༡།༤ཉིན། བྱམས་བརྩེའི་བདག་མོ་བོད་དོན་རྒྱབ་སྐྱོར་བ་ཨ་ཤ་རས་སྒྲས་མཆོག་ཉིན་བཀང་བོར་མཉམ་ཞུགས་དང་ཧིན་སྒོར་༢༥༠༠༠གནང་།
དབྲ་ཕྲུག་ཚེ་རིང་བདེ་སྐྱིད།
ཉིན་འགའི་སྔོན་དུ་མཉམ་ཞུགས་གནང་མྱོང་མཁན་གྱི་དཀའ་ཐུབ་རྒྱལ།
ད་ལྟ་ལྡི་ལིར་གནས་བསྡོད་འབུམ་བཟང་བཀྲ་ཤིས།
ཁོང་གསུམ་ཉིན་བཀང་བོར་གོམ་བགྲོད་མཉམ་ཞུགས་གནང་།
ནུབ་ཟས་ལྡི་ལུ་མདོ་སྨད་ས་རྒྱུན་གྱི་ངོས་ནས་ཟ་མ་ཁུར་ནས་འོང་མཁན་ནི་ཚོགས་གཞོན་རྟ་འགྲིན་དང་ཆོས་འཕེལ་ལགས་ཀྱི་སྒེར་འཁོར་བཏང་ནས་སླེབས།
༢།༤ཉིན་གྱི་དགོང་དྲོར།
ལྡི་ལི་ས་གནས་རྒྱུན་ལས་ཀྱིས་ཚོགས་གཙོ་དང་ཚོགས་གཞོན།
རྣམ་གྲོལ་གླིང་གི་གྲྭ་ཡོན་ཏན་རྒྱ་མཚོ། འབུམ་བཟང་བཀྲ་ཤིས།
ཀུན་ཐར་རྒྱལ་གྱི་སྒེར་འཁོར་བཏང་ནས་སླེབས་སོང་།
ང་ཚོ་ལ་ནུབ་ཟས་འཐེན་ཐིག་ཡང་འཁྱེར་འདུག
གྲྭ་ཡོན་ཏན་རྒྱ་མཚོ་ལགས་ཉིན་གཉིས་རིང་དུ་གོམ་བགྲོད་མཉམ་ཞུགས་དུ་ཕེབས་འདུག
འབུམ་བཟང་བཀྲ་ཤིས་ནི་འགྲོ་རོགས་གཏན་པོ་ཞིག་མ་སླེབས་བར་དུ་དྭང་བླང་གིས་ཕེབས་མཁན་རེད་འདུག
༤།༤ཉིན་ལྡི་ལི་མདོ་སྨད་ས་རྒྱུན་གྱི་ཚོགས་གཙོ་དང་ཆོས་འཕེལ་གྱིས་སྒེར་འཁོར་བཏང་ནས་དྭང་བླང་གོམ་བགྲོད་མཉམ་ཞུགས་པ་བུ་མོ་གཉིས་ཁྲིད་འདུག
ཨོ་རྒྱན་སྒྲོལ་མ་ཆུང་དུས་བོད་ནས་སླེབས་པ་དང་ད་ལྟ་མཐོ་རིམ་སློབ་གྲྭར་བསྐྱོད་འཆར་ཡོད་པའི་སློབ་མ་ཞིག་རེད་འདུག
བུ་མོ་བསམ་གཏན་ཆུང་དུས་བོད་ནས་སླེབས་པ་དང་ད་ལྟ་མཐོ་སློབ་དུ་སྤྱོད་བཞིན་ཡོད་འདུག
ཁོ་མོ་གཉིས་ཉིན་གཉིས་རིང་དུ་མཉམ་ཞུགས་གནང་སོང་།
༧།༤ཉིན་ང་ལ་ཁ་པར་ཁྲོད་ནས་ཉེ་དུས་ནས་འབྲེལ་བ་གནང་མཁན།
དབྱིན་ཡུལ་དུ་གནས་བཞུགས་ རྭ་རྒྱ་འཕྲིན་ལས་དང་ངག་དབང་གཉིས་ཀྱི་གཙོ་བའི་དེར་གནས་བོད་རིགས་སྤུན་ཟླ་མི་ ཉུང་བ་ཞིག་གིས་མ་སྐུལ་དྭང་བླང་གིས་ང་ཚོ་མ་བུ་གསུམ་གྱི་སྐོར་ལ་ཚོགས་འདུ་ ཚོགས་པ་དང་གཏམ་བཤད་སྒྲོག་སྤྱོང་གནང་འདུག་པ་མ་ཟད།
ཁོང་ཚོས་ལྡི་ལི་ས་རྒྱུན་ཚོགས་གཞོན་རྟ་འགྲིན་གྱི་མིང་ཐོག་ལ་ངེད་མ་སྨད་གསུམ་ལ་དབྱིན་ལན་སྒོར་མོ་༡༥༩༡.༦༢སྒྱུར་ཧིན་སྒོར་༡༢༦༠༠༠བཏང་འདུག་པ་མ་ཟད།
ངེད་མ་སྨད་གསུམ་ལུས་ཐོག་ནས་མཉམ་ཞུགས་བྱེད་མ་ཐུབ་ཀྱང་།
སྒོར་མོ་དེ་དག་ངེད་ཅག་གིས་གང་ལ་འཁོ་བ་དེ་ཡི་ཆེད་དུ་སེམས་པ་མཚོན་བྱེད་ཀྱི་ཞལ་འདེབས་ཙམ་ཡིན་ཟེར་ནས་གསུངས་སོང་།
༨།༤ཉིན་ན་ནས་ཏྲལ་ས་ཁུལ་ལ་གནས་བསྡོད་བོད་མིའི་སྐྱིད་སྡུག་ཚོགས་པའི་ཚོགས་གཙོ་པདྨ་སྲིད་ཐར།
རང་བཙན་ཚོགས་ཆུང་གི་ཚོགས་གཙོ་ཉི་མ་བསམ་མཁར།
བུད་མེད་ཚོགས་པའི་དངུལ་གཉེར་སྒྲོལ་མ་ཆོས་འཛོམ།
ས་གནས་གཞོན་ནུའི་འབྲེལ་མཐུད་འགན་འཛིན་བསྟན་འཛིན་འཇིག་མེད།
ས་གནས་གཞོན་ནུའི་ཚོགས་ གཞོན་ཟུར་བ་དབང་འདུས་བཅས་མི་སྣ་ལྔ་ས་གནས་དེ་ཡི་བོད་མི་ཡོངས་ཀྱི་ཚབ་དུ་ཕེབས་ ནས་ང་ཚོ་མ་བུ་གསུམ་ལ་ཧིན་སྒོར་གཅིག་ཁྲི་ཞལ་འདེབས་དང་མ་འོངས་པར་གང་འཁོའི་ མཐུན་རྐྱེན་སྤྱོར་བར་གྲྭ་སྒྲིག་ཡོད་ཅེས་གསུངས་སྟེ་ཁ་བཏགས་དཀར་གཙང་གིས་ བསྐྱེལ་མ་གནང་སོང་།
༨།༤ཉིན་གྱི་ཕྱི་དྲོར་ཚོགས་པ་བཅུ་གཅིག་གི་ཚོགས་འདུ་ཞིག་མ་སྐུལ་དྭང་བླང་གིས་ཚོགས་འདུག་པ་མ་ཟད།
ཚོགས་ཐོག་ནས་མང་མོས་བྱུང་ བ་ལྟར་ངེད་མ་སྨད་གསུམ་ལ་ལྟ་རྟོག་དང་རོགས་སྐྱོར་བྱེད་རྒྱུའི་གྲོས་འཆམ་བྱུང་ ནས་ཆིག་སྒྲིལ་ཚོགས་པའི་ཚོགས་གཙོ་བསྟན་པའི་དངོས་གྲུབ།
མངའ་རི་སྤྱི་མཐུན་ཚོགས་པའི་དབུས་རྒྱུན་གྲགས་པ་བསམ་གཏན་གཉིས་ཕེབས་སོང་།
ཁོང་གཉིས་ངེད་མ་སྨད་གསུམ་དང་བདུན་གཅིག་རིང་དུ་ཟས་གོས་གནས་མལ་ལྟ་རྟོག་གནང་དེ་ཕེབས་མཁན་རེད་འདུག
ཁོང་གཉིས་ང་ཚོ་ལ་ཐུག་ འཕྲད་བྱེད་དུ་ཡོང་སྐབས་རླངས་འཁོར་ཆུང་ཆུང་ཞིག་གི་འགྲུལ་གླ་ལྡི་ལི་གནས་ གཞུགས་མདོ་སྨད་པ་ལྷག་པ་ཚེ་རིང་ནས་ཧིན་སྒོར་བཞི་སྟོང་གི་ཞལ་འདེབས་གནང་འདུག
{ཚོགས་པ་བཅུ་གཅིག བོད་ཆོལ་གསུམ་ཆིག་སྒྲིལ་ཚོགས་པ།
དབུས་གཙང་ཆོས་ཀྱི་ཆོལ་ཁ། མདོ་སྨད་རྟའི་ཆོལ་ཁ། མདོ་སྟོད་མའི་ཆོལ་ཁ།
གསར་རྙིང་གཉིས། མངའ་རི་སྤྱི་མཐུན་ཚོགས་པ།
དབུ་མའི་ལམ་ལས་འགུལ་ཁང་ཚོགས་པ། བོད་རྒྱལ་ཡོངས་ཆབ་སྲིད་བཙོན་གྲོལ་ཚོགས་པ།
དྭང་ཟུར་སྐྱིད་སྡུག་ཚོགས་པ། རྡ་ས་ཚོང་ཁང་སྐྱིད་སྡུག་ཚོགས་པ།
རྡ་ས་ཟ་ཁང་སྐྱིད་སྡུག་ཚོགས་པ། }
༡་༤ཚེས་གཅིག་ནས་ད་ ལྟའི་བར་དུ་རྒྱ་གར་གྱི་ཚགས་ཤོག་མི་འདྲ་བ་དྲུག་དང་ས་ཁུལ་བརྙན་འཕྲིན་གསར་ འགྱུར་རྒྱུད་ལམ་གཅིག་བཅས་ལ་ང་ཚོའི་སྐོར་དང་འདྲ་དཔར་སླེབས་ཡོད་པ་རེད།
༡༠།༤།༡༢ཉིན་གོམ་བགྲོད་ཀྱི་ལམ་ཞོར་དུ་སྤུན་ཟླ་དག་གི་མཉམ་ཞུགས་དང་མི་རིགས་གཞན་གྱི་རྒྱབ་སྐྱོར་སྐོར་མདོར་ཞིག་བྲིས།
གླིང་ཚ་མ་སྨད་གསུམ་ལ། བརྩོན་པས་རི་བོ་འདེགས་པའི་སྙིང་སྟོབས་དེར་གུས་འདུད་དང་ཡི་རང་མིག་ཆུ་ཚུན་ཆད་དབང་མེད་དུ་འཆོར་བའི་འཁྲེང་སེམས་ཞིག་གིས། ད་ལྟར་མ་སྨད་གསུམ་གྱི་ལུས་གཟུགས་བདེ་ཐང་ཐོག་མདུན་སྐྱོད་བྱེད་བཞིན་པའི་ཁམས་འདྲི་ཞིག་ཐོག་མར་གཏོང་། དེ་བཞིན་ཁྱེད་མ་སྨད་གསུམ་ལ་རོགས་ཕན་དང་སེམས་ཤུགས་སྤར་མཁན་མཉམ་བགྲོད་པ་རྣམས་ལ་ཡང་ཁམས་འདྲི་ཞུ། ནམ་ཞིག་དུས་དང་སྐལ་བ་འཛོམས་ན་ང་ཚོ་ཚང་མའི་སེམས་ཀྱི་རེ་བ་མངོན་དུ་འགྱུར་བའི་ཆོད་སེམས་དང་སྨོན་ལམ་ཡོད། ཐུགས་རྗེ་ཆེ།
བོད་མི་ས་ཡ་དྲུག་གི་བདེ་དོན་གྱི་ཆེད་དུ་རང་ཉིད་ཡོད་ཚད་རྒྱབ་ཏུ་བསྐྱུར་ཐུབ་པའི་སྙིང་སྟོབས་དང་ཆོད་སེམས་ལྡན་པའི་མ་སྨད་གསུམ་གྱི་རླབས་ཆེན་གྱི་རྗེས་སུ་ཡུ་རིང་དང་ཁོང་ཚོའི་ལས་འགུལ་ལ་མཉམ་ཞུགས་དང་རྒྱབ་སྐྱོར་ཞལ་འདེབས་གནང་མཁན་ཡོང་ལ་བཀའ་དྲིན་རྗེས་དྲན་བྱེད་ཀྱི་ཡོད།།རིང་ནས་སྙིང་དུ་བརྣགས་པའི་འདོད་པའི་དོན།།ཡོངས་རྫོགས་བོད་ལྗོང་རང་དབང་གཙང་མའི་དཔལ།།ལྷུན་གྲུབ་ཆོས་སྲིད་ཟུང་འབྲེལ་དགའ་སྟོན་ལ།།སྤྱོད་པའི་བསྐལ་བཟང་མྱུར་བ་མྱུར་དུ་སྩོལ།།
བོད་ཀྱི་དཔའ་རྒོད་ཁྱེད་མ་བུ་གསུམ་ལ་ང་རང་གི་སྒེར་ཐོག་ནས་ཅི་ཡང་བཤད་ཕོད་མ་སོང་། ཁྱེད་ཅག་གི་སྙིང་སྟོབས་དང་བློ་སྟོབས་ལ་རྟག་པར་ཡི་རང་བླ་མེད་ཞུ་བཞིན་ཡོད།
ཁྱེད་མ་སྨད་གསུམ་གྱི་ཞི་བའི་མཐའ་རྩོད་དེའི་ཁྲོད་མཉམ་ཞུགས་མི་སྣ་དག་དང་། ཞལ་འདེབས་འབུལ་མཁན་སོགས་མི་རྒྱུ་གཉིས་ནས་ལྟ་རྟོག་དང་རོགས་སྐྱོར་གནང་མཁན་ཡོངས་ལ་ཁ་ཙམ་ཚིག་ཙམ་མིན་པ་སེམས་བསམ་པའི་གཏིང་ནས་ཐུགས་རྗེ་ཆེ་ལན་བརྒྱ་ཞུ་འདོད་ལགས། ད་དུང་ཡང་མུ་མཐུད་དུ་ཚོགས་སྒེར་ཚང་མས་མཉམ་རུབ་བྱེད་གལ་ཆེ།
ཚེ་བརྟན་རྡོ་རྗེ་མ་བུགསུམ་ལ་སྙིང་ཐག་པ་ནས་གུས་འདུད་དང་རྒྱབ་སྐྱོར་ཞུ།
ཁྱེད་ཅག་གི་བླ་མེད་ཀྱི་སྙིང་སྟོབས་ལ་ཡི་རངས་ཞུ།
མཐར་ཁྱེད་རྣམ་པ་གསུམ་ལམ་བར་ནས་གེགས་དང་བར་ཆད་སོགས་ལས་རྣམ་པར་རྒྱལ་བར་སྨོན།
རྒྱལ་གཅེས་པ་ཚེ་རྡོར་དང་མ་སྨད་གསུམ་ལ་དགའ་གུས་ཆེན་པོའི་མཚམས་འདྲི་དང་བསམས་དོན་ཡིད་བཞིན་འགྲུབ་པའི་སྨོན་འདུན་ཡོད། དེ་བཞིན་ལས་ཀྱིས་འཕྲད་པའི་གཟའ་ཟླ་དང་ཤ་ནས་ཆད་པའི་ཁྱེད་ཀྱི་ཕྲུ་གུ་བཅས་པར་སྐུ་ངལ་མི་ཡོང་བའི་རེ་བའང་སྙིང་ནས་ཞུ། བདེན་པའི་སྟོབས་ཡོད་ན་དུས་ལ་བབ། ཆོས་སྐྱོང་སྲུང་མར་མཐུ་རྩལ་ཡོད་ན་ངོམ་རན། ཁ་བ་རི་པའི་བདེ་སྡུག་ལ་གཞིགས་ན། མི་རྗེ་སྲོང་བཙན་ཀྱང་དུར་ས་ནས་བཞེངས་རན། བོད་རྒྱལ་ལོ། ཁྱེད་མ་སྨད་གསུམ་རྒྱལ་ལོ།། །།
http://www.youtube.com/watch?v=QLOn-W1YdTQ&feature=share
བདུད་རི་ཧ་ཤང་ལ་སྐྱོད་བཞིན་པའི་ཀུན་ལྡན་མ་བུ་གསུམ་ལ་འཚམས་འདྲི་ཞུ་བ་དང་། རྐང་བར་བདེ་བོ་ཡོད་པའི་ལྷམ་དང་། གཟུགས་པོ་ལ་ཕན་པ་དང་། ངལ་སོས་སླ་བའི་སྐོམ་ཆུའི་རིགས་མང་ཙམ་མཆོད་རོགས། ད་དུང་ཨ་མ་ལགས་དང་སྟབས་བསྟུན་གྱིས་ཕེབས་རོགས་གནོངས། ཐུགས་རྗེ་ཆེ།
ཧཧཧ་་་་ཁྱེད་བུ་གསུམ་ཞལ་འདེབས་ཀྱིས་ཕྱུག་པོ་ཆགས་དུས་ཚུལ་ལོག་ཡོང་ན་དམིགས་ཡུལ་ངོ་མ་དེ་འགྲུབ་སོང་བ་མ་རེད་ཝེ་་་་ཨ་ཙི་རྩེད་མོ་ཡིན།
དྲ་གྲོགས་ཤ་ཁྲག་རུས་གསུམ་མ་བུ་གསུམ་ལ་ཐོག་མར་འཚམས་འདྲིའི་བཀྲ་ཤིས་བདེ་ལེགས་ཞུ། ངས་ཁྱོད་ཚོའི་ཆོད་སེམས་དང་བློ་སྟོབས་དེ་མཐོང་དུས་ཁྱེད་ཀྱི་ཟིན་བྲིས་སུ་བསམ་ཚུལ་ཀྱང་འབྲི་ཐུབ་ཀྱི་མི་འདུག་་་་་རང་ཉིད་ལ་མཚོན་ན་ཉིན་གཅིག་གི་སྐད་འབོད་ལའང་འགྲོ་དགོས་ན་དཀའ་ངལ་འཁུར་ཐུབ་ལ་མ་ཐུབ་ལ་ཞིག་རེད་་་་་ངས་ཁྱེད་ཚོའི་རྒྱུན་རིང་གི་གོམ་བགྲོད་དང་ཚ་གདུང་གི་ངལ་བ་དག་ཆེད་བསད་ནས་བོད་མི་རིགས་ཀྱི་འཐབ་རྩོད་ལ་འདི་ལྟར་ཕེབས་པ་མཐོང་དུས་དེ་ལས་ཀྱང་ང་རང་ཉིད་ལ་ངོ་གནོང་དགོས་པ་ཞིག་་་་་ངས་གསར་འགྱུར་ཁག་ནས་ཁྱེད་མ་བུ་གསུམ་གྱི་བདེ་སྡུག་ཉིན་ལྟར་མཐོང་ཐུབ་ཀྱི་འདུག་ཀྱང་ངས་ཁྱེད་མ་བུ་གསུམ་ལ་སྡུག་རོགས་ཤིག་དང་རོགས་སྐྱོར་ཞིག་བྱེད་རྒྱུའི་ནུས་པ་མེད་པས་ངས་འདི་ནས་ཁྱེད་མ་བུ་གསུམ་གྱི་བསམ་དོན་ཡིད་བཞིན་འགྲུབ་པའི་སྨོན་འདུག་ཙམ་ལས་ཞུ་མ་ཐུབ་པས་དགོངས་འགལ་མེད་པར་ཞུས་པ་ཡིན།
ངས་ཁྱེད་ཚོའི་སྙིང་སྟོབས་དང་ཆོད་སེམས་མཚོན་པའི་སྐད་ཆ་ཞིག་བཤད་མི་ཐུབ་ངོ་མ་རེད ། སྨོན་ལམ་ཞིག་བཏབ་ན་ཁ་དབྱངས་ཙམ་རེད། དེ་ནི་ཁྱེད་ཚོར་བཀའ་དྲིན་ཞུ་སྟངས་ཤིག་མ་རེད། གང་ལྟར་ངས་ཅི་གང་བཤད་མི་ཤེས་ཁི ཚོར་བས་ཤེད་ཀྱིས་དེད་ན་ཡང་མགྲིན་པའི་ནང་དུ་འགག་ནས་འདུག གང་ལྟར་ཁྱེད་ཚོ་ས་གནས་ག་བར་སླེབས་ཡོད་མེད་ཀྱི་སྐད་ཆ་རེ་གོ་ཐབས་བྱེད་རོགས། གཞན་ཅི་ཞུ་རྒྱུ་མེད།
དྲ་གྲོགས་ཤ་ཁྲག་རུས་གསུམ་མ་བུ་གསུམ་ལ་མཚམས་འདྲི་ཞུ། གུས་པ་དང་ཐོག་ཁྱེད་ཚོ་མཉམ་དུ་འགྲོ་དགོས་སྙམ་ཡང་། མཉམ་ཞུགས་གནང་མ་ཐུབ་པས་དགོངས་སེལ་ཞུ་རྒྱུ་དང་སེམས་གཏིང་ནས་ཁྱེད་ཚོར་གདུང་སེམས་མཉམ་བསྐྱེད་ཡོད།
ངོ་མ་རེད། སྐུ་ཞབས་ཕུན་ཚོགས་ཀྱི་སྐད་ལས་གཞན་ངས་ཅི་ཞིག་བཤད།།
ཁྱེད་མ་བུ་གསུམ་གྱི་བློ་ཁོག་དང་། ཁྱེད་མ་བུ་གསུམ་ལ་རྒྱབ་སྐྱོར་བྱེད་སྟངས་འདིས་ང་ཚོའི་མི་རབས་ལ་གསལ་བཤད་གསལ་བོ་བྱེད་ཀྱིན་པ་ནི། སུ་ཞིག་གིས་སྤྱི་ཚོགས་སྣེ་ཁྲིད་ཐུབ་མཁན་ཞིག་དང་འཐབ་རྩོད་བྱེད་ཐུབ་ན། སྤྱི་ཚོགས་ཀྱི་ཟ་ཟུར་ནས་རྒྱབ་སྐྱོར་བྱེད་མཁན་ཡོད་པ་དང་། བོད་མི་རིགས་ཀྱི་འདུ་ཤེས་ཤི་ཐུབ་མེད་པའི་གནས་ལུགས་འདི་རེད། ངོ་མ་དགའ་ནི་ཞིག་རེད།
ད་དུང་སུད་སི་གནས་བཞུགས་ཀླུ་རྒྱལ་དོན་གྲུབ་ལགས་ཀྱིས་ཡོ་རོབ་བོད་རིགས་གཞོན་ནུའི་གྲོས་ཚོགས་གཉིས་པའི་ཐོག ཁྱེད་མ་བུ་གསུམ་གྱི་སྐོར་གྱི་གློག་བརྙན་ཐུང་ཞིག་འགྲེམ་སྟོན་བྱས་པ་དང་བསྒྲགས། ཁྱེད་མ་བུ་གསུམ་གྱི་ཆེད་ཞལ་འདེབས་ཀྱང་བསླངས་སོང་ལ། ཞལ་འདེབས་སུད་སྒོར་གཉིས་སྟོང་ཡས་མས་ཤིག་འདུས་ཡོད་ཚོད་ཡིན། ཕལ་ཆེར་རྒྱ་གར་སྒོར་མོ་ཆིག་འབུམ་ལྷག་ཡོད་ངེས། དེ་དག་ཀྱང་བྱ་བ་ལམ་འགྲོ་ཡང་བའི་མཐུན་རྐྱེན་དུ་གང་མགྱོགས་འབྱོར་ཡོང་ངེས།
ཁྱེད་ཀྱི་ཨ་མ་ཏོག་ཙམ་བདེ་བོ་མི་འདུག་ཟེར་བ་ཞིག་གོ དེ་ངོ་མ་ཡིན་ནམ།
ཁྱེད་མ་བུ་གསུམ་བསམ་དོན་ཡིད་བཞིན་དུ་འགྲུབ་པའི་སྨོན་འདུན་གྲངས་མེད་ཡོད་
ཁྱེད་རང་གི་ཨ་མ་གཙོས་ཁྱེད་མ་བུ་གསུམ་གྱི་སྐུ་ལུས་ལ་བདག་སྐྱོང་ལྷོད་མེད་གནང་རྒྱུར་བདག་གི་རེ་བ་ཡིན།