༸གོང་ས་མཆོག་གི་ཡུ་རོབ་ཁུལ་གྱི་མཛད་འཕྲིན་ཁག་ལེགས་པར་གྲུབ་རྗེས། དེང་རིང་ཉིན་གུང་སེར་སྐྱ་མི་མང་སྟོང་ཕྲག་བརྒལ་བའི་ཕེབས་བསུའི་ཁྲོད་བཞུགས་སྒར་དུ་ཞབས་སོར་བཀོད་སོང་།
དེ་རིང་ཉིན་གུང་ཆུ་ཚོད་ ༡༢ ་དང་སྐར་མ་ ༢༠ སྟེང་སེར་སྐྱ་མི་མང་སྟོང་ཕྲག་མང་པོའི་ཕེབས་བསུའི་ཁྲོད། ༸གོང་ས་མཆོག་བཞུགས་སྒར་དུ་ཞབས་སོར་བཀོད་ཡོད་པ་དང་། ཐེག་ཆེན་ཆོས་གླིང་གཙུག་ལག་ཁང་གི་མདུན་ཐང་དུ་ཚོགས་སྐྱིད་མཉམ་སྦྲེལ་མཐུན་ཚོགས་ཀྱི་གོ་སྒྲིག་འོག ༸གོང་ས་མཆོག་ལ་འཛམ་གླིང་སྒང་བྱ་དགའི་དངུལ་འབོར་ཆེས་མཐོ་ཤོས་ཀྱི་དབྱིན་ཇིའི་ཌེན་བྷེལ་ཌེན་གཟེངས་འབུལ་བཞེས་གནང་བར། བཀའ་ཤིས་རྟེན་འབྲེལ་ཞུ་བའི་གླུ་ལེན་གར་རྩེད་ཀྱི་མཛད་སྒོ་ཞིག་ཀྱང་ཚོགས་སོང་།
མཛད་སྒོའི་སྐུ་མགྲོན་དུ་འཕགས་བོད་མཛའ་འབྲེལ་ཚོགས་པའི་ཚོགས་གཙོ་དང་དྲུང་ཆེ་རྣམ་གཉིས་གཙོས། བོད་མི་མང་སྤྱི་འཐུས་ཁག་ཅིག་དང་། གཞུང་འབྲེལ་མིན་པའི་ཚོགས་སྐྱིད་ཁག་གི་སྐུ་ཚབ་བཅས་སེར་སྐྱ་མི་མང་སྟོང་ཕྲག་བརྒལ་བ་མཉམ་ཞུགས་གནང་འདུག་ལ། མཛད་སྒོའི་ཐོག་ཚོགས་སྐྱིད་མཉམ་སྦྲེལ་ཚོགས་གཙོ་སྤྱི་ཟུར་ཡོན་ཏན་རྒྱ་མཚོ་ལགས་ཀྱིས། ཉེ་ཆར་༸གོང་ས་མཆོག་ལ་འཛམ་གླིང་སྒང་སྙན་གྲགས་ཅན་གྱི་ཌེན་བྷེལ་ཌེན་གཟེངས་རྟགས་འབུལ་བཞེས་གནང་བའི་རླབས་ཆེན་མཛད་འཕྲིན་ཁག་སྐོར་ངོ་སྤྲོད་དང་། དེ་བཞིན། ཧིན་བོད་མཛའ་འབྲེལ་ཚོགས་པའི་ཚོགས་གཙོ་དང་དྲུང་ཆེ་རྣམ་གཉིས་ཀྱིས་ཀྱང་། ༸གོང་ས་མཆོག་གི་རླབས་ཆེན་མཛད་འཕྲིན་དང་འབྲེལ་བའི་གཏམ་བཤད་བཅས་གནང་གྲུབ་རྗེས། བོད་གཞུང་ཟློས་གར་ཚོགས་པ་དང་། ཡོངས་གླིང་སློབ་གྲྭའི་སློབ་ཕྲུག ཆོལ་ཁ་གསུམ་དང་ཚོགས་སྐྱིད་ཁག་གི་འཐུས་ཚབ་རྣམས་ཀྱིས་གླུ་གར་འཁྲབ་སྟོན་གནང་སྟེ། ཉེ་ཆར་༸གོང་ས་མཆོག་ལ་ཌེན་བྷེལ་ཌེན་གཟེངས་རྟགས་འབུལ་བཞེས་གནང་བར་དགའ་སྟོན་རྟེན་འབྲེལ་གནང་སོང་།
༸གོང་ས་མཆོག་སྐུ་ཚེ་བརྟན་པར་ཤོག། བོད་མི་ཚོ་བསོད་ནམས་ཀྱིས་ཐེག་པར་ཤོག།
སྔོན་མའི་བཀའ་ཤག་གིས་༸གོང་ས་མཆོག་ལ་ཕྱི་ཡུལ་རྟགས་མ་འཕུལ་བཞེས་གནང་ནས་ཕྱིར་བཞུགས་སྒར་དུ་ཕེབས་སྐབས་ཕེབས་བསུ་ཟབ་རྒྱས་གནང་གི་ཡོད།
འོན་ཀྱང་ད་ལྟའི་བཀའ་ཤག་དང་། ཡང་ན་ཆོས་དོན་ལས་ལྷན་ཁང་འདི་ལ་༸གོང་ས་མཆོག་ཕེབས་བསུའི་སྐོར་ལ་གྲགས་འགུལ་མེད་པ་ག་རེ་བྱས་པ་རེད། དགོངས་པ་ཚོམས་པ་མ་རེད་པ།
རླབས་ཆེན་གྱི་མཛད་རྗེས་ལ་གུས་འདོད་ཞུ།
སྐུ་ཚར་ཁྲི་ལོ་བརྟན་པར་ཤོག