ཡུལ་ཁྲིམས་དང་འགལ་བའི་བཅས་པ་སྣ་གཅིག་ཀྱང་མཛད་མེད།

ངས་སྣང་བ་མཐོན་པོའི་སྐད་ཆ་མིན་ད། ང་ཚོར་སྒྲིག་ལམ་སྒྲིག་ལམ་ཟེར་མཁན་ལས། བསྒྱུར་བཅོས་བསྒྱུར་བཅོས་ཟེར་མཁན་ཧ་ཅང་ཉུང་གི། ང་ཚོས་དྲང་མོ་དྲང་བཞག་གི་སྐད་ཆ་ཞིག་བཤད་ན། དང་པོ་གནས་ལུགས་དང་རྒྱུ་མཚན་ཟེར་བ་དེ་ལ་གོ་ཐོབ་གང་འདྲ་ཞིག་དགོས་ཀྱི་འདུག དེ་འཇོག་སྟངས་ཀྱི་ཆ་ནས་དོན་དངོས་གང་འདྲ་ཞིག་ཚང་དགོས་ཀྱི་འདུག གཏན་ཚིགས་ཀྱི་ལམ་ནས་སྲང་ལ་འཇལ་སྟངས་གང་འདྲ་ཞིག་ཡིན་སོགས་ལ་བསམ་བློ་ནན་མོ་ཞིག་གཏོང་དགོས་ཀྱི་འདུག གནས་ལུགས་དང་རྒྱུ་མཚན་ཟེར་བ་དེ་དོན་དངོས་གང་འདྲ་ཞིག་ཆེད་དུ་ཆ་རྐྱེན་ཅི་འདྲ་ཞིག་གི་འོག་ནས་ཡང་དག་ཏུ་འགྲོ་དགོས་ཀི། དངོས་གནས་ཞིབ་མོ་ཞིག་གླེང་ན་འདི་ནས་དབུ་འཛུགས་རྒྱུ་བྱེད།

ངས་ཀྱང་ནན་གྱིས་ཞུ་འདོད་པ་ཞིག་ལ། ཁྲིམས་ལུགས་གང་ཞིག་གི་ཁོངས་སུ་ཞུགས་ཚར་ཡང་རུང་གང་ལྟར། དེ་ལ་དུས་ནམ་ཡང་ལེགས་ཉེས་ཀྱི་རྣམ་དབྱེ་ཤེས་དགོས་པ་ནི་གནད་ཀྱི་དོན་པོ་ཡིན། ཞུགས་ཚར་བའི་དུས་དེ་ལ་ཅི་ཡང་བཤད་མི་ཆོག་པའི་ཁྲིམས་ལུགས་ཤིག་དམངས་གཙོ་ཡིན་པའི་ལུང་པ་ཁག་ལ་ནི་ཡོད་ནི་མ་རེད་ལ། དེ་ལྟར་མ་བྱས་ན་ཁྲིམས་ལུགས་ཤིག་བསྒྱུར་དགོས་པའི་དུས་ཚོད་ཅིག་ཡོང་ཐུབ་རྒྱུ་མ་རེད། གནད་དོན་འདིའི་སྐོར་ན་མི་མང་པོ་ཞིག་ལ་བསམ་ཚུལ་མེད་པ་མ་རེད། ངས་ཤེས་ཀྱི་ཡོད། འོན་ཀྱང་། དགེ་བསྐོས་ཀྱིས་སྐད་ཆ་དེ་འདྲ་བཤད་ན་ཟློག་པ་རྒྱག་གི་ཡིན་ཞེས་བཤད་རབས་གོ་རྒྱུ་འདུག དེས་ཡིན་རྒྱུ་རེད། དེ་མིན་གྲྭ་མང་སྤྱིའི་བསམ་ཚུལ་དང་མཐུན་གྱི་མེད་པ་མངོན་གསལ་ཡིན།

སྤྱིར་ཁྲིམས་ལུགས་ཡིན་པ་ཙམ་རྒྱུ་མཚན་དུ་བྱས་ནས་དེའི་སྟེང་དུ་གནས་ལུགས་དང་རྒྱུ་མཚན་བཤད་ཅི་ཐུབ་བྱས་ན། གལ་སྲིད་ཁྲིམས་ལུགས་དེ་དོན་དངོས་དང་མི་མཐུན་པ་ཞིག་ཡིན་ན། རྫུན་གྱི་རྩ་བ་བརྟན་དུ་བཏང་བ་ཞིག་ལས་གནས་ལུགས་དང་རྒྱུ་མཚན་ཡང་དག་པ་ཞིག་ཏུ་གཏན་ནས་འགྲོ་མི་སྲིད་པ་ཞིག་རེད། དེ་འདྲ་ལ་ནི་སྙིང་བོ་ཅི་ཡང་མི་འདུག

ད་ལྟའི་རྩོད་གཞི་འདི་ཐོབ་ཁོངས་ཟེར་བ་དེ་ནས་ཡོང་བཞིན་ཡོད་པ་གསལ་པོ་རེད། གལ་སྲིད་བསམ་བློ་སོགས་སུ་རང་ཁོངས་མིན་པའི་གྲ་རྒྱུན་ཡོད་ན་ཐོབ་ཁོངས་ཀྱི་ཁང་ཚན་གྱིས་རྩད་གཅོད་མ་གནང་བ་ཡིན་རྒྱུ། ཕྲན་སེ་རར་ཐེངས་གཉིས་མཆོད་མཇལ་ལ་འགྲོ་མྱོང་བ་ལས་ཆ་རྒྱུས་ཆེན་པོ་མེད། ཁྱེད་ཀྱི་གོང་དུ་སྒེར་གྱི་ཁེ་དབང་སྲུང་རྒྱུ་ལས་རྡོག་རོལ་གཏོང་ན་མི་འགྲིགས་ཚུལ་དང་དེ་ཡང་སྐབས་འདིའི་ཁེ་དབང་ཟེར་བ་རིག་གནས་སློབ་སྦྱོང་དང་དེ་འབྲེལ་གྱི་ཁེ་དབང་གོ་སྐོར་ཡིན་གསུངས་འདུག གསར་ཞུགས་གྲ་པ་འདི་བྱ་བྲལ་དུ་ཞུགས་མི་ཆོག་པར་བསམ་བློར་ཞུགས་པའི་ཁྲིམས་བཅད་རིག་གནས་སློབ་སྦྱོང་དང་དེ་འབྲེལ་གྱི་ཁེ་དབང་ལ་རྡོ་རོལ་ཇི་ལྟར་འགྲོ། བསླབ་བྱའི་ཡིག་ཆ་གཅིག་ལ་འགྲོ་སའི་ཆོས་ར་གཅིག དཔེ་ཁྲིད་དགེ་རྒན་ནི་སོ་སོས་འདེམས་ཆོག་པ་ལས་བསམ་བློས་བཀའ་གཏོང་འདོག་ཁ་པོ་་མ་རེད། དངོས་གཙོ་སྨྲ་བ་སོགས་དང་ཕ་མགར་བ་ཡིན་བུས་མགར་བྱེད་དགོས་པའི་ཁྲིམས་ཤིག་ཡོད་པའི་དབང་དུ་བཏང་ན་ཁྲིམས་འགྱུར་བ་མ་ཐེབས་བར་དུ་བྱེད་དུ་ལས་ཅི་ཡོད། སྤྱིར་ན་དཔེ་འདི་ཅུང་ཟད་ཞ་དཔེ་ལྷམ་ལ་སོང་འདུག་པས་དེ་ཙམ་གསལ་བཤད་དགོས་བཟོ་མི་འདུག རང་གི་བསམ་ཚུལ་ལས་ཁང་ཚན་འདི་དག་གི་་མཚན་ཐོས་ཙམ་པའི་མི་ཞིག་ཡིན་གཅིག་ལ་ཕྱོགས་དང་གཅིག་ལ་སྡང་དགོས་པའི་རྒྱུ་མཚན་གང་ཡང་མེད་པས་རྩོམ་པ་པོའི་ཐུགས་མི་འཁྲུག་པའི་རེ་བ་ཞུ།

སློབ་གཉེར་བ་འདི་བྱ་བྲལ་ཁང་ཚན་དུ་རང་མོས་ཀྱིས་ཞུགས་པ་ཡིན་ནམ་བསླུ་ཁྲིད་ཀྱིས་ཡིན་དེ་ཡང་དཔྱད་པའི་གནས་རེད། གདན་ས་ཁག་ཏུ་གྲ་རྒྱུན་དཀོན་དུ་འགྲོ་བཞིན་ཡོད་སྟབས་ཁང་ཚན་དང་གྲ་ཚང་ཁག་གིས་གང་ཟག་གི་བཤིས་རྒྱུད་བཟང་ངན་ལ་ལྟོས་མེད་ཀྱིས་བལ་པོའི་སྤྲང་པོ་མང་པོ་བསྒྲུག་བཞིན་ཡོད་པ་གོ་ཐོས་བྱུང་། གཉིས་ནས་གྲ་ཚང་གི་སྒྲིག་གཞི་དང་བསྟུན་ན་སེར་བྱེས་དགེ་བསྐོས་དང་བསམ་བློ་ཁང་ཚན་གཉིས་ལ་ནོར་འཁྲུལ་གང་ཡང་མེད། ནོར་འཁྲུལ་ཆེ་ཤོས་བྱ་བྲལ་ཁང་ཚན་རེད། བྱ་བྲལ་ཁང་ཚན་གྱིས་གྲ་སའི་སྒྲིག་གཞི་ལྟར་བསམ་བློར་འགྲོ་འོས་ཚུལ་བསླབ་བྱ་མི་རྒྱག་པ་ཅི་ཡིན་ནམ། ངས་གྲ་སའི་སྒྲིག་གཞི་ཁག་ནོར་མཁྲུལ་མེད་ཅེས་བརྗོད་བཞིན་མེད་ཀྱང་འགྱུར་་བ་མ་ཐེབས་བར་དུ་སྒྲིག་ཁུང་འདིར་ཡོད་པའི་མིས་སྒྲིག་འདི་སྲུང་དགོས་ལ་དགེ་བསྐོས་ཀྱིས་ཀྱང་སྒྲིག་གཞི་ལག་སྟར་གནང་བ་དེ་བསྟོད་འོས་པ་ལས་སྨད་པར་ག་ལ་འོས། རྩོམ་པ་པོས་སྒྲིག་གཞི་འགྱུར་བ་གཏོང་དགོས་པའི་བསམ་ཚུལ་གསུང་བཞིན་ཡོད་ན་དེར་བཤད་རྒྱུ་གང་ཡང་མེད། གོང་དུ་ཉེས་ཅན་གྱི་ཞ་ཉེས་མེད་ཀྱི་མགོར་གཡོགས་འདུག་དེར་བཤད་བཞིན་ཡོད། ་བཀྲིས་བདེ་ལེགས

ཁྲིམས་ལུགས་ལ་མིའི་ཁེ་དབང་སྲུང་སྐྱོབ་བྱེད་རྒྱུའི་ཐོབ་ཐང་ཡོད་པ་ལས། མིའི་ཁེ་དབང་ལ་ཐེ་གཏོག་བྱེད་རྒྱུའི་ཐོབ་ཐང་མེད། འོ་ན་མིའི་ཁེ་དབང་སྲུང་སྐྱོབ་བྱས་པ་དེ་ཁེ་དབང་ལ་ཐེ་གཏོག་བྱས་པ་མིན་ནམ་ཟེར་ན། དེ་ནི་མིན། ཁེ་དབང་ནི་མིའི་འཚོ་གནས་ལ་ལྟ་སྟངས་མི་འདྲ་བ་ཡོད་པའི་རྒྱུ་མཚན་གྱིས། ལྟ་སྟངས་དེ་དང་མཐུན་པར་རང་ཉིད་ཀྱི་ལམ་ག་འདེབས་རྒྱུའི་དབང་ཚད་རང་ཉིད་ལ་ཡོད་པ་ལ་ཟེར།
སྤྱིར་ཁེ་དབང་ལ་སྣ་ཚོགས་པ་ཡོད་ཀྱང་། འདིར་བདག་གིས་བཤད་འདོད་པ་ནི། རིག་གནས་སློབ་སྦྱོང་དང་དེ་འབྲེལ་གྱི་ཁེ་དབང་གོ་སྐོར་ཡིན། འུ་ཅག་བོད་ལ་མཚོན་ན། བོད་བརྒྱུད་ནང་བསྟན་རིག་གནས་ཀྱི་གོ་ས་ཧ་ཅང་མཐོན་པོ་ཡོད་པ་ཡིན། བྱེ་བྲག་ཏུ་གྲུབ་མཐའ་ཆེན་མོ་བཞིས་མཚོན་པའི་རིག་གནས་ཀྱི་ཚན་ཁག་མང་པོ་ཡོད། གྲུབ་མཐའ་དེ་དག་དར་བའི་ལོ་རྒྱུས་ཁྲོད་དུ་ཕན་ཚུན་ཡ་ང་བའི་དམག་འཁྲུག་བྱུང་མྱོང་ཡོད་པ་དང་། མི་རིགས་དང་རྒྱལ་ཁབ་གཅིག་ཡིན་པའི་འདུ་ཤེས་ཙམ་ཡང་མེད་པར། གྲུབ་མཐའ་སོ་སོའི་བར་ཀྱི་ལ་རྒྱ་ཙམ་པོ་བ་དེའི་ཆེད་དུ། ཁྱིམ་མཚེས་རྒྱལ་ཁབ་གཞན་དག་ལ་མགོ་བཏགས་ལུས་འབུལ་བྱས་ཏེ་ནང་ཁུལ་གྱི་འཐབ་རྩོད་ཀྱི་མངའ་ཁོངས་སྲ་བརྟན་ཡོང་ཆེད་སོགས། ༼འབྲི་གུང་པའི་ཧོར་ཡུལ་ནས་དམག་ཁྲི་དགུ་ལྷག་ཁྲིད་དེ་བོད་དུ་ས་སྐྱ་པར་དྲངས་པ་ལྟ་བུས་མཚོན།༽དགྲ་དགའ་གཉེན་སྡུག་གི་ལས་བྱས་པ་ནི་བགྲངས་ཀྱིས་མི་ལོང་པ་ཞིག་ཡོད། དེ་དག་ཀྱང་ཕར་དེད་ན། གྲུབ་མཐའ་རང་རང་གི་རྩ་དོན་དང་འགལ་བ་ལས་བྱུང་བ་རྐྱང་ལས། རྩ་དོན་དང་མཐུན་པ་ལས་བྱུང་བ་ཞིག་ཏུ་གཏན་ནས་མི་སྣང་བས། དེ་དག་གི་སྟེང་ནས་ང་ཚོས་ལོ་རྒྱུས་ཀྱི་བསླབ་བྱ་ལེན་རྒྱུ་ནི་གནད་ཀྱི་དོན་པོ་ཞིག་ཡིན། དེང་གི་ཆ་ལ་མཚོན། དགོན་སྡེ་གྲྭ་ས་ཆེ་གྲས་ཁག་གིས་ཆོས་བྱེད་སློབ་གཉེར་བ་དག་གི་ཐོབ་ཁོངས་ཀྱི་གྲུབ་མཐའ་དང་། གྲྭ་ཚང་། ཁང་ཚན་སོགས་གང་ཡིན་དེར་བཙན་དང་ཨུ་ཚུགས་ཀྱིས་མི་འདེད་པར། དོ་བདག་སློབ་གཉེར་བ་རང་རང་གི་ཁེ་དབང་ལོངས་སུ་སྤྱོད་འཇུག་རྒྱུ་ནི་དོན་དངོས་གལ་ཆེན་ཞིག་ཡིན་ལ། སྤྱིར་སེམས་ཅན་མོས་པ་སྣ་ཚོགས་ཏུ་གསུངས་པ་ལྟར་ན། ཐོབ་ཁོངས་ཟེར་ནས་ངེས་པར་དུ་བརྩི་དགོས་པ་ཞིག་བཤད་ན། དེ་ནི་ཁྱོད་ཀྱི་ཕ་མགར་བ་རེད། ཁྱོད་ཀྱང་མགར་བ་བྱེད་དགོས་ཟེར་ནས་ཁེ་བཟང་ཡོད་མེད་ལ་མ་ལྟོས་པར་མི་ཚེ་དེ་ག་རང་མགར་བྱེད་བཅུག་པའི་ཁ་ཆེ་བའི་ལུགས་སྲོལ་དེ་དང་གཅིག་མཚུངས་སུ་སོང་འདུག། བསམ་བློ་དེ་འདྲ་ལ་རིལ་སོང་གི་བསམ་བློ་ཟེར་བ་རེད། ཕ་མགར་བ་ཡིན་ན་བུས་མགར་བྱེད་དགོས་པའི་རྒྱུ་མཚན་ཅི་ཡིན། བུ་ལ་དེ་ལས་ལྷག་པའི་རིག་སྟོབས་ཤིག་ཡོད་ན། མགར་ཙམ་ལ་སྙིང་པོ་ཅི་ཞིག་ཡོད། དེ་བཞིན་དུ་གྲུབ་མཐའ་ཁག་གི་རང་ཉིད་གང་གི་ཁོངས་སུ་གཏོགས་མིན་དེ་གཙོ་བོ་མིན། གྲུབ་མཐའ་རང་རང་ལ་བཤད་པ་རྨ་མེད་པ་རེ་ཡོད་ཀྱང་། ཕ་རོལ་བོའོ་བློ་ངོར་འབྱོར་བདེ་མིན་ཅི་རིགས་ཡོད། གནས་བཅའ་སའི་ཁོར་ཡུག་དག་ཀྱང་དེ་བཞིན་ཡིན། འདི་དག་གི་ཐད་ནས་ངེས་པར་དུ་མི་བུ་སྒེར་ལ་ཁེ་དབང་ཡོད་དགོས། ཁྲིམས་ལུགས་ལ་མིའི་ཁེ་དབང་བསྒྱུར་རྒྱུའི་ཐོབ་ཐང་ནམ་ཡང་ཡོད་མི་སྲིད།

སྔར་ལུགས་རྒྱུན་གནས་ལྟར་དགོན་སྡེ་དང་ཁམ་ཚན་གྲྭ་ཚང་མི་ཚན་ཁག་སོ་སོའི་ཐོབ་ཁུངས་རེ་ཡོད། བདག་གིས་རྒྱུན་སྲོལ་དེའི་རྗེས་སུ་འབྲང་རུང་དང་མི་རུང་གི་ཁ་ཚོན་གཅོད་མི་ཐུབ་མོད། དང་པོ་གྲྭ་ཚང་དུ་ཞུགས་སྐབས་སུ་དོ་བདག་རང་ཉིད་ཀྱིས་ཁམ་ཚན་གང་འདེམ་ན་ཁམ་ཚན་དེས་ཀྱང་ངོས་ལེན་ཡོད་པ་ཞིག་ལ་གྲྭ་ཚང་ནས་གནས་དབྱུང་གཏང་གི་ཡིན་བརྗོད་ན་ཏོག་ཙམ་ཐལ་དྲགས་རེད་བསམ། གལ་སྲིད་གྲྭ་ཚང་གི་སྒྲིག་གཞིར་དེ་ལྟར་གནས་དབྱུང་གཏོང་དགོས་ཞེས་འཁོད་ཡོད་ན་དགོས་པ་འདྲ་ཡོད་སྲིད། དེ་མིན་དབང་ཤེད་དང་དྲག་ཤུལ་ངོམ་པ་ཡིན་ན་མཐོ་དམན་སུ་ཡིན་རུང་གུ་ཡངས་ནམ་ཡང་གཏོང་མི་རུང་། གལ་སྲིད་ཁམ་ཚན་གང་འདོད་དུ་ཞུགས་ཆོག་པ་ཞིག་འགྱུར་ན་དཀའ་རྙོག་ད་ལྟ་ལས་མང་བ་ཞིག་འཕྲད་པ་ནི་གདོན་མི་ཟ། གྲྭ་རྒྱུན་ཇེ་དཀོན་ལ་འགྲོ་བཞིན་པའི་སྐབས་འདིར། གྲྭ་ཚང་དང་དགོན་པ་ཁམ་ཚན་སོགས་ཀྱིས་ཕྱོགས་བཞི་མཚམས་བརྒྱད་དུ་གྲྭ་རྒྱུན་འཚོལ་བཞིན་པའི་སྐབས་འདིར་ཐོབ་ཁུངས་ཀྱི་སྒྲིག་གཞི་གསལ་པོ་ཞིག་མེད་ན་དཀའ་རྙོག་དེ་ཇེ་སྡུག་ཏུ་འགྲོ་ངེས། སྤྱིའི་ཆ་ནས་འུ་ཚོའི་སྤྱི་ཚོགས་སུ་དུས་རབས་ཀྱི་རྗེས་མ་ཆོད་མཁན་དེ་དགོན་པ་གྲྭ་ཚང་གཅིག་པུ་མ་ཡིན་པ་སློབ་གྲྭ་དང་གྲོང་སྡེ་གང་སར་གཅིག་ཡིན་པ་མ་ཟད་སྐབས་རེ་བློ་ཡུལ་དུ་ཤོང་དཀའ་བའི་སློབ་གྲྭ་དང་གྲོང་སྡེ་ཁག་ནས་གནས་ཚུལ་འགའ་ཐོས་རྒྱུ་འདུག གནས་ཚུལ་ཁྱད་མཚར་དེ་ཚོ་ཚང་མའི་སེམས་ལ་ཁྲམ་ལམ་མེར་ཡིན་ཚོད་རེད། གླེང་བྱ་འདི་ལ་སྐབས་སུ་མ་བབ་པས་འཇོག་གོ། 
ཁ་རྒྱུན་ལ་ངང་པ་མཚོ་ཡིས་འཚོ། གྲྭ་བ་སྒྲིག་གིས་འཚོ་ཟེར་སྲོལ་ལྟར། སྒྲིག་ཁྲིམས་ཚགས་ཚུད་དགོས་རྒྱུ་གལ་ཆེ་ཤོས་ཤིག་ཡིན་པར་བརྗོད་ཅི་དགོས། རེ་ཉིས་ལ་སྙིང་རྗེ་དགོངས་ན་སྒྲིག་གཞི་གཏོར་བརླག་གི་རྐྱེན་རྩར་འགྲོ་ངེས། སེར་བྱེས་གྲྭ་ཚང་ནང་དུ་བྱུང་བའི་གནས་ཚུལ་དེ་ཆོས་ལུགས་ཀྱི་རྩ་དོན་དང་འགལ་ཞིང་འགྲོ་བ་མིའི་ཁེ་དབང་ལ་རྡོག་རོལ་བཏང་བ་རེད་ཅེས་སྨྲ་བར་དེ་བས་ཀྱང་མི་སྤོབས། ཐོབ་ཁོངས་ཀྱི་འོས་འཚམ་སྒྲིག་གཞི་ཞིག་དང་འགྲོ་སྟངས་ཤིག་ངེས་པར་དུ་དགོས་པར་སེམས། འོན་ཀྱང་ཐོབ་ཁོངས་ཡིན་ན་རེད་གྲྭ་ཚང་གི་སྒྲིག་གཞི་ལ་ཡུལ་དུས་ལ་ལྟོས་པའི་སྐྱར་ཞིབ་དགོས་པའི་དགོངས་ཚུལ་དེ་ལ་རང་ཉིད་ནས་མོས་མཐུན་ཡོད།
རྒྱུ་མཚན་དང་གནས་ལུགས་དང་མ་འགལ་ན་དངོས་གཙོ་དང་སེམས་གཙོ་གང་གི་རྗེས་ལ་སྙེག་ན་ཆོག མཁྲེགས་འཛིན་དང་ཨུ་ཚུག་གྱི་ལྟ་བ་དུས་གཏན་དུ་བསྟེན་མི་རུང་། འཇིག་རྟེན་འདིའི་ཐོག་ཏུ་མི་བུ་རང་ཚུགས་ཅན་ཞིག་བྱ་འདོད་ན་མཁྲེགས་འཛིན་གྱི་རང་གཤིས་མེད་ཅིང་བླུན་རྒན་གཡམ་རྒྱུག་མ་ཡིན་པར་རྒྱུ་མཚན་གྱི་གནོད་པ་མཐོང་ན་ལྟ་བ་ཡིན་ན་འདྲ་ལམ་ཕྱོགས་ཡིན་ན་འདྲ་གནས་ལུགས་ཀྱི་ལམ་བུར་ཤར་སྐྱོད་བྱེད་ན་ལས་འབྲས་ལའང་མཐུན་ལ་ཁྲིམས་ལུགས་ལའང་གནས་ལུགས་གལ་ཆེའོ།།

“ དེ་མིན་ནུབ་ཕྱོགས་མཚན་ཉིད་རིག་པའི་ཁྱབ་ཁོངས་ཀྱི་དངོས་གཙོ་སྨྲ་བའི་ལྟ་ཚུལ་དང་ཡང་མཐུན་པས་ན་དངོས་ཡོད་དང་མཐུན་པའི་ལེགས་བཤད་རྨ་མེད་པ་ཞིག་རེད། ”

ལེགས་བཤད་ཡིན་མིན་དེ་དངོས་གཙོ་སྨྲ་བའི་ལྟ་ཚུལ་དང་མཐུན་མིན་ལ་ཐུག་ཡོད་ཨེ་རེད། ཨ་རོགས་སོམས་དང་།