དེ་རིང་བར་དུ་ང་རང་བཀག་བསྐྱེལ་ཁང་འདི་ལ་བཅུགས་ནས་ཉིན་མོ་བཅོ་བརྒྱད་འགོར་ཡོད། དེ་ཡི་རིང་དུ་ཁྲིམས་ཁང་དུ་ཐེངས་གསུམ་རིང་ལ་ཁྲིམས་རྩོད་པའི་སར་ཁྲིད་པ་རེད། ཁྲིམས་རྩོད་པས་སར་ཁྲིད་ཐེངས་རེར། ངའི་མིང་ནས་འབོད་པ་དང་ཉིན་བཀག་ཕྱིར་འགྱངས་བྱེད་པ་ལས། ང་ལ་སྐད་ཆ་གཞན་གང་ཡང་མི་འདྲི། དེ་རིང་བར་དུ་ང་རང་བཀག་བསྐྱེལ་ཁང་འདིའི་ཡིག་ཚང་དུ་ཐེངས་ཁ་ཤས་ཤིག་ལ་སྐད་བཏང་བ་ལས། དེ་རིང་བར་དུ་ང་ལ་ཐག་གཅོད་བྱེད་ཀྱི་ཡིན་ཟེར་བའི་སྐད་ཆ་གང་ཡང་བཤད་མྱོང་མེད། དེ་རིང་ང་རང་ཡིག་ཚང་དུ་སྐད་བཏང་དེ་ཁྱོད་རང་བོད་དང་རྒྱ་གར་གང་དུ་འགྲོ་འདོད་འདུག་ཟེར། ངས་ང་རང་ནི་རང་གི་ཕ་ཡུལ་བོད་དུ་འགྲོ་འདོད་ཅེས་ཞུས་དུས། ཁོ་གཉིས་ཀྱིས་ཕན་ཚུན་གྱིས་གདོང་ལ་ཞིབ་དུ་བལྟ་བཞིན་སླར་ཡང་ང་ལ་ཁྱོད་ཀྱིས་བསམ་བློ་ཡག་པོ་ཐོངས་ཟེར། ངས་ཐེ་ཚོམ་གང་ཡང་མེད་པར་དེ་རིང་བར་དུ་ཁྱེད་ཚང་གི་ཁྲིམས་ལུགས་ལ་བརྩི་བཀུར་བྱས་ནས་ང་ལ་ཉེས་ཆད་གང་ཡོད་པ་དེར་ཐག་གཅོད་བྱེད་རྒྱུར་སྒུག་པ་ཡིན། དེ་རིང་ཁྱོད་རྣམ་པ་གཉིས་ནས་ང་ལ་འདྲི་བཞིན་འདུག ངས་སྐད་ཆ་ནི་སྔར་བཞིན་ཡིན། ཁྱེད་ཅག་གི་ཁྲིམས་གཞིར་བཟུང་ང་ལ་ཐག་གཅོད་བྱས་ན་འགྲིག་གི་ཡོད་ཅེས་སླར་ཡང་ཞུས་དུས། ཁོང་གཉིས་ཀྱིས་ཁྱོད་རང་ལ་བསམ་ཚུལ་གང་ཡོད་པ་དེར་ངེད་གཉིས་ཀྱིས་བརྩི་བཀུར་བྱེད་ཀྱི་ཡོད་ཅེས་བཤད་སོང་། དེ་དུས་སླར་ཡང་སྐད་ཆ་དེ་རང་ཡིན། ང་རང་གི་དོན་དག་ཁྱེད་ཅག་གི་ཤེས་གསལ་རེད། ང་རང་ཞི་བའི་གོམ་བགྲོད་པ་རེད། རང་ཡུལ་དུ་འགྲོ་ཡི་ཡིན་ཞེས་ཞུས་པ་ཡིན།
དེ་དུས་ཁོ་གཉིས་ཀྱིས་ཐག་གཅོད་པོས་སྒོ་ནས་ང་ལ་ཁྱོད་རང་ཕྱིར་རྒྱ་གར་དུ་གཏོང་གི་ཡིན། དེ་ལས་གཞན་ང་ཚོས་ཁྱོད་རང་ཕ་ཡུལ་དུ་གཏོང་ཐུབ་ཀྱི་མི་འདུག དེ་ལྟར་ཐག་གཅོད་བྱེད་ཀྱི་ཡིན་ཟེར་བ་དེར་ངས་ཀྱང་ཁྱེད་ཅག་གི་གང་གསུངས་པ་དེར་ངས་བརྩི་བཀུར་བྱེད་རྒྱུ་ལས་ཐབས་གཞན་མེད་པ་རེད། བྱེད་ངེས་ཡིན་ཞེས་བཤད་པ་ན། ཁོ་གཉིས་ཀྱིས་གདོང་ལ་འཛུམ་གྱིས་བཀང་ཞོར་དུ་ང་ལ་དེས་ན་ཁྱོད་རང་ད་ལྟ་འོག་ཤོད་དུ་སོང་ནས་ངལ་གསོས་དེ་བསྡད་ན་འགྲིག་གི་རེད་ཅེས་དམག་མི་ཞིག་ལ་ནམ་རྒྱུན་ལྟར་ང་རང་འོག་ཁང་དུ་བསྐྱལ་དུ་བཅུགས་སོང་། རྒྱ་གར་ལ་ཅི་ལྟར་བསྐྱེལ་རྒྱུ་ཡིན་མིན་སོགས་ཀྱི་སྐོར་ནས་ང་ལ་སྐད་ཆ་གང་ཡང་བཤད་མ་སོང་། ག་དུས་བསྐྱེལ་མིན། ས་གནས་གང་དུ་བསྐྱེལ་མིན། ཡང་ན་ང་རང་རང་འགར་གཏོང་གི་ཡོད་མེད། སྒོར་མོའི་ཉེས་ཆད་ཡོད་མེད་སོགས་གང་ཡང་བཤད་མ་སོང་། གལ་སྲིད། སྒོར་ཆད་གཏོང་གི་ཡིན་ཟེར་ན་ངས་སྒོར་ཆད་ཁུར་རྒྱུ་མིན་པར་ཁྲིམས་ཆད་ཁུར་རྒྱུའི་གྲྭ་སྒྲིག་བྱས་ནས་སྒུག་བསྡད་ཡོད། ༧།༦།༡༢
སེམས་ནས་སྐྱོར་ཡོད་་་་རང་ཉིད་ཀྱི་བསམ་དོན་འགྲུབ་པར་ཤོག
བདག་གི་སྙིང་ནས་གུས་བའི་མི་རིགས་རང་ལུགས་པའམ་ལར་ཞེན་ཅན་གྱི་གླིང་ཚ་
བ་ལགས། དྲ་ལམ་དུ་ཞུགས་པ་ཙམ་གྱིས་ཉིད་ཀྱི་བདེ་སྡུག་ཐད་ཀྱི་འཕྲིན་པ་རེ་ལ་སྙིང་ནས་རེ་སྒུག་བྱེད་བཞིན་ཡོད་
པས། ཁྱེད་ཀྱིས་དཀའ་སྡུག་གི་ལོ་ཟླ་ལ་མགོ་བོ་མི་སྒུར་ད་དུང་འདི་ལྟར་ཟིན་བྲིས་སུ་ཞུགས་ནས་མིག་སྔའི་གནས་ཚུལ་སམཐའ་དག་ཟིན་བྲིས་སུ་སྤེལ་བེ་ཐུགས་རྗེའི་ཆེ། ང་ཚོས་ནམ་ཡང་ཉིད་ཀྱི་བྱ་བཞག་ལམ་འགྲོ་ཡོངས་བའི་སྨོན་ལམ་འདེབས་བཞིན་ཡོད། ད་དུང་མདུན་སྐྱོད་བྱོས་ཨ་མའི་བུ།
གྲོགས་པོ་ལགས། ད་ལྟའི་དུས་འདིར་རྣམ་དཔྱོད་བེད་སྤྱོད་པའི་དུས་རེད། ད་ནི་ཕྱིར་ཕེབས་ཤོག། ནམ་ཞིག་སླར་ཡང་གོ་སྐབས་ཤིག་སྤྱད་ནས་ལས་འགུལ་སྤེལ་ཆོག་གི་རེད།
ད་ཨུ་ཚུགས་མ་བྱེད་རོགས། ཁྱེད་མ་བུ་གསུམ་གྱིས་སྡུག་མྱང་སོང་། དངོས་གནས་མྱང་སོང་། ཁ་དྲོ་ཕྱིར་རྒྱ་གར་ཏུ་ལོག་ཤོག།
བདེ་བར་ཡོད་ན་ཧ་ཅང་ལེགས་འདུག དེ་མིན་གཞན་ཞུ་རྒྱུ་ཞིག་ལ། ད་ཨུ་ཚུགས་མ་རྒྱག ཕྱིར་རྒྱ་གར་དུ་ལོག་ཤོག གྲོགས་པོའི་རེ་བ་ཡིན།