རྒྱལ་གཅེས་དཔའ་བོར་གུས་འདུད།

བསྟན་སྲིད་གཉིས་ཆར་ལ་ཕུག་རྒྱང་རིང་པོའི་བསམ་གཞིག་གིས་ལང་ཚོ་རྒྱས་པ་གངས་ཅན་པའི་ཤེས་འཇོན་གཉིས་ལྡན་གྱི་གྲོགས་པོ་ཚོ། འདི་ལྟར་ཕ་ཡུལ་གྱི་མེ་ལྕེ་རྒྱལ་ཞེན་གྱི་དཔའ་བོ་དཔའ་མོ་རྣམས་ལ་གྲངས་ཀ་རྒྱག་གིན་མཆེད་དུ་བཅུག་པ་ནི་བོད་མི་རིགས་ཀྱི་བསྟན་སྲིད་ལ་སྙིང་ནས་དགའ་ཞན་ཞིག་ཡོད་ན། རིག་པའི་གནས་རྩ་བ་ནས་མིན་པར་སེམས། གུས་པས་འདིར་བཙན་བྱོལ་དུ་བཞུགས་པའི་གཞུང་མང་གཉིས་ཐད་ནས་མ་འཇོན་པ་དང་མ་བྱེད་པ་ཞིག་ལ་དུས་ནམ་ཡང་ཁ་སྨྲས་བཏང་མྱོང་མེད་ལ། བཏང་དགོས་པའི་རྒྱུ་མཚན་ཡང་མེད། འདིའི་ཁེ་ཕན་ལ་བསམ་གཞིག་གཏིང་ནས་བྱེད་དགོས་པ་བོད་མི་ཡོད་ཚད་ཀྱི་ཕྲག་ཏུ་ཡོད་པ་ཡིན་ཙང་། འདི་ལག་ཆ་ཞིག་ལ་གཏན་ནས་འཛིན་མི་རུང་། ལག་ཆ་འདི་ནི་སྡུག་གྱོང་རྡོ་སྒྱོག་མགོ་ལ་ཞུ་བ་ཉག་གཅིག་ལས། གཞིས་བྱེས་གཉིས་ཐད་ལ་ཕན་སྣང་ཞིག་དང་བཟང་ཐབས་ཤིག་གཏན་ནས་བྱུང་མ་སོང་། དེ་འདྲ་ཡིན་ཙང་གཞུང་མང་ཡོངས་ཀྱིས་དུས་ད་ནས་བཟུང་རང་བསྲེགས་ཀྱི་ལས་འགུལ་འདི་གཞིས་བྱེས་གཉིས་ནས་དུས་ནམ་ཡང་མི་བྱེད་པའི་འབོད་བསྐུལ་གཞི་རྒྱ་ཆེན་པོ་ཞིག་མ་གནང་ན། འདི་བློ་རིགས་ཤེས་འཛང་ལྡན་པའི་ལས་འགུལ་ཞིག་གཏན་ནས་མ་རེད་སྙམས། ཚོད་དཔག་ཙམ་བྱེད་དཀའ་བའི་ལྷག་བསམ་རྒྱལ་ཞེན་འཛམ་གླིང་འདིའི་སྒང་རྒྱལ་ཁབ་སུ་ལ་ཡང་བྱུང་མྱོང་མེད་པའི་ངེད་ཚོ་གངས་ཅན་པའི་དཔའ་བོ་དཔའ་མོ་འདི་ཚོ། རང་སྡུག་རང་གི་ཉོ་ནས་འདི་འདྲའི་ཀློང་དུ་གཅིག་རྗེས་ཉིས་མཐུད་ཀྱིས་བཞུད་ཤོར་ན། འདི་ནི་ང་ཚོའི་སྡུག་གྱོང་ནང་གི་སྡུག་གྱོང་ཞིག་ལས་རྒྱལ་ཁབ་དང་མི་རིགས་ལ་ཕན་རློབས་ཆེ་བའི་ལས་གཞི་ཞིག་གཏན་ནས་མིན། རང་སྡུག་རང་གི་ཁུར་བ་ནི་ཆོས་སྲིད་གཉིས་ཆར་གྱི་ཐད་ནས་གནོད་པ་ལས་ཕན་པ་ཞིག་གཏན་ནས་མིན། ང་ཚོ་རྒྱལ་ཁབ་དང་མི་རིགས་ཀྱི་རྩ་དོན་ཆེད་དུ་ཡིན་ན་འདིས་ཕན་པ་ཞིག་དང་ལྟ་ཞོག་གནོད་པ་ཚབ་ཆེན་པོ་བསགས་ཚར་བ་རེད། གང་ཡིན་ཞུ་ན། གཅིག འཛམ་གླིང་སྟོབས་ཆེན་རྒྱལ་ཁབ་ཚོས་དོ་སྣང་བྱེད་མདོགས་བྱེད་ཀྱང་དོན་ངོ་མ་ལ་ཕན་པའི་རོག་པ་སུས་ཀྱང་མེད་ཁར་ལས་གཞི་འདི་ནུས་མེད་ལ་ཟུབ་ཚར་བ་རེད།
གཉིས་པ། དམར་གཞུང་གི་གཞིས་བྱེས་གཉིས་ཀྱི་འགྲོ་འདུག་བྱ་ལས་ཡོད་ཚད་ལ་ནག་སུབ་ཆེ་ནས་ཆེ་རུ་ཕྱིན་པ་ལས་དོན་ཕན་ལྡན་པའི་གྲོས་མོལ་དང་ཞི་བདེ་ཁོད་ཡང་ཤ་ཚ་སྙིང་ཉེའི་ཡིད་ཆེས་ཤིག་གཏན་ནས་སྐྱེ་ཐབས་མེད།
གསུམ་པ། སྒྲུབ་བྱ་དང་སྒྲུབ་བྱེད་ཀྱི་འགལ་ཚབ་ཤིན་ཏུ་ཆེ་བས་དུས་ཇི་སྲིད་དུ་འཁོན་ཆེ་ནས་ཆེ་རུ་དཀའ་ལས་དང་ནང་འགལ་ཆེ་ནས་ཆེ་རུ་ཕན་ཚུན་མི་དགའ་བའི་འགལ་འདུ་ཆེ་ནས་ཆེ་རུ་ཕྱིན་པ་ལས་དོན་ངོ་མའི་བོད་རྒྱ་གཉིས་ཀྱི་མཐུན་ལམ་རྩ་ཆད་དུ་འགྱུར་བ་ལས་རང་གཞན་སུ་ལ་ཡང་ཕན་ཐོག་གཏན་ནས་མེད་བ་བཟོ་བ་བཅས་ལས་མི་འདུག་པས་རང་བསྲེགས་ཀྱི་ལས་འགུལ་འདི་བོད་མི་གཞིས་བྱེས་སུས་ཀྱང་སྤེལ་རྒྱུ་མེད། དུས་དེ་རིང་ནས་བཟུང་རང་བསྲེག་མཚམས་འཇོག་བྱེད་དགོས།།།།
བོད་མི་རིགས་ཀྱི་དོན་དུ་ཕན་པ་ཞིག་སྒྲུབ་དགོས་ན་གསོན་པོར་གནས་ནས་ཕན་པ་སྒྲུབ་དགོས་པ་ཞིག་ལས་འཆི་ཚར་ནས་ཕན་པ་སུས་ཀྱང་སྒྲུབ་ཐུབ་པ་མིན་པ་ཤེས་པ་ཡོད་ཚད་ཀྱིས་གསལ་གསལ་ཐིང་ཐིང་རེད།
རྒྱལ་བ་དོན་གྱི་བདག་པོས་ཀྱང་གྲ་བསྒྲིག་སྡུག་ས་ནས་གྱིས། རེ་བ་ཆེ་ས་ནས་རྒྱག་དགོས་གསུང་རྒྱུ་འདི་གོ་འཛོལ་ཐེབ་མི་ཉན། ངེད་ཚོ་གཞིས་བྱེས་དགོན་སྡེ་ཚོགས་པ་སྐྱིད་སྡུག་སུ་འདྲ་ཞིག་ཡིན་ན་ནང་མི་གི་རིན་ཐང་ལ་བསམ་གཞིག་གཏན་ནས་མ་འཁོར་བར། ཕྱི་དངོས་པོའི་ལྷ་སྐུ་གཙུག་ལག་ཐམས་ཅད་གསེར་དངུལ་ཟང་གསུམ་གྱིས་ཆོ་ཆོ་བྱས་པའི་འགྲོ་སོང་འདི་བཏང་ཡུལ་ནོར་བ་དང་། ནས་ཤེས་རིག་གི་ཁོ་ལག་རྒྱས་ཏུ་ཡོད་པའི་སློབ་གྲྭ་དང་ཤེས་ཡོན་འཁོར་ཡུག་དང་ཚན་རིག་སོགས་གྱི་གོ་རྟོག་སྤེལ་ཐབས། རང་རྐང་ཚུག་ཐབས། འཛམ་གླིང་གི་འགྱུར་འགྲོས་ལ་བསམ་གཞིག་ནན་པོས་ཤེས་ཡོན་ཁོ་ན་ཁ་ཕྱོགས་རྒྱས་པའི་ཆེད་དུ་ཤུག་རྒྱག་དགོས་པ་ལས། རང་སྣང་དག་མི་ཉན་པའི་གསུང་ལ་ཀུན་གྱིས་ཡིད་གཟབ་མཛད་རོག་ཞུ།།