ཁ་སང་འཛམ་ཐང་དུ་རང་ལུས་མེར་བསྲེགས་གཏོང་མཁན་རྒྱལ་གཅེས་དཔའ་མོ་རི་ཀྱོ་ལགས་ཀྱི་སྐུ་ཕུང་རྒྱ་གཞུང་གི་དམ་དྲག་འོག་མདང་ནུབ་བོད་ནང་གི་ཆུ་ཚོད་ ༡༡ ཙམ་ལ་ཇོ་ནང་དགོན་པའི་ཉེ་འཁྲིས་དུར་ཁྲོད་དུ་ཞུགས་འབུལ་གནང་ཡོད་འདུག
གནས་ཚུལ་བཏང་འབྱོར་ལ། ཁ་སང་ཕྱི་ཚེས་ ༣༠ ཉིན་གྱི་དགོས་མོའི་ཆུ་ཚོད་ ༣ ཡས་མས་སུ་རྒྱལ་གཅེས་དཔའ་མོ་རི་ཀྱོ་ལགས་ཀྱིས་རང་ལུས་མེར་བསྲེགས་གཏོང་སྐབས་ས་གནས་ཉེན་རྟོག་པ་བསླེབས་ཏེ་མེ་གསོད་ཐབས་བྱས་ཡོད་ཀྱང་། མེ་འབར་ཤུགས་ཧ་ཅང་ཆེ་སྟབས་ཁོང་མོ་ས་གནས་དེ་རང་དུ་སྐུ་གྲོངས་ཡོད་པ་དང་། ས་གནས་མང་ཚོགས་ཀྱིས་ཁོ་མོའི་ཕུང་པོ་འཛམ་ཐང་ཇོ་ནང་དགོན་ཆེན་དུ་གདན་འདྲེན་ཞུས་ཏེ། འཛམ་ཐང་དགོན་ཆེན་གྱི་གྲྭ་ཚང་གསུམ་གའི་གྲྭ་མང་ ༡༠༠༠ ལྷག་ཅིག་གིས་ཕོ་ལུང་དང་བསྔོ་སྨོན་མཆོད་འབུལ་ཚོགས་ཡོད་འདུག
དེའི་རྗེས་སུ་རྒྱ་གཞུང་གིས་བཙན་བཀའ་བཏང་སྟེ་སྐུ་ཕུང་ཉིན་དེ་ག་རང་ལ་མེར་བསྲེགས་བཏང་སྟེ་མེད་པ་བཟོ་དགོས་ཚུལ་དང་། དེ་ལྟར་མ་བྱས་ཚེ་སྲིད་གཞུང་གིས་འཁྱེར་རྒྱུ་ཡིན་སྐོར་འཇིགས་སྐུལ་བྱས་ཡོད་སྟབས། ཁ་སང་དགོང་མོའི་བོད་ནང་གི་ཆུ་ཚོད་ ༡༡ སྟེང་དགོན་པའི་ཉེ་འཁྲིས་རི་འདབས་ཀྱི་དུར་ཁྲོད་ནང་ཞུགས་འབུལ་བྱས་ཡོད་འདུག
ཕུང་པོ་ཞུགས་འབུལ་སྐབས་སྐྱ་སེར་ ༥༠༠༠ ལྷག་འདུ་འཛོམས་བྱུང་ཡོད་འདུག་ལ། དགོང་མོར་ས་དེར་ཆར་ཤུགས་ཆེན་པོ་བབས་ཏེ་དཀའ་ངལ་ཆེན་པོ་འཕྲད་ཡོད་ཀྱང་། སྐྱ་སེར་མང་ཚོགས་དུར་ཁྲོད་དུ་བསྡད་དེ་མཚན་མོའི་དུས་ཚོད་ ༣ པ་བར་བསྔོ་སྨོན་མཆོད་འབུལ་གནང་ཡོད་འདུག
རྒྱལ་གཅེས་དཔའ་མོ་རི་ཀྱོ་ལགས་ནི་འཛམ་ཐང་བར་མ་ཡུལ་ཚོའི་གཙང་སྡེ་ནས་ཡིན་ལ། འཚོ་གནས་འབྲོག་པ་ཡིན་འདུག ཁོ་མོ་ནམ་རྒྱུན་གྲོང་ཕ་འཁྱིམ་མཚེས་ཕན་ཚུན་མཛའ་སེམས་ཆེ་ཞིང་ཉམས་ཐག་ལ་རོགས་རམ་བྱེད་མཁན་ཞིག་ཡིན་འདུག
ཁོང་མོས་མེར་བསྲེགས་མ་བཏང་སྔོན་ལ་ཉིན་མཚན་གཉིས་ཀར་ཕྱག་འཚལ་གྱིན་འདུག་པས་སྔོན་མ་ཞིག་ནས་ཁོ་མོའི་རང་ལུས་མེར་སྲེག་བཏང་རྒྱུར་གྲྭ་སྒྲིག་བྱས་ཡོད་པར་ས་གནས་མང་ཚོགས་ཀྱིས་ངོས་འཛིན་བྱེད་ཀྱིན་ཡོད་འདུག
ཁོ་མོ་ད་སྐབས་རང་ལོ་ ༣༦ ཡིན་པ་དང་། ཁོ་མོའི་ཕ་མིང་ལ་ཕྱུག་ལོ་དང་། མ་མིང་ལ་རིན་ལྷ། ཁྱོ་གའི་མིང་ལ་སྣང་སྟོང་ཟེར་ཞིང་། ཁོང་གཉིས་ལ་བྱིས་པ་ཆུང་ཆུང་གསུམ་ཡོད་འདུག ཅེས་བཞུགས་སྒར་ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ་ལགས་ཀྱིས་གནས་ཚུལ་བཏང་འབྱོར་བྱུང་།
གསར་འགོད་པ། དོན་འགྲུབ་བཀྲ་ཤིས།
གཞི་ལུས་བོད་མི་རྨས་ཀྱི་སྙིང་སྟོབ་ལ་རྗེས་སུ་ཡི་རང་ཡོད་ཐུགས་རྗེ་ཆེ།
ཨོ་ཧོ། གོང་གི་དུས་ཚེད་དེ་ཟླ་འདིའི་ཚེས་ ༢ ཀྱི་ཉིན་རྒྱབ་ནས་ཚེས་ ༣ གྱི་དགོང་མོ་བར་སྙིང་སྟོབས་གླིང་ནང་ཚོགས་པ་དེའི་དབུ་འཛིན་ངག་དབང་ལྷ་མོ་ཡི་མི་འབོད་དེ་སྐྱིད་སྐྱིད་གཏོང་རྒྱུ་ནི་དུས་ལ་ལྟས་ན་ཆེ་ཡ་མཚན་རེད། དེའང་ཕྲུ་གུ་དབང་པོ་སྐྱོན་ཅན་ཚོ་ལ་དབྱིན་ཇིའི་སྦྱིན་བདག་ཚོའི་སྤྲོད་པས་དུབ་ལོག་དེ་ཚོ་དང་རྩེད་ཆས་དེ་ཚོ་དབང་སྐྱོན་ཕྲུ་གུ་ཚོ་ལ་མ་སྤྲོད་པར་དེ་ཉིནཚོང་བཀྲམ་བྱ་རྒྱུ་རེད་ཟེར་ཧ་ཧ་ཧ་ཧ་ཧ་ཧ་ཧ།
ཐོག་མ་བོད་ཀྱི་དཔའ་མོ་ཁྱེད་ཀྱི་གཙོས་པའི་དཔའ་བོ་དཔའ་མོ་ཀུན་ལ་བསྔགས་བརྗོད་དང་སྐུ་ལུས་མེར་སྲེགས་གནང་བར་གུས་ཀྱིས་ལུས་ངག་ཡིད་གསུམ་ནས་གུས་པ་དང་སྦྲགས་ཨོཾ་མ་ཎི་པདྨེ་ཧུཾ།
ད་དེན་འདྲ་རེད། འགའ་རེས་ཀྱི་རང་གི་ཕུང་པོ་བོད་གངས་ཅན་ལྗོོངས་ཀྱི་དོན་དུ་མེར་འབུལ། འགའ་རེས་ཀྱི་དབྱར་ཁའི་སྤྲོ་སྐྱིད་དམ་སྐྱིད་སྐྱིད་གཏོང་དུ་ཤོག་ཟེར་ཏེ་སྦྱར་ཡིག་སྣ་ཚོགས་སྤེལ། སྤྲོ་སྐྱིད་ཀྱི་ཆེད་དུས་ཚེད་ད་རེན་མ་གཏོགས་མེད་པ་ཡིན་ནམ་ཡང་ན་གནས་ཚུལ་གཞན་ཞིག་ཡིན་ནམ། གང་སྟར་ཟླ་འདིའི་ཚེས་ ༡ གི་ཉིན་རྒྱབ་ནས་ཚེས་ ༢ ཀྱི་དགོང་མོ་བར་རྡ་ས་རུ་ཡོད་པའི་ནོར་གླིང་ཉེ་ཁོར་གྱི་སྙིང་སྟོབས་གླིང་ནས་སྦྱར་ཡིག་དེ་འདྲ་ཞིག་སྤེལ་འདུག་པ་ནི་ཚོགས་པ་འདི་བོད་མིར་གདུང་སེམས་མཉམ་སྐྱེད་མེད་པའི་མཚོན་རྟགས་ཡིན། དེ་ན་འདིར་ཡོད་དྲྭ་གྲོགས་ཚོ་ཅི་བྱེད་པ་དགའ་འདུག