ཟླ་སྔོན་མའི་ཕྱི་ཚེས་ ༢༨ ཉིན། མདོ་སྨད་རྔ་པ་རྫོང་སྤྲོ་ཚིགས་ཞང་ཀ་ཉག་སྡེ་བའི་འཇམ་དབྱངས་མཁྱེན་ཁོ་ལགས་ལ་རྒྱ་ནག་གཞུང་གིས་ཕྱི་ཕྱོགས་སུ་འབྲེལ་བ་བྱས་པའི་དོགས་གཞིའི་འོག་འཛིན་བཟུང་བྱས་ཏེ། ད་ལྟའི་ཆར་གར་ཡོད་ཅི་བྱུང་གི་གནས་ཚུལ་ཅི་ཡང་ཤེས་རྟོགས་ཐུབ་ཀྱི་མེད་པ་མ་ཟད། ཉིན་དེའི་མཚན་མོ་རྔ་པ་ཀིརྟི་དགོན་པའི་གྲྭ་བློ་བཟང་སངས་རྒྱས་ལགས་རང་ཤག་ནས་འཛིན་བཟུང་བཙན་ཁྲིད་བྱས་རྗེས་གར་ཁྲིད་ཅི་ཆགས་ཤེས་རྟོགས་མེད་པ་ཆགས་ཡོད་འདུག
ང་ལོ་ ༦༠ ཙམ་ཡིན་པའི་འཇམས་དབྱངས་མཁྱེན་ཁོ་ལགས་ནི། རྔ་པ་རྫོང་སྤྲོ་ཚིགས་ཞང་ཀ་ཉག་སྡེ་བའི་བར་མ་ཚང་གི་ཡིན་འདུག་ལ། ཁོང་འཛིན་བཟུང་བྱས་རྗེས་བཟའ་ཟླ་དང་ཕྲུ་གུ་བུ་གཉིས་དང་བུ་མོ་གཉིས་བཅས་བཞི་ཡོད་འདུག རང་ལོ་ ༢༢ ཙམ་ཡིན་པའི་གྲྭ་བློ་བཟང་སངས་རྒྱས་ལཊ་ནི། རྔ་པ་རྫོང་གཅའ་ཞང་རྭ་རུ་བའི་རུ་དགེ་ཚང་གི་ཡིན་འདུག་ལ། ཁོང་འདི་ལོའི་ཕྱི་ཟླ་༨ ཚེས་༢༧ཉིན་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་འདས་གྲོངས་སུ་ཕྱིན་པའི་གྲྭ་བློ་བཟང་སྐལ་བཟང་ལཊ་གཉེན་ཉེ་ཤིག་ཡིན་འདུག
ད་ཆར་རྒྱ་གཞུང་གིས། རྔ་པ་ཁུལ་གྱི་མི་མང་དང་གྲྭ་བ་ཚོའི་འགྲོ་འོང་ལ་བཀག་སྡོམ་སྔོག་བཤེར་བྱེད་ཀྱི་མེད་ཀྱང་། རྔ་པ་ཀིརྟི་དགོན་པའི་ཕྱོགས་བཞིའི་སྒོ་ཆེན་ཁག་ཚང་མར་དྲག་ཆས་དམག་དཔུང་གིས་བརྟན་སྲུང་དང་། རྒྱུན་སྡོད་བྱེད་སའི་ཁང་པ་བཟོས་ཏེ་དུས་ཡུན་རིང་པོར་སྡོད་རྩིས་བྱེད་ཀྱི་ཡོད་འདུག་ལ། ས་གནས་བོད་མི་ཚོས་གནས་ཚུལ་གོ་ཐོས་བྱུང་བ་ལྟར་ན། མི་རིང་བར་རྒྱ་གཞུང་གིས་ས་གནས་དེར་དམ་དྲག་ཆེན་པོ་བྱ་འཆར་ཡོད་འདུག
གཞན། འདི་
གནས་ཚུལ་གཏོང་མཁན། གྲྭ་བློ་བཟང་ཡེ་ཤེས་དང་ཀ་ཉག་ཚེ་རིང་།
