ལྷ་སར་མེར་བསྲེཊ་བཏང་བའི་པར།

གཟའ་ཉི་མའི་ཉིན་ལྷ་སའི་ཇོ་ཁང་མདུན་ཐང་དུ་བོད་མི་གཉིས་ཀྱིས་རང་ལུས་མེར་བསྲེཊ་བཏང་སྟེ་རྒྱ་གཞུང་ལ་ངོ་རྒོལ་བྱས་པའི་སྐུ་པར་ལག་སོན་བྱུང་ཡོད། 

ཟླ་འདིའི་ཕྱི་ཚེས་ ༢༧ ཉིན་གྱི་བོད་ནང་གི་ཉིན་གུང་ཆུ་ཚོད་ ༢།༡༥ ཡས་མས་སུ། ལྷ་སའི་ཇོ་ཁང་མདུན་ཐང་དུ་རང་ལོ་ ༡༩ ཡིན་པའི་ཕ་ཡུལ་མདོ་སྨད་བླ་བྲང་འབོ་ར་ནས་ཡིན་པའི་རྡོ་རྗེ་ཚེ་བརྟན་ལགས་དང་། རྔ་པ་སོ་རུ་མའི་རང་ལོ་ ༢༥ ཡིན་པའི་དར་རྒྱས་ལགས་རྣམ་གཉིས་ཀྱིས་རང་ལུས་མེར་བསྲེགས་བཏང་སྟེ་རྒྱ་ནག་གཞུང་ལ་ངོ་རྒོལ་སྐད་འབོད་བྱས་པའི་སྐུ་པར་ཁག་ཅིག་ལག་སོན་བྱུང་ཡོད།

གསར་འགོད་པ། དོན་གོ