གཟའ་ཕུར་བུའི་ཉིན་༸གོང་ས་མཆོག་ཁེ་ཎ་ཌར་ཞབས་སོར་འཁོད་ཡོད་པ་དང་། གྲོང་ཁྱེར་ཨོ་ཊ་ཝར་རྒྱལ་སྤྱིའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ ༦ ཐོག་ཆིབས་བསྒྱུར་གྱིས་བཀའ་སློབ་བསྩལ་རྒྱུ་ཡིན་འདུག
ཟླ་འདིའི་ཕྱི་ཚེས་ ༢༦ ༸གོང་ས་མཆོག་ཁེ་ཎ་ཌའི་གྲོང་ཁྱེར་ཨོ་ཊ་ཝར་ཞབས་སོར་འཁོད་སྐབས། གནམ་ཐང་དུ་ཁེ་ཎ་ཌའི་གྲོས་ཚོགས་གོང་མའི་འཐུས་མི་སྐུ་ཞབས་ཌི་ནི་ནོ་ (Di Nino) དང་། ཡུ་རོབ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་སྐུ་ཞབས་ཐོ་མ་སི་མན(Thomas Mann)། ཨི་ཊཱ་ལིའི་གྲོས་ཚོགས་བོད་དོན་རྒྱབ་སྐྱོར་བ་སྐུ་ཞབས་མེ་ཏིའོ་མེ་ཁ་ཅི་(Matteo Mecacci)། ཁེ་ཎ་ཌའི་རྒྱ་གར་གཞུང་ཚབ་པ་བཅས་ཀྱིས་ཕེབས་བསུ་ཞུས་ཡོད་པ་དང་། དབུས་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་མཆོག་ཀྱང་མཉམ་དུ་ཕེབས་བཅར་གནང་ཡོད་འདུག
དེ་རྗེས་ ༸གོང་ས་མཆོག་བཞུགས་གནས་མགྲོན་ཁང་དུ་ཞབས་སོར་འཁོད་སྐབས། བོད་མི་མང་སྤྱི་འཐུས་ཚོགས་གཙོ་མཆོག་དང་ཚོགས་གཞོན་མཆོག ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག བོད་མི་མང་སྤྱི་འཐུས་ཁག་གཅིག བྱང་ཨ་རི་དང་ཁེ་ཎ་ཌའི་སྐུ་ཚབ་བཅས་ཀྱིས་གཙོས་འབྲེལ་ཡོད་མི་སྣས་ཕེབས་བསུ་ཞུས་ཡོད་པ་རེད། ཐེངས་འདིར་ ༸གོང་ས་མཆོག་ཁེ་ཎ་ཌའི་གྲོང་ཁྱེར་ཨོ་ཊ་ཝར་རྒྱལ་སྤྱིའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ ༦ ཐོག་ཆིབས་བསྒྱུར་གྱིས་བཀའ་སློབ་བསྩལ་རྒྱུ་ཡིན་འདུག
མགོན་པོ་གང་ཉིད་གཙོས་སྤྱི་འཐུས་བཅུ་ལྷག་དེར་མཉམ་ཞུགས་གནང་ཡོད་པ་རེད་ལ། བོད་དོན་ཐད་གྲུབ་འབྲས་གང་འཚམས་ཡོང་ཐུབ་པའི་རེ་བ་ཆེ། རྒྱལ་ཁབ་ཁག་བརྒྱ་ལྷག་ཡོད་རེད་ཅེས་གོ་ཐོས་བྱུང་།