ཁ་སང་ཕྱི་ཚེས་ ༣༠ ཉིན་གྱི་སྔ་དྲོའི་ཆུ་ཚོད་ ༩།༣༠ སྟེང་གངས་སྐྱིད་བཀའ་ཤག་ཚོགས་ཁང་དུ་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ ༢༤ པའི་གྲོས་གཞི་དང་ལས་རིམ་དབུ་འཛུགས་གནང་ཡོད་འདུག
བོད་གཞུང་དྲ་བའི་སྟེང་གནས་ཚུལ་བཀོད་པ་ལྟར་ན། ཐེངས་འདིའི་ཉིན་གཉིས་རིང་གི་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་ ༡༨ ཙམ་མཉམ་ཞུགས་གནང་ཡོད་པ་དག་ནི། བཀའ་ཁྲི་བློ་བཟང་སེང་གེ་མཆོག་གིས་གཙོ་སྐྱོང་གནང་ཐོག་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་དང་། བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག དམིགས་བསལ་སྐུ་ཚབ་བཀའ་ཟུར་རྒྱ་རི་བློ་གྲོས་རྒྱལ་མཚན་མཆོག བཀའ་ཟུར་བསྟན་པ་ཚེ་རིང་མཆོག སྐུ་ཚབ་སྐལ་བཟང་རྒྱལ་མཚན་མཆོག བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཐུབ་བསྟན་བསམ་འཕེལ་ལགས། ཨོ་སི་ཊོ་ལི་ཡའི་སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་ལགས། སྐུ་སྒེར་དྲུང་ཆེ་འཆི་མེད་རིག་འཛིན་ལགས། སྐུ་སྒེར་དྲུང་ཆེ་རྔ་པ་ཚེ་རྒྱམ་ལགས། ལྷོ་ཨ་རིའི་འབྲེལ་མཐུད་པ་ཚེ་དབང་ཕུན་ཚོགས་ལགས། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་གཞོན་པ་བུ་ཆུང་ཚེ་རིང་ལགས། སྤྱི་ཁྱབ་འཆར་འགོད་འགན་འཛིན་དཀོན་མཆོག་བརྩོན་འགྲུས་ལགས། སྤྱི་ཟུར་རྨེའུ་མགོན་པོ་མཚོ་ལགས། ཐེ་ཝན་དོན་གཅོད་ཟླ་བ་ཚེ་རིང་ལགས། དྲུང་གཞོན་འཇིགས་མེད་པ་སངས་ལགས། དྲུང་གཞོན་སྐལ་བཟང་ཚེ་རིང་ལགས་བཅས་ཚོགས་ཞུགས་གནང་ཡོད་འདུག
གསར་འགོད་པ། དོན་འགྲུབ་བཀྲ་ཤིས།
བཀའ་ཁྲིའི་དབུ་ལམ་ལ་རྒྱབ་སྐྱོར་གནང་མིན་དང་དབུ་ལམ་གྱི་ཚོགས་ཆེན་ཐོག་ཕེབས་མིན་ཟེར་བའི་དབུ་ལམ་དེ་དབུ་མའི་ལམ་གྱི་ལས་འགུལ་ཚོགས་ཆུང་ཟེར་བ་འདི་ཡིན་ན་འདིར་ཕེབས་པ་ལས་མ་ཕེབས་ན་གཟི་བརྗིད་ཆེ། ཕན་ཐོག་པའི་ལས་ཀ་སྣ་གཅིག་བྱས་མྱོང་མེད་ལ་ཚད་ལྡན་གྱི་ཁྲིམས་ནས་ནག་ཉེས་མ་ཕོགས་པའི་ཚོགས་མི་ཕལ་ཆེར་མེད་པས་བཀའ་ཁྲིས་སྐད་ཆ་ཅི་ཞིག་བཤད་དགོས་སམ། སྟོད་དགོས་སམ་སྨད་དགོས། སློབ་སྟོན་འདྲ་གནང་ན་འདི་ཚོས་བརྩི་འཇོག་བྱེད་སྲིད་དམ། གང་ལྟར་ཚོགས་པ་འདིས་དབུ་ལམ་ལ་མོས་པའི་མིའི་ཚབ་གཏན་ནས་བྱེད་མི་ཐུབ་པས་འདིར་རྒྱབ་སྐྱོར་མ་གནང་བར་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་མེད་པ་གཏན་ནས་མཚོན་མི་ནུས།
ཆོས་འཕེལ་མིང་ཅན་ལ་ཞུ་དོན།
བཀའ་ཤག་གསར་པས་ཕྱག་ལས་གང་གནང་ཡོད་མེད་ཤེས་འདོད་ཡོདམཁན་གྱི་མི་དྲང་པོ་ཞིག་
ཞིག་ཡིན་ན།ངས་ཁ་ཤས་ཤིག་ཁྱོད་ལ་བཤད་ཆོག་ཀྱང་གཟབ་གཟབ་བྱས་ནས་ཉོན་ཨང་།
ལོ་རྒྱུས་ནང་བྱུང་མྱོང་མེད་པའི་ཕྱག་ལས་གནང་བ་ནི། ཉེའི་ཆར་ཨ་རིའི་གྲོས་ཚོགས་ནང་བོད་དོན་སྐོར་གྲོས་ཆོད་བཞག་པ།
ཉི་ཧོང་གི་གྲོས་ཚོགས་ནང་བོད་དོན་སྐོར་གྲོས་ཆོད་བཞག་པ།
ཡོ་རོབ་རྒྱལ་ཁབ་7་ནང་གཟིགས་བསྐོར་དང་བོད་དོན་ཁྱབ་བསྒྲགས་གནང་བ།
གཞུང་འབྲལ་ཐོག་འཛམ་གླིང་ཞི་བདེའི་ཚོགས་ཆེ་ལ་ཕེབས་ཐུབ་པ།
རྒྱ་གར་གཞུང་གིས་བོད་མའི་སྐྱབས་བྱོལ་ལག་འཁྱེར་ལོ་ལྔའི་དུས་ཡུན་རིང་དུས་འགྱངས་བྱེད་མི་དགོས་པའི་བཀའ་འཁྲོལ་བྱུང་བ།
སྔར་ལོ་རྒྱུས་ནང་བྱུང་མྱོང་མེད་པའི་གཞུང་འབྲེལ་ཐོག་དབུ་ཁྲིད་མང་པོ་ཐུག་ནས་བོད་དོན་གསལ་བཤད་པ་སོགས་བརྗོས་མི་ལངས།
བོད་མིའི་སྐྱབས་བྱོལ་ལག་འཁྱེར་ཐོག་ས་ཆ་ཉོ་ཆོག་པའི་བཀའ་འཁྲོལ་བྱུང་བ།
རྒྱ་གར་ལྷོ་ཕྱོགས་མངའ་སྡེ་གཞུང་གིས་བོད་མི་ཉམ་ཐང་རྣམས་ལ་རོགས་ངུལ་ལོ་གཅིག་ལ་འབུམ་50་ནས་90་བར་གནང་རྒྱུའི་བཀའ་འཁྲོལ་བྱུང་བ།
བོད་བཙན་བྱོལ་ནང་ལྷག་དཀར་གྱི་ལས་འགུལ་གསར་གཏོད་དང༌།
བོད་ཀྱི་སྲིད་བྱུས་ཉམས་ཞིབ་ཁང་གསར་བཙུགས་གནང་བ།
ཁོང་སྒེར་ངོས་ནས་ཕུལ་བྱུང་གཏམ་བཤད་ཀྱི་གསེར་གྱི་གཟེངས་སྟོད་རྟགས་མ་རགས་པ།
ཤེས་འདོད་མཁན་རྣམས་ནས་ཤེས་ཟིན་པ་ཤ་སྟག་རེད་ཡིན་ན་ཡང་ཁྱོད་ལྟ་བུའི་མི་རེ་ཟུང་ལ་ཤེས་འདོད་མེད་ནས་མ་གོ་བ་རེད།
བཙན་པོའི་མིང་ཅན་ལགས། རྡོར་གདན་དུས་དབང་སྐབས་བཀའ་ཁྲི་མཆོག་གིས་དབུ་ལམ་ལས་འགུལ་ཞིག་ལ་རྒྱབ་སྐྱོར་མ་གནང་བ་དང། ཉེ་ཆར་དབུ་ལམ་ཚོགས་ཆེན་དུ་གཏམ་བཤད་ལ་མ་ཕེབས་པ་གོ་ཐོས་བྱུང་བས། དེ་བདེན་པའི་དབང་དུ་བྱས་ནས། དམིགས་པ་དེ་དག་ལ་དམིགས་ནས་སེམས་འཚབ་དང་བཅས་སྨོན་ལམ་ཞིག་བཏབ་པ་ཡིན། ཁྱོད་ལ་དེའི་སྐོར་ཁ་གསལ་ཞིག་བཤད་རྒྱུ་ཡོད་ན་ཤོད་དང་། ངེད་ཀྱིས་ནོར་ཡོད་ན་དགོངས་སེལ་ཞུ་ཆོག། །གལ་ཏེ་ཁྱོད་ལ་བཤད་རྒྱུ་མེད་ན་ཁ་བཙུམ་ནས་བཞུགས་ན་ལེགས་སམ། སེམས་འཚབ་དགོས་དོན་ཁོང་ལ་ངའི་ཐོབ་ཐང་གི་འོས་གཅིག་པུ་དེ་སྤྲད་པས་ཡིན།
ཡང་གཅིག་ཞུས་ན། བཀའ་ཁྲིའི་འོས་བསྡུ་སྐབས་ཁོང་གི་ཁས་ལེན་དེ་དག་ད་སྐབས་གང་དུ་སླེབས་འདུག། བསམ་བློ་ཐོང་དང་སྤྲིན་པ་རླུང་གིས་ཁྱེར་བ་ནང་བཞིན་ཆགས་གྲབས་མི་འདུག་གམ།
དགོས་པ་ནི། བཀའ་ཁྲིའི་འོས་བསྡུ་སྐབས་དབུ་ལམ་སྐོར་ལ་གཏམ་བཤད་གནང་བ་དོན་ལ་གནས་དགོས་པ་དེ་ཡིན།
དོན་མ་གོ་ན་གཞི་ནས་བོད་ཡིག་སྦྱང་བསྐྱོར་བྱོས་དང་ག་ལེར་གོ་གི་རེད།
བོད་པའི་སྤྱི་ཚོགས་ཡོད་ས་ཇ་ཁང་དང་ཟ་ཁང་ནང་གི་སྐད་ཆ་ཁ་ཤས་ཞུ་འདོད་བྱུང་།
བཤད་བཞིན་པ་གཅིག་ནི།བོད་པ་ཞིག་གིས་ཆབ་སྲིད་ཀྱི་ལྟ་གྲུབ་དང་ཤེས་ཡོན་ཐོག་འཇོན་ཐང་མངོན་དུས་༸རྒྱལ་བའི་བཀའ་དང་མི་མཐུན་ཚུལ་དང་ཐ་ན་རྒྱ་མིའི་སོ་པ་སོགས་ཀྱི་མིང་བཏགས་ནས་རྐང་པར་མར་འཐེན་ནས་ས་ལ་ལྷུང་བཅུག་རྒྱུ་དེ་བོད་མིའི་གཤིས་ཀ་རེད་ཅེས།
བཤད་བཞིན་པ་གཉིས་པ་ནི། བོད་མི་ཞིག་གི་སྤྱི་ཚོགས་ལ་ཕན་པའི་གསར་གཏོད་ཀྱི་ལས་ཀ་ཞིག་བྱས་ན་དེ་ནི་བོད་པའི་སྔ་རབས་ཀྱི་
ལུགས་སྲོལ་དང་མི་མཐུན་ཚུལ་དང་ཆོས་ལུགས་དང་མི་མཐུན་ཚུལ་བཤད་ནས་རྐང་པར་མར་འཐེན་ནས་ས་ལ་འགྱེལ་བཅུག་རྒྱུ་དེ་བོད་པའི་གཤིས་ཀ་རེད་ཅེས།
བཤད་བཞིན་པ་གསུམ་པ་ནི།རང་གི་ཆོལ་ཁ་དང་ཆོས་ལུགས་གཅིག་པ་མིན་པའི་བོད་པ་ཞིག་གིས་ལས་ཀ་གང་བྱས་ཀྱང་དེ་ལ་སྐྱོན་འཚོལ་གང་ཐུབ་བྱས་ནས་མི་དེ་ས་ལ་འགྱེལ་རྒྱུ་དེ་བོད་མིའི་གཤིས་ཀ་རེད་ཅེས།
བཤད་བཞིན་པ་བཞི་པ་ནི། བོད་པའི་ཚོང་པ་ཞིག་ལ་ཚོང་ལམ་འགྲུ་རྒྱུག་ནས་ཕྱུག་པོ་ཆགས་ན་དེ་ནི་སངས་རྒྱས་ཀྱི་སྐུ་དང་ནག་ཚོང་རྒྱབ་རེད་ཅེས་མར་འཐེན་ནས་ལྷུང་བཅུག་རྒྱུ་དེ་བོད་མིའི་གཤིས་ཀ་རེད་ཅེས།
བཤད་བཞིན་པ་ལྔ་པ་ནི།བླ་མ་དང་སྤྲུལ་སྐུ་དགེ་འདུན་པ་ཞིག་གིས་འགྲོ་དོན་ལ་ཕན་པའི་ཆོས་བཤད་དང་མོ་དང་རྩིས་རྒྱབ་པ་སོགས་གཞནདོན་ཆེད་དུ་ཆོས་ཡག་པོ་ཞིག་བྱས་ཀྱང་དེ་ནི་སྒོར་མོ་ཆེད་དུ་དང་འཇིགས་རྟེན་པ་རྣམས་མགོ་བསྐོར་གཏོང་པ་རེད་ཅེས་མར་འཐེན་རྒྱུ་དེ་བོ་མིའི་གཤིས་ཀ་རེད་ཅེས།
བཤད་བཞིན་པ་དྲུག་པ་ནི། བོད་པ་ལ་དབང་བའི་ས་ཆ་ལག་མཐིལ་ཙམ་མེད་ཀྱང་ཆོལ་ཀ་དང་ཆོས་ལུགས་ཕན་ཚུན་ཕྱོགས་འཐེན་
གང་ཐུབ་བྱས་ནས་བསྟན་པ་ཆབ་སྲིད་མ་གནོད་པའི་སྐད་ཆ་ཤོད་རྒྱུ་དེ་བོད་མིའི་གཤིས་ཀ་རེད་ཅེས།
ཇ་ཁང་དང་ཟ་ཀང་ནང་བཤད་པའི་སྐད་ཆ་རྣམས་དོན་དངོས་ཡིན་པ་འདྲ་དྲ་གྲོགས་དག་ལ་སློབ་སྦྱོང་གང་མཚམས་ཡོད་པ་ཤ་སྟག་རེད་དེ་གཤིས་ཀ་གོང་བརྗོད་ལས་མདས་སོ། སེམས་ཕམ་སོང་དངོས་ནས་སེམས་ཕམ་སོང་།
བློ་འཕེལ་མིང་ཅན་ལ་ཞུ་རྒྱུར།
བཀའ་ཁྲིད་མཆོག་གི་སྒེར་གྱི་འཁོན་སེམས་སྤྱི་པའི་ཐོག་བེད་སྤྱོས་མི་གཏོང་བར་ཤོག་ཅེས་སྨོན་ལམ་ཞིག་རྒྱབ་འདུག་།
སྨོན་ལམ་དེའི་གོ་དོན་དང་དགོས་པ་དམིགས་ཡུལ་སོགས་ངེས་ཅན་ཞིག་ཡོད་ངེས་པས། ཁྱོད་ཀྱིས་ཁ་གསལ་ཞིག་བཤད་ཐུབ་ན་ལེགས་དེ་མིན་མངོན་པར་མི་གསལ་བའི་སྐད་ཆ་དེ་འདྲ་བཤད་དགོས་པ་མ་མཐོང་།
གལ་ཏེ་དེ་ལ་དགོས་པ་དང་དམིགས་ཡུལ་རྒྱུ་མཚན་མེད་ན་ནི་ཤེས་པ་རང་བཞིན་མི་གནས་པའི་འབྲས་རྟགས་མངོན་པ་ལས་གཞན་ཅི།
བཀའ་ཁྲི་གསར་པས་རྐང་རྗེས་ལག་བསུབ་མ་བྱས་ན་བོད་རྒྱ་འབྲེལ་མོལ་ཡོང་གི་རེད། ༧གོང་ས་མཆོག་དང་སློབ་དཔོན་ཟམ་གདོང་རིན་པོ་ཆེ་སོགས་ཀྱི་བྱས་པ་གོང་འཕེལ་མ་ནུས་ཀྱང་ཏག་ཏག་ཉར་ཐུབ་པ་ཡིན་ན་འབྲེལ་མོལ་ཡོང་གི་རེད། ཡིན་ནའང། བཀའ་ཁྲི་གསར་པས་སྤྱིར་དབུ་མའི་ལམ་གྱི་སྲིད་བྱུས་དང་དེ་འབྲེལ་གནད་དོན་གཞན་ཐད་རང་སྣང་ཆེན་པོས་ལས་དོན་བྱེད་པ་རེ་ཤོས་ཡོང་གི་ཡོད་པས། མི་ཚང་མར་མིག་མེད་པ་མིན་སྟབས་མཐོང་གི་ཡོད་པ་རེད། མཐོང་བ་ཡིན་ན། རང་བཞིན་གྱིས་ལས་དོན་ཐོག་བར་ཆད་ཏན་ཏན་ཡོང་གི་རེད།
དངོས་གནས་བྱས་ན། དམིགས་བསལ་སྐུ་ཚབ་མཆོག་གི་བཀའ་དགོངས་དང་བསྟུན་པ་སོགས་བྱས་ན་འབྲེལ་མོལ་ལ་བར་ཆད་འཕྲད་ཀྱི་མ་རེད། དེ་མིན། མི་སུ་ཡིན་ནའང། རང་གི་ནུས་བ་གཞན་ལ་སྤྲོད་འདོད་མེད་པ་གསལ་བོ་ཡིན་པ་རེད། དེ་བས་ཀྱང་ཆབ་སྲིད་པ་ཚོ་བཤད་མ་དགོས་པ་ཞིག་རེད།
ཞི་བའི་གྲོས་མོལ་དོན་སྙིང་ལྡན་པ་ཞིག་ཡོང་བར་ཤོག།
དུས་ཚོད་འདི་འདྲ་ཞིག་ལ་འཚོགས་དགོས་དོན་དང། བརྗོད་གཞིའི་གཙོ་བོ་གང་ཡིན་སོགས་ཁ་གསལ་ཞིག་ཡོད་ན་ཡག་པོ་འདུག།
ཆབ་སྲིད་ཀྱི་གར་སྟེགས་སྟེང་གི་བཟློས་གར་གྱི་འཁྲབ་ཚན་ཞིག་མིན་པར་ཤོག།
བཀའ་འཁྲི་མཆོག་གིས་སྔར་ལས་ལྷག་པར་གཉིས་སྨན་གྱི་གྲོས་མོལ་ལ་རྒྱབ་སྐྱོར་ཆེ་རུ་འགྲོ་བར་བྱིན་གྱིས་བརླབས་ཏུ་གསོལ།
བཀའ་ཁྲི་མཆོག་གི་སྒེར་གྱི་འཁོན་སེམས་སྤྱི་བའི་ཐོག་ཏུ་བེད་སྤྱོད་མི་གཏོང་བར་ཤོག།