ཉེ་ཆར་རྔ་སྟོད་ཨ་འདུས་སྡེ་བར་རྒྱ་གཞུང་གིས་དྲག་རྡུང་ལས་འགུལ་སྤེལ་ཡོད་པ་ལྟར། མི་མང་པོར་རྨས་སྐྱོན་ཚབས་ཆེན་དང་མི་འགའ་ཤས་འཇུ་བཟུང་བྱས་འདུག
ཟླ་འདིའི་ཕྱི་ཚེས་ ༢༤ ཉིན་བོད་མདོ་སྨད་རྔ་སྟོད་ཨ་འདུས་སུ་རྒྱ་གཞུང་གིས་ས་གནས་མི་མང་ལ་གང་བྱུང་གཅར་རྡུང་དང་འཇུ་བཟུང་བྱས་པའི་གནས་ཚུལ་ཐོན་ཡོད་པ་ལྟར། ཕྱི་ཚེས་ ༡༧ ཉིན་རྔ་པའི་སྨན་ཁང་དུ་ཡོད་པའི་བོད་མི་རྨས་མ་རྣམས་ཀྱི་གནས་སྟངས་རྒྱུས་ལོན་བྱུང་བར། དྲག་ཆས་ཉེན་རྟོག་པས་གཅར་རྡུང་འོག་རྨས་སྐྱོན་ཕོག་སྟེ་སྨན་ཁང་དུ་ཉལ་དགོས་བྱུང་པའི་རྨས་མ་ཧ་ཅང་མང་དྲག་སྟེ་ནད་པའི་སྡོད་ཤག་གིས་མ་འདང་སྟབས། དེ་སྔོན་སྨན་ཁང་དུ་ཡོད་པའི་ནད་པ་ཚབས་ཆེན་རིགས་མ་གཏོགས་ཚང་མ་གནས་སྐབས་རིང་སོ་སོའི་ནང་བཏང་ཡོད་འདུག
གནས་ཚུལ་མཁོ་གཏོང་པས་བརྗོད་པ་ལྟར་ན། ཐེངས་འདིར་ཨ་འདས་སྡེ་བའི་བོད་མི་རྨས་མ་དག་གི་ཁྲོད་སློབ་དཔོན་སྐྱབས་ཀྱི་ཀླད་ཁྲག་བསྲེས་ཡོད་པ་དང་། མཐའ་བའི་རྒྱམ་ཁོ་དང་གཅོང་བའི་རྡོ་རྗེ་གཉིས་ཀྱི་རྐང་ལག་གཉིས་རེ་བཅག་ཡོད་ལ། སྒོ་མང་ཞང་གི་རྡོ་རྗེ་ལའང་རྨས་སྐྱོན་ལྕི་མོ་ཕོག་ཡོད་འདུག དེ་བཞིན། སྨན་ཁང་དུ་ནད་འདྲིར་བསྐྱོད་མཁན་རྣམས་ཀྱང་ནད་པའི་ཐག་ཉེར་གཅར་མི་འཇུག་པར་དམག་མིས་དམ་སྲུང་ནན་མོ་བྱེད་བཞིན་ཡོད་འདུག
གཞན་ཡང་། ས་གནས་བོད་རིགས་མང་ཚོགས་ལ་དྲག་རྡུང་བྱེད་པའི་ལས་འགུལ་དེའི་ཁྲོད་འཕེ་ཥེའི་སྐར་ཁོ་དང་།ཨ་འདུས་མཐའ་བའི་བསོད་པོ། ཨ་འདུས་མཐའ་བའི་སངས་ཆུང་གསུམ་འཇུ་བཟུང་བཙན་འཁྲིད་བྱས་རྗེས། ད་ལྟ་གང་དུ་བཀག་ཉར་བྱས་ཡོད་མེད་ཀྱི་གནས་ཚུལ་ཅི་ཡང་ཤེས་རྟོགས་ཐུབ་མི་འདུག
ཐེངས་འདིར་ལྐོག་ཟ་མཁན་ལ་བྱ་དགའ་དང་སྟོད་ར་བྱས་པའི་ཐད། མང་ཚོགས་ཀྱིས་དྲང་བདེན་གྱི་བསམ་ཚུལ་བཤད་པ་དེར། རྒྱ་གཞུང་གིས་ཆབ་སྲིད་ཀྱི་ནག་ཉེས་དང་ལས་འགུལ་སྤེལ་རྒྱུའི་བསམ་བློ་འདུག་ཚུལ་ལ་ཁ་གཡར་ཏེ། འཆར་གཞི་ཡོད་པའི་སྒོ་ནས་དྲག་རྡུང་བྱས་པ་དེར་ས་གནས་མི་མང་གིས་བློ་ཕམ་ཆེན་པོ་དང་། གནས་སྟངས་འདི་འདྲའི་འོག་མི་ཚེ་འཁྱོལ་དཀའ་བའི་སྡུག་སྨྲེ་འདོན་གྱི་ཡོད་པར་མ་ཟད། རྒྱ་གཞུང་གི་འཆར་གཞི་ལྡན་པའི་དྲག་རྡུང་དེ་ནི་ཕྱི་ལོ་ ༢༠༠༨ ལོ་ནས་ད་བར་ངོ་རྒོལ་ལས་འགུལ་རིམ་པར་སྤེལ་བ་ལ་འཁོན་སེམས་སློག་ཆེད་ཁ་གཡར་ས་ཞིག་བཙལ་ཏེ་མི་མང་གི་མགོ་འཇོག་ས་མེད་པ་ཞིག་བཟོ་འདོད་ཡིན་སྐོར་བརྗོད་བཞིན་ཡོད་འདུག
ད་སྐབས་ཨ་འདུས་དགོན་གྲོང་ཚང་མར་དྲག་ཆས་ཉེན་རྟོག་པ་དང་། དམིགས་བསལ་ཉེན་རྟོག་པ་སོགས་ཀྱིས་དུས་ངེས་མེད་ཐོག་སྐོར་སྲུང་དམ་དྲག་བྱས་ཏེ། མི་མང་གི་འགྲོ་འདུག་ལའང་རང་དབང་མེད་པར་འཇིགས་སྣང་འོག་གནས་ཡོད།
གནས་ཚུལ་མཁོ་སྤྲོད་པ་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཡིན།
ཕྱི་ལོ་༢༠༡༢ཟླ་༤ཚེས་༡༩ལ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ལྟོས་དང་རྒྱ་ནག་གཞུང་གིས་བྱེད་སྟང་དེ་འདི་འདྲའི་བདེན་རྫུན་གོ་ལྡོག་གིས་ཁྲམ་པར་གཏང་རགས་དང་སྤྱང་གུར་རྣ་ཚར་ཞེས་པའི་དཔེ་ཇི་བཞིན་རྒྱ་དམར་གཞུང་གིས་ལག་བསྟར་བྱས་ནས་ཉེས་ཅན་ལ་གཏང་རགས་དང་ཉེས་མེད་ལ་རྡུང་རྡེག་བཙོན་འཇུག་གཡོ་ཁྲམ་མགོ་སྐོར་བསླུ་བྲིད་སོགས་སྒོ་ཀུན་ནས་བོད་པ་རྣམས་ཐར་ས་མེད་པའི་སྲིད་བྱུས་འདིར་བོད་རིགས་ཀུན་རྣམ་རིག་སྒྲིམ་དགོས་
དོན་དངོས་ཐོག་གཞིས་ལུས་བོད་མི་ཚོར་སྐྱོབས་ཐུབ་པའི་ཐབས་ལམ་ཕྱི་སྡོད་བོད་མི་ཚོར་མ་ཡོད་པ་མ་རེད་དམ་མ་འབྱོན་པ་རེད།
ངོ་ནས་དཀའ་མོ་རེད་ལ། ང་ཚོས་ཆོས་ལུམས་ཡན་གྱི་ལས་རིགས་གང་ན་ཅི་ཡོད་ལ། སོ་སོས་གང་་ས་ཅི་ཐད་ནས་རྒྱ་དམར་གྱིས་བོད་ལ་ངན་བྱས་གསལ་བཤད་བརྒྱུད་འཛམ་གླིང་ལ་བསྒྲགས་ནས་དམར་ཕམ་བོད་རྒྱལ་ལ་འབད་དགོས་སོ།།