ཐེ་ཝན་བོད་གཞུང་སྐུ་ཚབ་དོན་གཅོད་དང་ཐེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཚོཊ་པ། ཐེ་ཝན་དགའ་ལྡན་ཤར་རྩེ་ཆོས་ཚོཊ་བཅས་ཀྱི་གོ་སྒྲིག་འོག ༸གོང་ས་མཆོག་ཕྱི་ལུགས་ཀྱི་དགུང་གྲངས་ ༧༧ ལ་ཕེབས་པའི་སྐུའི་འཁྲུངས་སྐར་ཉིན་མོ་དང་སྟབས་བསྟུན་ཏེ། ད་ལོའི་ཕྱི་ཟླ་ ༧ ཚེས་ ༡ ཉིན་ནས་ཚེས་༧ ཉིན་བར་ཐེ་ཝན་གྲོང་ཁྱེར་ཆེ་ཁག་གསུམ་གྱི་ནང་། ༸གོང་ས་མཆོག་གིས་བོད་མིའི་ཆབ་སྲིད་འགན་དབང་མང་ཚོགས་ཀྱིས་བདམས་པའི་མགོ་ཁྲིད་ཚོར་རྩིས་སྤྲོད་དང་། དུས་དབང་སྐབས་བོད་ཀྱི་ཆོས་བརྒྱུད་ཁག་གི་བླ་ཆེན་ཚོས་༸གོང་ས་མཆོག་ལ་ཡོངས་རྫོགས་བསྟན་པའི་མངའ་བདག་གི་མཚན་གནས་ཕུལ་བ། དབྱིན་ཡུལ་དུ་གྲགས་ཅན་ཊེམ་པེལ་ཊོན་གཟེངས་རྟགས་འབུལ་བཞེས་མཛད་པ་བཅས་ལ་དགའ་སྟོན་དང་། ༸གོང་ས་མཆོག་ལ་བཀའ་དྲིན་མཚོན་ཆེད་སྐུའི་འཁྲུངས་སྐར་རྒྱས་པ་ཞིག་སྲུང་གཙི་བྱ་འཆར་ཡོད་འདུག
སྐུའི་འཁྲུངས་སྐར་སྲུང་གཙིའི་ལས་རིམ་དེ་ཕྱི་ཟླ་ ༧ པའི་ཚེས་མགོ་ནས་མགོ་འཛུགས་བྱ་འཆར་ཡོད་པ་ལྟར། ཕྱི་ཟླ་ ༧ ཚེས་ ༡ཉིན་ཐེ་ཝན་གནས་སྡོད་བོད་རིཊ་མང་ཚོཊ་དང་བོད་དོན་རྒྱབ་སྐྱོར་བ། ཐེ་ཝན་བོད་ཀྱི་ཆོས་ཚོཊ་ཁག་གི་མཁན་བླ་སོགས་འདུ་འཛོམས་ཐོག་༸རྒྱལ་བའི་ཞབས་བརྟན་བསྒྲུབ་རྒྱུ་དང་། ས་སྐྱ་བདག་ཁྲི་རིན་པོ་ཆེ་མཆོག་གིས་མང་ཚོགས་ལ་གསུང་བཤད་གནང་རྒྱུ། དེ་བཞིན་ཉེ་ཆར་ཐེ་ཝན་གསར་འགོད་པས་༸གོང་ས་མཆོག་དང་བཀའ་ཁྲི་རྣམ་གཉིས་ལ་བཅར་འདྲི་ཞུས་པའི་བརྙན་འཕྲིན་ལེ་ཚན་ཞིག་རས་ཡོལ་ཐོག་གཟིཊ་འབུལ་བཅས་ཞུ་རྒྱུ་ཡིན་འདུག
ཕྱི་ཟླ་ ༦ ཚེས་ ༣༠ཉིན་དང་། ཕྱི་ཟླ་ ༧ ཚེས་ ༧ ནས་༨ ཉིན་བར་ཐེ་ཝན་ལྷོ་བྱང་གྲོང་ཁྱེར་གསུམ་ནང་འཛམ་གླིང་ཞི་བདེ་ཡོང་ཐབས་དང་།༸གོང་ས་མཆོག་སྐུ་ཚེ་༸ཞབས་པད་བརྟན་པའི་སྨོན་ལམ་འཚོགས་རྒྱུ་ཡིན་ལ། སྐབས་དེར་གྲོང་ཁྱེར་དེ་དག་གི་སྤྱི་སྤྱོད་རླངས་འཁོར་༣༠ ཙམ་གྱི་ཕྱི་ངོས་སུ། ཤིས་ཚིག་འདྲ་མིན་ཐོག་༸གོང་ས་མཆོག་གི་སྐུ་པར་སྦྱར་ཏེ་ཁྱབ་བསྒྲགས་གནང་རྒྱུ། ཕྱི་ཟླ་ ༧ ཚེས་ ༦ཉིན་ཐེ་ཝན་རྒྱལ་སྤྱིའི་ཚོཊ་ཁང་ཆེན་མོའི་ནང་། ནང་ཆོས་དང་འབྲེལ་བའི་འཁྲབ་སྟོན་བཅས་ཞུ་རྒྱུ་ཡིན་འདུག
ཐེ་ཝན་གཞུང་གི་ཀྲུང་ཞི་མ་ཡན་ཅུང་གིས་ཐེ་ཝན་དང་རྒྱ་ནག་གཉིས་རྒྱལ་ཁབ་གཅིག་ལ་དར་ཆ་གཉིས་རེད་ཟེར་ནས་ཉིན་ཤས་སྔོན་བཤད་ཚར་སོང་ད་ཐེངས་འཁྲུངས་སྐར་ལ་འགོག་རྐྱེན་མ་བཟོས་བ་དེ་ཨོག་ཙམ་རེད།
ཐེ་ཝན་ནི་བོད་སྤྲུལཔའི་སྐུ་དང་མཁན་པོ་དགེ་བཤེས་གྲྭ་པ་ཚོས་ཡིག་ཁུག་དམར་པོའི་ཡོང་སྒོ་ཆེ་ཤོས་དང་བླ་མ་གྲྭ་པ་མང་ཤོས་ཀྱི་རྒྱལ་ཁབ་གཅིག་རེད། ལྷག་པར་དུ་སྤྲུལ་སྐུ་རྫུན་མ་དང་། དགེ་བཤེས་རྫུན་མ། གྲྭ་པ་རྫུན་མ་དང་། མཁན་པོ་རྫུན་མ་མང་ཤོས་ཀྱི་ལུང་པ་ཞིག་རེད།