དེ་རིང་རྒྱ་ནག་གི་མིག་ལོང་ཁྲིམས་རྩོད་པ་ཁྲིན་ཀུང་ཁྲིན་ཨ་རིའི་གཞུང་ཚབ་ཁང་ནས་ཕྱིར་འབུད་དགོས་བྱུང་འདུག
དེ་རིང་ཕྱི་ཚེས་ ༢ ཉིན་གྱི་ཕྱི་དྲོ་རྒྱ་ནག་གཞུང་འབྲེལ་ཞིན་ཧྭ་དྲ་བའི་སྟེང་། “ཤེས་རྟོག་བྱུང་གསལ་ལྟར་ན། ཧྲན་ཏུང་ཞིང་ཆེན་ཡུས་ནན་རྫོང་གི་ཡུལ་མི་ཁྲིན་ཀུང་ཁྲིན་ཕྱི་ཟླ་ ༤ ཟླ་མཇུག་ལ་ཨ་རིའི་གཞུང་ཚབ་ཁང་ནང་འཛུལ་ཏེ། ཉིན་ ༦ རིང་བསྡད་རྗེས་རང་འགུལ་ཐོག་ཕྱིར་བུད་འདུག” ཅེས་གནས་ཚུལ་སྤེལ་ཡོད་པ་རེད།
པེ་ཅིན་དུ་གནས་སྡོད་ཨ་རིའི་མཐོ་རིམ་དཔོན་རིགས་ཤིག་གིས་ཀྱང་གནས་ཚུལ་དེ་དངོས་བདེན་ཡིན་པའི་དཔང་སྐྱེལ་བྱས་ཡོད་ལ། ད་དུང་མིང་གསལ་འདོན་བྱས་མེད་པའི་དཔོན་རིགས་དེས། ཁྲིན་ཀུང་ཁྲིན་ད་ལྟའི་ཆར་པེ་ཅིན་གྱི་འཕྲོད་བསྟེན་སྡེ་ཁག་ཅིག་ནང་ཡོད་པ་དང་། རྗེས་ཕྱོགས་དེ་གར་ཁོ་ལ་སྨན་བཅོས་དང་ནང་མི་མཉམ་འཛོགས་བྱ་རྒྱུ་ཡིན་སྐོར་བརྗོད་ཡོད་འདུག
དེ་སྔོན་འགྲོ་བ་མིའི་ཐོབ་ཐང་དོན་གཉེར་བ་ཁག་ཅིག་གིས་བརྗོད་པ་ལྟར་ན། ཁྲིན་ཀུང་ཁྲིན་མ་འོངས་པར་ནང་མི་དང་མཉམ་དུ་ཨ་རིར་བསྐྱོད་འཆར་ཡོད་ཚུལ་བརྗོད་ཡོད།
དེ་རིང་ཕྱི་དྲོ་རྒྱ་ནག་ཕྱི་དྲིལ་མགྲིན་ཚབ་པ་ལིག་ཝེ་མཱེན་གྱིས་པེ་ཅིན་དུ་གསར་འགོད་ལྷན་ཚོགས་ཐོག “ཨ་རིའི་གཞུང་ཚབ་ཁང་གིས་རྒྱུན་ལྡན་མ་ཡིན་པའི་བྱ་ཐབས་སྤྱད་དེ། རྒྱ་ནག་གི་མི་སེར་ཁྲིན་ཀུང་ཁྲིན་ཨ་རིའི་གཞུང་ཚབ་ཁང་དུ་ཁྲིད་ཡོད། རྒྱ་གཞུང་གི་ཕྱོགས་ནས་དེའི་ཐད་བློ་ཕམ་ཆེན་པོ་ཡོད་ལ། ཨ་རིའི་བྱ་སྤྱོད་དེ་ནི་རྒྱ་ནག་ནང་སྲིད་ལ་ཐེ་ཇུས་བྱས་པ་ཞིག་ཡིན་སྟབས་མཐའ་གཅིག་ཏུ་ངོ་རྒོལ་ཡོད།” ཅེས་བརྗོད་དེ། ཨ་རིའི་གཞུང་གིས་གནས་ཚུལ་དེའི་ཐད་རྒྱ་གཞུང་ལ་དགོངས་སེལ་དང་། གནད་དོན་དེ་དང་འབྲེལ་ཡོད་ཀྱི་འགན་ལེན་མི་སྣར་ཞིབ་བཤེར་ནན་མོ་བྱས་ཏེ་རྗེས་ཕྱོགས་གནས་ཚུལ་དེའི་རིགས་བསྐྱར་དུ་མི་འབྱུང་བའི་ཁས་ལེན་བྱ་དགོས་སྐོར་བསྒྲགས་འདུག
ཨ་རིའི་ཕྱི་སྲིད་བློན་ཆེན་ཧའེ་ལའེ་རའེ་སང་ཉིན་ཕྱི་ཚེས་ ༣ ཉིན་གྱི་ཞོགས་པ་པེ་ཅིན་ཏུ་འབྱོར་གྱི་ཡོད་པ་ལྟར། ཨ་རྒྱ་གཉིས་ཀྱི་འཐབ་ཇུས་དང་ཚོང་དོན་གྲོས་མོལ་ཚོགས་འདུ་ཐེངས་བཞི་པ་མ་འཚོགས་པའི་ཉིན་གཅིག་གི་སྔོན་ཏག་ཏག་ལ། འགྲོ་བ་མིའི་ཐོབ་ཐང་དོན་གཉེར་གནང་མཁན་གྱི་ཁྲིམས་རྩོད་པ་ཁྲིན་ཀུང་ཁྲིན་ཨ་རིའི་གཞུང་ཚབ་ཁང་ནས་ཕྱིར་འབུད་དགོས་བྱུང་འདུག
ཉེ་བའི་ཟླ་གཉིས་ལྷག་རིང་རྒྱ་གཞུང་གི་རུལ་སུངས་ཉེས་ཅན་དཔོན་རིགས་ཝང་ལིས་ཅོན་དང་། འགྲོ་བ་མིའི་ཐོབ་ཐང་དོན་གཉེར་ཁྲིམས་རྩོད་པ་ཁྲིན་ཀུང་ཁྲིན་གཉིས་སྔ་ཕྱིར་ཨ་རིའི་གཞུང་ཚབ་ཁང་ནང་འཛུལ་ཡོད་ཀྱང་། ཨ་རིའི་གཞུང་གིས་ “རང་འགུལ་ཐོག་ཕྱིར་འབུད་” ཞེས་པའི་མིང་འོག་ནས་རྒྱ་གཞུང་ལ་རྩིས་སྤྲོད་བྱས་ཡོད་པ་རེད།
གསར་འགོད་པ། ཚེ་རིང་རྒྱལ།
![China's Vice Minister of Foreign Affairs Sun Weidong in Tokyo, Japan in 2023 [File: Issei Kato/Pool via Reuters]](https://tibettimes.net/wp-content/uploads/2026/04/Screen-Shot-2026-04-15-at-2.32.14-PM-360x180.png)
༄༅།། བདེན་པའི་མཐའ་ནམ་ཡང་དཀར་བ་བདེན་ན་ཡང་རྫུན་གྱི་ཕུ་ཐག་ཀྱང་ཧ་ཅང་རིང་ཚོད་དུ་འདུག་པས། བདེན་རྫུན་གྱི་རྒྱལ་ཕམ་ནི་སུ་ཤུགས་ཆེ་མིན་ལྟ་བུ་ཆགས་མི་འདུག་གམ།
ད་ཨ་རི་ན་ཅང་མི་འདུག། དགེ་ཆོས་གསུང་བ་དེ་དངོས་གནས་བདེན་པ་རེད། ས
སྐྲ་སེར་སྤྲེའུ་རིགས་ལ་བློ་གཏོད་མེད་པ་དེ་དངོས་གནས་ཡིན་ས་རེད་།
སྔོན་མ་ཡིན་ན་ཨ་རིའི་འཛམ་གླིང་གི་རྒྱལ་ཁབ་སུ་ཡིན་ཡང་ཉམས་མི་དམའ་བར་སྐད་ཆ་སྦོམ་པོ་བཤད་ཀྱིན་ཡོད་པ་རེད་་་་ད་ཡིན་ན་ཞུམ་འདུག་ཀ་་་་ཧཧཧ་་་་ད་རྒྱ་མིའི་གདོང་པ་མཐོང་དུས་མགོ་བོའང་ཙམ་སྒུར་གྱི་འདུག་པས་་་ད་མི་འདུག་ཡ་་་
འདི་ནི་འཕྲལ་གྱི་ཁེ་ཕན་ཆུང་ཆུང་གི་ཆེད་དུ་འགྲོ་བ་མིའི་ཐོབ་ཐང་གི་རྩ་དོན་རྡོག་རོལ་ཏུ་བཏང་བའི་ཚབས་ཆེའི་གནད་དོན་ཞིག་རེད། གནད་དོན་འདིའི་རིགས་བྱུང་དུས་གནད་འགག་གི་སྐབས་སུ་ང་ཚོ་རང་ཉིད་ལ་རྒྱབ་སྐྱོར་བའི་རྩ་ནས་ལེན་རྒྱུ་ཅི་ཙམ་ཡོད་མེད་བསམ་ཤེས་ཐུབ་དགོས་པ་དང་། བསམ་བློ་ནན་ཏན་སྒོས་གཏོང་རྒྱུའི་སྐུལ་མ་ཞིག་ཐེབས་དགོས་པར་འདོད།
རྒྱལ་ཁྲིམས་དྲང་པོ་མེད་ན། མིག་ལོང་ཡིན་ཡང་། རྒྱལ་ཁབ་ཀྱི་དགྲ་བོར་རྩི་དགོས་བྱུང་བ་མིན་ནམ། ཧ་ཧ་འདི་འདྲའི་སྐྱུག་དྲོ་བའི་འཁོར་བ་གསར་པ་འདིའི་ལྟད་མོ་ཆེ་བ་ལགས།
ད་བྱས་དུས་འཛམ་གླིང་ན་དམངས་གཙོ་དང་དྲང་བདེན་མགོ་ལ་ཁུར་བའི་རྒྱལ་ཁབ་ཅིག་མེད་པ་རེད། གནད་དོན་འདིས་སྒེར་གཅོད་གང་ན་ཡོད་པ་རྣམས་ཀྱི་བསམ་འདུན་འགྲུབ་པ་དང་། གང་ན་སྙོམ་ཆུང་དང་དམངས་གཙོར་དུང་མཁན་དྲང་བདེན་རིགས་ཀྱི་མགོ་འཕང་སྨད་པ་རེད། ད་འཇིག་རྟེན་ན་རང་དོན་ལས་སྤྱི་དོན་དང་དྲང་བདེན་ཚང་མ་འདི་འདྲ་ཞིག་ཡིན་ཚེ་ས་ཡི་གོ་ལ་འདི་ཡང་གས་ཆག་ལ་ཐག་མི་རིང་སྙམ།
དུས་རྒྱུན་དུ་ཨ་རིས་ཚོང་རྒྱག་གི་ཡོད་པ་ལས། འགྲོ་བ་མིའི་ཐོབ་ཐང་རྩོད་ཀྱི་མེད། དེ་སྔོན་ཀོ་རི་ཡ་དམག་དང་ཝི་ཐི་ནམ་དམག གློ་སྒྲིག་འཛུགས་ཀྱི་འཇབ་དམག ཨེ་རག་དང་ཡུ་གེ་སི་ལ་ཝི་ནང་། དེང་ཨབྷ་གན་ནི་སི་ཏན་ནང་སོགས་རེད། ཨ་རིའི་ཚོང་གི་ཞོར་ལ། སུ་ཡིན་ནའང་ཁེ་ཕན་རེ་རྩོད་ཐུབ་ན་ཡག་ཤོས་རེད།
འདིའི་ནང་གནས་ཚུལ་ཞིག་མངོན་པ་ནི་ཨ་མི་རི་ཀས་འགྲོ་བ་མིའི་ཐོབ་ཐང་གཡོ་ཚོང་བྱེད་ཀྱི་ཡོད་པ་དང་རྒྱ་ནག་སྒེར་གཅོད་གཞུང་གི་སྟུ་ལྡག་བཞིན་པའི་སྐྱུག་བྲོ་བའི་གསར་འགྱུར་ཞིག་རེད། ཁྱེད་ཚོས་བལྟས་ན་དེ་འདྲ་མ་རེད་དམ།
ད་ངོ་མ་ཨ་རིས་ཞབས་འདྲེན་བཞགས་པ་ཉིན་རེ་བཞིན་ཇེ་མང་རེད། སྔོན་མའི་འཐབ་ན་མི་རྒྱལ་བ་མེད་པའི་ཨ་རི་དེ་དེང་སང་གཟའ་ཅི་རྡིབ་སོང་བ་རེད།