ཉེ་ཆར་དབུས་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་ཁེ་ན་ཌའི་ཡུལ་མི་གནས་སྤོ་ལྷན་ཁང་གི་བློན་ཆེན་མཆོག་དང་མཇལ་འཕྲད་གནང་སྟེ། ཁེ་ན་ཌའི་ནང་བོད་མི་གནས་སྤོ་ལས་གཞིའི་ཐད་བཀའ་མོལ་གནང་ཡོད་འདུག
ཟླ་འདིའི་ཕྱི་ཚེས་ ༢༦ ནས་ ༢༩ བར་ཁེ་ན་ཌའི་གྲོང་ཁྱེར་ཨོ་ཊ་ཝར་རྒྱལ་
བོད་མི་ཆིག་སྟོང་ཁེ་ན་ཌའི་ནང་གནས་སྤོ་ལས་གཞིའི་ཐད་འགན་འཁྱེར་མཁན་དབུས་བོད་མིའི་སྒྲིག་འཛུགས་ཀྱི་ཨ་རིའི་སྐུ་ཚབ་དོན་གཅོད་ཁང་གི་ལས་བྱེད་ངག་དབང་ཡོན་ཏན་ལགས་ཀྱིས་གསར་ལམ་ཁག་ཏུ་བརྗོད་པ་ལྟར་ན། ཁེ་ན་ཌའི་ཡུལ་མི་གནས་སྤོ་ལྷན་ཁང་གི་བློན་ཆེན་ལགས་ཀྱིས། གལ་སྲིད། ཐེངས་འདིའི་ཡུལ་མི་གནས་སྤོ་ལས་གཞི་ལེགས་འགྲུབ་བྱུང་བ་ཡིན་ན། ད་དུང་དེ་ལས་གཞན་པའི་བོད་མི་ཁེ་ན་ཌར་གནས་སྤོ་ལས་འཆར་གོ་སྒྲིག་གནང་སྲིད་པར་མ་ཟད། ཉེ་འཁོར་ས་ཁུལ་ཁག་ནང་དུའང་བོད་མི་སྐྱབས་བཅོལ་དུ་ལེན་རྒྱུར་འབོད་སྐུལ་ཞུ་རྒྱུ་ཡིན་སྐོར་བརྗོད་ཡོད་འདུག
དེ་བཞིན། ཉེ་སྔོན་བཀའ་ཁྲི་བློ་བཟང་སེང་གེ་མཆོག་ཨ་རིར་ནོ་བྷེལ་ཞི་བདེ་གཟེངས་བཞེས་མཁན་གྱི་ཚོགས་འདུར་ཕེབས་མཁན་རྣམས་དང་ཟུར་དུ་མཇལ་འཕྲད་གནང་སྟེ། ད་ལྟའི་བོད་ཀྱི་ཛ་དྲག་གནས་སྟངས་རྣམས་ཁོང་ཚོར་ངོ་སྤྲོད་གནང་ཡོད་པ་དང་། ནོ་བྷེལ་ཞི་བདེ་གཟེངས་རྟགས་བཞེས་མཁན་རྣམས་ཀྱིས་མ་འོངས་པར་ཛ་དྲག་གནས་སྟངས་ཐད། མུ་མཐུད་རྒྱ་ནག་གཞུང་ལ་འབོད་སྐུལ་ཞུས་ཏེ་ཁོང་ཚོ་དངོས་སུ་བོད་ནང་ཕེབས་ཐུབ་རྒྱུར་འབད་རྩོན་གནང་རྒྱུ་ཡིན་པ་མ་ཟད། བོད་མིའི་བདེན་པའི་འཐབ་རྩོད་ལ་རྒྱབ་སྐྱོར་མཚོན་ཆེད་དྷ་སར་ཆེད་ཕེབས་ཀྱིས་དབུས་བོད་མིའི་སྒྲིག་འཛུགས་ལ་འཚམས་གཟིགས་གནང་རྒྱུ་ཡིན་སྐོར་བརྗོད་ཡོད་པ་རེད།
གསར་འགོད་པ། ཚེ་རིང་རྒྱལ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ངའི་འོས་ཤོག་འཕྲོག་ལ་འགྲོ་མི་འདུག
རྒན་ལོག་འཇོམས་ལགས་བདེན། ཟམ་གདོང་བླ་མ་འོས་ཤོག་ཕྱི་མ་ལོ་ལྔ་དེ་ཐོབ་ནས་བཟུང་༧སྐྱབས་མགོན་རིན་པོ་ཆེས་དྭངས་བླང་གིས་བོད་ཀྱི་དབུ་ཁྲིད་ནས་དགོངས་པ་མ་ཞུས་བར་དུ་དགའ་ལྡན་ཕོ་བྲང་མི་ཉམས་རྒྱུན་འཛིན་དགོས་པའི་སྐད་ཆ་ཞེ་ཅིག་བཤད་ནས་བསྡད་པ་ལས་འདི་ལྟ་བུའི་བོད་སྤྱི་པའི་སྟེང་བསམ་བློ་བཏང་ནས་དཔོན་རིགས་ཆེ་ཁག་གཅིག་ཀྱང་སྒེར་ངོས་ནས་མཇལ་འཕྲད་བྱས་པའི་གནས་ཚུལ་གཅིག་ཀྱང་མེད། ངས་སྐུར་འདེབས་སོགས་གང་ཡང་མིན། དཔེར་ན་དིལ་མགོ་མཁྱེན་བརྩེའི་ཡང་སྲིད་དེ་རྡ་སར་ཕེབས་སྐབས་དང་བསྟུན་ནས་བོད་གཞུང་གི་ཁོང་ལ་བཞེས་ལག་ཞིག་ཕུལ་བའི་སྐབས་སུ་ཟབ་གདོང་བླ་མས་སྐད་ཆ་ཞིག་བཤད་ཡོད་པས་དེར་གཟིགས་ན་དན་རྟགས་གསལ་པོར་མངོན་ཐུབ།
ཟམ་གདོང་གི་མི་ཚེ་ནང་གི་བྱས་རྗེས་ལས་མང་བ་ཞིག་སྲིད་སྐྱོང་མཆོག་གི་འཇོག་གནང་གྲུབ་ཚར་སོང་བས་རྗེས་སུ་ཡ་རང་ཞུ།