གཟའ་མིག་དམར་ཉིན་བཀའ་ཁྲི་བློ་བཟང་སེང་གེ་མཆོག་དང་ཁལ་མུག་སྲིད་འཛིན་ཟུར་པ་གཉིས་ཀྱིས། བཙན་བྱོལ་བོད་མིའི་སློབ་གྲྭ་ཁག་ཏུ་མིག་མངས་བཀོལ་སྤྱོད་བྱ་རྒྱུའི་ཐད་མཚན་རྟཊ་བཀོད་འདུག
མིག་མངས་རྩེད་རིགས་ཀྱི་ལམ་ནས་སློབ་མིའི་རིག་པ་ཇེ་སྐྱེན་དུ་བཏང་སྟེ། བཙན་བྱོལ་བོད་མིའི་སློབ་གྲྭ་ཁག་གི་ཤེས་ཡོན་ཡར་རྒྱས་གཏོང་ཆེད། ཟླ་འདིའི་ཕྱི་ཚེས་ ༨ ཉིན་གངས་སྐྱིད་བཀའ་ཤག་ཐོག་ཁང་གཞུང་ལས་ཁང་དུ། དབུས་བོད་མིའི་སྒྲིག་འཛུཊ་བཀའ་བློན་ཁྲི་པ་བློ་བཟང་སེང་གེ་མཆོག་དང་། ཁལ་མུག་སྲིད་འཛིན་ཟུར་པའམ་རྒྱལ་སྤྱིའི་མིག་མངས་ (World Chess Federation) རྩེད་མོའི་མཐུན་ཚོགས་ཚོཊ་གཙོ་སྐུ་ཞབས་ཀིར་སན་ཨིལ་ཡུམ་ཛི་ནོབ་(Kirsan IIyumzhinov) མཆོག་གཉིས་བར། བཙན་བྱོལ་བོད་མིའི་སློབ་གྲྭ་ཁག་གི་ནང་མིག་མངས་བཀོལ་སྤྱོད་གནང་རྒྱུའི་ཐད་ཀྱི་གྲོས་ཆོད་ཅིག་བཞག་སྟེ་མཚན་རྟགས་བཀོད་ཡོད་འདུག
མིག་མངས་བཀོལ་སྤྱོད་ཀྱི་གྲོས་ཆོད་དེའི་དོན་ཚན་ཁག་ཏུ། གཅིག སྒྲིག་འཛུགས་གཉིས་བར་མཐུན་འབྲེལ་ལས་འཆར་གྱི་སྒྲོམ་གཞི་གཏན་འབེབས་བྱ་རྒྱུ། གཉིས། ཕྱོགས་གཉིས་ཀའི་དམིགས་ཡུལ་དོན་འཁྱོལ་ཡོང་བར་ལས་འཆར་གྱི་སྒྲོམ་གཞིའི་ཐོག་མཉམ་རུབ་བྱ་རྒྱུ། གསུམ། ཤེས་ཡོན་ཡར་རྒྱས་གཏོང་རྒྱུའི་ལས་གཞིའི་ཐོག་ཕྱོགས་གཉིས་ནས་ཧུར་སྐྱེད་ཀྱིས་འབད་བརྩོན་ཞུ་རྒྱུ། བཞི། བོད་མིའི་སྒྲིག་འཛུགས་ཀྱི་ཤེས་ཡོན་ལམ་ལུགས་ནང་མིག་མངས་རྩེད་རིགས་བཞག་སྟེ་སློབ་ཕྲུག་ཚོའི་ཁྲོད་མིག་མངས་རྒྱ་ཁྱབ་ཏུ་སྤེལ་རྒྱུ། ལྔ། སློབ་གྲྭ་དང་སློབ་ཕྲུག་ཕན་ཚུན་བར་མིག་མངས་རྩེད་རིགས་འགྲན་བསྡུར་གོ་སྒྲིག་བྱ་རྒྱུ། དྲུག གྲོས་མཐུན་འདི་མ་འོངས་པར་ཕྱོགས་གཉིས་ཀྱི་ལས་གཞི་ཆེ་རུ་གཏོང་རྒྱུའི་སྔོན་འགྲོའི་ཆ་རྐྱེན་ལྟ་བུར་ངོས་འཛིན་ཞུ་རྒྱུ། བདུན། སློབ་གྲྭའི་ནང་མིག་མངས་རྩེད་རིགས་དངོས་སུ་ལག་བསྟར་ཐུབ་ཆེད་ཕྱོགས་གཉིས་ཀྱིས་ཕན་ཚུན་མཐུན་འགྱུར་ཞུ་རྒྱུ། བརྒྱད། ད་ལོའི་སློབ་དུས་གསར་པའི་སྐབས་སུ་སློབ་གྲྭ་ཁག་གི་ནང་མིག་མངས་རྩེད་རིགས་ལ་དོ་སྣང་ཡོད་མཁན་ཚོར་སློབ་ཁྲིད་དངོས་སུ་མགོ་འཛུགས་གནང་རྒྱུ་བཅས་ཡིན་འདུག
གསར་འགོད་པ། དཔལ་ལྡན།
མི་དམངས་རྩེད་མོ་དེ་རྒྱལ་སྤྱིའི་རྩེད་མོའི་ཁུངས་སུ་ཡོད་པ་ཤེས་ཡང་། རྒྱལ་སྤྱིའི་རྩེད་མོ་དང་ཆབ་སྲིད་གཉིས་ལྷན་ཅིག་ཏུ་མི་རྩེ་བར་རྩེད་མོ་རྩེད་མོ་དང་། ཆབ་སྲིད་ཆབ་སྲིད་ཀྱི་ཁུངས་སུ་གཏོགས་ནས་རྩེད་སྲོལ་ཡོད་པ་འཛམ་གླིང་སྤྱི་ལུགས་ཡིན་ནའང་། ང་ཚོ་བོད་ནི་དེ་དང་མི་འདྲ་བར་རྩེད་མོ་དེ་ཆབ་སྲིད་ལས་ལྷག་པའི་མཐོངས་ཆེན་དུ་གཙིས་ཏེ་རྩེད་མོ་ཞེ་ཅིག་རྩེ་བས་རྒྱུ་ལས་འབྲས་བུ་རང་བཙན་ཤོར་བ་འདི་ཉིད་བྱུང་བ་ཡིན་པ་རྒྱུན་མཚན་དུ་བྱས་ནས་ལྷག་པས་བསམ་པས་བསྐུལ་བའི་ཞེན་བསྐུལ་ཙམ་ཡིན།
མིག་མངས་རྩེ་མོ་དེ་བོད་ཕྲུག་ཚོར་ཪིག་པར་ཕན་རྒྱུ་ལས་གོང་དུ་འབྲོང་བུ་སོག་ཚ་ལགས་ཀྱི་བཤད་པའི་རྒྱ་མི་མ་བྱང་ལྟ་བུ་མིན་པས་བཀའ་ཁྲི་མཆོག་གྱི་གསར་བསྟོད་མཛད་པ་བསྔགས་པའོ། དེ་ཡང་མིག་མངས་རྩེད་མོ་དེ་ང་ཚོས་ཅིག་པུ་མིན་པ་རྒྱ་སྤྱི་ནང་རྩེ་གསོལ་ཆེན་པོ་ཡོད་པའི་དེར་འགག་པ་བྱེད་མཁན་ནི་མཐོང་རྒྱ་དང་ཐོས་རྒྱ་མེད་པ་ཞིག་ལ་ངོས་འཛིན་དགོས་སོ།
བཀའ་ཁྲིའི་ཤེས་ཡོན་གལ་ཆེན་དུ་བརྩི་སྟངས་ཁྲོད་མིག་མངས་ཀྱང་ཚུད་ཡོད་པ་འདྲ། དེ་ནས་རིམ་གྱིས་ཤོག་རྩེད་དང་། ཞབས་བྲོ། ཤོ་རྒྱན་འཇོག་སྟངས་སོགས་ཀྱང་སློབ་ཚན་གྲས་སུ་རྒྱ་ཁྱབ་ཏུ་འཇོག་རྒྱུ་ཡིན་པ་འདྲ། མཐར་བོད་ཚོགས་ཀྱི་ཤེས་ཡོན་སྲིད་ཇུས་དེ་དག་རྩེད་རིགས་རྐྱང་བར་བསྒྱུར་ན་་་་་་་་་་
བཙན་བྱོལ་བོད་མིའི་དབུ་ཁྲིད་ཚོ་ཐུགས་གཟབ་མཛད་རྒྱུ་མ་བརྗེད། བྱ་སྔ་མ་ཤི་བའི་རོ་ལ་ལྟོས་ཟེར་བའི་དཔེ་བཞིན། རང་རེ་གངས་ཅན་མེ་པོར་རློམས་པའི་སྐུ་དྲག་ཚོ་ལ་རྒྱ་མིས་མ་རྒྱང་བསླབ་ནས་མཐའ་མ་འཛིན་སྐྱོང་སྡེ་ཚན་ནང་གི་སྐུ་དྲག་ཚོའི་སྐུ་རྩེད་ཞེ་ཅིག་བསྐྱོན་ནས་བོད་དེ་རྒྱ་ལག་ཏུ་ཤོར་བ་དང་། ད་ལན་ཡང་མི་དམངས་རྩེད་མོ་འདི་ཡི་ང་ཚོའི་བཀའ་བློན་དང་ལས་བྱེད། དེ་བཞིན་ཤེས་ཡོན་ཅན་རྣམས་ལ་དུས་ཚོད་གཉེན་ཕྲན་འདི་ལྟ་བུ་ཞིག་གི་ནང་དུ་རྣམ་གཡེང་གི་གོ་སྐབས་གསར་པའི་སྐྱེད་ཞིག་ཕུལ་བ་མིན་ནམ་སྙམ་པས་དེ་དོན་ཡིད་གཟབ་གྱིས། ཞེན་བསྐུལ་ཙམ་ཡིན།
སློབ་གྲྭའི་ནང་སློབ་ཚན་སྣེ་མང་གསར་གཏོད་དང་སྣོན་འཕྲི་གནང་བར་ལེགས་པའི་གནས་སུ་འོས་ཀྱང་རྩ་བ་བོར་ནས་ཡལ་ག་འཛིན་པའི་དཔེ་ལྟར་མ་སོང་བ་གནང་རྒྱུ་ཤིན་ཏུ་གལ་ཆེ། གང་ཡིན་ཟེར་ན་ད་ཡོད་སློབ་ཚན་རྣམས་ནི་བོད་ཀྱི་རྩ་དོན་སོགས་ཆེད་དང་མ་འོངས་བོད་ཀྱི་མདུན་ལམ་སླད་ཁ་ཚ་དགོས་གཏུགས་ཤ་སྟག་ཡིན་པས་དགོས་པ་ཆེས་མེད་པའི་རྩེད་རིགས་སོགས་ཀྱིས་རྩ་ཆེའི་དུས་ཚོད་ཆུད་ཟོས་སུ་མི་འགྲོ་བ་གནང་རོགས་ཞུ།
ཡག་པོ་རེད་་་་སློབ་སྦྱོང་སྤྲོད་སྟངས་ལ་ཐབས་ལམ་འདྲ་མིན་སྤྱད་རྒྱུ་ཧ་ཅང་གལ་ཆེན་རེད་་་་་
རྗེས་མར་ངས་ཏཱ་སི་རྩེད་རྒྱུའི་མཚན་རྟགས་བསྡུ་ཨེ་ཐུབ་བལྟ་དགོས་་་
ཁལ་མུག་སྲིད་འཛིན་ཟུར་པས་ང་ཚོར་མིག་མངས་སློབ་ན། ང་ཚོས་ཕར་ཤོ་སློབ་ཆོག་གི་རེད།