རྒྱ་གཞུང་གིས་བལ་ཡུལ་གཞུང་གི་ཉེན་རྟོག་པ་དང་མཉམ་འབྲེལ་བྱས་ཏེ། བལ་ཡུལ་གནས་སྡོད་བོད་མི་ཚོར་དྲག་རྡུང་ལས་འགུལ་སྤེལ་འཆར་ཡོད་འདུག
ཟླ་སྔོན་མའི་ནང་བོད་རང་སྐྱོང་ལྗོངས་སྤྱི་བདེའི་ཚན་པས་ནང་ཁུལ་ཚོགས་འདུ་ཞིག་སྐོང་ཚོགས་བྱས་ཏེ། ལྷ་ས་གྲོང་ཁྱེར་སྤྱི་བདེ་ལས་ཁུངས་ཀྱི་འགན་འཛིན་གཞོན་པ་ལོའུ་ཞའོ་པིང་དང༌ཐེན་ཅིན་ཧྲ། མཱ་ཅོན། ཀྲང་ཝུན་ཧྲན། ཁྲའོ་ཐའེ་ལིན་བཅས་ལ་དྲག་རྡུང་ལས་འགུལ་གྱི་སྣེ་འཁྲིད་པའི་འགན་སྤྲད་དེ་བོད་རང་སྐྱོང་ལྗོངས་ཀྱི་ཁྱབ་ཁོངས་སུ་དྲག་རྡུང་གི་ལས་འགུལ་སྤེལ་རྒྱུའི་འཆར་གཞི་སྒྲིག་ཡོད་པ་མ་ཟད། བལ་ཡུལ་གཞུང་གི་ཉེན་རྟོག་པ་དང་འབྲེལ་ལམ་བཙུགས་ཏེ་མཉམ་འབྲེལ་ཐོག་ཏཱ་ལའི་རུ་ཚོགས་ཀྱི་ཁ་བྲལ་ངན་སྐུལ་ལས་འགུལ་སྤེལ་མཁན་ལ་རྡུང་རྡེག་གཏོང་ཐུབ་པར་བྱ་རྒྱུ་དང་། རྒྱལ་སྤྱིའི་ཉེན་རྟོག་མཉམ་འབྲེལ་གྱི་ནུས་པ་གོང་མཐོར་གཏོང་དགོས་ཚུལ་སོགས་བརྗོད་ཡོད་འདུག
དྲག་རྡུང་ལས་འགུལ་འདིའི་དམིགས་གཞི་གཙོ་བོ་ནི། དགོན་སྡེ་ཁག་གི་མཐོ་རིམ་གྲྭ་བཙུན་དང༌དགོན་སྡེ་དང་ཁ་བྲལ་ཟིན་པའི་གྲྭ་བཙུན། ཕྱིར་འབུད་བྱས་པའི་གྲྭ་བཙུན། སློབ་གསོ་བཏང་སྟེ་ཕྱིར་ཐོན་ཟིན་པའི་རིགས། དོགས་ཡོད་མི་སྣ། ས་ཁོངས་ཕྱི་རོལ་ནས་ཡོང་བའི་མི་སྣ་བཅས་ཡིན་འདུག་ལ། ཉེ་བའི་དུས་ནས་དྲག་ཆས་ཉེན་རྟོག་པ་དང༌དམིགས་བསལ་ཉེན་རྟོག་པ། རྒྱལ་སྲུང་ཡན་ལག་རུ་ཆེན་བཅས་ཀྱིས་ལྷ་ས་གྲོང་ཁྱེར་དུ་དོ་དམ་དང་གཙང་བཤེར་བྱ་རྒྱུའི་སྡེ་ཚན་ཁག་ཅིག་གསར་འཛུགས་གནང་ཡོད་པ་མ་ཟད། བོད་རང་སྐྱོང་ལྗོངས་ཀྱི་ཁྱབ་ཁོངས་ཁོ་ན་མིན་པར་ཁམས་དང་ཨ་མདོ་བཅས་བོད་མི་འདུས་སྡོད་ཀྱི་ས་གནས་ཡོངས་སུ་ལག་བསྟར་བྱེད་ཀྱི་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བོད་རྒྱ་གཉིས་ཀྱི་གནད་དོན་འདི་རྒྱ་ནག་དམར་ཤོག་པ་ཁག་ཅིག་གི་སེམས་ངོ་ན་ཁྱོད་ཤི་ང་གསོན་གྱི་གནས་སྟངས་ཤིག་ལས་ལྷག་མེད་པ་རེད། སོང་ཙང་གདོང་ལ་གདོང་ཁེབས་གྱོན་ནས་ག་རེ་ཡིན་ནའང་བྱེད་ཐུབ། བར་སྐབས་འདི་ལ་སེམས་ཅན་སྤྱི་ལ་སྤྱི་མཐུན་གྱི་བསོད་ནམས་ཤིག་ཡོད་ན་བོད་བརྒྱུད་ནང་བསྟན་འདི་གནས་དགོས། དེ་གནས་ཐབས་སུ་ཡེ་ཤེས་སྤྱན་ལྡན་བཀའ་སྡོད་ལྷ་སྲུང་རྣམས་ཀྱིས་དམར་ཤོག་ནང་ཁུལ་ལ་གཤིན་རྗེ་རང་འཐག་སྐོར་བར་རིགས།
དང་པོ་བལ་ཡུལ་དང་མཉམ་འབྲེལ་བྱས་ཏེ་བོད་མི་རྣམས་བཅར་བརྡུང་བྱས། གཉིས་པ་འབྲུག་པ་མཉམ་འབྲེལ་བྱས་ཏེ་བོད་མི་རྣམས་བཅར་བརྡུང་བྱས། གསུམ་པ་རྒྱ་གར་དང་མཉམ་དུ་མཉམ་འབྲེལ་བྱས་ཏེ་བོད་མི་རྣམས་བཅར་བརྡུང་བྱས། བཞི་པ་ཨ་རི་མཉམ་དུ་མཉམ་འབྲེལ་བྱས་ཏེ་བོད་རིགས་རྣམས་རིམ་བཞིན་བཅར་བརྡུང་བྱ་རྩིས་ཡོད་པ་འདྲ།
མི་ལོ་ཧྲིལ་པོ་ ༦༠ ནང་བོད་རིགས་ས་ཡ་གཅིག་དང་ཆིག་འབུམ་ལྷག་དམར་འཆི་ལམ་བརྫངས་པ་དང་། བོད་རིགས་ཁྲི་སྟོང་པོ་བཙོན་འཇུག་བྱས་པ། དགོན་སྡེ་དྲུག་སྟོང་ལྷག་གཅིག་བཏོར་བརླགས་བཏང་བ། བོད་ཁུལ་ཡོངས་རྫོགས་བཙན་བཟུང་བཅས་བྱས་པ་རེད། ད་དུང་དེས་མ་འགྲིག་པར་ཕྱི་སྡོད་བོད་རིགས་འདི་རྣམས་ཀྱང་རིམ་བཞིན་བཅར་བརྡུང་བྱ་རྩིས་བྱིན་ཀྱིན་འདུག
ད་དམར་ཤོག་འདི་སྡུག་ཚོད་མ་ཟིན་པར་བྱེད་སྟངས་ཐལ་སྐྱོན་ཤོར་བཞིན་པའི་སྐབས་དང་བསྟུན་ནས་ཏང་ཤོ་རྩ་འཛུགས་འདི་རྒྱ་བོད་མི་་དམངས་ཡོངས་ཀྱིས་རྩ་མེད་བཏང་ཏེ་མཐར་བཀྲོད་གཏོང་དགོས་པའི་དུས་ལ་བབ་འདུག
རྒྱ་ནག་དམངས་གཙོ་ཅན་དུ་འགྱུར་བའི་ཁ་ཕྱོགས་རིམ་བཞིན་གང་མགྱོགས་མདུ་དུ་བསྐྱོད་ནས་མདུན་བསྐྱོད་བྱེད་དགོས་པའི་རེ་བ་དང་འབད་བརྩོན་བྱེད་ཀྱིན་འདུག
ཨོ་ཡ་་་ད་ཡིན་ན་་་་་་སྣེ་ཁྲིད་མཁན་མང་ཤོས་བོད་པའི་ལས་བྱེད་ཚོ་ཡིན་རྒྱུ་རེད་བསམ་ཡོད་་་་་་རྒྱུས་ཡོད་མདོག་མདོག་བྱས་ནས་ནང་ཁུལ་ལ་ཏག་ཏག་བཟོ་གི་འདུག་