སྨར་ཁམས་ས་ཁུལ་གྱི་མེ་སྐྱོན་ཆབ་མདོ་དང་གོ་འཇོ། བྲག་གཡབ་སོགས་རྫོང་ཁག་བཞི་ཙམ་གྱི་ནང་ཁྱབ་ཏེ་ས་གནས་མང་ཚོགས་དཀའ་ངལ་ཁྲོད་ལྷག་ཡོད་འདུག
ཕྱི་ཟླ་ ༣ པའི་ཚེས་༡༠ ཉིན་བོད་ཤར་ཕྱོགས་སྨར་ཁམས་རྫོང་ལྷོ་ར་ཤང་ལྕགས་སོ་སྟེང་ཞེས་པའི་ས་གནས་ཀྱི་རི་རྩེར་མེ་སྐྱོན་བྱུང་སྟེ་ཟླ་གཅིག་འགྲོ་བཞིན་པ་ལྟར། ཉེ་ཆར་སྨར་ཁམས་ས་གནས་སྲིད་གཞུང་གིས་དུས་ཐོག་མེ་སྐྱོན་འགོག་ཐབས་མ་བྱས་སྟབས། ལྷོ་ར་ཞང་དང་ཙོང་ཤོད་ཞང་། སྤང་མདའ་ཞང་བཅས་ཀྱི་མི་མང་མཉམ་རུབ་ཐོག་མེ་གསོད་ཐབས་བྱས་ཀྱང་། མེ་སྐྱོན་འགོག་མ་ཐུབ་པར་རྒྱ་གར་རྗེས་མཛོ་དང་ཤ་འགྱུར་ཆེ་ཆུང་ཟེར་བའི་ས་གནས་ཁག་ནས་རིམ་གྱིས་མཆེད་དེ། ཆབ་མདོ་དང་གོ་འཇོ། བྲག་གཡབ་སོགས་རྫོང་ཁག་བཞི་ཙམ་གྱི་ནང་རྒྱ་ཁྱབ་དུ་ཕྱིན་ཡོད་འདུག
གནས་ཚུལ་ཤེས་རྟོགས་བྱུང་བ་ལྟར་ན། རྒྱ་ནག་གི་གསར་ལམ་ཁག་ཏུ་ཉེ་ཆར་མེ་སྐྱོན་བྱུང་རྗེས་ས་གནས་སྲིད་གཞུང་གིས་ཆབ་མདོ་ནས་མེ་གསོད་རུ་ཁག་རླངས་འཁོར་ ༤ ཙམ་ཆེད་གཏོང་གིས་མེ་གསོད་ཐབས་བྱས་ཡོད་སྐོར་བརྗོད་ཡོད་ཀྱང་། ཉེ་ལམ་མེ་སྐྱོན་གྱི་གནས་ཚུལ་བྱུང་མ་ཐག་འབྲོག་པ་མང་ཚོགས་ཀྱིས་སྲིད་གཞུང་ལ་མགྱོགས་མྱུར་མེ་གསོད་ཐབས་བྱ་དགོས་པ་དང་། གལ་སྲིད། མུ་མཐུད་བཞག་པ་ཡིན་ན་མང་ཚོགས་ལ་དཀའ་ངལ་ཆེན་པོ་འཕྲད་ཀྱི་ཡིན་པའི་རེ་སྐུལ་ཐེངས་མང་ཞུས་ཀྱང་། སྲིད་གཞུང་གི་ལས་བྱེད་ཚོས་ཡ་ལན་སྤྲད་མེད་སྟབས། ད་ཆ་ས་གནས་འབྲོག་པ་ཚོ་ས་ཁུལ་གཞན་ལ་གནས་སྤོར་བྱ་དགོས་བྱུང་ཡོད་འདུག
གསར་འགོད་པ། དོན་གོ
མེ་སྐྱོན་འདི་བཞིན་བོད་སྨར་ཁམས་ཁུལ་དུ་མཆེད་བཞིན་པ་རེད།
དུས་བབ་ཚང་ལགས། ད་རྫོང་ཁག་བཞིའི་མེ་དེ་ག་པ་བཞུགས་འདུག། མཁྱེན་རྟོགས་བྱུང་ཚེ་གསར་བསྒྱུར་མགོ་ཞབས་མཚུངས་བཞིན་འདུག་དེ་ལ་བསུ་བ་ཞུ།།།།
ད་ནི་ལས་དབང་གནམ་ལ་བཅོལ་ན་མ་གཏོགས་སུས་ཀྱང་ང་ཚོ་སྐྱོབ་ནུས་ས་མ་རེད།བོད་པ་འདི་ཚོ་ཅི་འདྲའི་སྙིང་རྗེ་བ་ལ།སྣོད་བཅུད་གཉིས་ཀྱི་འཇིག་པ་རྒྱུན་ཆད་རྒྱུ་མི་འདུག སྐྱོ་བ་ལ། དེང་སྐབས་གང་འདྲ་ཡིན་ནམ།
ནང་ནས་ལ་རྒྱའི་ཚེ་སྲོག་མེ་ལ་བསྒྲོན་དུས།།
ཕྱི་ནས་རང་བྱུང་ཁོར་ཡུག་མེ་ལ་འབར་ཞིང་།།
སྣོད་བཅུད་གཉིས་ཀ་མེ་ཡིས་འཇིག་ཉེས་ཆེ་བའི།།
མཐོ་སྒང་བོད་ཡུལ་འདི་ལ་ཆག་སྒོ་མང་ཀི
གནས་ཚུལ་མཁོ་བསྡུ་གནང་མཁན་ལ་ཐུགས་རྗེ་ཆེ་ཞུ། རྒྱ་གཞུང་གིས་བོད་མི་གསོད་རྒྱུ་ལས་མེ་གསོད་ཀྱི་ཐབས་ཤེས་གཏན་ནས་འཐེན་ཡོད་མི་འདུག
ང་ཚོའི་རང་བྱུང་གི་འཁོར་ཡུག་ལ་སྐྱོན་དང་གཏོར་རླགས་འགྲོ་བར་གཞན་སུས་དེ་ལ་སྲུང་སྐྱོབས་བྱེད་ཀྱིན་རེད་དེ་ནི་རང་ཉིད་ཀྱི་འདུག་སྡོད་ཀྱི་ཡུལ་དེར་རང་ཉིད་ཀྱི་བདག་བཟུང་ནན་པོ་བྱེད་ལོས་དགོས། ད་རིས་ཀྱི་མེ་སྐྱོན་དེ་རྒ་སྐྱེ་རྒུད་ཀྱི་ས་ཡོམ་ལས་ཀྱང་མཐུ་ཚབ་ཆེ། བོད་མི་ཚོར་རྡོག་རྩ་གཅིག་སྒྲིལ་གྱི་ནུས་ཤུགས་དེ་ཡོད་ན། བོད་གཟུགས་གྲུབ་པ་ཀུན་གྱིས་ལས་རོགས་སྒྲིགས་ནས་མེ་སྐྱོན་ལ་འགོག་ལས་བསྒྲུབ་དགོས་རྒྱ་གཞུང་ལ་སྐྱོན་འཛུག་བྱས་པའི་ཕན་འབྲས་ཟད་ཡོད།
མང་ཚོགས་ཚང་མས་ངོ་རྒོལ་བྱས་ཏེ་ས་གནས་ལས་བྱེད་ཚོ་གཅིག་ཀྱང་མ་ལུས་པར་གནས་དབྱུང་གཏོང་ཐབས་ལ་འབད་དགོས
ཨོ་ དཀོན་མཆོག་མཁྱེན། ད་ང་ཚོ་བོད་ལ་རྒྱན་མི་ཆད་པའི་རྐྱེན་ངན་གོད་ཆག་ཚད་ལས་འདསཔ་འདི་འདྲ་ཞིག་ཡོང་དགོས་རྒྱུ་ལ། ལས་འབྲས་རྣམ་བཞག་དང་དཀོན་མཆོག་ཡིད་ཆེས་བྱེད་མཁན་ང་ཚོ་ལས་བོད་ལས་ལྷག་ཞིག་ནི་མེད། མ་ཚད་དུས་རྟག་གི་ཞབས་བརྟན་སྐུ་རིམ་སོགས་ཀྱིས་ཀྱང་མི་ཕན་པ་གང་ཡིན། བོད་ཁམས་སྐྱོང་བའི་བསྟན་མ་བཅུ་གཉིས་དང་ཡུལ་ལྷ་གཞི་བདག་རྣམས་ཀྱིས་ཀྱང་མེ་སྐྱོན་མི་འགོག་པ་གང་ཡིན།། ད་ནི་རང་རེ་བོད་ཀྱི་གནོད་བཅུད་ཡོངས་རྫོགས་མེ་ལ་འབར་འགྲོ་གི་འདུག། ད་ནས་སུ་ཞིག་ལ་སྐྱབས་བཅོལ།།
ད་ནི་གངས་ཅན་བོད་གྱི་ཞིང་འདིར་བྱུང་བའི་དུས་གཅིག་ངོ་མ་ཤར་ཡིན་ས་རེད། ཕྱི་ནས་ས་ཆ་མེ་གི་བསྲེག ནང་དུ་བོད་མི་མེ་ལ་བསྲེག རྒྱ་རོ་འདི་ཚང་གི་བྱེད་སྟང་ལ་གཞིག་དང་མིག་མེད་ས་ནས་མཆི་མ། རྨ་མེད་ས་ནས་ཁྲག་དམར་ལུད་པའི་བྱེད་སྟང་ཁོ་ན་ལས། ཉམས་ཆུང་མི་སེར་ལ་ཕན་པའི་ལས་ཀ་སྣེ་གཅིག་བྱེད་ཀྱི་མེད་པ། བྱེད་སྟང་འདི་རྒྱུད་ནས་གསལ་པོར་རྟོགས་ཐུབ། ཡིན་ན་ཡང་ནུས་པ་གང་ཡོད་ཀྱིས་མྱུར་སྐྱོབས་ལ་འབད་བརྩོན་ནམ་ཡང་མི་ཀློད་པ་གཞིས་ལུས་སྤུན་ཟླ་མཉམ་རུབ་ཀྱི་ཐོག་ནས་མེ་གསོད་ལ་གདོང་ལེན་བྱེད་དགོས་པ་ཤིན་ཏུ་གལ་ཆེ།
ད་མིའི་འཇིགས་པ་འདི་ང་ཚོ་གངས་ཅན་པ་རྣམས་ཀྱི་བཟོད་ནུས་སམ།