༸གོང་ས་མཆོག་གི་སྐུའི་འཁྲུངས་སྐར་དང་སྟབས་བསྟུན་ཏེ་བོད་མིའི་སྒྲིག་འཛུཊ་ཀྱི་ཕྱི་དྲིལ་དང་བདེ་སྲུང་། ཆོས་རིག་བཀའ་བློན་བཅས་ཀྱིས་ཡུ་རོབ་དང་ཨེ་ཤ་ཡའི་རྒྱལ་ཁབ་ ༡༠ ནང་སྐུའི་འཁྲུངས་སྐར་དུས་ཆེན་ལ་མཉམ་ཞུཊ་གནང་རྒྱུ་རེད།
དབུས་བོད་མིའི་སྒྲིག་འཛུཊ་བཀའ་ཤག་གི་བཀོད་ཁྱབ་ལྟར། ད་ལོར་༸གོང་ས་མཆོག་བོད་ལུཊ་ཀྱི་དགུང་གྲངས་ ༧༨ ལ་ཕེབས་པའི་སྐུའི་འཁྲུངས་སྐར་ཉིན་འཛམ་གླིང་ཡུལ་གྲུ་གང་སར་གནས་སྡོད་བོད་མི་ཚོས། ༸གོང་ས་མཆོག་གིས་བོད་མིའི་ཆབ་སྲིད་འགན་དབང་མང་ཚོཊ་ཀྱིས་བདམས་པའི་མགོ་ཁྲིད་ཚོར་རྩིས་སྤྲོད་དང་། དབྱིན་ཡུལ་གྲཊ་ཅན་ཊེམ་པིལ་ཊེན་ཆེ་བསྟོད་གཟེངས་རྟཊ་དགྱེས་བཞེས་མཛད་པར་དགའ་སྟོན་རྟེན་འབྲེལ་མཚོན་ཆེད། འདི་ལོའི་སྐུའི་འཁྲུངས་སྐར་སྐབས་ལོ་སྔོན་མ་དང་མ་འདྲ་བར་དུས་དྲན་གཟབ་རྒྱས་ཤིག་སྲུང་གཙི་ཞུ་འཆར་ཡོད་པ་ལྟར། ཐེངས་འདིའི་འཁྲུངས་སྐར་དང་སྟབས་བསྟུན་ཏེ། བོད་མིའི་སྒྲིག་འཛུཊ་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་གིས་ཐའེ་ཝན་དང་ཉི་ཧོང་། ལྷོ་ཀོ་རི་ཡ་བཅས་སུ་སྐུའི་འཁྲུངས་སྐར་ལ་མཉམ་ཞུཊ་དང་། གྲོས་ཚོཊ་འཐུས་མི་དང་བོད་དོན་རྒྱབ་སྐྱོར་བར་མཇལ་འཕྲད་དང་། བདེ་སྲུང་བཀའ་བློན་འབྲོམ་ཆུང་དངོས་གྲུབ་ལགས་ཀྱིས་ཡུ་རོབ་རྒྱལ་ཁབ་སྦེལ་ཇམ་དང་ཧྥ་རན་སི། ཧོ་ལན་ཊི། སི་ཕན་བཅས་སུ་འཁྲུངས་སྐར་ལ་མཉམ་ཞུཊ་དང་གྲོས་ཚོཊ་འཐུས་མིར་མཇལ་འཕྲད། ཆོས་རིག་བཀའ་བློན་པདྨ་ཆོས་འབྱོར་མཆོག་གིས་སིད་སིོ་དང་ཨི་ཊ་ལི། འཇར་མན། ཨོ་སི་ཊི་རི་ཡ་བཅས་སུ་འཁྲུངས་སྐར་ལ་མཉམ་ཞུཊ་དང་། གྲོས་ཚོཊ་འཐུས་མི་དང་གནད་ཡོད་མི་སྣར་མཇལ་འཕྲད་བཅས་གནང་རྒྱུ་ཡིན་འདུག
ཐེངས་འདིའི་བཀའ་བློན་རྣམ་པ་གསུམ་གྱི་ཕྱོགས་སྐྱོད་སྐབས་ཕྱི་རྒྱལ་དུ་གནས་སྡོད་བོད་རིགས་མང་ཚོགས་ལ་དམིགས་བསལ་གཏམ་བཤད་གནང་རྒྱུ་ཡིན་འདུག
གནས་འདི་ལྟ་བུ་ཞིག་ནས་སྐད་ཆ་གང་ཞིག་བཤད་ན་ཡང་འགན་ཁུར་དང་དཔྱོད་ཤེས་ཡོད་པ་ཞིག་བྱེད་རྒྱུ་གལ་ཆེན་རེད།
མི་རིགས་ཀྱི་རྩ་དོན་ཆེད་དུ་གཅེས་སྲོག་ཕུལ་ཞིང་མནར་གཅོད་མྱོང་བཞིན་པའི་རྒྱལ་གཅེས་དཔའ་བོ་ཕོ་མོ་དག་གི་བཀའ་དྲིན་དང་མཛད་རྗེས་འགོ་བཀའ་བློན་ནས་འོག་མི་སེལ་བར་སུས་ཀྱང་བརྗེད་མེད་ལ་བརྗེད་ཀྱང་མི་རུང་བ་ཞིག་རེད།
ཁོང་ཚོའི་རེ་བཞག་དང་མངོན་འདོད། ཁ་ཆེམས་དག་ནི་ཤུལ་ལུས་བོད་མི་རྒན་དར་གཞོན་གསུམ་གྱིས་བདེན་མཐའ་མ་གསལ་བར་དུ་ཉི་མ་རེ་རེ་བཞིན་རྒྱུན་སྐྱོང་བྱ་དགོས་པ་ལས། ཉི་མ་དང་ཟླ་བའམ། ཡང་ན་ལོ་གཅིག་གཉིས་ཀྱི་དུས་ཙམ་མ་རེད། དེས་སྟབས་ཀྱིས་ཁོང་ཚོར་རྗེས་དྲན་དང་མྱ་ངན་ཞུ་ལོས་ཀྱང་དགོས། མ་ཟད་འཁྲུངས་སྐར་ཉིན་ཡང་ཞུས་ན་ཅེས་མི་ཆོག
འོན་ཀྱང་བཀའ་དྲན་ལ་བསམ་ཤེས་དང་། བླ་སློབ་ཀྱི་དམ་ཚིགས། སྐྱེས་མཆོག་ལ་གུས་བཀུར། མི་རིགས་ཀྱི་ཤ་ཞེན་བཅས་བསམ་བློ་རྣལ་མ་ཞིག་ཡོད་མཁན་ཞིག་ཡིན་ཚེ། ༸གོང་ས་མཆོག་ལྟ་བུའི་སྐྱེས་མཆོག་ཤིག་ང་ཚོ་བོད་ཀྱི་རིགས་རུས་སུ་འཁྲུངས་ཤིང་། རང་ཉིད་ཀྱི་མི་རིགས་དང་འགྲོ་བ་སྤྱིའི་བདེ་སྡུག་ཆེད་དུ་ཆུང་བྱིས་པ་ནས་ད་ལྟའི་དགུང་ལོ་བདུན་ཅུ་དོན་བརྒྱད་པར་དུ་སྐུ་ངལ་བསྐྱོན་དང་སྐྱོན་བཞིན་པའི་ས་སྟེང་གོ་ལ་འདིའི་རླབས་པོ་ཆེའི་མི་སྣ་འདི་ལྟ་བུའི་འཁྲུངས་སྐར་གྱི་དུས་སྟོན་ལ་དགའ་སྤྲོའི་རྣམ་པ་མི་སྤེལ་ན། མི་རིགས་དེ་ཕྱི་ཐག་མེད་པ་དང་གུས་བཀུར་མེད་ཅིང་ལེགས་ཉེས་ཀྱི་དབྱེ་འབྱེད་མི་ཤེས་མཁན་གྱི་མི་རིགས་ཤིག་ཏུ་གྱུར་བ་མ་ཡིན་ནམ། ༼ ངས་གོང་དུ་བཤད་པ་དེ་ཡང་བླ་མ་དང་ཆོས་ཀྱི་འདུ་ཤེས་ཡོད་མེད་ཐུན་མོངས་ཀྱི་དབང་དུ་བྱས་པ་ཡིན། ༽དེས་ན་དེ་ལྟ་བུའི་དུས་དྲན་ནི་ཟླ་བ་བཅུ་གཉིས་སམ་ལོ་གཅིག་གི་ནང་ལ་ལན་གཅིག་ཙམ་རེད།
མ་ཟད་ཁྱེད་ཅག་མཆན་འདེབས་པ་འགའ་རེས་སེམས་ཤུགས་ཆེ་མདོག་གིས་མོས་མཐུན་མེད་པ་དང་ངོ་རྒོལ་ཡོད་པའི་དགྲ་དགའ་གཉན་སྡུག་གི་སྐད་ཆའི་ཁ་གཡར་སའི་འདས་ཟིན་པའི་དཔག་བོ་ཕོ་མོ་དག་ནི་༸མགོན་པོ་གང་ལ་དད་གུས་དང་བླ་སློབ་ཀྱི་དམ་ཚིགས་འགྱུར་མེད་མངའ་བས་དུས་སྟོན་འདི་ལྟ་བུ་ཞིག་རོལ་རྒྱུ་ཡོད་པ། མི་རིགས་འདི་དང་ཡུལ་ཁམས་འདིའི་གཟི་བརྗིད་ཞིག་ཏུ་བརྩི་བར་གདོན་མི་ཟའོ།
གྲོགས་པ་དག་ལ་ཞུ་རྒྱུར༎
སྐུའི་འཁྲུངས་སྐར་དུས་ཆེན་ཐོག་དགའ་སྟོན་རྟེན་འབྲེལ་སྐོར་རྩོད་པ་དང་རྙོག་གཏམ་དེ་འདྲ་སྤེལ་དགོས་དོན་མི་འདུག་།
རྣམ་པ་ལྷན་རྒྱས་ལ་བོད་དོན་ལ་དུང་སེམས་དང་ལ་རྒྱ།་འགན་ཁུར་གྱི་བསམ་བློ་རེ་ཡོད་ན། མཁས་དབང་འཇམ་དབྱངས་ནོར་བུའི་བཀའ་ལན་རྣམས་དང་ཁོང་གི་ཆབ་སྲིད་ལྟ་ཚུལ་ལ་གཞི་བཅོལ་ནས་བགྲོ་གླེང་གནང་ཐུབ་ན་དགེ་མཚན་ཆེན་པོ་ཡོད་པ་མཐོང་། གང་ལགས་ཞུ་ན་ཁོང་ནི་རང་བཙན་འཐབ་རྩོད་པ་ཞིག་དང་བོད་མིའི་ནང་
ནས་མཁས་པ་ཞིག་ཀྱང་རེད། བགྲོ་གླེང་གནང་དགོས་ས་དེར་མི་གནང་བར་མི་དགོས་ས་དེར་འཆལ་གཏམ་འདྲ་བྲིས་དུས་ཚོད་དོན་མེད་དུས་བཏང་ནས་དགོས་པ་ཡེ་ནས་མ་མཐོང༌༎
༸ བོད་མིའི་བླ་ན་མེད་པའི་སྤྱི་ནོར་ཡིད་བཞིན་ནོར་བུའི་སྐུའི་འཁྲུངས་སྐར་སྲུང་རྩི་ཟབ་རྒྱས་ཞུ་དགོས་པ་དེ་ནི་གལ་ཆེན་པོ་ཞིག་རེད། ཡིན་ནའང་སྤྱི་ལོ་བརྒྱད་ནས་བཟུང་ད་བར་སྔ་ཕྱིར་རྒྱལ་གཅེས་དཔའ་བོ་དཔའ་མོ་༤༢ ཙམ་གྱིས་བོད་མི་རིགས་དང་། རྒྱལ་ཁབ། རང་དབང་། ཐོབ་ཐང་ལྷག་པར་དུ་༸ གོང་ས་མཆོག་བོད་དུ་ཕྱིར་ལོག་ཐུབ་པའི་སླད་དུ་རང་དབང་འཐར་རྩོད་ཁྲོད་རང་གི་གཅེས་པའི་ལུས་སྲོག་ཀྱང་དོར་ཡོད།
འདི་ནས་བཙན་བྱོལ་སྒྲིག་འཛུགས་ཀྱི་ངོས་ནས་སྐུའི་འཁྲུངས་སྐར་ཉིན་སྔར་སྲོལ་གྱི་ཆོས་ལུགས་བྱེད་སྒོ་དང་། བསང་གསོལ། རླུང་རྟ། ཚེ་སྒྲུབ། སྨོན་ལམ་སོགས་ངེས་པར་གཞི་རྒྱ་ཆེ་བ་ཞིག་གནང་དགོས་ངེས་རེད།
ཡིན་ནའང་འདི་ནས་གླུ་གཞས་དང་། ཟློས་གར། ཞབས་བྲོ་སོགས་སྤྲོ་སྐྱིད་ཀྱི་རྣམ་པ་སོགས་བྱ་རྒྱུ་ཡིན་ན་དེར་ངེས་པར་བསམ་བློ་ཞིག་གཏོང་དགོས། གང་ཡིན་ཟེར་ན་གཞས་དང་ཞབས་བྲོ་སོགས་སྤྲོ་སྐྱིད་གཏོང་བ་དང་རྒྱལ་ཁ་ཐོབ་པའི་གནས་སྟངས་འོག་འཛམ་གླིང་གང་སར་བྱས་དང་བྱེད་བཞིན་ཡོད།
བྱས་ཙང་བོད་ཀྱི་གཏམ་དཔེ་ལྟར། གྲོང་པའི་བ་ཕྱུགས་ཤི་ཡང་། མྱ་ངན་ཞག་གསུམ་ཟེར་ལྟར་རྒྱལ་གཅེས་དཔའ་བོའི་ཚེ་སྲོག་མེ་ལ་སྒྲོན་པ་དེར་ངེས་པར་མྱ་ངན་ཞུ་དགོས་ལ་མྱ་ངན་གྱི་བྱེད་སྒོ་སྤེལ་ཐུབ་པ་དགོས།
མི་རིགས་ཀྱི་དོན་དུ་སྤུན་ཟླ་མང་པོས་ཚེ་སྲོག་གི་འགྲོ་གྲོན་གཏོང་བཞིན་པའི་སྒང་འདིར་སྤྲོ་སྐྱིད་ཀྱི་དགྱེས་སྟོན་དེ་ཙམ་མ་བྱས་ན་ཅུང་ཡག་པོ་མཐོང་སོང་།
མི་རྒོད་ཁྱོད་ཀྱིས་སྐད་ཆ་ཤོད་སྟངས་ལ་གཞིགས་ན། ནང་མི་ཕལ་ཆེར་རིམ་ནད་ཀྱིས་གྲོངས་ཀྱང་། ད་དུང་ཕ་ཡི་སྐྱེས་སྐར་ལ་དགའ་སྟོན་གྱི་གཞས་སྣ་ཁྲབ་སྟེ་སྡོད་མཁན་ཞིག་རེད་འདུག གཅིག་བྱས་ན་འདི་ཡང་དེང་རབས་ཀྱི་ལྟ་བ་དང་། ཡར་ཐོན། མཐོང་རྒྱ་ཆེ་དྲགས་པའི་རྣམ་པ་གསར་པ་ཞིག་ཡིན་གྱི་རེད།།
སྤྱིར་ང་ཚོ་བོད་མི་ས་ཡ་དྲུག་གི་འདི་ཕྱི་གཉིས་ཀྱི་སྐྱབས་གནས་དམ་པ། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག་སྐྱབས་མགོན་༸རྒྱལ་དབང་མཆོག་གི་འཁྲུངས་སྐར་ལ་བཀའ་དྲིན་རྗེས་དྲན་གྱི་སྲུང་གཙི་ཞུ་དགོས་ངེས་རེད། འོན་ཀྱང་ད་ཆ་བོད་ཕྱི་ནང་གཉིས་ཀར་ཛ་དྲག་གི་གནས་སྟངས་འདི་འདྲའི་སྐབས་སུ་ཆོས་ཕྱོགས་ཀྱི་དགྱེས་སྟོན་བྱེད་པ་ལས། གཞས་སྣ་སོགས་ཁྲབ་ནས་རྣམ་གཡེང་གི་གཞན་དབང་དུ་གྱུར་ན་རན་པོ་མི་འདུག་སྙམ།།
བཀའ་ཤག་གི་བཀོད་ཁྱབ་དེ་ཁྱད་མཚར་ཞིག་ཏུ་མཐོང་སོང་། ལྷག་པར་དུ་༧གོང་ས་མཆོག་གིས་བོད་མིའི་ཆབ་སྲིད་འགན་དབང་མར་རྩིས་སྤྲོད་གནང་བ་དེར་དགའ་སྟོན་བྱ་དགོས་ལུགས་བསྒྲགས་འདུག་པ་དེ་རེད། བཀོད་ཁྱབ་འདི་འདྲ་ལ་བལྟས་ཡོང་དུས་བཀའ་ཤག་ལ་བོད་དོན་ཐད་ལས་འགན་དམིགས་བསལ་བ་ཞིག་མི་འདུག་སྙམ།
ད་མི་ཀླད་ཆུང་ལ་གསལ་བཤད་བྱས་ན་ཅི་ཕན། རྒྱུ་མཚན་གཉིས་རང་རེད།
གཅིག་རྗེས་ལུས་པ།
གཉིས་ལྟ་བ་རྨོངས་པ། ཅང་དགོས་པ་མ་མཆིས་སོ།།།
དེ་ལས་མི་འདི་ཚོ་ནང་ཆོས་གོ་རྟོགས་ཟབ་སར་རྣ་བ་འབྱོར་བ་ཤོག། ད་ཚེ་འདི་ཁྲོན་པ་ནང་ཚུད་ཟིན་པ་རེད། ད་ཚེ་ཕྱི་མ་དེ་ལས་་་་་་་་
བསྟན་འཛིན་ལགས་ཁྱེད་ཀྱིས་ཀྱང་བསམ་ནས་བཤད་ན་བཟང་། བོད་ནང་གི་དཔའ་བོ་དཔའ་མོ་ཚོས་གོང་ས་མཆོག་སྐུ་ཚེ་བརྟན་པར་ཤོགས། གོང་ས་མཆོག་བོད་ལ་ཕེབ་དགོས་ཤེས་རང་ལུས་མེར་བསྲེགས་བཏང་བ་དེ་ནས། ཁོང་ཚོས་གོང་ས་མཆོག་ལ་བཅང་བའི་དེད་སེམས་དེ་མཐོང་ཐུབ། དེས་ན་ཁོང་གི་འཁྲུངས་སྐར་སྲུང་རྩི་ཟབ་རྒྱས་ཇི་ཙམ་ཞུས་ན། བོད་ནང་གི་བོད་མི་འདས་གསོན་གཉིས་ཀ་དགའ་སྤྲོ་ལས་གང་ཡང་མེད་པ་གསལ་པོ་རེད། བོད་ནང་གི་བོད་མི་ཚོ་ནི་ཁ་ཞེ་གཉིས་མེད་ལས་ང་ཚོ་བཞིན་དུ། ཁ་ནས་གོོང་ས་མཆོག་ལབ་བཞིན་ཁོག་ནས་གཞན་ཞིག་བསམ་མཁན་དེ་འདྲ་མ་རེད། ང་བླུན་པོ་ཡིན་དུ་ཆུག་ཁྱེད་ཀྱང་བཤད་སྟངས་ལ་བལྟས་ན་མཁས་པ་ཞིག་ཅང་ཡིན་ཚོད་མ་རེད།
ལུང་རྟོགས་སོགས་ཀྱིས་ཉོན་དང་།
བོད་ནང་གི་དཔའ་བོ་དཔའ་མོ་ ༤༢ གྱིས། ༧གོང་ས་མཆོག་གི་སྐུ་ཚེ་བརྟན་པར་ཤོག ༧གོང་ས་མཆོག་བོད་དུ་གདན་འདྲེན་ཞུ་དགོས་ཞེས་སྐད་འབོད་གནང་བཞིན་གཅེས་པའི་ཚེ་སྲོག་མེར་བཏང་བ་རེད། དེར་བརྟེན་ཕྱི་ཕྱོགས་༧གོང་ས་མཆོག་གི་འཁྲུངས་སྐར་ལ་ཁ་གཡར་ཏེ་དགའ་སྟོན་བྱས་ན། བོད་ནང་གི་བོད་མི་ཤི་གསོན་གཉིས་ཀའི་སེམས་ཚོར་ཅི་འདྲ་ཡིན་ཤེས་དགོས།
སོ་སོས་ཚོགས་བསགས་བྱེད་འདོད་ན་ག་དུས་ཡིན་ན་བྱེད་ཆོག་ནི་རེད། གཞུང་འབྲེལ་གྱི་དགའ་སྟོན་བྱེད་དགོས་ནི་མ་རེད། ངོ་མ་ཤེས་རྟོགས་གང་ཡང་མེད་པའི་བླུན་པོ་རང་རེད།
མི་རྒོད་ཅེས་པའི་བྱབ་ཆུང་ཁྱོད་ཉོན་ཨ། ཁྱོད་ལ་ཆབ་སྲིད་ཀྱི་གོ་རྟོགས་ལྟ་ཅི། ཐ་ན་བོད་སྐད་དང་བོད་ཡིག་ཀྱང་ཤེས་ཀྱི་མི་འདུག ཡང་བསྐྱར་ཁྱོད་ཀྱིས་བཤད་པར་ལྟོས་དང་། གོང་དུ་ཉེ་དུས་བོད་ནས་སླེབས་ཏེ་རྨོངས་ཉིད་ལས་གྲོལ་བ་ཞིག་རེད། ཅེས་དང་། མཇུག་ཏུ་ཁོས་ཁྲོན་པ་མ་གཏོགས་རྒྱ་མཚོ་མཐོང་བའི་རྟགས་ཡེ་ནས་མིན་འདུག ཅེས་བཀོད་པ་དེར་སྡུག་མིག་ཆེ་ཙམ་གདོངས། མ་ཟད་འོག་གི་ཚིག་རྙོག་དེར་གནས་ལུགས་རྒྱུ་མཚན་ཅི་ཞིག་འདུག ད་དུང་ཡང་ཞེན་ཁོག་གི་གཞན་དབང་དུ་འགྱུར་ན་ཉིན་ཞིག་མཇུག་འབྲས་ངན་པ་ཅི་ཡོང་ཤེས་པར་གྱིས་ཤིག
གོང་ས་མཆོག་གི་སྐུའི་འཁྲུངས་སྐར་སྲུང་རྩི་ཞུ་རྒྱུ་ནི་དགའ་དགའ་སྤྲོ་སྤྲོ་ཙམ་མིན་པར། ཚོགས་བསགས་སྒྲིབ་སྦྱང་ཡང་ཡིན་པ་མ་ཟད། བོད་དོན་ལས་འགུལ་ཡང་ཡིན་ཞེས་བཤད་ཆོག དེས་ན་སྐུའི་འཁྲུངས་སྐར་སྲུང་རྩི་གྲ་རྒྱས་པོ་བྱེད་དགོས་ངེས་རེད། གོང་ས་མཆོག་ནས་སྲིད་དབང་རྩིས་སྤྲོད་གནང་དགོས་པའི་དགོས་པ་དང་རྒྱུ་མཚན། བཀའ་སློབ་ཟབ་ཅིང་རྒྱས་པ་ཡང་ནས་ཡང་དུ་གནང་སོང་རུང་། བོད་པ་འདི་ཚོ་ད་དུང་གོ་རྟོགས་གཏན་ནས་སེད་རྒྱུ་མེད་པ་ཅི་ཡིན་ནམ། ངོ་མ་ང་ནི་བོད་པ་ཚོའི་རྨོང་ཞེན་འདིས་ཡི་ཐང་ཆད་སོང་།
ཤེས་དཀར་བློ་བཟང་ཞེས་པ་འདི་བོད་ནང་རྟ་དང་ ར་ལུག་ ཞིང་ལས་ ཁྱིམ་ལས་སོགས་གཉེར་ནས་ཉེ་དུས་བཙན་བྱོལ་དུ་སླེབས་ཏེ་རྨོང་གཉིད་ལས་གྲོལ་བ་ཞིག་རེད་ཤག། གང་ཡིན་ཟེར་ན་ཁོས་ཁྲོན་པ་མ་གཏོགས་རྒྱ་མཚོ་མཐོང་བའི་རྟགས་ཡེ་ནས་མིན་འདུག།
ད་རེ་དབུས་བོད་མིའི་སྒྲིག་འཛུཊ་བཀའ་ཤག་གིས་འདི་ལྟར་གནང་དགོས་དོན་འཛམ་གླིང་ཡར་ལྡན་ཅན་ལ་མིག་མཐོ་སར་བལྟ་ཚེ་རང་གི་ངང་གི་རྟོགས་ཐུབ། ང་ནི་བོད་པ་གཅིག་ཡིན་པས་ཆ་ནས་རང་གི་གོང་ན་གདམས་པའི་དབུ་ཁྲིད་ཀྱིས་ཕྱག་ལས་དུས་རབས་དང་མཐུན་པ་ཞིག་གནང་ཚེ་དེ་ལ་དགའ་བསུ་དང་རྒྱབ་སྐྱོར་ཞུ་རྒྱུ་ཡིན། ༧གོང་ས་མཆོག་གིས་ཐུགས་སྙིང་རྗེ་ཆེན་པོས་བོད་འབངས་ཡོངས་ལ་བཀྲིན་བླ་ལྷག་ཏུ་ཆེ་བཞེས་མཛད་པ་ཀུན་གྱི་མཁྱེན་གསལ་ལས་འདི་ལྟ་བུའི་ཀླད་ཆུང་གིས་གོ་ལོག་བྱེད་མི་སྲིད། དེར་བརྟེན་གོ་ལོག་གིས་ཚིག་འགྲེལ་རིགས་མ་སྤེལ་ན་བཟང་བ་མངོན། བོད་བདེན་པ་ཉིད་ད་ལྟ་རང་རྒྱལ་གྱུར་ཅིག། བཀའ་ཁྲིད་བློ་སེང་རྒྱལ་གྱུར་ཅིག། ཀླད་ཆུང་འདྲ་འབུའི་ཤེས་ཚད་འཕེལ་བ་ཤོག།།
ང་ལ་ཡང་མོས་མཐུན་རྩ་བ་ནས་མེད། བོད་ཕྱི་ནང་གཉིས་ཀྱིས་༧གོང་ས་མཆོག་གིས་བོད་ཀྱི་སྲིད་འགན་མ་བཞེས་པས་སེམས་ཁྲལ་ཚད་མེད་བྱེད་བཞིན་ཡོད་སྟབས། བཙན་བྱོལ་གཞུང་གིས་སྐུའི་འཁྲུངས་སྐར་ལ་དགའ་སྟོན་རྟེན་འབྲེལ་བྱེད་དགོས་ཟེར་བ་འོས་འཚམས་ཞིག་མ་རེད།
བཙན་བྱོལ་གཞུང་གཅིག་པོར་མཚོན་ན་ཡིན་རྒྱུ་རེད། གཏམ་དཔེར། ཨ་ཕ་ཤི་ནས་དབང་ཆ་ཐོབ་ཟེར་བ་དང་གཅིག་མཚུངས་རེད། ང་ཚོ་བོད་མི་ས་ཡ་དྲུག་ལ་མཚོན་ན་དགའ་སྟོན་རྟེན་འབྲེལ་བྱེད་རྒྱུའི་ཚབ་ལ་མྱ་ངན་ཞུ་དགོས། རྒྱུ་མཚན། ༡༽༧གོང་ས་མཆོག་གིས་བོད་ཀྱི་སྲིད་འགན་མ་བཞེས་པས་བོད་མི་རྣམས་མགོན་མེད་སྐྱབས་མེད་དུ་གྱུར་ཡོད། ༢༽བོད་མི་དཔའ་རྒོད་ ༤༢ གྱིས་༧གོང་ས་མཆོག་གི་ཆེད་དུ་གསོན་བསྲེགས་མཛད་པ་རེད། ༣༽རྒྱ་ནག་སྲིད་གཞུང་གིས་བོད་མི་དཔའ་རྒོད་གང་མང་མངོན་ལྐོག་གཉིས་ནས་དམར་གསོད་བྱས་པ་མ་ཟད། བོད་མི་སྟོང་ཕྲག་མང་པོར་དྲག་པོས་གཅར་རྡུང་དང་བཙོན་འཇུག་བྱས་ཡོད། ༤༽བོད་ནང་ལ་མཚོན་ན་བརྒྱད་ཅུའི་རྒན་རྒོན་གྱི་ལག་རྟེན་ཆགས་ཡོད། བྱིས་པ་ནུ་འཐུང་དྭ་ཕྲུག་ཏུ་ལུས་ཡོད། ཉི་ཤུའི་གཞོན་ནུ་མ་ཡུགས་སར་ལུས་ཡོད། བོད་ས་ཡོངས་རྫོགས་རྒྱ་ནག་དྲག་པོས་དམག་གིས་བཀང་སྟེ། ཕོ་སྐྱེས་ཐམས་ཅད་དམར་གསོད་དང་། བུད་མེད་ཐམས་ཅད་ལ་བཙན་གཡེམ། སྐྱེ་དངོས་ཡོད་ཚད་གཅོད་བྲེག རྒྱུ་དངོས་ཡོད་ཚད་བཙན་འཕྲོག་བྱེད་བཞིན་པའི་སྐབས་འདིར། ༧གོང་ས་མཆོག་གི་འཁྲུངས་སྐར་ལ་ཁ་གཡར་ནས་དགའ་སྟོན་རྟེན་འབྲེལ་བྱས་ན་འོས་འཚམ་ཞིག་རེད་དམ། དེ་བས་དེ་རིང་ནས་བཟུང་མི་ལོ་དགུའི་རིང་ངམ། ཡང་ན་བོད་ལ་རང་དབང་མ་ཐོབ་པར་མྱ་ངན་ཞུ་རྒྱུ་ཡིན་ཟེར་བ་གནས་ལུགས་དང་མཐུན་པ་ཞིག་རེད།
ངོ་མ་བཤད་ན། བོད་གཞུང་གིས་༧གོང་ས་མཆོག་གི་འཁྲུངས་སྐར་ལ་ཁ་གཡར་བ་ཙམ་རེད་མ་གཏོགས། དོན་ལ་༧གོང་ས་མཆོག་གི་སྐུ་ཡོད་ཚད་ཐོབ་པའི་དགའ་སྟོན་རེད། ངོ་མ་མི་འདི་ཚོར་ངོ་ཚ་ཟེར་བ་ཞིག་དང་། རྒྱུ་འབྲས་ཟེར་བ་ཞིག་མི་འདུག་ཡ། གོ་ན་སུན་གི མཐོང་ན་ཉོབ་ཀི བསམ་ན་སྙིང་ན་གི ད་ཇི་ལྟར་བྱེད་དགོས་སམ།
༸གོང་ས་མཆོག་གིས་བོད་མིའི་ཆབ་སྲིད་འགན་དབང་མང་ཚོཊ་ཀྱིས་བདམས་པའི་མགོ་ཁྲིད་ཚོར་རྩིས་སྤྲོད་གནང་བར་དགའ་སྟོན་རྟེན་འབྲེལ་མཚོན་ཆེད་འཁྲུངས་སྐར་གཟབ་རྒྱས་སྲུང་གཙི་ཞུ་རྒྱུ། ཞེས་པར་མོས་མཐུན་རྩ་བ་ནས་མེད། གང་ཡིན་ཞེས་ན། ཚིག་འདི་དག་གིས་ད་ལྟ་བར་དུ་༸གོང་ས་མཆོག་གིས་དབང་ཆ་སྒེར་བཟུང་བྱས་ཏེ་མང་ཚོགས་ལ་མ་གནང་བ་ལྟབུ་མཚོན་གྱི་འདུག འདི་འདྲ་རྩ་བ་ནས་མ་རེད། ང་ཚོས་མ་འཇོན་པ་རེད་མ་གཏོགས་༸གོང་ས་མཆོག་གིས་སྔ་མོ་ནས་དམངས་གཙོ་གནང་ཚར་བ་རེད། མ་ཟད་ང་ཚོ་བོད་མི་མང་དག་ཅིག་གིས་མགོན་པོ་མཆོག་གིས་ཡང་བསྐྱར་དབུ་ཁྲིད་གནང་རོགས་ཞེས་ལན་མང་ཞུས་ཀྱང་། ཁོང་གིས་ཞལ་བཞེས་མ་གནང་སྟབས། བྱ་དེའི་ནམ་ཚོད་བོང་བུས་ཟིན་དགོས་པ་འདི་ཆགས་པ་མ་ཡིན་ནམ།།
རེད་ཡ་ སྤུན་ཟླ་བཞི་བཅུ་ཙམ་གྱིས་གོང་ས་མཆོག་ཞེས་འབོད་བཞིན་འདས་སོང་ དེ་ཡང་རང་ལུས་དམར་མོའི་མེ་ལ་སྒྲོན་ནས་ཕེབས་སོང་ དོ་མི་མཉམས་པའི་འཇིག་རྟེན་འདི་ནས་འཁྲུངས་སྐར་རྒྱས་པ་འདྲ་བཏང་ དཔོན་རིགས་རྣམས་དུས་ཆེན་རྟེན་འབྲེལ་ཆེད་ཕྱི་རྒྱལ་དུ་ཆམ་ཆམ་འདྲ་ཕེབས་ དེ་འདྲ་མི་ལ་རུང་ཡང་ལྷ་ལ་རུང་སམ་ བུ་ཕྲུག་འདས་པའི་ཕ་མ་སྐྱེ་སྐར་རྒྱས་པ་བཏང་བའི་འདོད་པ་རེ་ཡོད་དམ
བོད་ནང་ནས་རང་ལུས་མེར་བསྲེགས་གཏོང་ནས་༧གོང་ས་མཆོག་བོད་ལ་གདན་འདྲེན་ཞུ་དགོས་པའི་རྩ་དོན་མཐར་ཐུག་དེ་རྩོད་ཀི་ཡོད།
བཙན་བྱོལ་སྒྲིག་འཛུགས་ཀྱི་༧་གོང་ས་མཆོག་གི་འཁྲུངས་སྐར་ཟབ་རྒྱས་གཏོང་བ་དེ་མགོན་པོ་གང་ལ་དད་པ་ཡོད་མདོག་གི་ལས་ཀ་མེད་པའི་ལས་ཀ་རེད། ད་ནི་སྒྲིག་འཛུགས་འདི་ལ་རེ་བ་ཞིག་མེད་པ་རྟོགས་ཇེ་གསལ་རེད།