིག་ཆ་སྤྲོད་མཚམས་བཞག་ཡོད་པ་རེད།
གསར་འགོད་པ། ཚེ་རིང་རྒྱལ།
རྒྱུ་ཡོད་ན་བོད་པ་བཙོང་རྒྱུ་ཡིན།།
བཀའ་གནང་ན་རྒྱལ་ཁབ་ཅང་མེད་ཡིན།།
སེམས་བསམ་པའི་ཁེ་བཟང་གང་ན་ཡོད།།
དེར་ཤོག་དང་འུ་ཅག་འགྲིགས་མཐུན་ཡིན།།
ཨ་རིའི་སྔུན་གྱི་ཊ་རུ་མགོ།།
མགོ་སྒུར་ལུས་ཞུམ་ཤ་ལེ་ཡོད།།
རྒྱ་མའི་སྔུན་གྱི་རྒྱལ་ཚོང་བ།།
རྒྱུག་ཁྱི་སྐེ་ཐག་ཉིལ་ལེ་ཡོད།།
བལ་བོའི་བློན་པོ་ཤིང་བལ་འདྲ།།
ཨ་རྒྱ་རླུང་ནག་འཚུབ་མ་འདྲ།།
དེ་དོན་བོད་དམངས་ཁྲོད་ངག་རྩོམ་མམ་བཏགས་པ་ལས །
ཨ་རིའི་གདོང་རིས་མཐོང་བ་ན ། །
བལ་ཡུལ་བལ་གྱི་ལོག་ལ་ཡོད ། །
བློན་ཆེན་དྲི་ཆེན་ཤོར་ལ་ཡོད ། །
ཁས་ལེན་ལག་ལེན་བསྟར་ལ་ཡོད ། །
རྒྱ་ནག་ངམ་གནག་རིག་ཙ་ན ། །
སླར་ཡང་ཅི་ཡང་བྱེད་ཡང་སྲིད ། །
ལག་པ་རྡོག་པར་རེག་ཡང་སྲིད ། །
སྐྱག་པ་ཐོད་པར་བསྐུ་ཡང་སྲིད ། །
ཧཧཧཧཧཧཧཧཧཧཧཧཧ་་་་ཨ་རིའི་གདོང་རིས་མཐོང་དུས་རང་དབང་མེད་པར་སྐད་ཤོར་འདུག་ཀ་་་་་་་་་་ཡང་བསྐྱར་རྒྱ་ནག་གི་གདོང་རིས་མཐོང་དུས་དེ་ལུགས་ཀྱི་སྤྲེལ་ལད་ཅིག་འཁྲབ་གི་རེད་་་་་་