བོད་སྐྱོད་གོམ་བགྲོད་པ་གླིང་ཚ་ཚེ་བརྟན་རྡོ་རྗེ་ལགས་དེ་རིང་ཞོགས་པར་བལ་ཡུལ་ཐང་ཀོ་ཊི་ཞིབ་བཤེར་ས་ཚིགས་ནས་ཉེན་རྟོག་པས་འཇུ་བཟུང་བྱས་འདུག
ཟླ་འདིའི་ཕྱི་ཚེས་ ༡༤ ཉིན་གྱི་མཚན་ཆུ་ཚོད་ ༡།༣༠ ཡས་མས་སུ་བོད་སྐྱོད་གོམ་བགྲོད་པ་ཚེ་བརྟན་རྡོ་རྗེ་ལགས་ཀྱིས་ཁོང་གི་ཨ་མ་ལྡོམ་པོ་སྐྱིད་དང་སྲིང་མོ་ལྷ་མོ་སྐྱིད་གཉིས་རྒྱ་གར་གྱི་གྷོ་ར་པུར་ས་གནས་སུ་བཞག་པ་དང་། ཁོང་གཅིག་པུ་གསང་སྟབས་ཀྱི་བལ་ཡུལ་ནང་འཛུལ་ཏེ། དེ་རིང་བར་ཉིན་གྲངས་ ༨ ལྷག་གི་རིང་མུ་མཐུད་གོམ་བགྲོད་བྱས་ཡོད་ཀྱང་། དེ་རིང་ཕྱི་ཚེས་ ༢༡ ཉིན་གྱི་ཞོགས་པའི་ཆུ་ཚོད་ ༦།༣༠ ཡས་མས་སུ་བལ་ཡུལ་རྒྱལ་ས་ཀ་ཐ་མན་གྲུ་དང་སྤྱི་ལེ་ ༡༥ མཚམས་སྟེ། ཐེང་ཀོ་ཊི་ཞིབ་བཤེར་ས་ཚིགས་སུ་བསླེབས་སྐབས་བལ་ཡུལ་ཉེན་རྟོག་མི་སྣས་ཁོང་འཇུས་རྗེས། རྒྱལ་ས་ཀ་ཐུ་མན་གྲུའི་ཧ་ནོ་མན་ཀྲོ་ཀཱ་ཉེན་རྟོག་ཁང་དུ་འཁྲིད་དེ་བཀག་ཉར་བྱས་ཡོད་འདུག
འདིའི་ཐད་གསར་འགོས་པས་ཁ་པར་བརྒྱུད་བལ་ཡུལ་དུ་གནས་སྡོད་མདོ་སྨད་དབུས་རྒྱུན་བཀྲ་ཤིས་དོན་འགྲུབ་ལགས་སུ་བཅར་འདྲི་བྱས་པར་ཁོང་གིས། “ ཉེ་ཆར་ཚེ་བརྟན་རྡོ་རྗེ་ལགས་ཀྱིས་ཁོང་གི་ཨ་མ་དང་སྲིང་མོ་གཉིས་བཞག་སྟེ་གསང་སྟབས་ཀྱིས་བལ་ཡུལ་ནང་འཛུལ་རྗེས། བལ་ཡུལ་མདོ་སྨད་རྒྱུན་ལས་ཀྱིས་རྒྱལ་ས་ཀ་ཐ་མན་གྲུ་དང་ཀེ་ལི་མུ་ཊེར་ ༡༤༠ ཡས་མས་ཡོད་པའི་ས་གནས་ནཱ་རན་གྷ་ཊི་ནས་རྟོགས་ཞིབ་དང་རོགས་རམ་གནང་སྟེ་ཡོང་བ་རེད། ཉིན་དེ་དག་རིང་ཁོང་ལ་རོགས་རམ་ཆེད་ས་གནས་ནས་ཐོག་མར་མི་གཅིག་དང་རྗེས་སུ་མི་གཉིས་ཚེ་བརྟན་རྡོ་རྗེ་དང་མཉམ་དུ་བཏང་བ་ཡིན་མོད། དེ་རིང་ཞོགས་པའི་ཆུ་ཚོད་ ༦།༣༠ སྟེང་བལ་ཡུལ་གྱི་རྒྱལ་ས་ཀ་ཐ་མན་གྲུ་དང་ཀེ་ལོ་མུ་ཊར་ ༡༥ ཡོད་པའི་ཐེང་ཀོ་ཊི་ (Thang kot) ཞིབ་བཤེར་ས་ཚིགས་སུ་བསླེབས་སྐབས་ཉེན་རྟོག་པས་ཁོང་འཇུ་བཟུང་བྱས་འདུག སྐབས་དེར་ཉེན་རྟོག་པས་ཉིན་གཉིས་ལྷག་གི་སྔོན་དུ་ ༼ཕ་ཡུལ་དྲ་རྒྱ༽ ནང་ཁོང་གི་པར་དང་གནས་ཚུལ་བཀོད་ཡོད་པའི་སྐོར་བསྟན་ཏེ། ཀཱ་ལེ་མཱ་ཊེ་ས་གནས་སུ་འཁྲིད་རྒྱུ་ཡིན་ཚུལ་བརྗོད་འདུག་ཀྱང་། རྗེས་སུ་དབུས་ཉེན་རྟོག་ལས་ཁུངས་ཀྱི་མཐོ་རིམ་དཔོན་རིགས་ (SP) ཤིག་གིས་བཀའ་ཕབ་པ་ལྟར། རྒྱལ་ས་ཀ་ཐ་མན་གྲུའུ་ཧཱ་ལི་མན་ཀྲོ་ཀཱ་ཞེས་པའི་ཉེན་རྟོག་ལས་ཁུངས་དུ་འཁྲིད་དེ་ད་ལྟའི་ཆར་དེར་བཀག་ཉར་བྱས་ཡོད་པ་རེད། ” ཅེས་བརྗོད་བྱུང་།
མདོ་སྨད་དབུས་རྒྱུན་བཀྲ་ཤིས་དོན་འགྲུབ་ལགས་ཀྱིས་བརྗོད་དོན་ལྟར་ན། ཉེ་ཆར་ཚེ་བརྟན་རྡོ་རྗེ་ལགས་ཀྱིས་ཁོང་གིས་འཐབ་རྩོད་དེ་བལ་ཡུལ་དང་རྒྱ་གར་སུ་གང་ལ་ཕོག་ཐུག་འགྲོ་བའི་ལས་འགུལ་ཞིག་མིན་སྟབས། གལ་སྲིད། ཉེན་རྟོག་པས་ཁོང་འཇུ་བཟུང་བྱས་པ་ཡིན་ན་ཁོང་གི་ཆེད་དུ་མི་མངགས་གཏོང་བྱེད་པ་དང་དངུལ་གྱི་འགྲོ་སོང་སོགས་བཏང་བ་ཡིན་ན་ཕན་ཐོགས་མེད་པ་བརྗོད་ཡོད་འདུག
གནས་ཚུལ་འདིའི་ཐད་བལ་ཡུལ་མདོ་སྨད་རྒྱུན་ལས་ཀྱི་ངོས་ནས་གྲོས་བསྡུར་བྱས་ཏེ་མུ་མཐུད་འབད་བརྩོན་བྱ་འཆར་ཡོད་འདུག
གསར་འགོད་པ། དོན་གོ
ངས་སྔོན་ནས་བཤད་པ་ཡིན། འགྲོ་ས་འདི་ལས་མེད་པ་ངས་སྔོན་ནས་བཤད་པ་ཡིན། ད་འདི་ནས་མཇུག་བསྡུས་པ་རེད། ཡིནའང་ཁོང་གི་སྙིང་སྟོབས་ལ་ངས་ནམ་ཡང་ཡིད་རམས་བྱེད།།
གླིང་ཚ་ཚེ་བརྟན་རྡོ་རྗེ་ཡིས་གང་བཤད་ཐམས་ཅད་ཁ་ཙམ་མི་པར་ར་སྤྲོད་བྱེད་ཀྱིན་འདུག ཨ་མའི་བུ་མི་རྐྱང་རི་ལ་ཆས་པ་དང་མི་འདྲའོ་སྙམ།
ཚེ་རྡོར་ལགས་སྐུ་ཉིད་གནས་སྟངས་ཞིག་གོ་ན་བསམ་པའི་མིག་ཅེར་ནས་སྒུག་བཞིན་ཡོད། དེ་རིང་ཞོགས་པ་དུས་བབས་ཁ་ཕྱེ་ནས་ཅིག་ལྟ་དུས་ཐོགས་མར་ངས་མིག་ལམ་དུ་ཤར་བའི་ཡིག་འབྲུ་དག་ནི་བལ་དམགས་གི་འཇུ་བཟུང་བྱེད་པའི་གནས་ཚུལ་དག་རེད། གང་ལྟར་དཔའ་བོ་ཁྱེད་ཀྱི་རྒྱལ་ཞེན་དང་སྤོབས་པ་ལ་གུས་འདུལ་ཞུ། མྱུར་དུ་གློད་གྲོལ་ཐོབ་པ་དང་རྒྱལ་གཅེས་བ་རྒྱལ་གྱུར་ཅིག། བོད་རྒྱལ་ལོ་་་་བསམ་དོན་འགྲུབ་པར་ཤོག།
ཁྱེད་ཀྱིས་སྙིང་སྟོབས་ལ་གུས་རྩི་དང་། དགེ་དབང་བར་ཆད་མི་ཡོང་བའི་སྨོན་ལམ། བདེན་པ་ཉིད་རྒྱལ་འགྱུར་ཅིག
ཁོའི་བྱ་བ་མཐའ་དག་འབད་མེད་མྱུར་དུ་ལམ་འགྲོ་ཡོང་བ་དང་།མྱུར་དུ་གློད་དཀྲོལ་ཡོང་བའི་སྨོན་ལམ་དང་བཅས་བཀྲ་ཤིས་བདེ་ལེགདས་ཞུ
དུས་བབ་ཀྱིས་དུས་བབ་དང་བསྟུན་ནས་གསར་འགྱུར་མཁོ་འདོན་བྱེད་ཐུབ་ཀྱི་མི་འདུག གནས་ཚུལ་འདིའི་རིགས་ཤིན་ཏུ་གལ་ཆེན་པོ་ཞིག་ཡིན་སྟབས་དུས་ཐོག་ཏུ་མཁོ་སྤྲོད་བྱེད་རྒྱུ་ཧ་ཅང་གལ་ཆེན་པོ་རེད།།
གླིང་ཚ་ཚེ་བརྟན་རྡོ་རྗེ་མཆོག་གི་སྐུ་གེགས་མཐའ་དག་ཞི་ནས་བསམ་དོན་ལྷུན་གྱིས་འགྲུབ་པའི་སྨོན་འདུན་བཅས།།
གང་མགྱོགས་གློད་དཀྲོལ་ཡོང་བའི་སྨོན་ལམ་འདེབས་བཞིན་ཡོད། དར་དམར་འཕྱར་བའི་དྲིན་སྡུག་པོ་རང་གཏོང་མི་ཡོང་། ཏོག་ཙམ་གུ་ཡངས་ཡོད་དགོས་ངེས་རེད།
བོད་ཀྱི་ཞི་བའི་འཐབ་རྩོད་པ་གླིང་ཚ་ཚེ་བརྟན་རྡོ་རྗེ་ལགས་བལ་དམག་སྤྱང་ལྟོགས་ཚོའི་ཁ་ནས་མྱུར་དུ་ཐར་བར་ཤོག ཁོང་ལ་རྒྱབ་སྐྱོར་དང་གདུང་སེམས་མཉམ་བསྐྱེད་ཡོད།