ཁ་ཆེའི་བླ་ཆེན་དང་མཇལ་འཕྲད།

ཁ་སང་ཕྱི་ཚེས་ ༢༢ ཉིན་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག རྒྱ་གར་གྱི་རྒྱལ་ས་ལྡི་ལིར་ཡོད་པའི་ཇཱ་མཱ་མཱ་སི་ཇི་ཊེ་ཆིག་སྒྲིལ་ཚོགས་པའི་ཚོགས་གཙོ་ཁ་ཆེའི་བླ་ཆེན་སཱ་ཡེ་ཐི་ཝ་ཡཱ་བྷི་ཁ་རེ་(Syed Yahya Bukhari)  མཆོག་གི་གཟིམ་ཤག་ཏུ་བཅར་ཏེ། ཁ་ཆེ་བའི་ཆོས་ཕྱོཊ་ཀྱི་དུས་ཆེན་ཨེ་ཊི་ ( Eid )  ལ་འཚམས་འདྲི་དང་། རྒྱལ་དབང་སྐུ་ཕྲེང་བཅུ་གསུམ་པ་མཆོག་གིས་བོད་མི་ཁ་ཆེ་བ་རྣམས་ལ་ཁ་ཆེ་ལྷ་ཁང་བཞེངས་བསྐྲུན་གཙོས་དམིགས་བསལ་གཟིཊ་སྐྱོང་གནང་ཡོད་སྐོར། རྒྱ་གར་གྱི་ཀ་ཤི་མུར་མངའ་སྡེའི་ནང་ཡོད་པའི་བོད་རིཊ་ཁ་ཆེ་བ་ཚོས། བོད་མི་རིཊ་ཀྱི་རིག་གཞུང་རྒྱུན་འཛིན་དང་ཁ་ཆེའི་ཆོས་ལུགས་ལ་ཉམས་ལེན་བྱེད་བཞིན་པའི་སྐོར་སོགས་ཞུས་ཡོད་པ་མ་ཟད། ཉེ་ལམ་ཁ་ཆེའི་སྤྱི་ཚོཊ་ཁྲོད་བོད་མིར་མཐོང་ཚུལ་ལོག་པ་བཟོ་རྒྱུའི་འཁྱོག་བཤད་ཀྱི་རྫུན་གཏམ་དེ་དག་ལ་གཞི་རྩ་མེད་པ་དང་། འཁྱོག་བཤད་རྫུན་སྒྲོག་བྱས་པའི་པར་རིས་དེ་དག་ནི། ཕྱི་ལོ་ ༢༠༡༠ ལོར་ཁམས་སྐྱེ་རྒུ་མདོར་ས་ཡོམ་བྱུང་སྟེ་བོད་མི་མང་པོ་འདས་གྲོངས་སུ་ཕྱིན་སྐབས། བོད་ཀྱི་དགེ་འདུན་པ་ཚོས་དང་བླངས་ཐོག་འདས་པོ་རྣམས་ཀྱི་སྐུ་ཕུང་བཞུགས་འབུལ་བྱེད་ཀྱིན་པའི་པར་རིས་ཁག་ཅིག་ཡིན་ཚུལ་དངོས་སུ་ཁ་ཆེའི་བླ་ཆེན་མཆོག་ལ་བསྟན་ནས། མི་རིགས་ཕན་ཚུན་བར་རྙོག་འཛིན་བཟོ་ཆེད་འདྲ་པར་དེ་དག་བེད་སྤྱོད་ལོག་པར་བཏང་ཡོད་སྐོར་གསལ་བཤད་དང་། ༸གོང་ས་མཆོག་གིས་ཀྱང་འབར་མའི་ནང་ཁ་ཆེ་སྐྱབས་བཅོལ་བ་རྣམས་ལ་ཡུལ་མིས་དྲག་པོའི་རྒོལ་རྡུང་བཏང་བའི་ཐད། འཛམ་གླིང་ཞི་བདེ་གཟེངས་རྟགས་བཞེས་མྱོང་མཁན་དང་འབར་མའི་དམངས་གཙོ་དོན་གཉེར་བ་ལྩམ་ཨང་སན་སུའུ་ཀེ་མཆོག་ལ་ཐུགས་འཚབ་ཀྱི་གསུང་འཕྲིན་བསྩལ་ཡོད་སྐོར་སོགས་གསལ་བཤད་བྱས་ཡོད་འདུག

སྐབས་དེར་ཁ་ཆེའི་བླ་ཆེན་མཆོག་གིས། ཁོང་ཕྱི་ལོ་ ༢༠༡༠ ལོར་༧གོང་ས་མཆོག་ཇཱ་མཱ་མཱ་སི་ཇི་ཊེ་ཁ་ཆེའི་ལྷ་ཁང་དུ་ཆིབས་བསྒྱུར་སྐབས་ཕེབས་བསུར་བཅར་ཡོད་སྐོར་དང་། ཁོང་གིས་དུས་རྟག་ཏུ་༸གོང་ས་མཆོག་ལ་གུས་བརྩི་ཧ་ཅང་ཆེན་པོ་བྱེད་ཀྱི་ཡོད་སྐོར་སོགས་གསུངས་ཡོད་པ་མ་ཟད། ཐེངས་འདིར་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པར་མཇལ་རྒྱུའི་གོ་སྐབས་བྱུང་བ་ལྟར། མ་འོངས་པར་བོད་མི་དང་ཁ་ཆེ་བར་གྱི་མཐུན་ལམ་བཟང་དུ་འགྲོ་ཆེད་ཡང་ཡང་མཇལ་འཕྲད་གནང་དགོས་པའི་དགོངས་ཚུལ་ཡང་གསུངས་འདུག