ཐ་སྙད་ལ་གསལ་བཤད།

ང་ཚོའི་རྙོག་སྒྲ་དེ་གོངས་ས་མཆོག་ལ་དད་པ་ཡོད་མེད་ལ་སྦྱར་ནས་བཤད་ཡ་དེ་ཆས་མ་རབ་རེད་མི་འདུག་པེ

རེད་ད་བོད་ནིང་ནས་མི་ཁ་ཤིས་བོད་རིང་བཙན་དོན་དུ་རིང་སྲོག་བློས་བཏང་གནངས་ཡོད་རེད་མི་མིང་པོ་བོད་གྱི་རྒྱལ་དར་སྦྲིང་ནས་བཙོན་འོག་ཏུ་སོང་ཡོད་རེད། ང་ཚོ་བྱི་ལོག་ནས་བོད་རིང་བཙོད་མ་ཆོག་པ་དང་བོད་གྱི་རྒྱལ་དར་ཡང་སྦྲང་ཆོག་མི་ཆོག་གི་ས་མཚམས་རེད་འདུག བོད་ནང་ནས་ལས་འགུལ་ག་ཚོད་ཤུག་ཆེ་བ་ནང་བཞིན་ང་ཚོ་འདིར་རྙོག་སྒྲ་དེ་བཞིན་ཆེ་རུ་འགྲོ་བ་དེ་དངོས་གནས་ཡ་བློ་ཕམ་མ་རེད་པེ། གཞོངས་དམངས་གཉིས་ཀས་བསམ་ལོ་གཏང་ཚོད་རེད་མི་འདུག་པེ། བོད་དེ་འདྲའི་མིང་པོས་བློས་བཏང་པ་དས་ང་ཚོས་ནིང་ལོག་ལ་བེད་སྤྱོད་དེ་འདྲ་བཏང་ན་ཡོང་ས་རེད་པེ།

བོད་གཞུང་གི་ཐ་སྙད་ཙམ་འགྱུར་བ་གཏོང་བར་ང་ཚོ་ནང་ཁུལ་ལ་འདི་འདྲའི་ཚོར་བ་ག་རེ་བྱས་ནས་བྱུང་གི་ཡོད་ན།དེར་ང་ཧ་སངས་ཀྱི་འདུག རྒྱ་དམར་གྱིས་བོད་གཞུང་མ་ཚད་བོད་མི་རིགས་རིག་གཞུང་དང་བཅས་པ་བཙན་འཕྲོག་དང་རྩ་མེད་གཏོང་གི་ཡོད་པ་དེར་འདི་འདྲའི་ཚོགས་འདུ་དང་དཔའ་ངོམ་དཔུང་སྒྲིག་བྱེད་རྒྱུ་མེད་པར། ནང་ཁུལ་མགོ་འབུར་འཇོམས་གཏོང་བ་ལ་མདོ་སྨད་རྒྱུན་ལས་སོགས་ཀྱིས་ལས་ཀ་སྣ་ཚོགས་བྱེད་བཞིན་པར་ཡ་མཚན་རེད།

གནས་ཚང་ལགས་དང་སླར་འཕྲད་པས་དགའ་ནས་ཡོད། ཉེ་སྔོན་རང་སྐད་ཆ་འདི་འདྲ་ཞིག་བཤད་ཡོད་པ་དྲན་སོས་ཀྱིན་འདུག པེ་ཅིན་གཞུང་གི་ཁ་གདངས་ཚད་ལ་ང་ཚོས་ཡ་བྱེད་དགོས་དོན་ཡོད་བ་མ་རེད། རྒྱ་ནག་གི་ཁ་ནང་ནས་ཚིག་ཅི་འབུད་ལ་དོགས་ཟོན་བྱེད་ལུགས་འདི། དོན་ངོ་མས་འུ་ཅག་ལ་བདེན་དོན་རྩོད་རྒྱུའི་སྙིང་སྟོབས་མེད་སོང་བ་རེད། རྐྱེན་འདི་འདྲ་རྒྱུན་ཏུ་འཕྲད་ཀྱིན་ཡོད་ཙང་རྒྱ་ནག་གཞུང་གི་གང་བཤད་པ་ཆ་ཚང་ལ་ནུས་བ་རེ་ངམ་ངམ་ཤུགས་ཀྱིས་ཐོན་བཞིན་པ་རེད་ལབ་མྱོང་ཡོད། དེར་བརྟེན་གནད་འདིའི་ཕྱོགས་ནས་སྐུ་ཉིད་ཀྱི་ཀླད་རྩ་འགུལ་བསྐྱོད་མི་ཐུབ་ན། བསྐྱར་འགྲེལ་ཡང་འགྲེལ་བྱེད་དགོས་བའི་རྒྱུ་མཚན་མཐོང་མ་སོང་། སྐབས་དོན་འདི་ལྟ་སྟེ།
༡༽སྐུ་ཉིད་ཀྱི་སེམས་པ་འཚབ་འཚུབ་བྱེད་སའི་གནད་དེ། ༧གོང་ས་མཆོག་བོད་ལ་ཕེབས་དབང་དུ་བཏང་རུང་རང་དབང་དང་རང་བཙན་གྱི་དགོས་འདུན་ནི་འགྲུབ་རེ་མེད་པའི་ལྟ་ཚུལ་གྱིས་དབང་གིས་རེད་སྙམ། དེར་བརྟེན་རང་དབང་གི་གོ་རྟོགས་རྒྱ་བསྐྱེད་དེ་རང་དབང་དང་རང་བཙན་ལྟ་བུའི་དགོས་འདུན་ལ་གདོང་གཏད་དགོས་བར་བསམ་པའི་ཞོར་དུ། ད་ལྟའི་བོད་ཀྱི་གནས་བབ་དང་འབྲེལ་བའི་དད་སྟོབས་ངོས་ལེན་བྱེད་མི་འདོད་པ་ཙམ་རེད། དེ་མ་གཏོགས་འུ་ཅག་ཁྲོད་ཀྱི་རང་དབང་ལ་མོས་ཞིང་རང་དབང་གཙིག་ཏུ་བཀུར་མཁས་རྣམ་པ་ལྷན་རྒྱས་ཀྱི་གཏོང་ཕོད་ཀྱི་ལས་ནི། ད་ལྟའི་ཆ་ལ་རང་ཁྱིམ་གྱི་ཐབ་ཚང་ལས་བརྒལ་ཐུབ་ཀྱིན་མེད་པ་གསལ་བོ་རེད། འདི་ནི་རི་ཡུལ་གཉིས་ཀྱི་རྟོགས་སད་པ་དག་གིས་རང་དབང་ལ་མོས་གུས་བྱེད་སྟངས་ཤིག་ཡིན་པ་འདྲ། ཚད་འདི་ནས་བལྟས་ན་འུ་ཅག་རང་དབང་གི་ལྕམ་མོ་ལ་འཁྱིལ་ནས་རང་དབང་དང་རང་བཙན་བཞིན་གྱི་བུ་ཕྲུག་ཞིག་འཁྲུངས་རེ་ཤིན་ཏུ་དཀོན་པར་འདོད།
༢༽འུ་ཅག་གིས་རང་ཉིད་ལ་ཚང་རྩིས་རེ་བརྒྱབ་ནས་དགོས་འདུན་ལ་གདོང་གཏོད་ཚུལ་ཐད་དུ་ཞིབ་བལྟས་རེ་བྱས་ན། རང་དབང་བསམ་པའི་བློའི་ནུས་སྟོབས་སམ་དཔའ་སྟོབས་ཞིག་འབུས་ཡོད་དབང་དུ་བཏང་རུང་། དེ་ནི་མཐའ་གཅིག་ཏུ་རང་དབང་གི་གོ་རྟོགས་ཟབ་པའི་རྐྱེན་ཁོ་ནས་ལས་བྱུང་མཁན་གཅིག་ཀྱང་ཡོད་མི་སྲིད་ལ། སླད་ཡང་འབྱུང་བར་མི་འགྱུར། རྒྱུ་མཚན་ཡང་ལས་སླ་བོ་ཞིག་སྟེ་འུ་ཅག་གི་དཔའ་སྟོབས་འབུས་ས་ཁོ་རང་ཕ་མེས་ཡང་མེས་བརྒྱུད་པའི་རིག་སྟོབས་དང་དཔའ་ཉམས་དེ་ལ་ཡིད་ཆེས་བསྐྱེད་ལུགས་ཤིག་སྟེ། རང་ཁྱིམ་ལ་ངོ་ལོག་མི་བྱེད་རང་དགྲ་ལ་མགོ་བོ་མི་སྒུར་བྱས་བའི་དོན་རེད། ཏག་ཏག་ང་ཚོས་འདི་ལྟར་རང་ཉིད་ཀྱི་བློ་གདེང་འཁེལ་ས་དེར་ཡིད་ཆེས་དང་དད་སྟོབས་ཀྱིས་སྲུང་དགོས་བ་ཡིན་ལ། མངོན་འགྱུར་བྱེད་དགོས་བ་ཡིན།
༣༽བྱུང་ན་་་་བོད་མི་མཐེ་བོང་ཙམ་ཞིག་ཡིན་རུང་རང་དབང་གི་གོ་རྟོགས་སད་པའི་མ་ཟད་བསམ་རྒྱུ་འདི་དང་དྲན་རྒྱུ་འདི་ལས་མེད་ཚེ། ལྷ་མི་ཡོངས་འདི་ལ་མི་དགའ་གང་ལ་དགའ། འདི་ལ་མི་གཅེས་སུ་ལ་གཅེས། འོན་ཀྱང་བདག་གིས་ད་ལྟའི་བར་དུ་རང་དབང་གི་བསམ་བློ་ཁོ་ན་གཙུག་ཏུ་བཀུར་ནས་འཐབ་རྩོད་མཁན་བོད་མི་ཞིག་དང་མཇལ་བའི་སྐལ་བ་མ་བྱུང་། སླད་ཡང་ཕྲད་འགྲོ་བའི་བསམ་པ་མེད་ན། རང་དབང་གི་གོ་རྟོགས་ཟབ་ཅིང་བློ་གྲོས་ཀྱི་དཔུང་མཐུག་པའི་མི་བུ་ཞིག་ཡོད་ན་འདིར་བྱུང་བ་རེ་འགོད་རོགས་མཁྱེན་མཁྱེན།

ཟླ་བ་བསོད་ནམས་ལགས་ཕེབས་ནས་དགོངས་ཚུལ་བཏོན་པར་གུས་བརྩི་ཡོད།
ཡིན་ནའི། བོད་མི་ཀུན་ལ་ངོས་ལེན་ཡོང་མིན་ནི་བཤད་ཚོད་མི་ཐུབ་པ་ཞིག་རེད། བོད་མིར་དད་པ་ཡོད་པ་བདེན་པ་ཡིན་མོད། ཁ་ཚ་དགོས་ཐུག་གི་ལས་འགུལ་དག་དད་སྟོབས་ལས་བྱུང་བ་རེད་ཅེ་ན། དེ་ནི་ཧ་ཅང་དགོད་བྲོ་བ་ཞིག་རེད། སྐད་ཆ་འདི་བཤད་སྟངས་གཞན་ཞིག་གི་ལམ་ནས་བརྗོད་ན། ༼ཏཱ་ལའི་རུ་ཚོགས་ཀྱི་ངན་བསྐུལ༽ཞེས་པ་དེ་རེད་ལ། བསྟོད་པའི་ལམ་གྱི་སྨད་པའི་དཔེ་ཁོ་ན་ཞིག་ཀྱང་རེད། དེ་བས། ཚང་མ་ལོས་སྐད་ཆ་བཤད་སྐབས་གཟབ་གཟབ་གནང་རྒྱུ་ཧ་ཅང་གི་གལ་ཆེན་རེད་ལ། བོད་ཀྱི་གཏམ་དཔེར་ཡང་༼རང་ཁ་གསེར་གྱི་སྒོ་མོ། རང་སྲོག་གཅོད་པའི་སྟ་རེ༽ཞེས་ལས་གཉིས་སུ་མེད་པར་སྣང་བས། མེས་པོ་གོང་མ་དག་གིས་ཕྱི་རབས་པར་ནོམ་དུ་བཞག་པའི་གདམས་པ་དག་མ་བརྗེད་པ་གནང་རོགས་ཞེས་ཞུ་འདུན་བྱུང་སོང་།

དྲང་པོར་ཞུས་ན། མེར་མཆོད་དཔའ་བོ་དཔའ་མོ་ལྷན་རྒྱས་ནས་འབོད་སྐད་གསུམ་བསྒྲགས་ཡོད་པ་རེད། བོད་རང་བཙན། རང་དབང་། གོང་ས་མཆོག་ཕྱིར་ཕེབས་དགོས་ཞེས་པ་དེ་གསུམ་རེད་ལ། གོང་ས་མཆོག་ཕྱིར་ཕེབས་ན་འདོད་འདུན་སྔ་མ་གཉིས་འགྲུབ་སྲིད་པར་ངོས་འཛིན་གནང་བཞིན་པ་ཞིག་རེད། དེ་བས། དོན་ངོ་མ་དེ་དོན་ངོ་མར་བཞག་ནས་ལྟ་དགོས་པ་ལས་མཐོང་བཞིན་ཐོས་བཞིན་མ་གོ་བའི་བརྟུལ་ཞུགས་འཛིན་པ་ནི་ལྐུགས་རྟགས་ཚ་བོའམ། ཡང་ན། དམིགས་ཡུལ་ངན་བཅངས་ཀྱི་བྱེད་སྤྱོད་ཅིག་རེད།

ཡང་གཞན་ཞིག་གིས་བོད་གཞུང་གི་མིང་མེད་པར་བཟོས་པ་དེ་ཡར་རྒྱས་ཤིག་ཡིན་ཚུལ་ལབ་བཞིན་འདུག འོ་ན། རྒྱ་གཞུང་གིས་བོད་གཞུང་མེད་པར་བཟོས་པའི་གསལ་བསྒྲགས་ལོ་ངོ ༥༠ཡར་སྔོན་བྱུང་ཡོད་པས། དེའང་དུས་ལ་དཔག་པའི་ཡར་རྒྱས་ཤིག་ཡིན་དགོས་པར་མ་ཟད། བྲོས་བྱོལ་ཡོང་མཁན་ཐ་དག་མར་རྒྱས་ཀྱི་དཔེ་མཚོན་དུ་ཚུད་ཟིན་པ་མ་རེད་དམ། རྒྱ་གཞུང་གིས་ད་ལྟའི་བར་དུ་ལབ་པ་ཐ་དག་དྲང་བདེན་ཆགས་ཟིན་པ་མ་རེད་དམ། ལར་སྐད་ཆ་བཤད་སྟངས་ཡོད་ཀྱང་བཤད་མ་ཤེས་ན་རང་མགོ་རང་གཅོག་དང་རང་སྲོག་རང་གཅོད་དུ་མི་འགྱུར་བའི་ངེས་པ་གཏན་ནས་མེད་པས། རྒྱ་ནག་འཐབ་ཕྱོགས་གཅིག་གྱུར་ཁང་ལ་དགོས་པའང་སྐད་ཆ་འདིའི་རིགས་རེད།

བོད་གཞིས་ལུས་མི་མང་གི་སེམས་ན་གོང་ས་མཆོག་ལས་སུ་ཡང་མི་འདུག དཀྲོག་གཏམ་བཤད་རྒྱུ་མང་ན་བོད་ཕྱི་ནང་གི་འབྲེལ་ལམ་ལ་ཉེན་ཁ་ཤིན་ཏུ་ཆེ་བས་ཀུན་གྱིས་གཟབ་དགོས་པའི་དུས་ལ་བསླེབས་འདུག

ཐ་སྙད་ཙམ་དེ་དོན་ལ་ལོ་རྒྱུས་ཀྱི་རྒྱུན་བཅད་ཡོད་པའི་ཁར། ར་མིན་ལུག་མིན་ཞིག་ཏུ་འགྱུར་ཚར་བ་རེད། ད་སྐྱིད་པོ་འདྲ་བཤད་ནས་སྡོད་ས་ཞིག་མེད་པ་འདྲ།

་་་་་་ ཁག་ཅིག་གིས་བོད་གཞུང་གི་ཐ་སྙད་ཙམ་ལ་འགྱུར་བ་ཐེབས་པར་རྐྱེན་བྱས་ཏེ། ༸གོང་ས་མཆོག་ལ་གཞི་མེད་སྐྱོན་འཛུཊ་དང་བོད་གཞུང་བསྡུ་གསོག་བརྒྱབ་ཡོད་སྐོར་གྱི་དཀྲོག་རྐྱེན་བཟོ་བཞིན་པར་དོཊ་སེལ་དང་ལན་འདེབས་བཅས་གནང་ཡོད།་་་་་ཟེར།