༧གོང་ས་མཆོག་གི་སྐུ་ཚབ་རྣམ་གཉིས་ཀྱིས་དགོངས་པ་ཞུས་འདུག

གདོང་དམར་བོད་ལགས།
ཁྱེད་ཀྱིས་ཁྲི་གསར་ཚང་ལ་སྐྱོན་བརྗོད་བྱས་པར་ངས་ཆབ་སྲིད་རིག་པའི་གཞུང་ལུགས་དང་དམངས་གཙོའི་ལམ་ལུགས་ལས་འགལ་བ་ཞིག་ནམ་ཡང་བཤད་མེད། མ་ཟད་ངས་ད་དུང་སྐྱོན་བརྗོད་ནི་ཡར་རྒྱས་ཀྱི་རང་བཞིན་དང་དམངས་གཙོའི་གྲུབ་ཆ་གལ་ཆེན་ཞིག་ལ་རྩིས་ཀྱི་ཡོད། འོན་ཀྱང་ཁྱེད་ཀྱིས་སྐྱོན་བརྗོད་དེར་གནས་ལུགས་དང་རྒྱུ་མཚན་ངེས་ཅན་མི་འདུག་ལ་སེམས་འཚོར་དང་འཆར་སྣང་ཙམ་གྱིས་རྗེས་སུ་འབྲངས་ན་ཕན་ལས་གནོད་ཆེ། མ་ཟད་ཁྱེད་ཀྱིས་(༧གོང་ས་མཆོག་ཆབ་སྲིད་ཀྱི་འགན་འཁུར་གནང་གི་མེད་པ་དང་། གཉིས་ནས་ཟམ་གདོང་རིན་པོ་ཆེ་གཞུང་གི་སྲིད་ཞུ་ཟུར་པ་ཆགས། གསུམ་ནས་བཀའ་ཁྲི་གསར་པར་འཇོན་ཐང་ཞན་པའི་ཐོག་ཕྱག་སྦྲེལ་བཀའ་བློན་འཇོན་ཐང་ཅན་མེད་པས་)ཞེས་གསུངས་བར། ༧སྐུ་མདུན་ཆབ་སྲིད་གྲེས་ཡོལ་ལ་ཕེབས་སྐབས་དེང་དུས་ཤེས་ཡོན་དང་འཇོན་ཐང་མེད་པའི་མི་ཞིག་ལ་རྩིས་སྤྲོད་གནང་བ་ཞིག་ནམ་ཡང་གསུང་གི་མི་འདུག་ལ་ཐུགས་བློ་བདེ་པོ་ཡོད་པ་ཞིག་མ་གཏོག་ཐུགས་ཕྲལ་ཡོད་པ་ཞིག་ནམ་ཡང་གསུང་གི་མི་འདུག། མ་ཟད་དེ་འདྲའི་ཤེས་ཡོན་དང་འཇོན་ཐང་མེད་པའི་མི་ཞིག་ལ་༧སྐུ་འདུན་གྱིས་ཆབ་སྲིད་འགན་དབང་ཡོངས་རྫོགས་ནམ་ཡང་རྩིས་སྤྲོད་གནང་མི་སྲིད་པ་ཞིག་རེད། སྤྱིར་སྟངས་འཇོན་ཐང་ཞེས་པ་དེ་ལས་འགན་འགོ་བཙུགས་མ་ཐག་ཐོན་རྒྱུ་ཞིག་གང་དུ་ཡང་མེད་པ་རེད། ལར་ནས་བཙན་བྱོལ་སྒྲིག་འཛུགས་འདི་ཞན་དབང་སྟབས་བསྟུན་ཡིན་ཙང་དེ་བས་དཀའ་བར་སྣང་། དཔེར་ན་ཨ་རིའི་སྲིད་འཛིན་ཨོ་བྷཱ་མཱ་ཁོང་ཆེས་དང་ཐོག་ཨ་རིའི་སྲིད་སྟེགས་ཀྱི་འོས་མིར་ལངས་དུས་ཁོང་གིས་(འགྱུར་བ་)ཞེས་པའི་ངར་སྐད་དེས་ཨ་རིའི་སྲིད་སྟེགས་སུ་སླེབས་པ་རེད། འོན་ཀྱང་ཨ་རི་དཔལ་འབྱོར་ཉམས་གུད་དང་སྟབས་འཁེལ་བས། ད་ཆ་སྲིད་འཛིན་གྱི་དུས་ཡུན་རྫོགས་ལ་ཉེ་ཡང་འགྱུར་བ་གང་ཡང་བཏང་ཐུབ་མེད་པ་མ་ཟད་སྲིད་ཟུར་བྷུ་ཤུ་ཡིས་ཨ་རི་རྙོག་འཛིང་སྣ་མང་རང་བཞིན་ཅན་གྱི་སྐྱོ་མ་ལུང་པ་གང་གཡོས་བཞག་པ་དེ་ལྡགས་མ་ཚར་བ་བསྡད་པ་རེད། བྱས་ཙང་ང་ཚོ་བོད་ཀྱི་ཨོ་བྷ་མ་ཡང་དེ་དེ་བཞིན་ཟུར་དང་སུལ་ཚང་མ་ནས་སློབ་སྟོན་པ་མང་དྲག་ནས་ཁོང་གིས་ཆེས་དང་ཐོག་གི་(གསར་གཏོད་)ཞེས་པའི་ངར་སྒྲ་དེ་ཡང་ཉམས་དམས་སུ་ཕྱིན་ནས་ད་ཆ་ཡལ་ལ་ཉེ་བ་རེད། དེས་ན་སྐབས་བབས་ཀྱི་བརྗོད་བྱ་གཙོ་བོ་ནི་རྒྱ་བོད་འབྲེལ་མོལ་གྱི་སྐུ་ཚབ་གྲེས་པོ་གཉིས་དགོངས་ཞུས་དང་གསར་བསྐོ་སྐོར་རེད་པ། བྱས་ཙང་སྐུ་ཉིད་ཀྱིས་ཁྲི་ཟུར་ཚང་གཞུང་གི་སྲིད་ཞུ་ཟུར་པ་ཆགས་པ་མ་གཏོག་བོད་རྒྱ་འབྲེལ་མོལ་ལ་ནུས་འཇོན་ཡོད་རབས་འདྲ་ཞིག་དང་ཁྲི་གསར་ཚང་ལ་བོད་རྒྱ་འབྲེལ་མོལ་ལ་ནུས་འཇོན་མེད་རབས་འདྲ་ཞིག་གསུངས་འདུག་པས། དེ་ལྟར་མ་ཡིན་སྟེས་ཁྲི་ཟུར་ཚང་མི་ལོའི་བགྲང་བྱ་བཅུ་ཕྲག་གཅིག་ཁྲི་པ་ལས་ཐོགས་ལ་བཞུགས་སྐབས་བོད་རྒྱ་འབྲེལ་མོལ་ལ་ནུས་འཇོན་ཅི་ཡང་བཏོན་ཐུབ་མེད་པ་མ་ཟད་ཡོད་ཚད་རྒྱར་བསྟུན་གྱིས་མགོ་འབུལ་ལུས་འབུལ་ཞུས་པའི་མཇུག་འབྲས་ད་ཆ་ང་ཚོ་ཅི་ཡང་བལྟ་བཟོ་མེད་པ་ཆགས་ཚར་བ་རེད། དེས་ན་བོད་རྒྱའི་དཀའ་གནད་ཀྱི་ལྡེའུ་མིག་ཆ་ཚང་ཀྲུང་ནན་ཧེའེ་ལ་རྩིས་སྤྲོད་གནང་ཚར་ཙང་འབྲེལ་མོལ་སྒོ་ཕྱེ་མི་ཕྱེ་ང་ཚོར་མེད་པ་དེ་རེད། གལ་དེ་ཕར་ཕྱོགས་ནས་སྒོ་སྐྱར་དུ་ཕྱེ་བའི་དབང་དུ་བཏང་ན་སྐུ་ཚབ་གསར་པ་ཁྲི་གསར་ཚང་ལ་གྲ་བསྒྲིག་ཡོད་ཤག་རེད་ལ་ཡོད་དགོས་ངེས་ཡང་རེད། འོན་ཀྱང་འབྲེལ་མོལ་གྲུབ་འབྲས་སྐོར་སྐུ་ཚབ་གྲེས་པོ་གཉིས་ལ་ཆ་རྒྱུས་ཡ་རྒྱུས་ཡོད་ཙང་ཁོང་གཉིས་ཀྱིས་གསལ་པོ་གསུང་འདུག་ལ་དགོངས་ཞུ་ཡང་དེ་འབྲེལ་བསྡད་ཡོད་པ་རེད། བྱས་ན་ང་ཚོས་སྐུ་ཚབ་གསར་བསྐོ་དང་རྗེས་ཕྱོགས་ག་རེ་གནང་དགོས་མིན་བསམ་བློ་ངེས་པར་དུ་གཏོང་དགོས་པ་རེད་ལ་སྐྱར་ཞིབ་ཡང་ངེས་པར་དུ་བྱེད་དགོས་པ་འདོད།

གསེར་འབྲུག་སྡེར་ལྔ་ལགས་དང་ ཡུལ་གྱར་བ་ལགས་གཉིས་ལ་སྐད་བསང་མཐོ་པའི་ངང་ལ་ཞུ་བ་ཞིག་ལ་གུས་པས་ཤོད་པའི་དངོས་ཡོད་གནས་ཚུལ་དང་མཐུན་པ་དང་ སྲིད་དོན་ཚན་རིག་དང་ རིག་པའི་གཞུང་ལུགས་དང་ མང་གཙོ་ལམ་ལུགས་གང་གི་ཆ་ལ་འགལ་བ་རེད་དམ་ ཡང་ན་དངོས་བདེན་ཤོད་ཆོག་གི་མ་རེད་དམ་ སྐྱོན་བརྗོད་ནི་ཡར་རྒྱས་ཀྱི་གཞི་རྩ་ཞིག་མ་ཡིན་ནམ་ དངོས་བདེན་གནས་ལུགས་རྣམས་བྲིས་པར་དགག་བྱ་ག་རི་ཡིན་ནམ་ ཡང་ན་ངོ་དགའ་སྤྲེལ་ལེབ་རང་ཤོད་དགོས་པ་རེད་དམ་ རང་གི་གསུངས་སྟངས་གཞི་བཞག་གཞིགས་ན་ སྐྱོན་ཆ་གང་ཡང་མེད་པ་དང་ ནམ་མཁའ་གཡའ་དག་དང་ ས་གཞི་རྡུལ་དག་རེད་པས་ ཡང་ན་སྐྱོན་འཛུགས་གནང་ཆོག་གི་མེད་པ་རེད་ གསུངས་ད་ བོད་གཞུང་དེ་མང་ཚོགས་ནས་བདག་སྤྲོད་ག་འདྲ་བྱས་ནས་བྱེད་དགོས་སམ་ གཏོར་མ་ཆུ་ཡིས་འཁྱེར་ན་རྒོད་མོ་ཚུགས་ཚུགས་ མེ་ཡིས་ཚིག་ན་རྒོད་མོ་ཚུག་ཚུག་རེད་དམ་ ལེན་ཞིག་ཡོད་པ་གནང།

དམིགས་བསལ་སྐུ་ཚབ་གཉིས་ཀྱིས་དགོངས་ཞུའི་ཐད་ཁོང་གཉིས་ཀྱིས། (རྒྱུ་མཚན་སྣ་ཚོགས་ལ་བརྟེན་ནས་ད་ལྟའི་འཆར་དོན་སྙིང་ལྡན་པའི་འབྲེལ་མོལ་ཡོང་རེ་དཀའ་བར་སྣང་བས། ངེད་གཉིས་ད་དུང་བོད་རྒྱ་འབྲེལ་མོལ་གྱི་སྐུ་ཚབ་ཀྱི་ལས་འགན་མུ་མཐུད་འཛིན་རྒྱུ་བློས་འགན་བཟོད་ཐབས་བྲལ་བས། དགོངས་འཁྲོལ་ཅིས་ཀྱང་ཡོང་བ་ཞུ་)ཞེས་པར། ཀྲུང་ནན་ཧེའེ་དང་དབུས་འཐབ་ཕྱོགས་གཅིག་གྱུར་པུའུ་ཡི་བོད་ཐོག་འཛིན་པའི་སྲིད་ཇུས་ངོ་མ་དེ་ཤེས་ཚོད་འདུག་པས་གསར་དུ་བསྐོ་རྒྱུའི་སྐུ་ཚབ་ཀྱིས་ཅི་ཞིག་ལས་དགོས་མིན་ལམ་བསྟོན་གནང་འདུག་ལ་ད་ང་ཚོས་རྗེས་ཕྱོགས་ལ་བསམ་བློ་ངེས་པར་དུ་གཏོང་དགོས་པ་རེད། བྱས་ཙང་མི་ལ་ལས་ཁྲི་གསར་ཚང་གིས་འཇོན་རྒྱུ་མེད་རབས་དང་ཁྲི་ཟུར་ཚང་གིས་འཇོན་རྒྱུ་ཡོད་རབས་གླེང་ནས་ཁྲི་ཟུར་ཚང་རྒྱ་བོད་འབྲེལ་མོལ་གྱི་སྐུ་ཚབ་ལ་ཡིན་ཅིག་བསྐོ་དགོས་རབས་བཤད་པ་ནི་ཅི་འདྲའི་ཡ་མཚན་མ་རེད་པས།
དེ་འདྲའི་ཁྲི་ཟུར་ཚང་ལ་འཇོན་རྒྱུ་ཞིག་ཡོད་ན་ཁོང་ཁྲི་པ་ལས་ཐོག་སྐབས་རྒྱ་བོད་ཀྱིས་གནད་དོན་མ་སེལ་བ་དང་མི་འཇོན་པ་ཅི་ཡིན་ནམ། དེ་ལས་ལྡོག་སྟེས་ཡོད་ཚད་རྒྱར་བསྟུན་གྱིས་མགོ་འབུལ་ལུས་འབུལ་ཞུས་པའི་བྱས་འབྲས་ལ་ད་ཆ་ང་ཚོ་ཅི་ཡང་བལྟ་བཟོ་མེད་པ་ཆགས་པ་མ་རེད་པས། ལར་ནས་སྐུ་དྲག་དང་བླ་མ་ག་དུས་ཡིན་ན་ཡང་མདུན་དུ་བུད་ཡོང་ན་རྒྱ་མིས་ང་ཚོ་བཙན་བྱོལ་གཞུང་འདི་སྤྱི་ཚོགས་རྙིང་པ་རོ་ལངས་རྒྱགས་རྒྱུ་དང་མངའ་བདག་ཆེན་པོ་གསུམ་གྱི་བདག་དབང་བསླར་གསོ་བྱེད་རྒྱུའི་ཆེད་རེད་ཟེར་བ་དེ་ཁ་གཡར་ས་ཞིག་ཆགས་པ་མ་རེད་པས།
དེས་ན་ཁྲི་གསར་ཚང་གིས་དེའི་ཐོག་གྲ་བསྒྲིག་ཡོད་ཀྱི་རེད་ལ་ཡོད་དགོས་ངེས་ཡང་རེད། འོན་ཀྱང་བོད་རྒྱའི་དཀའ་གནད་ཀྱི་ལྡེ་མིག་དེ་ཆ་ཚང་ཀྲུང་ནན་ཧེའེ་ལ་རྩིས་སྤྲོད་གནང་ཚར་ཙང་སྒོ་ཕྱེ་མི་ཕྱེ་ཁོ་ཚོའི་ལག་ཏུ་ཡོད་པ་མ་གཏོག་ང་ཚོའི་ལག་ཏུ་ཡོད་པ་མ་རེད། ད་ནི་རེ་སྒུག་རྒྱགས་རྒྱུ་མ་གཏོག་ཅང་ལྷག་མེད་པ་དེ་རེད།

ད་བོད་མི་ཚང་མས་ཐུགས་གཟབ་གནང་གལ་ཆེ་བ་ཞིག་ལ་སླེབས་པ་མཐོང་ གང་ཡིན་ཞུས་ན་ གོང་ས་མཆོག་ཆབ་སྲིད་ཀྱི་འགན་འཁུ་གནང་གིན་མེད་པ་དང་ གཉིས་ནས་མཁས་དབང་ཟམ་གདོང་རིན་པོ་མཆོག་གཞུང་གི་སྲིད་ཞུ་ཟུར་པ་ཆགས་ གསུམ་ནས་ བཀའ་ཁྲི་གསར་པར་འཇོན་ཐང་ཞན་པའི་ཐོག་ཕྱག་སྦྲེལ་བཀའ་བློན་འཇོན་ཐང་ཅན་མེད་པས་གོང་གསལ་གནད་དོན་བཞིན་ཚང་མས་སྟབས་གཟབ་གནང་གལ་ཆེ་བས་ གནད་དོན་ཐོག་ལ་གོ་བསྡུ་མང་ཙམ་གནང་རོགས་འབོད་བསྐུལ་ཞུ་སྙིང་འདོད་ དྲ་གྲོགས་རྣམ་པ་ཚོས་ཕྱོགས་སུ་མ་ལྷུང་བའི་ངང་རྣམ་དཔྱོད་རྩལ་དུ་བཏོད་ནས་མི་རིགས་འགན་འཁུ་རོགས་གནང་ ཐུགས་ཆེ་གནང་

འབྱུང་འགྱུར་གྱི་སྐུ་ཚབ་ལ་དག་པོ་བསོད་ནམས་ནོར་བུ་ངར་མོས་མཐུན་མེད། གོ་ཐོས་ལ་ཨོ་སི་ཏྲི་ལི་ཡར་བོད་རིགས་ཚོགས་པར་རྙོག་དྲ་རྒྱ་མི་ཆུང་བ་བྱུང་སྐབས་ཟ་དང་ཟུར་དུ་གཡོལ་གང་ཐུབ་ལས་དོན་ཕན་ལྡན་པའི་འགན་འཁྱེར་ཡོད་མི་འདུག་ལ་ལྷག་པར་ཁོང་གི་ལས་དོན་གཙོ་བོ་ལྟ་བུ་ཁོང་དང་ཁོང་གི་ནང་མི་རྣམས་དེར་གཏན་སྡོད་ཇི་ལྟར་བྱེད་ཐུབ་མིན་ལ་དུས་ཚོད་གཏོང་བཞིན་ཡོད་འདུག ཡིད་མ་ཆེས་ན་དོན་གཅོད་ཚར་དུས་སུ་རྒྱ་གར་དུ་ལོག་མིན་ང་ཚོས་ལྟ་ཆོག སྤྱི་མི་ཞིག་གིས་འདི་ལྟར་བྱེད་ན་དེ་སྐུ་ཚབ་ཏུ་ཇི་ལྟར་འོས། དེ་ཙམ་ཡིན།

དགོངས་པ་ཞུས་དུས་གནང་དགོས་པ་ཆོས་ཉིད་རེད་དགའ་བསུ་ཡོད། གནང་རོགས་གནོང་ཞུ་རྒྱུ་ཡིན།

ད་དངོས་ཁྲིམས་ཀྱི་ཐོག་ནས་བཤད་ན། ༸གོང་གི་སྐུ་ཚབ་མཇུག་སྒྲིལ་ཟིན་པ་རེད། ཡང་གཅིག་བཤད་པ་ཡིན། རྒྱ་གཞུང་གིས་ཏཱ་ལའི་བླ་མ་སྐུ་སྒེར་གྱི་གནད་དོན་ལས་རྒྱལ་སྤྱིའི་སྒང་བོད་དོན་ཟེར་བ་ཞིག་གླེང་རྒྱུ་ལྷག་མེད་སྐོར་ཡང་ནས་བསྐྱར་དུ་བསྒྲགས་པར་མ་ཟད། འཛམ་གླིང་རྒྱལ་ཁབ་དག་ལ་དེའི་ཐད་མངོན་ལྐོག་བརྒྱུད་གསུམ་ནས་ཐབས་ཤེས་སྣ་དགུ་འཐེན་དེ་གནོན་ཤུགས་སྤྲོད་ཀྱིན་ཡོད་པ་རེད། དེའི་བརྡ་ལན་ལ་དྷ་ས་བོད་ཀྱི་གནད་དོན་ལས་ཏཱ་ལའི་བླ་མའི་གནད་དོན་ཟེར་བ་ཞིག་རྒྱ་ནག་དང་མཉམ་དུ་གླེང་རྒྱུ་མེད་པའི་བརྡ་གསལ་བོ་སྟོན་ཆེད། ༸གོང་ས་མཆོག་གི་ཆབ་སྲིད་སྐུ་དབང་དང་ཏཱ་ལའི་བླ་མའི་སྐུ་ཚབ་བཅས་སྔ་ཕྱིར་མེད་པ་བཟོས་པ་རེད། དེ་རིང་ཉི་མ་ཕན་ཆད་ནས། དྷ་ས་དང་པེ་ཅིན་བར་གླེང་འདོད་ན་བོད་ཀྱི་གནད་དོན་ལས་ལྷག་ཡོད་པ་མ་རེད་ལ། གླེང་མི་འདོད་ནའང་བོད་ཀྱི་གནད་དོན་ལས་ལྷག་ཡོད་པ་མ་རེད། ཐེངས་རྗེས་མའི་དྷ་སའི་སྐུ་ཚབ་དེ་གཞིས་ལས་བོད་མི་ས་ཡ་དྲུག་གི་མགྲིན་ཚབ་ཏུ་གྱུར་བའི་བོད་མིའི་སྒྲིག་འཛུགས་ཀྱི་སྐུ་ཚབ་ཡིན་པ་ལས། ཡང་བསྐྱར་རྒྱ་གཞུང་གི་སོ་བར་ལ་ཀ་ར་དབུགས་རྒྱག་(འཇིག་གྱི་རེ་)ལྟ་བུའི་མི་སྒེར་གང་རུང་ཞིག་གི་གནད་དོན་ཡིན་མིན་ཐོག་བསྐྱར་དུ་ཕར་འཐེན་ཚུར་འཐེན་བྱེད་སྤྱད་ཀྱི་སྐུ་ཚབ་ཅིག་ང་ཚོས་ངོས་ནས་བཟོ་མི་རུང་བ་དེ་ཚང་མས་བསམ་བློ་གཏོང་དགོས་པའི་གནད་དོད་པོ་རེད། རབ་ཡིན་ན། ཐེངས་རྗེས་མིའི་བོད་རྒྱ་འབྲེལ་མོལ་གྱི་སྐུ་ཚབ་དེ་བོད་མི་མང་གི་འཐུས་ཚབ་སྤྱི་འཐུས་གྲོས་ཚོགས་ནས་མང་མོས་འོས་འདེམས་ཀྱི་ལམ་ནས་བདམས་རྒྱུ་གལ་ཆེན་པོ་རེད།

དྲ་གྲོགས་ཚོ། འདས་ཟིན་པ་ག་ལེར་འགྲོ་རུ་ཆུགས། འབྱུང་འགྱུར་ལ་མནོ་བསམ་ཞིབ་ཏུ་ཐོངས།
ད་ལྟའི་ཨོ་སི་ཊི་ལེ་ཡའི་སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་དང་། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་གཞོན་པ་བུ་ཆུང་ཚེ་རིང་གཉིས་༧གོང་ས་མཆོག་གི་དམིགས་བསལ་སྐུ་ཚབ་ཏུ་བསྐོ་བཞག་གནང་ན་གང་འདྲ་འདུག
ད་དུང་མང་དུ་གཏོང་དགོས་ན། རྔ་པ་ཚེ་རྒྱམ་དང་ཟླ་བ་ཚེ་རིང་གཉིས་གང་འདྲ་འདུག

ད་ཡག་པོ་བྱུང་འདུག སྔོན་མ་ཕྱི་གླིང་མགོ་སེར་བས་བཟོས་པའི་གློག་བརྙན་ཞིག་ཏུ། ཟམ་གདོང་དང་རྒྱ་རི་གཉིས་༸གོང་ས་མཆོག་གི་མདུན་དུ་ཡོད་པ་ཞིག་ནང་༸གོང་ས་མཆོག་གིས་ད་ག་རེ་བཤད་དགོས་མིན་ཤེས་ཀྱི་མི་འདུག འགའ་རེས་བཤད་དགོས་རེད་ཟེར་གྱི་འདུག འགའ་རེས་བཤད་དགོས་མ་རེད་ཟེར་གྱི་འདུག ཅེས་གསུངས་པ་ཞིག་མཇལ་མྱོང་། སྐབས་དེར་འདི་ཚོས་༸གོང་ས་མཆོག་དབུ་སྐོར་གཏོང་གི་མེད་དམ་སྙམ་པའི་དོགས་པ་བྱུང་། ད་དབུ་སྐོར་གཏོང་མཁན་གཅིག་ཉུང་དུ་ཕྱིན་པ་རེད། ཤ་ཚ་སྐལ་བཟང་རྒྱལ་མཚན་ཡང་མཉམ་དུ་དྲུད་ཚར་འདུག་བ། དེ་མིན་མི་དྲང་པོ་ཞིག་རེད།
ཡང་འགའ་ཞིག་གིས་བཀའ་ཤག་ལ་དགོངས་པ་སྤྲད་རྒྱུའི་དབང་ཚད་མེད་སྐོར་བཤད་འདུག་ཀྱང་བཙན་བྱོལ་བོད་མིའི་བཅའ་ཁྲིམས་དོན་ཚན་དང་པོའི་ནང་། “བཀའ་ཤག་གིས་བསྐོ་འཛུགས་བྱས་པའི་སྐུ་ཚབ་དོན་གཅོད་དང་དམིགས་བསལ་སྐུ་ཚབ་རྣམས་ལ་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་ཀྱི་མཚན་གནས་བསྩལ་རྒྱུ།”ཞེས་གསལ་འདུག་པས་བསྐོ་གཞག་དང་དགོངས་ཞུ་གཉིས་ཀའི་དབང་ཚད་བཀའ་ཤག་ལ་ཡོད་ཆོག་འདུག་སྙམ།

ངོ་མ་འདིར་གླན་པ་ལུག་ཁྱུ་ཞིག་འཛོམས་ནས་འབའ་སྐད་སྒྲོག་བཞིན་འདུག་པ་ལས་གནས་ལུགས་ཡོད་པའི་སྐད་ཆ་ཤོད་མཁན་གཅིག་ཀྱང་མི་འདུག ང་ཚོའི་ཤེས་ཡོན་པའི་སྡེ་ཟེར་བ་འདི་རེད་དམ། སྐུ་ཚབ་གཉིས་ཀྱིས་དགོངས་པ་དེ་སྔོན་ནས་ཞུས་པ་རེད། ད་ལྟ་གཞི་ནས་དགོངས་འཕྲོལ་ཐོབ་པ་རེད། བོད་རྒྱའི་གནད་དོན་སེལ་བར་ཕྱོགས་གཉིས་ཀར་ཐུག་ཡོད་པ་ལས་ང་ཚོའི་སྐུ་ཚབ་གཉིས་ཁོ་ནར་ཐུགས་མེད་པ་རེད། གལ་སྲིད་ཁྱེད་རང་ཚོས་དེ་ལྟར་གོ་བ་ལེན་ན་བོད་བཙན་བཟུང་བྱེད་མཁན་རྒྱ་དམར་མིན་པར་སྐུ་ཚབ་རྣམ་པ་གཉིས་ཆགས་པ་ལྟ་བུ་ཡོང་གི་རེད། ་དེ་ནི་འབད་དེ་ནོར་འཛོལ་རེད། སྐུ་ཚབ་གཉིས་ཀྱིས་མ་འཇོན་ན་ཕྱོགས་ག་རེའི་ཐོག་འཇོན་མི་འདུག རྒྱུ་མཚན་དང་གནས་ལུགས་སྤུངས་ནས་སྐད་ཤོད། ཁོང་གཉིས་ཀྱིས་༧གོང་ས་མཆོག་དང་བཙན་བྱོལ་བོད་གཞུང་གི་དགོངས་པ་རྣམས་རྒྱའི་དཔོན་རིགས་ཀྱི་རྣམ་ལམ་དུ་བརྫངས་ཡོད་པ་རེད། ཉན་མ་ཉན་རྒྱ་དམར་པོར་ཐུག་པ་རེད་མ་གཏོགས་སྐུ་ཚབ་གཉིས་ལ་ཁག་ག་རེ་འདུག ད་རེས་ཁོང་གཉིས་ཀྱིས་དགོངས་པ་ཞུས་པ་དེར་དགོས་པ་རྒྱུ་མཚན་ངེས་ཅན་ཞིག་ཡོད་སྲིད་པ་རེད། ང་ཚོ་གླན་པ་ལུག་རྣམས་ཀྱིས་རྟོགས་པ་དེ་གསར་འགོད་པས་ང་ཚོའི་མིག་མདུན་དུ་ག་བཤམས་པ་དེ་ལས་དེ་མིན་དེ་ལས་འགལ་བའི་རྒྱབ་ལོགས་ཀྱི་ཤེས་རྟོགས་ཐུབ་ཀྱི་མེད། དེ་ནི་རང་རེའི་ཤེས་ཡོན་པར་འཆེས་པ་རྣམས་ཀྱི་ཁྱད་ཆོས་དངོས་དེ་རེད།

དགོངས་པ་ཞུ་ན་༧གོང་ས་མཆོག་ལ་མི་ཞུ་བར་བཀའ་ཤག་ལ་ཞུས་ན་ཁྲིམས་མཐུན་རེད་དམ། བཅའ་ཁྲིམས་བསྐྱར་བཅོས་གནང་རྗེས་༧གོང་ས་མཆོག་ལ་དོན་ཚན་དང་པོའི་ནང་བླ་ན་མེད་པའི་གནས་བབ་བསྐྲུན་ཚར་བས་མ་ཟད། དམིགས་བསལ་སྐུ་ཚབ་སོགས་བསྐོ་བཞག་ཐད་དེ་བས་ཀྱང་གསལ་ཁ་བྱས་ནས་བཀོད་ཡོད་པ་རེད། ཡིན་ནའང་སྐུ་ཚབ་གཉིས་ནས་བཅའ་ཁྲིམས་འབྲུ་དོན་ལྟར་རང་ཉིད་བསྐོ་མཁན་ལ་དགོངས་པ་ཞུ་རྒྱུ་ལས་བཀའ་ཤག་ལ་དགོངས་པ་ཞུས་པ་འདི་༧གོང་ས་མཆོག་ལ་མཐཽང་ཆུང་བཏང་བ་ཞིག་རེད།

ཡ་དེ་རིང་གནས་ཚུལ་འདི་ཚབ་ཆེན་ཞིག་ལོས་ཡིན། བྱ་རྒྱའི་ཚང་དཔོན་འོལ་བ། བྱ་ཁོ་རང་ཚང་དེ་ལྡེར་ལྡེར། ཟེར་བ་བཞིན་ཅི་བྱུང་བ་རེད། གཞིས་བྱེས་གཉིས་ནས་བོད་མི་སུམ་ཅུ་སོ་བརྒྱད་ཙམ་གྱི་གཅེས་པའི་ལུས་ཀྱང་མེ་ལ་བསྲེགས་ནས་མ་འོང་བོད་རྒྱལ་ཁབ་འདི་ཉིད་རབ་བྱུང་ན་རང་བཙན། དེ་མ་བྱུང་ན་རང་སྐྱོང་ཚད་དང་ལྡན་པ་ཞིག་ལ་དམིགས་འདུན་གཏོད་ནས་རྣ་བ་དཀྲོག མིག་བགྲད་ནས་ལུས་ལོངས་སྤྱོད་དང་བཅས་པ་ལྟོས་པ་མེད་པར་དམར་པོ་མེ་ཡི་ནང་དུ་༧རྒྱལ་བ་བོད་ལ་གདན་འདྲེན་དགོས། བོད་ལ་རང་དབང་དགོས་པར་འབོད་ཚིག་སྒྲོག་བཞིན་ཅིག་རྗེས་གཉིས་མཐུད་ཀྱི་འབོད་སྒྲ་འཁྱུར་བཞིན་པའི་སྐབས་གལ་ཆེན་འདིར། སྐུ་ཚབ་ཀྱི་མིང་ཆེན་ཁུར་བའི་ཁྱོད་རྒྱལ་མཚན་རྣམ་གཉིས་ལ་ཕུག་བསམ་དང་དམིགས་འདུན་དེ་བས་མེད་ན། དང་པོ་ཉིད་ནས་སྐུ་ཚབ་ཀྱི་མིང་མེད་ན་སོ་མེད་ན་ལྕེ་གུ་ཡང་པོ་རེད། ཐང་ཡང་པའི་སྟེང་དུ་གླུ་ཨ་ལ་ཐ་ལ། འགག་དོག་མོའི་སྐབས་སུ་ལྷ་ཨོ་རྒྱན་པདྨ། འདི་འདྲ་ཞིག་གི་མགོ་མེད་འཇུག་སྡུམ་ཞིག་གི་སྐུ་ཚབ་ཀྱི་མིང་ཁུར་ཆོག་ན་འཁྱམ་འཁྱམ་འགྲོ་འདོད་སུ་ལ་ཡང་ཡོད་རྒྱུ་རེད། དེ་འདྲ་ཞིག་ལས་ཁྱོད་གཉིས་ལ་སྟོན་རྒྱུ་ཅི་ཡོད། ཁྱོད་རང་གཉིས་ཀྱི་མི་གོ་ལྷ་གོ་ཆོད་མ་སོང་། དགྲ་བོ་རྒྱ་མི་དམར་པོ་འབར་བའི་ཐོག་ལ་ཤིང་བསྣོན་པ་མ་ཡིན་ནམ། ཁྱོད་རང་གཉིས་ཆར་རྩ་དགོང་དུས་གཅིག་ཏུ་ཞུ་ཞེས་པ་འདི་ལ་མོས་མཐུན་གཏན་ནས་མེད། གཉིས་ཆར་དུས་གཅིག་ཏུ་དགོང་པ་ཞུ་དགོས་པའི་རྒྱུ་མཚན་ངེས་ཅན་ཞིག་ཡོད་ཐག་ཆོད་པས་ངེས་པར་དུ་གསལ་བཤད་བྱེད་དགོས།

ཁོ་བོ་རྟག་ཏུ་རྙིང་ཞེན་དཔུང་མཐུག་པ་འདིས་མ་ཕུང་པའི་དུས་ཤིག་ཡེ་ནས་མེད། སྔོན་ཆད་མི་ཚོགས་ཀྱིས་སྨྲས་ན། བོད་ཀྱི་རང་དབང་སླར་གསོ་དེ་རྒྱལ་མཚན་རྣམ་གཉིས་ཀྱིས་གནང་ཐུབ་པའི་མོ་ལུང་ཞིག་ཡོད་སྐད་ཟེར། དེ་ལྟར་ཡིན་ཆགས་ཀྱིས་ངང་སྒུག་བྱས་ཡིན་མོད། དེ་རིང་སྐད་ཆ་དེས་ཧང་ནག་པོ་སངས་སོང་། འོན་ཀྱང་འགྲིག་གི་རེད། ད་ནི་བསམ་བློ་དྲུག་གསུམ་བཅོ་བརྒྱད་བསྐོར་ནས་བོད་གཞུང་གི་སྐུ་ཚབ་དེ་ལ་ཐུགས་བསམ་བཞེས་རོགས་ཞུ། ན་ནིང་དབུས་འཐབ་ཕྱོགས་གཅིག་གྱུར་ཁང་ནས་གསལ་བསྒྲགས་ཞིག་སྤེལ་སྐབས་རྒྱ་རི་བློ་རྒྱ་ཡིས་ཁོང་ཚོ་དང་ཕྲད་སྐབས་གང་བཤད་ཀྱང་། ལོ་ལོ། ལགས་སོ་ལགས་སོ་་་་་་རྐྱང་རྐྱང་ལས་བཤད་རྒྱུ་མི་འདུག་ཀྱང་། ཕྱིར་རྒྱ་གར་འབྱོར་རྗེས་སྐད་ཆ་སྦོམ་ཤ་རེ་འགྲོ་གི་འདུག་ཟེར། རྒྱ་མིས་བཤད་ཚད་མི་བདེན་པ་རང་རེ་ལ་ཆ་རྒྱུས་ལོས་ཡོད་ཀྱང་། དེ་ནི་ཕལ་ཆེར་བདེན་ཤས་ཆེ། རྒྱུ་མཚན་དེ་དག་ལ་བསམ་ན་འདི་ནས་བཤད་པ་ལས་ལྷག་ཙམ་ཞིག་རྒྱ་མི་ལ་ཕྲད་དུས་བཤད་ཕོད་མཁན་ཞིག་དགོས་འདུག་པ་དེའང་འདས་དོན་གྱིས་ར་སྤྲད་ཡོད་དྲན། སྲིད་སྐྱོང་བ་མཆོག་གིས་ཆེས་དགོངས་པ་ཟམ་མོ་ཞིག་བཞེས་དགོས་པའི་དུས་ཚོད་གལ་ཆེན་རེད།

བཀྲ་ཤིས་བདེ་ལེགས་ཡོད།

ཨོ་་་་་ཅི་ཡང་མ་འཇོན་པར་ཨུ་ཐུག་ཁོ་ཆད་པ་མིན་ནམ།