འཛམ་ཐང་ཇོ་ནང་དགོན་ཆེན་གྱི་ཉེ་འཁྲིས་སུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་མཁན་རྒྱལ་གཅེས་དཔའ་མོ་རི་ཀྱོ་ལགས་ཀྱིས་ཁ་ཆེམས་ཡི་གེ་ཞིག་བཞག་འདུག
འདི་ལོའི་ཕྱི་ཟླ་ ༥ ཚེས་ ༣༠ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༣ ཡས་མས་སུ་རྒྱལ་གཅེས་དཔའ་མོ་རི་ཀྱོ་ལགས་ཀྱིས། འཛམ་ཐང་ཇོ་ནང་དགོན་ཆེན་གྱི་ཉེ་འཁྲིས་སུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་ཏེ་སྐུ་གྲོངས་ཡོད་པ་ལྟར། ཉེ་ལམ་ཁོང་གི་ནང་མིས་ཁོ་མོས་བཞག་པའི་ཁ་ཆེམས་ཡི་གེ་རྙེད་སོན་བྱུང་ཡོད་འདུག རི་ཀྱོ་ལགས་ཀྱིས་ཁ་སྐད་ཀྱི་ལམ་ནས་བྲིས་ཡོད་པའི་ཁ་ཆེམས་ཡི་གེ་དེའི་ནང་། “འཛམ་གླིང་བདེ་སྐྱིད་ཐོབ་པར་ཤོག རྒྱལ་བ་ཡིད་བཞིན་ནོར་བུ་བོད་ལ་བྱོན་ཐུབ་པའི་ཆེད། བཤའ་ཚོང་མ་བྱེད། ཉེ་རིང་ལ་མ་རྐུ། བོད་སྐད་ཤོད། སྲོག་མ་གཅོད། ནང་འཛིང་མ་བྱེད། སེམས་ཅན་ཐམས་ཆད་ཀྱི་སྡུག་བསྔལ་ང་ཡོད་པར་ཤོག ང་མ་ཤི་བར་རྒྱ་ལག་ལ་ཤོར་སོང་ན་ཁྱེད་ཚོས་མ་འཛང་མ་སྣོག (ཡུལ་སྐད།) མཐུན་འབྲེལ་བྱོས། ལག་སྡང་གཅིག་ཏུ་འབྲེལ་ནས་རིག་གནས་སྦྱོང་། རིག་གནས་སྦྱོང་། ང་མེར་བསྲེགས་རྗེས་བཟའ་མི་ཚང་མས་སེམས་མ་སྡུག “ ཅེས་འཁོད་འདུག
རང་ལོ་ ༣༦ ཡིན་པའི་རྒྱལ་གཅེས་དཔའ་མོ་རི་ཀྱོ་ལགས་ནི། རྔ་པ་ཁུལ་འཛམ་ཐང་བར་མ་ཡུལ་ཚོའི་གཙང་སྡེ་བའི་ཕ་
གསར་འགོད་པ། དོན་གོ
རྒྱལ་གཅེས་དཔའ་མོ་རི་ཀྱོག་ལགས་ཀྱི་ཞལ་ཆེམས་དེ་ཀློག་སྐབས་ངའི་མིག་ནས་མཆི་མ་དབང་མེད་དུ་ཤོར།
ཅི་འདྲའི་རླབས་ཆེན་གྱི་དཔའ་མོ་ཞིག་རེད་ཨང་། ནང་ཆོས་ནས་བཤད་ན་བདག་གཞན་མཉམ་བརྗེ་བྱང་ཆུབ་སེམས་དཔའི་སྤྱོད་པ་རླབས་པོ་ཆེ་ཡིན་པ་དེ་ཡང་།
བླ་མ་མཆོད་པ་ལས་་
དེས་ན་རྗེ་བཙུན་བླ་མ་ཐུགས་རྗེ་ཅན།
མ་གྱུར་འགྲོ་བའི་སྡིག་སྒྲིབ་སྡུག་བསྔལ་ཀུན།
མ་ལུས་ད་ལྟ་བདག་ལ་སྨིན་པ་དང་།
བདག་གི་བདེ་དགེ་གཞན་ལ་བཏང་བ་ཡི།
འགྲོ་ཀུན་བདེ་དང་ལྡན་པར་བྱིན་ཀྱིས་རློབས།
ཅེས་བླ་མ་མཆོད་ནས་གསུང་བ་དེ་ག་རང་ལག་བསྟར་བྱས་འདུག་པས་དཔའ་མོ་ཁོང་གི་འདོད་དོན་འགྲུབ་པའི་སྨོན་ལམ་ཞུ་རྒྱུ་དང་།
ངས་མཐོང་བས་ཞལ་ཆེམས་དེ་ཁོང་འཁོད་དུས་བབ་ཐོག་བཀོད་པ་དང་ཅུང་མ་འདྲ་བར་འདུག་པས་ས་གནས་ས་ཐོག་གི་མི་ལ་འདྲི་ཞིབ་ཀྱིས་གསལ་བོ་བཟོ་རྒྱུ་གལ་ཆེན་པོ་འདུག
འདི་ནི་བོད་ཀྱི་ལོ་རྒྱུས་ནང་ངེས་པར་དུ་འགོད་དགོས་ངེས་ཞིག་ཡིན་པས་ང་ཚོས་མགྱོགས་བྲིས་གཏན་ནས་བྱེད་མི་རུང་།
ངས་གོ་བ་འདི་འདྲ་ཞིག་བླངས་པ་ཡིན།
འཛམ་གླིང་བདེ་སྐྱིད་ཡོང་པར་ཤོག
རྒྱལ་བ་ཡེ་ཤེས་ནོར་བུ་བོད་ལ་བྱོན་ཐུབ་པའི་ཆེད
སྐམ་བཤའ་བཙོང་མ་བྱེད།་༼སྲོག་ཆགས་གཡག་ལུག་གསོད་བཙོང་མ་བྱེད་༽
ཉེ་རིང་ནས་མ་རྐུ།
བོད་སྐད་ཤོད།
མ་རྐུ། མ་འཛིང་།
སེམས་ཅན་ཐམས་ཅད་ཀྱི་སྡུག་བསྔལ་ང་ལ་ཡོང་བར་ཤོག།
ང་གསོན་པོར་རྒྱ་ལག་ཏུ་ཤོར་ན་མ་འཛིན་མ་བརྣོགས
མཐུན་སྒྲིལ་བྱོས།
རིག་གནས་སྦྱོངས་་་
རིག་གནས་སྦྱོངས་
མེ་ང་རང་བསྲེགས་
བཟའ་ཚང་མ་སྡུག