བོད་དོན་ཉན་ཞིབ།

ཁ་སང་ཨ་རིའི་གྲོས་ཚོཊ་འོག་མའི་ཕྱི་འབྲེལ་ལས་དོན་ཚོཊ་ཆུང་ནང་། བོད་དང་རྒྱ་ནག ཞིན་ཅང་བཅས་ཀྱི་འགྲོ་བ་མིའི་ཐོབ་ཐང་སྐོར་ལ་ཉན་ཞིབ་ཚོཊ་འདུ་ཞིག་བསྐངས་ཡོད་འདུག

ཁ་སང་ཕྱི་ཚེས་ ༢༥ ཉིན་ཨ་རིའི་གྲོས་ཚོཊ་འོག་མའི་ཕྱི་འབྲེལ་ལས་དོན་ཚོགས་ཆུང་ནང་། བོད་དང་རྒྱ་ནག ཞིན་ཅང་བཅས་ཀྱི་འགྲོ་བ་མིའི་ཐོབ་ཐང་གི་གནད་དོན་དང་མནར་བཅོད། ཡུལ་མི་བོར་བརླག་ཏུ་འགྲོ་བཞིན་པའི་གནས་སྟངས་ཐོག་ཉན་ཞིབ་བགྲོ་གླེང་ཚོགས་འདུ་ཞིག་བསྐངས་ཡོད་འདུག

ཐེངས་འདིའི་ཉན་ཞིབ་ཚོགས་འདུ་དེ་ལྕམ་ཨེ་ལི་ན་རོ་སི་ལེ་ཊི་ནན (Ileana Ros-Lehtinen) ལཊ་ཀྱིས་གཙོ་སྐྱོང་གནང་ཡོད་ཅིང་། ཉན་ཞིབ་ཚོགས་འདུར་རང་དབང་འཐབ་རྩོད་པ་སྐུ་ཞབས་ཇ་རེ་ཌི་གེན་སར་ (Mr. Jared Genser) ལཊ་དང་། ཡུ་གུར་ལྷན་ཚོགས་ཀྱི་ཚོཊ་གཙོ་ལྕམ་སྐུ་ར་བྷི་ཡ་ཁ་ཌིར། རྒྱ་ནག་རྩ་རླུང་སྒོམ་སྒྲུབ་ཚོཊ་པའི་སྐུ་ཞབས་ཧེ་ལེ། དེ་བཞིན། བོད་མིའི་ཕྱོགས་ནས་རྒྱལ་སྤྱིའི་བོད་དོན་ལས་འགུལ་ཁང་གི་ཚོཊ་གཞོན་བུ་ཆུང་ཚེ་རིང་ལགས་བཅས་མཉམ་ཞུཊ་གནང་ཡོད་འདུག

ཉན་ཞིབ་ཚོགས་འདུའི་སྐབས་རྒྱལ་སྤྱིའི་བོད་དོན་ལས་འགུལ་ཁང་གི་བུ་ཆུང་ཚེ་རིང་ལཊ་ཀྱིས། དོན་ཚན་ ༦ ཅན་གྱི་བོད་དོན་གནས་ཚུལ་གསལ་བཤད་གནང་ཡོད་ཅིང་། དོན་ཚན་དེ་དག་ལས་དང་པོ་ནི། རྒྱ་གཞུང་གིས་བོད་མིའི་འགྲོ་བ་མིའི་ཐོབ་ཐང་རྩིས་མེད་རྡོག་རོལ་གཏོང་བཞིན་ཡོད་སྟབས། བོད་ནང་རང་ལུས་མེར་བསྲེཊ་གནས་ཚུལ་བསྟུད་མར་འབྱུང་བཞིན་པ། གཉིས། བོད་ཀྱི་གནད་དོན་དང་བོད་མིའི་དངོས་ཡོད་དཀའ་ངལ་རྣམས་གྲོས་མོལ་གྱི་ལམ་ནས་སེལ་མ་ཐུབ་པས། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་བརྟན་ལྷིང་ཐོག་ཉེན་ཁ་འཕྲད་བཞིན་པ། གསུམ། བོད་ཀྱི་བདག་དབང་རྒྱ་གཞུང་ལ་ཡོད་པའི་སྲིད་བྱུས་ལ་རྒྱལ་ཁབ་གཞན་གྱིས་ཐེ་བྱུས་མི་ཡོང་ཆེད། རྒྱལ་སྤྱིའི་ཞི་བདེ་བརྟན་ལྷིང་དང་འབྲེལ་བའི་སི་རི་ཡའི་གནད་དོན་ཐོག་རྒྱ་གཞུང་གིས་རྒྱབ་སྐྱོར་མ་བྱས་པ། བཞི། རྒྱ་གཞུང་གིས་བལ་ཡུལ་ནང་སྲིད་ལ་ཐེ་བྱུས་བྱས་ཏེ་ཁུལ་དེར་གནས་སྡོད་བོད་མི་སྐྱབས་བཅོལ་བར་དམ་དྲག་བྱ་རྒྱུར་བལ་པོའི་གཞུང་ལ་གནོན་ཤུགས་སྤྲོད་པ། ལྔ། དེང་སྐབས་རྒྱ་ནག་གི་སྟོབས་ཤུགས་རྒྱལ་སྤྱིའི་ཐོག་ཤུཊ་ཆེ་རུ་འགྲོ་བཞིན་ཡོད་ལ། ལྷག་པར་དུ་ཁུང་ཙི་ལྟེ་གནས་ཁང་ (Confucius Institutes) ཟེར་བ་འཛམ་གླིང་གང་སར་བཙུཊ་ཏེ། རྒྱ་ནག་རིག་གཞུང་སློབ་གཉེར་གནང་ཡུལ་ཁག་ཏུ་རྒྱ་གཞུང་གི་སྲིད་བྱུས་ཁྱབ་བརྡལ་དང་། བོད་མིའི་རིག་གཞུང་ཐོག་འཆད་ཁྲིད་གནང་རྒྱུར་དམ་དྲག་བྱེད་པ། དྲུག རྒྱ་གཞུང་གིས་བོད་ཀྱི་རྒྱུཊ་ཆུ་དང་ཆུ་ཆེན་ཁག་ལ་ཆུ་མཛོད་རྒྱག་པའམ་ཁ་བསྒྱུར་བྱས་སྟབས། ཉེ་འདབས་ས་ཁུལ་ཁག་ཏུ་ཆུ་རྩོད་ཀྱི་འཁྲུག་འཛིང་འབྱུང་ཉེན་ཡོད་པ་བཅས་ཡིན་འདུག

གསར་འགོད་པ། དཔལ་ལྡན།