གཟའ་ལྷག་པའི་ཉིན་བྱང་ཀོ་རེ་ཡའི་གཞུང་འཛིན་ཚོགས་པའི་ཚོགས་ཆེན་ཞིག་ཚོགས་ཏེ། འདས་གྲོངས་སུ་གྱུར་པའི་སྲིད་འཛིན་ཀེམ་ཇོང་ཨེལ་གྱི་བུ་ཆུང་བ་ཀེམ་ཇོང་ཨུན་གྱི་གོ་གནས་ཁག་ཅིག་མཐོར་འདེགས་བྱས་ཡོད་འདུག
ཁ་སང་ཕྱི་ཚེས་ ༡༡ ཉིན་བྱང་ཀོ་རེ་ཡའི་གཞུང་འཛིན་ཚོགས་པ་ཀོ་རེ་ཡའི་ངལ་རྩོལ་ཚོགས་པའི་ (Korean Worker’s Party) ཚོགས་ཆེན་ཞིག་ཚོགས་ཡོད་ཅིང་། སྐབས་དེར་བྱང་ཀོ་རེ་ཡའི་སྲིད་འཛིན་གསར་པ་ཀེམ་ཇོང་ཨུན་ (Kim Jong Un) ལ་ཁོང་གི་ཕ་རྒན་གྱི་གོ་གནས་ཁག་ཅིག་སྟེ། གཞུང་འཛིན་ཚོགས་པའི་དྲུང་ཆེ་དང་། བྱང་ཀོ་རེ་ཡའི་མི་མང་དམག་གི་སྤྱི་ཁྱབ་བཀོད་འདོན་པ། དབུས་དམག་དོན་ཁང་གི་སྤྱི་ཁྱབ་པ་བཅས་ཁོང་ལ་ཕུལ་ཏེ་ལོ་ན་ཆུང་བའི་སྲིད་འཛིན་དེ་དངོས་སུ་ཕ་ཤུལ་བུ་འཛིན་དུ་གྱུར་ཡོད་འདུགབྱང་ཀོ་རེ་ཡའི་རྒྱལ་ཡོངས་བདེ་སྲུང་ལྷན་ཁང་གི་སྤྱི་ཁྱབ་པའི་གོ་གནས་གཅིག་པུ་ད་དུང་ཁོང་ལ་སྤྲད་མེད་པ་ལས་གཞན་ཕ་རྒན་གྱི་གོ་གནས་ཆ་ཚང་སྤྲད་འདུག
གསར་འགོད་པ། བནྡེ་སྐྱབས།
དཔོན་ངན་གོང་དུ་བཀུར་གྱུར་ན།
།དེ་ཡི་མཐའ་མ་རླག་པར་འགྱུར།
།སྒོ་ང་མཁའ་ལ་འཕངས་འགྱུར་ན།
།ཆག་པ་ཉིད་ལས་གཞན་ཅི་འགྱུར།
གསུངས་པ་བཞིན་སྔ་ཕྱི་མ་གཏོགས་ཡུལ་ལུང་དེ་འཕུང་འགྱུར་ཐེ་ཚོམ་མེད་དོ།