ནེ་ཇི་རི་ཡའི་གསར་ཁང་ལ་གཏོར་རྒོལ།

ཕྱི་ཚེས་ ༢༦ ཉིན་ནེ་ཇི་རི་ཡའི་རྒྱལ་ས་ཨ་བྷོ་ཇ་ (Abuja) ནང་ཡོད་པའི་གསར་ཁང་ཆེ་ཤོས་ཉིན་རེ་ཚགས་པར་ལས་ཁུངས་ལ་དྲག་སྤྱོད་པ་ཞིག་གིས་འགད་རྫས་གཏོར་ཏེ་མི་ ༣༧ ཙམ་རྐྱེན་ལམ་དུ་བཏང་ཡོད་པ་དང་། མི་ ༡༠༠ ལྷག་ལ་རྨས་སྐྱོན་བཟོས་ཡོད་པའི་གནས་ཚུལ་བྱུང་འཕྲད། བསྐྱར་དུ་ཁཱ་ཌུ་ནཱ་ (Kaduna) མངའ་སྡེའི་ནང་ཡོད་པའི་གསར་ཁང་དེའི་ཡན་ལག་ལས་ཁུངས་ཤིག་ལ་འགད་རྫས་གཏོར་ཏེ་མི་ ༣ རྐྱེན་ལམ་བཏང་ཡོད་འདུག་ལ། ད་དུང་མི་མང་པོ་ཞིག་ལ་རྨས་སྐྱོན་ཕོགས་ཡོད་འདུག

ནེ་ཇི་རི་ཡའི་རྒྱལ་ཡོངས་ཛ་དྲག་དོ་དམ་ལས་ཁུངས་ཀྱི་མགྲིན་ཚབ་པ་ཡུ་ཤའུ་ (Yushau A. Shuaib) ཡིས་བརྗོད་པ་ལྟར་ན། ད་ལྟ་འགད་རྫས་གཏོར་ཡུལ་ཁག་གཉིས་ལ་གཞུང་གི་དམིགས་བསལ་ཉེན་རྟོག་པ་དང་མྱུར་སྐྱོབ་རུ་ཁག་བཏང་སྟེ། ཤི་རྨས་ཐེབས་མཁན་ཚོར་དོ་དམ་དང་མྱུར་སྐྱོབ་བྱེད་བཞིན་ཡོད་པ་མ་ཟད།གསར་ཁང་གཞན་དག་ལའང་སྲུང་སྐྱོབ་བྱེད་བཞིན་ཡོད་འདུག

གསར་འགོད་པ། བནྡེ་སྐྱབས།