ཉེ་ཆར་རྒྱ་ནག་ཀུང་ཏུང་ཞིང་ཆེན་གྱི་འཐུས་མིའི་ཚོགས་ཆེན་སྟེང་། ཀུང་ཏུང་དམར་ཤོག་དྲུང་ཆེ་ཝང་ཡཱང་གིས་ཏང་ཨ་མའི་འདུ་ཤེས་བསྒྱུར་དགོས་པ་བསྒྲགས་འདུག
ཟླ་འདིའི་ཕྱི་ཚེས་ ༩ ཉིན་རྒྱ་ནག་ཀུང་ཏུང་ཞིང་ཆེན་གྱི་འཐུས་མིའི་ཚོགས་ཆེན་ཐེངས་ ༡༡ པའི་སྟེང་། ཀུང་ཏུང་དམར་ཤོག་དྲུང་ཆེ་ཝང་ཡཱང་གིས། མི་དམངས་ཀྱི་བདེ་སྐྱིད་ནི་ཏང་དང་སྲིད་གཞུང་གིས་གནང་བ་ཡིན་པའི་ནོར་འཁྲུལ་ཅན་གྱི་ངོས་འཛིན་དེར་བསྒྱུར་བཅོས་བྱས་ཏེ། མི་དམངས་རང་ཉིད་ཀྱི་ངོས་ནས་བློ་ཁོགས་ཆེན་པོས་རང་གི་བདེ་སྐྱིད་འཚོ་སྒྲུབ་ཀྱི་ལམ་ཁར་བསྐྱོད་དགོས་སྐོར་བརྗོད་ཡོད་པ་དང་། གནས་ཚུལ་དེ་ཆུ་ཚོད་ ༢༤ རིང་གནས་འཕྲིན་དྲ་བརྒྱ་ཁག་གིས་བརྒྱུད་འགོད་གྲངས་ ༡༤༠༠༠ ལྷག་བྱས་ཏེ་དོ་སྣང་ཤུགས་ཆེན་སླེབས་ཡོད་འདུག
རྒྱ་ནག་དམར་གཞུང་གིས་ ༡༩༤༩ ལོར་སྲིད་དབང་བཙུགས་པ་ནས་བཟུང་། གཞི་རིམ་མང་ཚོགས་ཀྱི་རྣ་ལམ་དུ་༼རི་གླུ་ཏང་ལ་འབུལ། ཏང་ནི་ཕ་མའི་དཔེ་འཇོག་བྱེད། ང་ཡི་བརྩེ་བའི་མ་ཡུམ་ཏང་།༽སོགས་བླངས་ཏེ། རིག་གནས་སྒྱུ་རྩལ་གྱི་ཁྱབ་ཁོངས་ཁྲོད་དུའང་དམར་ཤོག་ཏང་ཁོ་ན་དྲིལ་བསྒྲགས་བྱས་ཡོད་པ་རེད།
ཝང་ཡཱང་གིས་ཏང་ཨ་མའི་འདུ་ཤེས་བསྒྱུར་དགོས་པའི་གཏམ་བཤད་དེའི་ཐད། སྐབས་དོན་དཔྱད་བརྗོད་པ་ལིན་ཙི་ཞུས་ལགས་ཀྱིས། ཝང་ཡཱང་ནི་ཧུའུ་དང་ཝུན་གྱི་ཤོག་གཏོགས་མི་སྣ་གཙོ་གྲས་ཡིན་སྟབས། དེ་ལྟར་ཡོངས་ཁྱབ་ཐོག་དམར་ཤོག་པའི་དྲིལ་བསྒྲགས་ལངས་ཕྱོགས་ལ་དགག་གཏམ་སྤེལ་བ་དེ་ནི། ཧུའུ་དང་ཝུན་གྱི་ཁ་གཏད་དུ་ལངས་བཞིན་པའི་ཀྲུག་ཡུང་ཁཱང་ལ་ཉེན་བརྡ་བཏང་བ་ཞིག་ཡིན་པའི་ངོས་འཛིན་བྱེད་ཀྱི་ཡོད་པ་རེད།
གསར་འགོད་པ། ཚེ་རིང་རྒྱལ།
གནས་ཚུལ་གཅིག་འཇུག་གཉིས་མཐུད་ཀྱིས་རྐྱེན་ལས་ད་ཆ་ཏང་གི་ཚེ་སྲོག་དམར་པོ་དེ་རིམ་བཞིན་ཡལ་ལ་ཉེ་བའི་འགོ་འཚུགས་བཞིན་འདུག
གཏམ་བཤད་དེ་ནི་རྒྱ་ནག་མི་དམངས་ད་ནས་བཟུང་ཡར་ལངས་ཏེ་ཡང་དག་པའི་དམངས་གཙོ་ཅན་དུ་འགྲོ་དགོས་པ་དང་། མི་འགྲོ་ཀ་མེད་ཀྱི་གནད་ལུགས་གཅིག་ཆགས་བཞིན་ཡོད་པ་དེ་གསལ་བཤད་བྱས་པ་རེད།
ཏང་དར་དམར་པོའི་ཚེ་སྲོག་ཀྱང་རིང་པོ་ཞིག་མེད་སྟབས། ང་ཚོས་དེ་ལ་དགའ་ཞེན་གྱིས་ཡར་བསྒྲེངས་འཛུགས་བྱེད་དགོས་པའི་རྒྱུ་མཚན་གཏན་ནས་མེད། རྒྱ་ནག་མི་དམངས་ཀྱིས་བདམས་པའི་དམངས་གཙོའི་རྒྱལ་ཁབ་གཅིག་ཆགས་ན་དེའི་རྒྱལ་དར་དེ་ང་ཚོས་ཀྱང་སྐད་སངས་མཐོར་ཡར་དུས་གཏན་དུ་བསྒྲེངས་དགོས།
བོད་ཀྱི་ཏྰ་ལའི་བླ་མའི་སྐུ་ཚེ་དེ་ད་དུང་མི་ལོ་ ༤༠ མ་ཟིན་ཙམ་ཞིག་ལྷག་ཡོད་སྟབས། ཏང་གི་ཚེ་སྲོག་དེ་དུས་ཡུན་དེའི་ནང་དུ་ཡལ་འགྲོ་བ་ཐག་གཅོད་ཐུབ།
མ་གཞི་སྤོ་བོ་མའོ་ཀྲུའུ་ཞིས་ཀྱང་སྔོན་མ་བཤད་མྱོང་ལྟར་ ༡༩༥༩ ལོར་ཏྰ་ལའི་བླ་བ་ཕྱི་རྒྱལ་དུ་བྲོས་བྱོལ་ཕྱིན་པ་རེད། ད་ནས་བཟུང་མི་ལོ་ ༥༠ སོང་ན་ཡང་ཁོང་ཕྱིར་ལོག་གི་མ་རེད། ཡིན་ནའང་ ཁོང་ ལོ་ ༨༥ སླེབས་དུས་ཕྱིར་ལོག་ཡོང་གི་རེད།
ཡིན་ནའང་དེ་དུས་ང་ཚོ་ཚང་མ་ཤི་འགྲོ་གི་རེད་ལ་ང་ཚོའི་འཇིག་རྟེན་འདི་ཡང་གསར་པ་གཞན་ཞིག་ཆགས་ཀྱི་རེད་ཅེས་མ་འོངས་ལྭང་བསྟན་ལྟ་བུ་ཞིག་བརྒྱབས་ཡོད་པ་རེད།
འདི་དངོས་གནས་བཤད་ན་ཆབ་སྲིད་རིག་ཐབས་རྣོན་པོ་ཞིག་མཐོང་ཀྱིན་མེད་པ་མ་ཟད། བདག་གིས་བལྟས་ན་འདི་ཧ་ཅང་འུ་ཐུག་པའི་སྐད་ཆ་ཐབས་སྡུག་ཞིག་རེད། མ་ཟད་ཏང་ལ་དགའ་ཞེན་དེ་རྒྱ་ནག་མི་སེར་ནང་ནས་བོར་ཀྱིན་ཡོད་པའི་རྟགས་རེད།
ཏང་ལ་ཨ་མའི་འདུ་ཤེས་དང་།
སྟོབས་ལྡན་རྒྱལ་ཁབ་གཞན་ལ་གཤེད་མའི་འདུ་ཤེས།
ཆབ་སྲིད་པའི་རིག་ཐབས་རྣོ་བ་ཨང་།