ཁ་སང་ལྷག་དཀར་ཉིན་ཁྲི་འདུ་རྫོང་རྫ་སྟོད་ཤང་དུ། བོད་པའི་ཚོང་བ་འགས་བཤས་རར་འཁྲིད་ཀྱིན་པའི་ལུག་རླངས་འཁོར་འགའ་ཉོས་ཏེ་ཚེ་ཐར་ལ་བཏང་འདུག
དེ་རིང་ལྷོ་ཕྱོགས་སེར་ར་དགོན་གྱི་གྲྭ་བློ་བཟང་ལགས་ཀྱིས་འདི་གར་གནས་ཚུལ་བཏང་པ་ལྟར་ན། ཟླ་འདིའི་ཕྱི་ཚེས་ ༢༩ སྟེ་༸གོང་ས་མཆོག་གི་སྐུའི་བླ་གཟའ་དང་བོད་གཞིས་བྱེས་གཉིས་སུ་སྲུང་གཙི་ཞུ་བཞིན་པའི་ལྷག་དཀར་ཉིན། ཁམས་སྐྱེ་དགུ་མདོ་ཁྲི་འདུ་རྫོང་རྫ་སྟོད་ཤང་དུ་བོད་པ་ཚོང་བ་ཁག་ཅིག་གིས། ༸གོང་ས་མཆོག་སྐུ་ཚེ་ཡུན་རིང་བརྟན་པའི་ཚེ་སྒྲུབ་དང་བོད་དོན་བདེན་མཐའ་མྱུར་དུ་གསལ་ཆེད། རྒྱ་སྒོར་ཁྲི་ ༡༠ ལྷག་གི་འགྲོ་སོང་བཏང་སྟེ། རྒྱའི་བཤས་རར་འཁྲིད་བཞིན་པའི་ལུག་རླངས་འཁོར་ཁ་ཤས་ཉོས་རྗེས། ཟིལ་དཀར་དགོན་དུ་དེད་དེ་ཚེ་ཐར་ལ་བཏང་ཡོད་པ་དང་། དེ་བཞིན། བོད་མི་ཞིག་གིས་དགེ་འདུན་པ་རྣམས་དཔང་ལ་བཙུགས་ཏེ། ལུག་དེ་དག་མ་ཤི་བར་དུ་འཚོ་སྐྱོང་བྱ་རྒྱུ་ཡིན་པའི་དམ་བཅའ་ཕུལ་ཡོད་འདུག
༼༼བོད་པའི་ཚོང་བ་འགས་བཤས་རར་འཁྲིད་ཀྱིན་ལུག་རླངས་འཁོར་འགའ་ཉོས་ཏེ་༽༽
དུས་བབ་ཚང་གིས་ཡི་གེ་དེ་འདྲ་བྲིས་ན་་་་དངོས་གནས་ང་ཚོ་་་ཅི་བསམ་འདི་བསམ་མི་འདུག
གངས་རིའི་རྭ་བས་བསྐོར་བའི་ཞིང་ཁམས་སུ།།
ཕན་དང་བདེ་བ་མ་ལུས་འབྱུང་བའི་གནས།།
སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི།།
ཞབས་པད་སྲིད་མཐའི་བར་དུ་བརྟན་གྱུར་ཅིག།
དངོས་གནས་ཡག་པོ་རེད་་་་་རྗེས་སུ་ཡི་རང་ཡོད་་་་