རྒྱ་ནག་གཞུང་འབྲེལ་ཞིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་ ༡ ཉིན་རྒྱ་ནག་དབུས་གཞུང་གིས། དེ་སྔའི་རྒྱ་ནག་དབུས་དམར་ཤོག་ཚོགས་པའི་ལཱེན་ཅི་ཧྭ་(令计划)རྒྱ་ནག་དབུས་འཐབ་ཕྱོགས་གཅིག་གྱུར་ལས་ཁུངས་ཀྱི་འགན་འཛིན་དུ་བསྐོ་བཞག་བྱས་ཡོད་འདུག དེ་སྔའི་འགན་འཛིན་ཏུའུ་ཆིན་ལེན་གྱིས་འཐབ་ཕྱོགས་གཅིག་གྱུར་གྱི་འགན་འཛིན་ནས་ལས་མཚམས་བཞག་ཡོད་འདུག
ལཱེན་ཅི་ཧྭ་ནི་ཕྱི་ལོ་ ༡༩༥༦ ཟླ་ ༡༠ ཚེས་ ༡ ཉིན་རྒྱ་ནག་ཧྲན་ཞི་ཕེན་ལའུ་ཞེས་པར་སྐྱེས་ཤིང་། ཧྭོ་ནན་སློབ་ཆེན་བཟོ་ཚོང་དོ་དམ་སྡེ་ཁག་ནས་ཞིབ་འཇུག་དང་འབུམ་རམས་པ་སློབ་ཐོན་བྱུང་ཡོད་འདུག ཕྱི་ལོ་ ༡༩༧༦ ཟླ་ ༦ ནང་དམར་ཤོགས་ཚོགས་པར་ཞུགས་ཏེ། སྐབས་བཅུ་དྲུག་པའི་ཀྲུང་དབྱང་རྗེས་སྣོན་ཨུ་ཡོན་དང་། སྐབས་བཅུ་བདུན་པའི་ཀྲུང་དབྱང་ཨུ་ཡོན། ཀྲུང་དབྱང་ཧྲོ་ཅུ་ཁྲའུ་ཡི་དྲུང་ཡིག་ཆེན་མོ་བཅས་ཀྱི་ལས་ཀ་བྱས་ཡོད་འདུག
རྒྱལ་སྤྱིའི་ཆབ་སྲིད་དཔྱད་བརྗོད་པ་དག་གིས་བརྗོད་པ་ལྟར་ན། ཐེངས་འདིར་གསར་དུ་བསྐོ་བཞག་བྱུང་བའི་རྒྱ་ནག་དབུས་འཐབ་ཕྱོགས་གཅིག་གྱུར་ལས་ཁུངས་ཀྱི་འགན་འཛིན་གསར་པ་ལཱེན་ཅི་ཧྭ་ནི་དེ་སྔོན་རྒྱ་ནག་གུང་གཞོན་སྡེ་ཚོགས་ནང་ཞུགས་ཡོད་པ་མ་ཟད། ད་ལྟའི་སྲིད་འཛིན་ཧུའུ་ཅིན་ཐའོ་ཡི་ཕྱོགས་གཏོགས་བློས་ཁེལ་བྱེད་ཡུལ་ཞིག་ཡིན་སྐོར་བརྗོད།
དེ་སྔའི་བོད་རྒྱའི་འབྲེལ་མོལ་རིམ་པའི་སྐབས་བོད་པའི་སྐུ་ཚབ་རྣམས་རྒྱ་ནག་ཏུ་ཕེབས་སྐབས། རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་བློན་ཆེན་གཙོ་གཞོན་སོགས་དང་ཐུག་འཕྲད་གྲོས་བསྡུར་བྱས་ཡོད།
གསར་འགོད་པ། དོན་གྲུབ་བཀྲ་ཤིས།
བོད་ཤི་ལམ་ལ་འཇུག་འདུན་ཤུགས་ཆེན་ཡོད་པའི་མཚོན་རྟགས་གཙོ་བོ་གཅིག་རེད་ལ། ཧུའུ་ཅིན་ཐོ་ཡིས་བོད་དོན་གློད་ཀྱི་མིན་པའི་རྟགས་མཚན་ཡང་རེད། ད་སྐྱིད་པོ་འདྲ་ལབ་ནས་མི་སྡོད་པར་འབོད་བསྐུལ་ཡོད།