ཚེ་རྡོར་མ་བུ་གསུམ་གྱིས་རྒྱ་དམར་གྱི་རྒྱལ་དར་འཕྱར་བར་ངོ་རྒོལ་ཡོད་ཟེར།

ང་གཞོན་ནུའི་ཚོགས་མི་ཞིག་ཡིན། ང་རང་བཙན་གྱི་ལྟ་གྲུབ་ལ་ཡིད་ཆེས་ཡོད་མཁན་ཞིག་ཡོད་མོད། སྒང་ནས་སྡོད་མཁན་ཚོས་འདི་ལྟར་ཚོར་བ་གཅིག་པུས་ལས་ཀ་བྱས་ན། དངོས་གནས་རང་བཙན་པ་ཚང་མར་གྱོང་རེག་གི་འདུག ངས་གསལ་འདེབས་ཞུ་རྒྱུ་ཞིག་ལ། མ་འོངས་པར་དབུས་རྒྱུན་ནས་ལས་ཀ་ག་རེ་བྱས་ན་གྲོས་བསྡུར་བྱས། ཐག་གིས་མི་ཆོད་ན་འགན་འཛིན་ལྷན་ཚོགས་ལ་གྲོས་བསྡུར་བྱས། སྤྱི་ཚོགས་དང་བསྟུན། ༧གོང་ས་མཆོག་དང་གཞུང་དེ་བཞིན་མི་མང་བརྒྱ་ཆ་དགུ་བཅུ་ལྷག་གི་མངོན་འདོད་ལམ་དབུ་མ་གཙོས་ལྟ་གྲུབ་གཞན་འཛིན་མཁན་ཚོ་ལའང་ཕོག་ཐུགས་མ་འགྲོ་བ་ཞིག་གནང་དགོས་རྒྱུ་ལས། གླེན་ཤེད་ཚད་ན་ནང་ཁུལ་འཆམ་རྒྱུ་ཁག་པོ་རེད། དེ་ནས་གཞོན་ནུའི་མཐོང་བརླག་གི་རེད། ས་གནས་ཁག་ནས་དབུས་རྒྱུན་ལས་ཛ་དྲག་གིས་འགྱུར་བ་གཏོང་དགོས་པའི་ཡི་གེ་བཏང་མ་ཆོག་པ་ཡོད་པ་མ་རེད།

གླིང་ཚ་མ་བུ་གསུམ་གྱིས་བོད་དོན་ཞི་བའི་གོམ་བགྲོད་གནང་བཞིན་པ་དེར་ཡི་རང་དང་བསྔགས་བརྗོད་ཞུ་འོས་པ་ཞིག་རེད།

ཡིན་ནའང་ཞི་བའི་ལས་འགུལ་སྤེལ་སྐབས་སུ་རྒྱ་ནག་དམར་ཤོག་གི་དར་དམར་ཡར་བསྒྲེངས་ཏེ་གོམ་བགྲོད་གནང་བཞིན་ཡོད་པ་དེ་ཆབ་སྲིད་ཀྱི་ཐོག་ནས་བཤད་ན་ནོར་འཁྲུལ་ཆེན་པོ་ཞིག་རེད།

གང་ཡིན་ཟེར་ན་གཞུང་དང་། ཚོགས་པ། ཆོས་ལུགས་སོགས་ཚང་མར་སོ་སོའི་མཚོན་རྟགས་རེ་ཡོད་པ་རེད། དར་དམར་དེར་མཚོནྒུང་ཁྲན་ཏང་ལ་རྒྱལ་ཁ་ཐོབ་པའི་མཚོན་རྟགས་ཤིག་རེད་ལ་དར་དམར་དེའི་འོག་ནས་བོད་མི་ས་ཡ་གཅིག་དང་འབུམ་ལྷག་གི་ཚེ་སྲོག་འཕྲོག་ཡོད་པ་རེད།

དཔེར་ན་གུང་ཁྲན་ཏང་གི་ཚོགས་ཆེན་ཞིག་བསྐངས་ན་ཁོ་ཚོའི་བརྒྱབ་ཏུ་དར་དམར་བསྒྲེངས་འཛུགས་བྱེད་བཞིན་པ་དེ་རེད། ད་དུང་བོད་ནང་ཁང་པའི་སྟེང་དུ་ཏང་ལ་དགའ་ཞེན་ཡོད་པ་མཚོན་ཕྱིར་དར་དམར་བསྒྲེངས་འཛུགས་བྱེད་དོས་པའི་བཀའ་ཕབ་པ་རེད།

ང་ཚོས་འདི་ནས་རང་དབང་ཐོག་ཏང་དར་དམར་པོ་ལྷུབ་ལྷབ་ཏུ་གཡོ་བཞིན་འཁྱེར་འགྲོ་ན་དེས་གུང་ཁྲན་ཏང་ལ་དགའ་ཞེན་ཡོད་པ་མཚོན་པ་རེད།
མ་བུ་གསུམ་ཏང་ལ་ལྷག་བསམ་རྣམ་དག་གིས་དགའ་ཞེན་ཡོད་ན་དར་དམར་འཁྱེར་ནའང་འགྲིག དེ་ནི་སོ་སོའི་རང་དབང་རེད།

བོད་མི་རིགས་དང་བོད་རྒྱལ་ཁབ་ཀྱི་ཆེད་དུ་ཡིན་ཚེ་ེངས་པར་དུའང་དར་དམར་འཁྱེར་འགྲོ་དེ་ངེས་པར་དའུང་མཚམས་འཐོག་བྱེད་དགོས། དེར་ཐ་གཅིག་ཏུ་ངོ་རྒོལ་ཡོད།

བོད་ཀྱི་གཞོན་ནུ་ལྷནག་ཚོགས་ཀྱི་གསལ་བསྒྲགས་སྤེལ་བ་དེ་དོན་ལ་གནད་པ་ཞིག་རེད་།་དེ་ལ་རྒྱབ་སྐྱོར་ཡོད། གོམ་བགྲོད་ལས་འགུལ་འདི་རྙོག་དྲ་ཅན་ཞིག་ཏུ་འགྱུར་ངན་འདུག རྒྱ་ནག་གི་དར་ཆ་འཕྱར་བཞིན་གོམ་བགྲོད་བྱེད་པ་ནི་དངོས་གནས་ཡ་མཚན་ཞིག་རེད། གལ་སྲིད་བྱེད་སྟངས་འདི་ཡག་པོ་ཡིན་ན།་ ད་འོ་ན་ང་ཚོའི་གཞུང་གི་ལས་ཁུངས་ཚང་མའི་ནང་རྒྱ་ནག་གི་དར་ཆ་འགྲེང་ན་མ་རེད་པས། སློབ་གྲྭ་ཁག་ལས་རྒྱ་ནག་གི་རྒྱལ་གླུ་གཏོང་བཅུག་ན་གང་འདྲ་འདུག གསུམ་བཅུའི་དུས་དྲན་དང། མང་གཙོའི་དུས་ཆེན་སོགས་ཀྱི་སྐབས་སུ་རྒྱ་ནག་གི་དར་ཆ་ཆར་དགོས་པ་རེད། དྲ་གྲོགས་ཚོ་དེ་འདྲ་ཨེ་ཡིན།

འོ་ཡ་ད་ནང་འཁྲུག་རྒྱོབ་ཨང་ཧ་ཅང་ཡག་པོ་འདུག། དེ་འདྲ་ཡིན་ན། ད་བར་བོད་གཞོན་ནུ་ལྷན་ཚོགས་ག་པར་རྨོང་གཉིད་ཤོར་ནས་བསྡད་ཡིན། དུས་དེ་དུས་བསམ་གྲོས་ལྷུག་པོ་བྱས་ནས་རྐྱེན་མ་བྱུང་གོང་ལ་བཟློག་ཐབས་མི་བྱེད་པའི་རྒྱུ་མཚན་ཅི་རེད།
ད་ལས་དོན་སྤེལ་ཚར་ནས་མི་ཡིས་ས་ཁྱབ་གཏམ་གྱིས་འཛམ་གླིང་ཁྱབ་རྗེས་ངོ་རྒོལ་ཡོད་ཞེས་པ་བོད་དོན་རྩོད་ཀྱི་ཡོད་དམ ། ཉག་ཕྲ་བའི་དུས་ལ་ནང་འཁྲུག་རྩོད་ཀྱི་ཡོད།
ཉེས་རིང་ཆགས་ལྡང་གིས་ལྷད་འདྲ་ཨེ་འདྲེས།
བོད་མི་ཚོ་བློ་གཟུར་གནས་ཐོག་དཔྱད་ཞིབ་བྱེད་གལ་ཆེ་ལ་དོགས། བུད་མེད་ཚོགས་པས་ཆབ་སྲིད་ཉམས་མྱོང་དེ་དམར་བརྗེན་དགྲ་ལ་འཆར་ཚར་བ་རེད། ད་གཞོན་ནུ་ཚོགས་པ་འཆར་འདོད་ཀྱི་ད། འོ་འདི་དགྲ་ལ་དགོས་རྒྱུ་མཚོན་ཆ་ཞེས་པ་དེ་རེད། ད་བར་ཚོགས་པ་འདི་གཉིས་བཙན་བྱོལ་ནང་ཧ་ཅང་གལ་ཆེ་ཡིན་ཡང་ད་ལོ་བུད་མེད་ལྷན་ཚོགས་བོད་མིའི་མདོང་ཆུ་ལ་སྐྱུར་བ་རེད། ད་གཟབ་གཟབ་བྱེད་པའི་དུས་ལ་བབས་ཤག་བོད་གཞོན་ནུའི་ཚོགས་གཙོ་རྒན་གཞོན་དང་དྲུང་ཡིག་མེད་ཀྱང་བོད་གཞོན་ནུ་ཡོད་པ་བརྟེན་དགོས་གལ་ཡོད་ཚེ་གསར་འགོད་བྱས་ཆོག་པ་རེད། མང་གཙོ་བ་རྣམས་དཔྱད་པ་གནང་ནས་ངན་པ་ལང་ཤོར་མི་ཡོང་བ་ཚང་མའི་འགན་འཁུར་དགོས་པ་སེམས།།

ཚེ་རྡོར་མ་མོ་གསུམ་ལ་རྒྱབ་སྐྱོར་ཡོད།
བོད་དོན་བརྩོད་རྒྱུ་ནི་རང་རང་གི་ཐབས་ལམ་སྣ་ཚོགས་ཀྱི་སྒོ་ནས་བརྩོད་དགོས་་པ་ལས་གཞོན་ལྷན་ལ་སྟུན་དགོས་གང་ཡང་ཡོད་མ་རེད་སྙམ།
ལར་ནས་གཞོན་ལྷན་གྱི་ཐུགས་ལ་བཞག་དགོས་པ་ཞིག་ལ་བོད་དོན་གྱི་འཐབ་བརྩོད་འདི་གཞོན་ལྷན་ཁོ་ན་ལ་དག་པ་ཞིག་མིན་ལ་ཞོན་ལྷན་གྱིས་གང་བཤད་ལ་ཉན་དགོས་པ་ཡང་མེད་སྙམ། དེ་ན་ཚེ་རྡོར་མ་མོ་གསུམ་གྱིས་བོད་དོན་འཐབ་བརྩོད་གནང་ཕྱོགས་ལ་སྙིང་དབུས་ནས་རྒྱབ་སྐྱོར་ཡོད།

གླི་ཚང་མ་བུ་གསུམ་ནི་ངོ་མ་བོད་པ་ཁྲུས་ནས་མ་དག་པ་རེད་ལ།རྒྱའི་རྒྱལ་དར་འཁྱེར་ནས་རྒྱ་ནག་མི་སེར་བཟོ་བར་འགྲོ་གི་ཡོད་རྒྱུ་རེད་།
མིའི་རི་མོ་ནང་དང་སྟག་གི་རི་མོ་ཕྱི་ལ་ཡོད་པའི་དཔེ་ལྟར་གླི་ཚང་མ་བུ་གསུམ་ག་རེ་བྱེད་རྩིས་ཡོད་མེད་སུས་ཀྱང་བཤད་མི་ཐུབ།
ད་ལོ་རྒྱའི་རྒྱལ་དར་འཕྱར་ཏེ་མ་འགྲོ།ལོ་རྗེས་མ་ཀྲུང་གོ་གོང་ཁྲན་ཏང་གི་ཁོངས་མི་ཆགས་གྲབས་ཡོད་འགྲོ།
དེའི་རྗེས་ཀྲུང་གོ་ཀྲུང་དབྱངས་ཆབ་སྲིད་ཅུས་ཀྱི་རྒྱུན་ལས་ཆགས་གྲབས་ཡོད་འགྲོ།

བོད་ཀྱི་གཞོན་ནུ་ལྷན་ཚོགས་ཀྱིས་ད་ལྟའི་བོད་ནང་གི་དངོས་ཡོད་ཀྱི་བོད་མིའི་དཀའ་ངལ་ལ་བསམ་བློ་བཏང་མྱོང་མེད།
བོད་མིའི་སྤྱི་ཚོགས་བར་གྱི་ཆིག་བསྒྲིལ་ལ་བསམ་བློ་བཏང་མྱོང་མེད།
བོད་རྒྱལ་ཁབ་འཛུགས་བསྐྲུན་གྱི་མ་དངུལ་ལ་ཁ་གཡར་ནས་མི་མང་ནས་ཞལ་འདེབས་བསྡུ་རུབ་མགོ་བསྐོར་ལ་མི་མང་ཡིད་ཆད་འགྲོ་བ་ཤེས་མེད།
བསྒྲགས་གཏམ་མང་པོ་ཞིག་བསྒྲགས་ཀྱང་གྲུབ་འབྲས་གང་ཡང་ཐོན་པའི་རང་ཉིད་ཚོའི་ནུས་པ་ལ་བསམ་བློ་དཔོག་མྱོང་མེད།
དོན་འགྲུབ་ལྷ་དར་གྱི་རྗེས་སུ་རྒྱུག་ན་ཚོར་བའི་མཇུག་འབྲས་དང་ནང་དཀྲུགས་ཙམ་ལས་མེད་པ་ཤེས་མྱོང་མེད།
ཚེ་རྡོར་མ་བུ་གསུམ་སོགས་བོད་མི་ཉམ་ཆུང་ལས་འགུལ་བ་ཚོར་བརྫིག་བརྫིག་བྱས་ན་གནོད་ལས་ཕན་མེད་པའི་མཇུག་འབྲས་རྟོགས་མེད།
ཨ་ཧཧཧཧཧ། ད་ཡིན་ན་བོད་ཀྱི་གཞོན་ནུས་ནང་ཁུལ་དཀྲུགས་སོང་།

གཞོན་ནུ་ལྷན་ཚོགས་ནས་རྒྱབ་བཤད་བྱས་བའི་སྐད་ཆ་མེད་པར་གདོང་ལ་བུད་ནས་རྒྱབ་སྐྱོར་བྱེད་འདོད་མེད་ཚུལ་འདི། གླིང་ཚ་མ་བུ་གསུམ་ལ་མཚོན་རུང་བློས་མི་བཟོད་པའི་བརྙས་མོལ་དེ་ཆགས་སྲིད་ཀྱི་མ་རེད་ལ། དེ་ག་ནང་བཞིན་༧གོང་ས་མཆོག་གཙོ་གྱུར་བའི་དབུ་མའི་ལམ་གྱི་ཁྱད་ནུས་ལ་བློ་གདེང་འཁེལ་ཐུབ་མཁན་ཡོངས་བསམ་པ་གཅིག་མཐུན་ཡིན་སྲིད། འོན་ཀྱང་གཞོན་ལྷན་གྱི་དགོས་འདོད་དང་ལས་འགན། ལངས་ཕྱོགས། འཐབ་རྩོད་འགུལ་ཤུགས་གང་ཐད་ནས་ཞིབ་ཚགས་སྒོས་ཕྱིར་མིག་རེ་བྱས་ཚེ། གླིང་ཚ་མ་བུ་གསུམ་ལ་ངོ་རྒོལ་གྱི་སྐད་ཆ་དེ་ཉམས་ཆུང་ལ་བབས་པའི་དཔའ་སྐད་འཐེན་ཀྱིན་པའི་བཟོ་འདུག གཞོན་ལྷན་གྱི་ཁ་མིག་རྒྱབ་དཔུང་ཅན་ལ་ཐུག་ན་འགག་འགྲོ་བ་ཡིན་ན་མ་གཏོགས། བོད་གཞུང་འབངས་གཙོ་གྱུར་བའི་སྤྱི་འཐུས་ལྷན་ཚོགས་ཡན་ནས་རྒྱ་ནག་གི་རྩ་ཁྲིམས་འོག་འདུག་འདོད་ལྟར། སྤྱི་ཚོགས་རིང་ལུགས་བཟང་གི་རྒྱལ་གླུ་མ་བླངས་ཙམ་བྱས་སོང་ང་། དེ་དུས་རྒྱལ་རབས་ལོ་རྒྱུས་གཞི་བཟུང་གིས་རང་བཙན་ལ་མཆོད་སྟེགས་ཞིག་བཞེངས་ཡོད་ན་ཅི་མ་རུང་། དེ་བཞིན་བོད་མི་མང་གི་དཀའ་སྡུག་ལ་བབས་བའི་དཔའ་བོ་མདུང་འཁུར་རེ་བྱུང་ཡོད་ལས་ཆེ་ཨང་། གང་ལྟར་དེ་སྔོན་བྱུང་མ་མ྄ོང་རུང་ད་དུང་ཡིན་ཡང་རུང་གོ་སྐབས་ཀྱི་ཆ་ནས་ལྷག་བསམ་ཡོད་ན་གཏོང་ཕོད་བྱེད་རྒྱང་བྱས་དང་྄། བོད་མི་མང་ལ་མཁོ་མཁོ་པ་རེད།
མདོ་དོན་གཞོན་ལྷན་གྱི་དེ་རིང་གི་ངོ་རྒོལ་འདི། ས་མཚམས་མེད་པར་ཁ་བཤད་གཉིས་མེད་ཀྱི་ལག་ལེན་ལ་ཐོབས་དང་གླིང་ཚ་མ་བུ་གསུམ་བོད་མི་མང་གི་དོན་དུ། དམྱལ་བའི་ཡུལ་དུ་འགྲོ་དགོས་རུང་ཕྱིར་མིག་ཙམ་ཡང་བལྟས་འགྲོ་བའི་བསམ་པ་མེད།

གཞོན་ནུ་ཚོགས་པར་རྒྱབ་སྐྱོར་བརྒྱ་ཆ་བརྒྱ་ཐམ་པ་ཡོད།

མི་ཆུང་ལ་ཞུ་བར་བྱ་བ་ནི།
ངས་ལོག་བཤད་བྱས་མེད་ལ་བདེན་བཤད་བྱས་ཡོད་ད་བར་བསམ་བློ་མང་པོ་བཏང་བའི་འབྲས་བུར། དར་དམར་འོག་བོད་དང་བོད་མི་རིགས་འདི་ཇི་སྲིད་གནས་པ་དེ་སྲིད་དུ་རང་དབང་དང་བདེ་སྐྱིད་ཞིག་འབྱུང་གི་རེད་བསམ་པའི་རེ་བ་ནམ་ཡང་མེད་ལ་ནམ་ཡང་འབྱུང་གི་ཡང་མ་རེད། རྒྱུ་མཚན་ཀྲུང་གོ་དམངས་གཙོའི་ཕྱོགས་སུ་བསྐྱོད་རྒྱུར་ད་དུང་ལམ་ཐག་རིང་ལ་གལ་ཏེ་དམངས་གཙོར་བསྐྱོད་འགོ་འཚུགས་ན་ཡང་གྲངས་འབོར་ཆེ་ཤོས་དང་ཧན་མི་རིགས་ཀྱི་མི་རིགས་ཆེན་པོའི་རིང་ལུགས་ཀྱི་ལྟ་བ་ནམ་ཡང་འདོར་མི་སྲིད་པས་ནམ་ཡང་བོད་མི་རིགས་ལ་འཛིན་པའི་ལྟ་བར་འགྱུར་བ་མེད་པ་རེད། མ་གཞི་དར་དམར་དེ་ཀྲུང་གོ་གུང་ཁྲན་ཏང་རོ་ལངས་རྒྱགས་དུས་གསར་བཟོ་བྱས་པ་ཞིག་རེད་ལ་མཚོན་དོན་ཡང་ཧ་ཅང་འཇིགས་སུ་རུང་བ་ཞིག་རེད། ལོ་ཆུང་བྱིས་པའི་གདོང་ལེན་རུ་ཁག་གི་སྐེད་དར་དམར་པོ་དང་དར་དམར་ནི་མི་སྲོག་མང་པོའི་འགྲོ་གྲོན་དང་གཞན་སྲོག་མང་པོ་ཕྲོགས་པའི་ཁྲག་ཚོས་བརྒྱབ་པའི་རས་དམར་ཞིག་ཡིན་པ་རེད་ལ། མ་གཞི་ནས་སྐར་ལྔའི་དར་དམར་གྱི་མཚོན་དོན་ནང་གྲངས་ཉུང་མི་རིགས་འཚུད་ཡོད་མེད་དང་གལ་ཏེ་འཚུད་ཡོད་ན་ཟུར་དང་སུལ་གང་དུ་ཡོད་མེད་ཁྱོད་ཀྱིས་གསལ་པོ་ཤེས་ཀྱི་ཨེ་ཡོད།
ད་དུང་ཁྱོད་ལ་དྲི་བ་ཞིག་འདྲི་རྒྱུར། དབུ་མའི་ལམ་གྱི་གནས་བབས་ཐོག་ང་ཚོ་ཕྱིར་ཕ་ཡུལ་དུ་ལོག་པའི་དུས་ཞིག་ག་དུས་ཤར་གྱི་རེད་དམ། ཕྱིར་ཕ་ཡུལ་ལོག་ན་ཡིན་ཅིག་དར་དམར་བསྒྲེངས་དགོས་པའི་རྒྱུ་མཚན་ག་རེ་ཡིན་ནམ། ཁྱོད་ལ་རྨི་ལམ ཡག་པོ་བཏང་བ་ཡིན་རྒྱུ་རེད་པ།

ལམ་དབུ་མར་ངོས་ལེན་ཡོད་ན་དར་ཆ་དམར་པོར་ངོས་ལེན་མེད་པའི་རྒྱུ་མཚན་མི་འདུག གཉིས་སྨན་དབུ་མའི་ལམ་ནི་དར་ཆ་དམར་པོའི་འོག་ནས་འདུག་གི་ཡིན་ཞེས་པ་དེ་མ་རེད་དམ།

གཞོན་ནུ་ཚོགས་པས་གཞན་ལ་ཕྲག་དོག་རེ་བྱས་ནས་འདུག་པ་ལས་ཁོང་ཚོའི་ངོས་ནས་ལས་འགུལ་རླབས་ཆེན་གཅིག་ཀྱང་སྤེལ་ཐུབ་ཀྱི་མི་འདུག་་་་་ཉམ་ཆུང་མ་བུ་གསུམ་ལྟ་བུའི་ཆོད་སེམས་བརྟན་པོའི་ལས་འགུལ་ཞིག་སྤེལ་མྱོང་ཡོད་དམ་་་་་་ནམ་ཡིན་ཡང་ཁ་སྤོབས་ཆེན་པོ་ཞིག་བསྒྲགས་ནས་ཞལ་འདེབས་བསྡུ་རུབ་དང་ཁྱབ་བསྒྲགས་ཆེན་པོ་ཞིག་བྱེད་རྒྱུ་ལས་དོན་དངོས་ད་བར་ཅི་ཡང་ཐུབ་མེད་་་་་་སོ་སོ་ཉེན་ཁ་མེད་ས་ཞིག་ཏུ་བསྡད་ནས་ལས་འགུལ་ཆེན་པོ་རེ་སྤེལ་འགོ་བཙུགས་རྗེས་ལམ་སེང་མཇུག་བསྡུ་གི་རེད་་་་་་ཁྱོད་ཚོས་༢༠༠༨་ལོར་སྤེལ་བའི་ལས་འགུལ་དེས་ཚང་མའི་སེམས་ཤུགས་ཆག་ཀ་བཅུགས་པ་རེད་་་ད་དུང་ཁ་སྤོབས་ཆེན་པོ་བསྒྲགས་ནས་ཧང་སང་བ་ཞིག་གྱིས་ཀི་ཡོད་མདོག་མདོག་ལས་་་་དོན་དམ་པར་ཅི་ཞིག་ཡོད་་་་་་འདི་འདྲ་བྱས་ནས་ད་བར་བསྡད་པ་རེད་་་་་ཁོང་མ་བུ་གསུམ་ལ་མཐའ་གཅིག་ཏུ་ངོ་རྒོལ་ཡོད་ན་་་ཁྱོད་ཚོ་འགོ་བ་ཚོས་སྣེ་ཁྲིད་ནས་གཞོན་ནུ་ཚོགས་ཡོངས་ཀྱིས་རྒྱ་མིའི་དར་དམར་མ་འཕྱར་བར་བོད་ནང་དུ་སོངས་དང་་་་་་བློ་ཁོག་ཅི་འདྲ་འདུག་ང་ཚོས་བལྟ་གི་རེད་་་་་་ཁ་སྤོབས་ལས་ལག་ལེན་གལ་ཆེན་རེད་་་

གཙོ་བོ་བོད་ནང་ལ་བསམ་བློ་གཏོང་དགོས། བོད་ནང་ནས་བོད་མི་ཚོས་བོད་དོན་འཐབ་རྩོད་བྱས། རྒྱ་དར་མར་ཕམ། བོད་དར་ཡར་བསྒྲེངས། དེ་ཚོ་སྲོག་ལ་ཉེན་ཁ་ཡོད་ཀྱང་བྱེད་ཀྱི་ཡོད་པ་རེད། རང་དབང་ལུང་པར་ལས་འགུལ་འདི་འདྲ་སྤེལ་ན་ཡ་མཚན་རེད། དོན་དམ་པས་ང་ཚོས་ཅི་ཞིག་རྩོད་ཀྱི་ཡོད།
༢༠༠༨ རྒྱ་དར་མར་ཕབ་ཏེ་བོད་ནང་ལས་འགུལ་སྤེལ་བའི་པར་དང་གློག་བརྙོག་མང་པོ་ཡོད། རྙོག་བརྙན་གཙོ་བོ་ཨ་མདོ་ས་ཕྱོགས་ནས་རག་ཡོད། ང་ཚོས་བསམ་བློ་གཏོང་དགོས། ང་ཚོས་ཅི་ཞིག་རྩོད་ཀྱི་ཡོད།
ཚེ་བརྟན་རྡོ་རྗེ་མ་བུ་གསུམ་གྱིས་སེམས་ཤུགས་ཀྱིས་ལས་འགུལ་སྤེལ་ཡང་། བྱེད་སྟངས་ཅུང་འགྲིག་མི་འདུག རྡ་ས་ནས་འགྲོ་དུས་དེ་འདྲ་རེད་མི་འདུག་མོད། རྡ་སའི་སྲིད་དོན་པ་ཚོས་བརྒྱུད་སྐུལ་མང་པོ་བྱས་སོང་།

འོ་ཡ་ད་ནང་འཁྲུག་རྒྱོབ་ཨང་ཧ་ཅང་ཡག་པོ་འདུག། དེ་འདྲ་ཡིན་ད་བར་བོད་གཞོན་ནུ་ལྷན་ཚོགས་ག་པར་རྨོང་གཉིད་ཤོར་ནས་བསྡད་ཡིན། དུས་དེ་དུས་བསམ་གྲོས་ལྷུག་པོ་མི་བྱེད་པའི་རྒྱུ་མཚན་ཅི་རེད། ད་ལས་དོན་སྤེལ་ཚར་ནས་མི་ཡིས་ས་ཁྱབ་གཏམ་གྱིས་འཛམ་གླིང་ཁྱབ་རྗེས་ངོ་རྒོལ་ཡོད་ཞེས་པ་བོད་དོན་རྩོད་ཀྱི་ཡོད་དམ ། བོད་མི་རྩོད་ཀྱི་ཡོད། ཉེས་རིང་ཆགས་ལྡང་གིས་ལྷད་འདྲ་ཨེ་འདྲེས་བོད་མི་ཚོ་བློ་གཟུར་གནས་ཐོག་དཔྱད་ཞིབ་བྱེད་གལ་ཆེ་ལ་དོགས། བུད་མེད་ཚོགས་པས་རྗེས་གཞོན་ནུ་ཚོགས་པ་ཁ་བརྡུང་འོག་ཚུད་ན་དགྲ་ལ་དགོས་རྒྱུ་མཚོན་ཆ་ཞེས་པ་དེ་རེད། འདི་གཉིས་ནང་ཧ་ཅང་གལ་ཆེ་ཡིན་ཡང་ད་ལོ་བོད་མིའི་མདོང་ཆུ་ལ་སྐྱུར་བ་རེད། ད་གཟབ་གཟབ་བྱེད་པའི་དུས་ལ་བབས་ཤག་བོད་གཞོན་ནུའི་ཚོགས་གཙོ་རྒན་གཞོན་དང་དྲུང་ཡིག་མེད་ཀྱང་བོད་གཞོན་ནུ་ཡོད་པ་བརྟེན་དགོས་གལ་ཡོད་ཚེ་གསར་འགོད་བྱས་ཆོག་པ་རེད། མང་གཙོ་བ་རྣམས་དཔྱད་པ་གནང་ནས་ངན་པ་ལང་ཤོར་མི་ཡོང་བ་ཚང་མའི་འགན་འཁུར་དགོས་པ་སེམས།།

ཚེ་རྡོར་མ་མོ་གསུམ་ལ་བསྔགས་བརྗོད་ཡོད་་་་དེ་ནི་༄༸གོང་ས་མཆོག་གི་དགོངས་གཞི་དང་ཡོངས་སུ་མཐུན་པ་ཞིག་རེད་་་་་་གཞོན་ནུ་ཚོས་ཟབ་དཔྱད་ངང་ཡོངས་བསལ་བྱས་ན་ལེགས་གནད་དོན་འདི་རིགས་ལ་ཚོགས་པའི་མིང་ཁྱེར་ནས་གང་བྱུང་ལབ་ན་འོ་ན་ཁོ་ཚོ་ལ་ཡང་བོད་དོན་ཐོག་འགན་མེད་རེད་པས་་་་་རང་བཙན་ཞེས་པ་ལོ་རྒྱུས་དང་ཡུལ་སྲོལ་གོམས་ཤིས་གང་གི་ཐད་ན་རེད་འོན་ཀྱང་དེ་ལེན་པར་་་གནད་འགག་གལ་ཆེ་བ་གཉིས་རེད་གཅིག་ང་ཚོ་བཟའ་འཁན་དེའི་སྟོབས་ཤུགས་དེ་རེད་་་་གཅིག་ང་རང་ཚོ་ལ་དེ་མཚུངས་ཀྱི་སྟོབས་ཤུགས་དང་རྒྱབ་སྐྱོར་དེ་རེད་དེ་གཉིས་ཀ་གོ་ལྡོག་ཏུ་གྱུར་ཡོད་པས་ཁྱེད་ཚོས་ཐབས་ལམ་གང་ལ་རྟེནནས་རང་བཙན་ལེན་གྱི་ཡིན་པས་་་འདི་ནི་ཁོང་མ་བུ་གསུམ་གྱི་ཐབས་ལམ་ཡིན་པས་གཞོན་ནུས་འགག་པ་རྒྱབ་ན་མི་བསྒྲིག་་་་་་ང་ཚོ་བོད་པ་ཚོས་ཟབ་ཟབ་ངེས་པར་བྱ་དགོས་ཁྱིམ་གཞི་དཀྲུག་དཀྲུག་གཏོང་འཁན་མང་པོ་ཡོད་

གཞོན་ལྷན་ལ་ལྟ་ཚུལ་དམིགས་ཡུལ་ཞིག་ཡོད་པ་རེད་ང་ལྟ་སྟེངས་ཡིན་ན་འུ་ཚུགས་ཀྱི་རྣམ་པ་ཆེནཔོ་འདུག་དེ་དགོས་ཡང་དགོས་རྒྱུ་རེད།
གང་ལྟར་ཏུ་ཚེ་བརྟན་རྡོ་རྗེ་མ་བུ་གསུམ་སེམས་ཤུགས་དང་སྙིང་སྟོབས་དཔའ་མཛངས་དང་བྱངས་གྲོང་འཛོམས་པའི་ཐོག་ནས་ཐོག་མར་ཡང་ལས་འགུལ་འགོ་འཛུགས་བྱས་པ་རེད་དེ་དགེགས་བྱ་དང་བསྟོད་ངག་ལ་མི་ལྟོས་པར་ལས་འགུལ་མཇུག་སྐྱོང་རྒྱུ་གལ་ཆེན་པོར་འགྱུར་ཡོད་པ་རེད། གཞོན་ལྷན་དང་ཚེ་བརྟན་རྡོ་རྗེ་མ་བུ་གསུམ་གང་ཡིན་ལྷག་བསམ་གཙང་ཡིན་པར་ངོས་འཛིན་བྱ་རྒྱུ་གལ་ཆེན་པོ་རེད། གཅིག་སྒྲུལ་གྱི་ནུ་ཤུགས་ཚད་གཞི་མཐོ་རུ་བཏང་རྒྱུ་གལ་ཆེན་པོ་རེད།

བོད་མི་ས་ཡ་དྲུག་གི་ངོ་བོ་མཚོན་ཐུབ་མཁན་ངོ་མ་དེ་གཞོན་ནུ་ཚོགས་པ་ཡིན་ཡང་། ད་ཐེངས་ཚེ་རྡོར་མ་བུ་གསུམ་ལ་འདི་འདྲའི་གསར་འགོད་གསལ་བསྒྲགས་ཆེན་པོ་ཞིག་སྤེལ་བ་དེ་ཚད་ལས་བརྒལ་མིན་འགྲོ།
ད་རྒྱ་དར་ཁུར་ན་འདྲ་བོད་དར་ཁུར་ན་འདྲ་དོན་ངོ་མ་རང་ཉིད་ལ་ཁེ་བསང་ཞིག་མ་གཏོགས་རྩ་དོན་ངོ་མ་ལ་བསམ་མཁན་ཞིག་རྡ་ས་མཐོང་མ་སོང་།

གཞོན་ནུའི་ངོ་རྒོལ་གནང་བ་དེར་མོས་མཐུན་མེད། ངོ་རྒོལ་བྱས་མཁན་ཚང་མ་བསམ་བློ་ཡག་པོ་ཐོངས། གླི་ཚང་མ་བུ་གསུམ་ལ་ཕན་མ་ཐོག་ན་གནོད་པ་མ་བྱེད་རོགས།

གཞོན་ནུ་ཚང་རྫིག་ཉམ་ཅན་ཞིག་ཚོགས་དེ་གླིང་ཚ་མ་བུ་གསུམ་ལ་གནམ་ལྕགས་ཐོགས་ལྟ་བུའི་སྐད་ངན་པ་ཞིག་བརྒྱབ་མི་འདུག་གམ། གཏམ་ཕུ་ཐག་ཐུང་ཞིང་སེམས་ཚོལ་སྨྲས་བ་ཞིག་ཡིན་དུས་་་་གླིང་ཚའི་བུ་མི་ཐུབ་ཁོ་ཐག་རེད།

རྒྱ་དར་འཕྱར་བ་ཙམ་གྱི་རྒྱ་འོག་དུ་ཚུད་པ་མིན་ལ། རྒྱ་དར་མེར་སྲེག་པ་ཙམ་གྱི་རྒྱ་དམར་ཕམ་པ་དེ་བས་མིན། ལྷ་དར་སོགས་ལ་ཞུ་འདོད་པ་ནི་་་་རྒྱ་དར་མེར་སྲེག་རྒྱུ་ཡིན་ཞེས་ངར་ངར་བྱེད་དེ་མི་འདུག་པར་་་དོན་དམ་པའི་རྒྱ་དར་དེ་་་་སྒོ་མོ་ཆེའི་མདུན་ཐང་དུ་འཕྱར་བའི་དར་དམར་་་་ཡང་ན་དོན་གཅོད་སོགས་ཀྱི་མདུན་ཐང་གི་དར་དམར་སོགས་མེར་སྒྲོན་ཤོག གླིང་ཚ་མ་བུ་གསུམ་རྒྱལ་བར་ཤོག

ཆབ་སྲིད་ཀྱི་འགྲོ་སྟངས་ཤེས་པའི་མི་ཞིག་ཡིན་ན་གཞོན་ལྷན་གྱི་བྱེད་སྟང་འདི་བློ་ཡུལ་དུ་མི་ཤོང་བ་གང་ཡང་མ་རེད། གཞོན་ལྷན་གྱི་ཆབ་སྲིད་ལང་ཕྱོགས་ནི་རང་བཙན་གཙང་མ་ཡིན་པས། ཚེ་བརྟན་རྡོ་རྗེ་མ་བུ་གསུམ་གྱིས་རྒྱ་མའི་རྒྱལ་དར་འཕྱར་བ་དེ་གཞོན་ནུའི་ཆབ་སྲིད་ལང་ཕྱོགས་དང་རྩ་འགལ་རེད། དེས་ན་གཞོན་ནུས་ངོ་རྒོལ་བྱས་པ་དེ་མི་འོས་པ་ཅང་མ་རེད་འདོད། དེས་ན་འདི་ནི་གཞོན་ལྷན་རང་གི་ཆབ་སྲིད་ལང་ཕྱོགས་གསལ་བསྟོན་བྱས་པ་ཙམ་ལས། ཁོང་མ་བུ་གསུམ་གྱིས་དཀའ་ལས་རྒྱབ་པ་ལ་བརྩི་བཀུར་མ་ཞུས་པ་ཞིག་མ་རེད་བསམ།

དབུ་མའི་ལམ་གྱི་དམིགས་ཡུལ་ནི་གུང་ཁྲན་ཏང་རྩ་མེད་བཟོ་ཡ་མ་རེད། རྒྱ་ནག་མང་གཙོར་འགྱུར་ན་ཆོག་གི་་་་་་རྒྱ་ནག་གུང་ཁྲན་ཏང་གིས་བཟུང་ན་ཆོག་གི་་་་་བོད་ལ་མིང་དོན་མཚུངས་བའི་རང་སྐྱོང་ཐོབ་རྒྱུ་དེ་རེད། རྒྱ་ནག་མི་དམངས་སྤྱི་མཐུན་རྒྱལ་ཁབ་འོག་ནས་བསྡོད་གི་ཡིན་གསུངས་གི་འདུག་ག སྤྱི་མཐུན་རྒྱལ་ཁབ་དགོ་གི་ཡོད། རྒྱལ་དར་མི་དགོ་ཟེར་གསོལ་ཅིག་ཨེ་ཡོད།
དབུ་མའི་ལམ་གྱི་དམིགས་ཡུལ་ནི་དམར་ཕྱོགས་ཀྱི་ལྟ་མེད་པར་བཟོ་ཡ་ཡང་མ་རེད། གོང་ས་༧་མཆོག་གིས་ཁོང་མ་ཁུ་སི་ཕྱེད་ཀ་ཡིན་གསུངས་སོང་ང་།
ང་ཚོའི་དམིགས་ཡུལ་ངོ་མ་དེ་ཧོང་ཀོང་གིས་ཁོ་ཚོའི་དར་ཆ་རྒྱ་དམར་གྱི་དར་ཆ་ལས་ཅུང་ཙམ་དམའ་བ་ཞིག་སྒྲེང་ཡོད་པ་བཞིན་ང་ཚོའི་རྒྱལ་དར་རྒྱ་དམར་གྱི་རྒྱལ་དར་རྩ་ནས་དམའ་བོ་བྱས་ནས་སྒྲེང་རྒྱུ་དེ་རེད།
ཁོ་བོ་ལ་སྔོན་མ་ནས་བཟུང་བསམ་ཚུལ་་འདི་ཡོད། དབུ་མའི་ལམ་ངོ་མ་ཞིག་བྱེད་འདོད་ཡོད་ན་བོད་ཆོལ་ཁ་གསུམ་ཚུད་པའི་བོད་ཀྱི་ས་ཁྲ་རྒྱ་ནག་གི་ས་ཁྲའི་ནང་ལོགས་ན་ཡོད་པ་ཞིག་བཟོ་དགོས་པ་རེད། པོ་ཏ་ལའི་མདུན་ཐང་ན་ཡོད་པའི་རྒྱ་དམར་གྱི་རྒྱལ་དར་དེའི་རྩ་ནས་བོད་ཀྱི་རྒྱལ་དར་ཁྲུ་གང་གིས་དམའ་བ་ཞིག་བསྒྲེང་ཡོད་པ་ཞིག་བཟོ་དགོས་པ་རེད། དེ་བཟོས་ན་དབུ་མའི་ལམ་གསལ་བོ་ཆགས་པ་རེད།
གཞོན་ལྷན་གྱིས་རྒཽལ་ན་དབུ་མའི་ལམ་ལ་རྒོལ་ནས་ཆ་ཚང་ལ་རྒོལ། དེ་མིན་ཉམ་ཆུང་གླིང་ཚ་མ་བུ་གསུམ་ལ་ཅི་ཕྱིར་རྒོལ་གི་ཡོད། ཤུག་གསོད་ས་ལྟ་རེ་ཁྱེར་མ་ཡོང་།
ཕལ་ཆེར་གཞོན་ལྷན་ཁོ་ཚོས་གླིང་ཚ་མ་བུ་གསུམ་གྱི་སྙིང་སྟོབས་ལ་མཉམ་ཞུགས་བྱེད་མ་ཕོད་ནས་རྒྱ་དར་ལ་ཁག་དཀྲིག་ས་བྱེད་གི་ཡོད་པ་འདྲ།
དོན་ངོ་མ་བཤད་ན་་རྒྱ་ནག་མང་གཙོ་བྱེད་མི་བྱེད་དང་། རྒྱ་ནག་གིས་དར་ཆ་ཇི་ཞིག་བསྒྲེང་དགོས་མིན་ནི་ང་ཚོའི་ལས་ཀ་མ་རེད། དེ་ནི་རྒྱ་ནག་མི་དམངས་ལས་ཀ་རེད། ང་ཚོས་ང་ཚོའི་རིགས་གཞུང་སྐྱོབ་ཐུབ་བྱེད་རྒྱུ་དེ་རེད།

གཞོན་ནུའི་ངོ་རྒོལ་གནང་བ་དེར་རྒྱབ་བསྐྱོར་ཡོད། དར་ཆ་མང་པོ་ཞིག་མཉམ་དུ་ཕྱར་ནས་དོན་ངོ་མ་སུ་ལ་ངོ་རྒོལ་བྱེད་ཀྱིས་ཡོད་ཤེས་ཡས་མིན་འདུག སྤྱིར་ཁོང་མ་བུ་གསུམ་གྱི་སེམས་ཤུགས་ལ་བསྔགས་བརྗོད་བྱ་མཁན་མང་པོ་ཡོད་པ་མ་ཟད་ཡོད་ཀྱང་དགོས། བྱ་ཐབས་དེར་ལོ་རྒྱུས་ཀྱི་ནག་ཉེས་ཆེན་པོ་ཞིག་བསགས་པ་རེད། དར་ཆ་དེའི་འོག་ནས་ང་ཚོའི་ཕ་མ་སྤུན་མཆེད་ཀྱི་མང་པོའི་འཚེ་སྲོག་ཤོར་ཡོད་པ་མ་ཟད། དར་ཆ་དེའི་འོག་ནས་གཉའ་སྣོན་ཚད་ལས་འགལ་བ་མྱང་དང་མྱོངས་བཞིན་པའི་གཞི་བཞུགས་བོད་མི་རྣམས་ལ་གདོང་པ་སྟོན་ཤེས་ཡས་མེད།

གསེར་འབྲུག་སྡེར་ལྔར་ཞུ་བ།
((དར་དམར་འཕྱར་བ་ཙམ་གྱིས་རྒྱ་མིས་བོད་ལ་འཛིན་པའི་སྲིད་ཇུས་དང་འཆར་གཞི་དང་ལག་བསྟར་རང་བཞིན་ལྡན་པའི་བྱ་སྤྱོད་དེ་འགྲིག་ཤག་ཟེར་གྱི་ཡོད་པ་རེད།))
འདི་ཁོ་པའི་སྐད་ཆ་རེད། ལོག་བཤད་མ་བྱེད། བསམ་བློ་ཐོངས། དར་ཆ་ནི། མི་རབས་མང་པོར་གཅིག་ཏུ་གནས་རྒྱུ་དེ་རེད། སྲིད་ཇུས་དང་འཆར་གཞི་ལག་བསྟར་ནི། ལོ་རེར་འགྱུར་བ་འགྲོ་གི་ཡོད། རྒྱ་ནག་གི་དམངས་གཙོ་དོན་གཉེར་བ་ཚོས་ཀྱང་དར་དམར་སྒྲེང་གི་ཡོད། འོན་ཀྱང་ཁོ་པ་ཚོས་ད་ལྟའི་སྲིད་ཇུས་ལ་མཐའ་གཅིག་ཏུ་ངོ་རྒོལ་བྱེད་ཀྱི་ཡོད།
རྒྱལ་ཁབ་ཀྱི་དར་ཆ་དང་མིའི་སེམས་ཁམས་གཅིག་ཏུ་ལྟ་མི་རིག

ནང་ལ་བསྐོར་ན། འདི་ཚང་གི་ཚོགས་གཙོའི་སྒང་ལ་ཚོགས་གཞོན། ད་དུང་དེའི་སྒང་ལ་དྲང་ཆེ། ཅི་འདྲའི་འཇིགས་རྔམས་ཆེ་བ་ལ། ནམ་རྒྱུན་གཞོན་ཚོགས་ཚོར་བའི་རྗེས་སུ་སོང་སྟེ་ཁུངས་མི་འཁྱོལ་བའི་ལས་འགུལ་ཉི་ཚེ་བ་རེ་ལས་ཅི་ཞིག་འཇོན་མྱོང་།

བོད་ཀྱི་གཞོན་ནུ་ལྷན་ཚོགས་ཀྱི་ལས་འགུལ་བོད་ནང་དུ་བསྐྱོད་རྒྱུའི་སྤོབས་པ་མ་འདང་བའི་ཁྲག་དོག་ཉག་གཅིག་རེད།