ཁ་སང་གཟའ་ལྷག་པའི་ཉིན་དངོས་གྲུབ་ཚེ་རིང་ལགས་ཀྱིས་ཤེས་རིག་དྲུང་ཆེའི་ལས་འཁུར་དམ་འབུལ་ཞུས་འདུག
ཁ་སང་ཕྱི་ཚེས་ ༥ ཉིན་དབུས་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ནང་། ཤེས་རིག་དྲུང་ཆེའི་གསར་པའི་ལས་འཁུར་དམ་འབུལ་གྱི་མཛད་སྒོ་སྟབས་བདེ་ཞིག་ཚོགས་ཡོད་ཅིང་། ཚོགས་འདུའི་དཔང་མིར་དྲུང་ཆེ་དངོས་གྲུབ་རྡོ་རྗེ་ལགས་བར་བཞུགས་ཐོག དྲུང་ཆེ་ཟུར་པ་གཡུ་ཐོག་ཀརྨ་དགེ་ལེགས་དང་དྲུང་ཆེ་གསར་པ་དངོས་གྲུབ་ཚེ་རིང་ལགས་རྣམ་གཉིས་ཀྱིས་ཕན་ཚུན་བར་གལ་ཆེའི་ཡིག་ཆ་ཁག་རྩིས་སྤྲོད་རྩིས་ལེན་གནང་རྗེས། དྲུང་ཆེ་དངོས་གྲུབ་ཚེ་རིང་ལགས་ཀྱིས་༸རྒྱལ་བའི་སྐུ་པར་མདུན་དུ། མཆོག་གསུམ་དཔང་འཛུགས་ཀྱིས་སྤྱི་པའི་ལས་དོན་ལ་འཐུས་ཤོར་མེད་པར་དྲང་བདེན་སྐྱོང་རྒྱུའི་དམ་བཅའ་བཞག་ཡོད་ལ། དེའི་རྗེས་ཤེས་རིག་ལས་ཁུངས་ཀྱི་ལས་བྱེད་ཚང་མས་ཁོང་ལ་འཚམས་འདྲིའི་མཇལ་དར་བསྒྲོན་ཡོད་པ་རེད།
འདི་ནི་དངོས་གྲུབ་ཚེ་རིང་ལགས་ཀྱིས་ཤེས་རིག་དྲུང་ཆེའི་ཐུགས་འགན་བཞེས་ཐེངས་གཉིས་པ་ཆགས་ཡོད་འདུག
གསར་འགོད་པ། དཔལ་ལྡན།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
ནམ་མཁའ་བསྟན་འཛིན་ལགས་ཀྱིས་གསུང་བ་དེ་ཉམས་མྱོང་གནད་ཆེན་ཞིག་ཡིན་པས་ངེས་པར་དུ་དེའི་སྐོར་སེམས་དགོས།
ངའི་བསམ་པར་དེའི་དཀའ་ངལ་སེལ་ཐབས་ཡག་ཤོས་ནི་ཐོག་མ་ནས་དབུ་ཅན་ཐོག་བོད་ཡིག་སློབ་རྒྱུ་དེ་རེད། འདི་ལ་དགེ་ཕན་མང་པོ་ཡོད་པ་བཤད་མི་དགོས་ཤིང་། ད་སྐབས་ཨ་མདོ་ཕྱོགས་ལ་ཆོལ་ཁ་གསུམ་ནང་ནས་བོད་ཡིག་གི་གནས་ཚད་མཐོ་ཤོས་ཡིན་པ་ཚང་མར་ཡོངས་གྲགས་ཡིན་ཞིང་། ཨ་མདོའི་ཡུལ་ན་དབུ་མེད་སློབ་སྲོལ་མེད་པར་ཐོག་མ་ནས་དབུ་ཅན་སློབ་པ་རེད། རང་རེའི་དབུས་ཕྱོགས་ལ་དར་བའི་དབུ་མེད་སློབ་པ་འདི་ལ་དགེ་མཚན་ལོས་ཡོད་ཀྱང་སྐྱོན་ཆ་ཆེན་པོ་ཡོད་པ་ད་ལན་འདིས་ནས་གཅིག་མངོན་གྱུར་བྱུང་བ་རེད། འདིའི་སྐོར་ལ་ཁོ་བོས་རྩོམ་ཉོག་ཅིག་ཀྱང་སྔོན་མ་ཞིག་ནས་སྤེལ་ཡོད། གཟིགས་འདོད་ན་དེར་གཟིགས་པར་ཞུ། http://www.njampel.blogspot.in/2010/06/blog-post.html
བཟང་གི་ཤེས་རིག་ལས་ཁུངས་སུ་བཅར་མཁན་ཞིག་ཡོད་དང་ནི་རེད་་་་དེ་མིན་ཤེས་རིག་ལས་ཁུངས་ཕྱོགས་ལ་ལོ་གཅིག་རིང་བཅར་མཁན་མེད་རབ་འདུག
མཁྱེན་དཔྱོད་ལྷག་བསམ་ལྡན་པའི་སྐུ་ཞབས་དངོས་གྲུབ་ཚེ་རིང་ལགས།
སྐུ་ཉིད་བསྐྱར་དུ་ཤེས་རིགས་དྲུང་ཆེར་ཕེབས་པར་འཚམས་འདྲིའི་བཀྲ་ཤིས་བདེ་ལེགས་ཞུ།
དྲུང་ཆེ་གསར་བ་ཁོང་གི་ཕྱག་ལས་མཐའ་དག་ལམ་ལྷོང་ཡོངས་བར་སྨོན། ཤེས་རིག་ལ་དྲུང་ཆེ་ཐོག་འདྲ་བ་སླེབས་ན་ཤེས་རིག་ནས་དཔར་སྐྲུན་གནང་བཞིན་པའི་ལོ་ཆུང་བྱིས་པའི་བོད་ཡིག་སློབ་དེབ་འདི་དག་ལ་ངེས་བར་དུ་འགྱུར་བ་ཞིག་གཏོང་དགོས་ཀྱི་འདུག ཅི་ཞིག་གི་ཞེན་ཆགས་ཡིན་པ་བཤད་མི་ཐུབ་ཀྱང་། སློབ་དེབ་ཚང་མ་དབུ་མེད་ནང་དཔར་རྗེས། ཕྱི་རྒྱལ་ནས་སྐྱེས་བ་དང་འཚར་བའི་བྱིས་བ་དུས་ཚོད་ངེས་མེད་ཀྱི་འཛིན་གྲ་མ་གཏོགས་བོད་ཡིག་སྦྱོང་བའི་གོ་སྐབས་མེད་པའི་བྱིས་པ་ཚོས་སློབ་དེབ་ཀྱག་ཀྱོག་རེ་སློབ་ཐུབ་ཙམ་ལ་སླེབ་སྐབས་བོད་ཡིག་གི་དེབ་གཞན་དག་དབུ་མེད་ནང་ཡོད་སྟབས་ཀློག་ཐུབ་ཀྱི་མི་འདུག དེར་བརྟེན་བྱིས་པ་མང་པོ་ཞིག་ལ་བོད་ཡིག་འདི་མགོ་ཉོག་ཞིག་ཡིན་པའི་ཚོར་བ་སླེབས་ཏེ་མུ་མཐུད་དུ་འཛིན་གྲར་ཡོང་མཁན་ཇེ་ཉུང་རེད། དེར་མ་ཟད་སློབ་དེབ་ནང་ཚིག་མཛོད་གང་དུ་ཡང་མེད་པའི་མིང་ངམ་ཚིག ཡང་ན་ཁ་སྐད་ལྟ་བུ་མང་པོ་འདུག་པས་བྱིས་པ་སློབ་ལོ་རན་པ། རང་ངོས་ནས་ཚིག་མཛོད་དང་དྲ་རྒྱའི་ཚིག་མཛོད་སྤྱོད་ནས་སྦྱོང་མཁན་ཞིག་ཡིན་སློབ་དེབ་འདིར་དགོས་མེད་ཀྱི་ཚིག་མང་པོ་འདུག ད་དུང་བྱེད་འབྲེལ་ལས་ཚིག་དང་བྱེད་མེད་ལས་ཚིག་སོགས་པ་དབྱེ་བ་ཅི་ཡང་མེད་པར་བཀོད་རྐྱང་བྱས་འདུག་པས། རྨང་གཞིའི་ཡི་གེ་དང་དག་ཆ་བསླབས་དུས་ནས་ནོར་བ་ཞིག་སྦྱངས་བསྡད་ན་ཡར་་བསྐྱེད་མི་ཐོན་པར་ཁག་མི་འདུག
དྲུང་ཆེ་མཆོག་ལ་འཚམས་འདྲི་དང་། ཕྱོགས་བསྐྱོད་འཚམས་གཟིགས་ཀྱི་ཐོག་དེང་དུས་བོད་ཀྱི་ཤེས་རིག་གམ། བཙན་བྱོལ་ཁྲོད་ཀྱི་ཤེས་རིག་གམ་ཤེས་ཡོན་གྱི་སྐོར་ལ་གནའ་དེང་ཟུང་འབྲེལ་དང་། དེང་དུས་ཀྱི་དགོས་མཁོ་དང་མཐུན་པ། མི་ཡི་སེམས་ཁམས་དང་། དཔའ་འབྱོར་གྱི་འཕེལ་རིམ་སོགས་ལ་དཔྱད་པ་གནང་ནས་ཤེས་ཡོན་དེ་བེད་སྤྱོད་དང་དགོས་གལ་ཆེ་བའི་ལག་ལེན་དུ་ཐེབས་ཐབས་ལ་གོ་བསྡུར་བགྲོ་གླེང་ཤུགས་ཆེ་ཙམ་གནང་དགོས་རོགས་ཞུ།