མདང་དགོང་ངྷ་སར་རྒྱལ་གཅེས་པ་རྟ་མགྲིན་ཐར་ལགས་ཀྱིས་རང་ལུས་མེར་བསྲེཊ་བཏང་སྟེ། འདས་གྲོངས་སུ་ཕྱིན་པར་གདུང་སེམས་མཉམ་སྐྱེད་མཚོན་ཆེད་མར་མེ་ཁྲོམ་སྐོར་ཞིག་གནང་ཡོད།
ངྷ་ས་ས་གནས་གཞོན་ནུ་དང་བུད་མེད་ལྷན་ཚོགས་གཉིས་ཐུན་མོང་གི་གོ་སྒྲིག་འོག མདང་དགོང་ཆུ་ཚོད་ ༦ དང་ཕྱེད་ཀའི་སྟེང་བཞུགས་སྒར་ངྷ་ས་མེག་གྷན་ཁྲོམ་གཞུང་དུ། ངྷ་སར་གནས་སྡོད་བོད་རིགས་སེར་སྐྱ་མང་ཚོགས་དང་ཕྱི་རྒྱལ་བ་བཅས་ཁྱོན་མི་ ༥༠༠ འདུ་འཛོམས་ཐོག ཁ་སང་ཕྱི་ཚེས་ ༡༥ ཉིན་གྱི་ཞོགས་པར་མདོ་སྨད་གཅན་ཚ་རྫོང་དུ་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱེད་མཁན་རྒྱལ་གཅེས་པ་རྟ་མགྲིན་ཐར་ལགས་སུ་གདུང་སེམས་མཉམ་སྐྱེད་མཚོན་ཆེད། བྱང་ཆུབ་སེམས་མཆོག་སྐྱོར་བཞིན་མར་མེ་ཁྲོམ་སྐོར་ཞིག་གནང་ཡོད།
མཇུག་སྡོམ་ཐོག་ངྷ་ས་ས་གནས་གཞོན་ནུའི་ཚོགས་གཙོ་བསྟན་འཛིན་བརྩོན་འགྲུས་ལགས་དང་། ཕ་ཡུལ་མདོ་སྨད་གཅན་ཚ་ནས་ཡིན་པའི་ཆབ་སྲིད་བཙོན་ཟུར་རིན་ཆེན་རྡོ་རྗེ་ལགས་གཉིས་ཀྱིས། རྒྱལ་གཅེས་པ་རྟ་མགྲིན་ཐར་ལགས་ཀྱིས་རང་ལུས་མེར་བསྲེགས་གཏོང་དགོས་དོན་དང་། ད་ཆར་རྒྱ་ནག་གཞུང་གི་དམག་མིས་གཅན་ཚ་རྫོང་དུ་དམ་དྲག་བྱེད་བཞིན་པའི་གནས་སྟངས་ངོ་སྤྲོད་དང་འབྲེལ། རྒྱལ་སྤྱིའི་སྤྱི་ཚོགས་ཀྱིས་བོད་མིའི་རྩ་དོན་ཐོག་སྔར་ལས་རྒྱབ་སྐྱོར་གནང་དགོས་པའི་འབོད་སྐུལ་བཅས་ཞུས་སོང་། རྟ་མགྲིན་ཐར་ལགས་སྐུ་གྲོངས་པའི་གནས་ཚུལ་ཐོན་འཕྲལ། རྒྱ་གར་རྡེར་རྡུན་ས་གནས་མང་ཚོགས་ཀྱིས་ཀྱང་ཁོང་ལ་གདུང་སེམས་མཉམ་སྐྱེད་ཀྱི་མར་མེ་ཁྲོམ་སྐོར་ཞིག་གནང་འདུག
གསར་འགོད་པ། དཔལ་ལྡན།
ང་ཚོའི་གསར་བཀོད་པ་ཚོར་ཞུས་ཡས་ལ་གཡས་གཡོན་ལ་སྤྱན་གང་མང་གཟིགས་རོག་ཟེར་ནས་གསོལ་བ་ཞུ།
གང་ཡིན་ཟེར་ན་མདང་དགོང་དྷ་སའི་ཉེས་འགྲམ་ནོར་སོགས་ལ་མར་མེའི་ཁྲོམ་སྐོར་བྱེད་པ་མཁྱེན་ཡོད་ས་མ་རེད།
མེག་ལོར་ཁྲོམ་གཞུང་ཉིད་ལས་གཞི་རྒྱ་ཆེ་བའི་གསར་འགྱུར་བཀོད་མི་ཆོག་པ་ནི་ཡིན་སྲིད།
མར་མེ་ཁྲོམ་སྐོར་ཐེངས་སོ་དགུ་བྱས་པ་རེད་་་་་་་དེས་འགྲིག་ཡོད་བསམ་ནས་ལྷོད་ལྷོད་ཆགས་འདུག་ཀ
ལ་ལས་སྐུ་གཟུགས་མེ་ལ་སྒྲོན།།
ལ་ལས་ལག་ཏུ་སྒྲོན་མེ་ཐོགས།།
ལ་ལས་སྨྲེ་ངག་འོ་དོད་འབོད།།
ལ་ལས་འགྲན་སྡུར་འུར་སྒྲ་སྒྲོག།
ད་དངོས་གནས་ཐབས་རྡུགས་རང་རེད་འདུག ང་ཚོས་ཐབས་ཤེས་གསར་པ་ཞིག་བཏོན་ན་མ་གཏོགས་ད་དུང་མར་མེའི་ཁྲོམ་སྐོར་གཅིག་པུར་མགོ་འཁོར་བསྡད་ན་འགྲིག་ཐབས་མི་འདུག བོད་མི་ཚོ། ད་ང་ཚོས་ཅི་ཞིག་བྱེད་དགོས་སམ།