དེ་རིང་ཐོག་མའི་སྡེ་ཚན་ནང་ཁུལ་རེས་མོས་འགྲན་བསྡུར་མཇུག་སྒྲིལ་ཏེ་རྩེ་གྲས་རུ་ཁག་ ༨ བདམས་ཐོན་བྱུང་འདུག
དེ་རིང་ཕྱི་ཚེས་ ༡ ཉིན་རྒྱལ་ཡུམ་རྗེས་དྲན་བུམ་པའི་རྐང་སྤོལ་རྩེད་འགྲན་གྱི་ཐོག་མའི་ཁག་བགོས་སྡེ་ཚན་ནང་ཁུལ་རེས་མོས་འགྲན་བསྡུར་གྱི་རིམ་པ་ཡོངས་སུ་མཇུག་སྒྲིལ་ཡོད་པ་དང་། རྩེད་འགྲན་བརྒྱུད་བདམས་ཐོན་བྱུང་བའི་སྡེ་ཚན་སོ་སོ་རྩེ་ཕུད་རུ་ཁག་དག་ནི། སྡེ་ཚན་ཀའི་དོན་གྲུབ་གླིང་ཀ་ལི་མན་ཌོན་དང་། སྡེ་ཚན་ཁའི་བོད་ཁྱིམ་མཉམ་འབྲེལ། སྡེ་ཚན་གའི་ལྡི་ལི་མཉམ་འབྲེལ། སྡེ་ཚན་ངའི་གངས་ལྗོངས་ཤི་ལོང་། སྡེ་ཚན་ཅའི་འཕགས་ཞིང་ཀ་ཌི་མོན་ཊོ། སྡེ་ཚན་ཆའི་ཕུན་ཚོགས་གླིང་ཨོ་རི་ས་བཅས་རུ་ཁག་ ༦ དང་། ལྷག་འཕྲོས་བརྒྱ་ཆ་མཐོ་ཤོས་དང་པོ་བཀྲ་ཤིས་དཔལ་སྐྱིད་སྦོག་ར་དང་གཉིས་པ་གྷོ་བ་བཅས་རྩེ་གྲས་རུ་ཁག་ ༨ ནང་ཚུད་ཡོད་པ་རེད།
སང་ཉིན་ནས་མགོ་བཙུགས་ཏེ་རུ་ཁག་གཉིས་རེ་བར་ཐད་ཀར་རྒྱལ་ཕམ་རྩེད་འགྲན་བརྒྱུད། རྩེ་གྲས་བཞི་དང་རྩེ་གྲས་གཉིས། མཐའ་མའི་རྟིང་རྩོད་བཅས་རིམ་པར་བྱ་རྒྱུ་ཡིན་པ་དང་། སང་ཉིན་ཕྱི་དྲོའི་ཆུ་ཚོད་ ༢ སྟེང་དོན་གྲུབ་གླིང་ཀ་ལི་མན་ཊོན་དང་བཀྲ་ཤིས་དཔལ་འཁྱིལ་སྦོག་ར་གཉིས་པར་རྩེད་འགྲན་དང་། ཆུ་ཚོད་ ༤ སྟེང་བོད་ཁྱིམ་མཉམ་འབྲེལ་དང་ལྡི་ལི་མཉམ་འབྲེལ་གཉིས་བར་རྩེད་འགྲན་བྱ་རྒྱུ་ཡིན་པ་རེད།
ད་ལྟའི་ཆར་སྤོ་ལོ་མང་ཤོས་ལྡུག་མཁན་ནི་ཕུན་ཚོགས་གླིང་ཨུ་རུ་སུ་རྐང་སྤོལ་རུ་ཁག་གི་ཨང་གྲངས་ ༧ པ་བྱང་ཆུབ་རྒྱལ་མཚན་ལགས་ཀྱིས་སྤོ་ལོ་ ༤ བླུགས་ཏེ་ཨང་དང་པོ། བོད་ཁྱིམ་མཉམ་འབྲེལ་རུ་ཁག་གི་ཚེ་རིང་བཀྲ་ཤིས་ལགས་ཀྱིས་སྤོ་ལོ་ ༣ བླུགས་ཏེ་ཨང་གཉིས་པ་ཆགས་ཡོད་འདུག
གསར་འགོད་པ། ཚེ་རིང་རྒྱལ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ད་རེས་རྐང་རྩེད་སྤོ་ལོའི་ཐོག་མའི་འགྲན་རྩོད་དེ་ཞི་བདེའི་ངང་ལེགས་གྲུབ་བྱུང་ཚོད་ལ་འཚམས་འདྲི་དང་ད་དུང་ཡང་མཐའ་མའི་འགྲན་རྩོད་བཀྲིས་བདེ་ལེགས་ངང་མཇུག་བསྒྲིལ་བའི་སྨོན་འདུན་ཞུ།།།།
ང་ཚོ་ནི་བཟང་ངན་གང་བྱུང་ཡང་རྒྱལ་ཁ་ཞིག་གི་ཕམ་ཉེས་ཡིན་པས།
སྤྱི་ཚོགས་ནང་དུ་མཐོ་དམན་ལུས་འོང་།
རྩེ་འགྲན་འདི་ལ་སྐྱོན་ཆེ་གང་ཡང་མ་མཐོང་།
ཤེལ་དཀའ་བློ་བཟང་ལགས།
གཞིས་ལུས་བོད་མིས་རང་སྲོག་དོར།།
བྱེས་ཀྱི་བོད་མིས་དགའ་སྟོན་བྱེད།།
ལས་འབྲས་བསླུ་མེད་མཐུ་ལྡན་ན།།
དཔལ་ལྡན་ལྷ་མོས་ཚར་གཅོད་ཅིག །