ནག་ཆུ་འབྲི་རུ་རྫོང་གི་བོད་མི་ཞིག་གིས་རྒྱ་གཞུང་ལ་ངོ་རྒོལ་གནང་སྟེ་ནག་ཆུའི་ཁྲོམ་གཞུང་དུ་རང་ལུས་མེར་བསྲེགས་བཏང་སྟེ་སྐུ་གྲོངས་འདུག
འདི་གར་གནས་ཚུལ་འབྱོར་གསལ་ལ། དེ་རིང་སྔ་དྲོའི་བོད་ནང་གི་ཆུ་ཚོད་ ༡༠།༣༠ ཙམ་ལ་བྱང་ནག་ཆུའི་ཁྲོམ་གཞུང་དུ། ནག་ཆུ་འབྲི་རུ་རྫོང་ཤག་ཆུ་གྲོང་བརྡལ་ཡུངས་དཀར་ལྷའི་གྲོང་ནས་ཡིན་པའི་རང་ལོ་ ༤༣ ཡིན་པ་དགུ་འགྲུབ་ཞུ་བ་ཁོང་གིས་རྒྱ་གཞུང་ལ་ངོ་རྒོལ་གནང་སྟེ་རང་ལུས་མེར་བསྲེགས་གནང་སྟེ་སྐུ་གྲོངས་ཡོད་འདུག
ཁོང་གིས་སྐུ་ལུས་མེར་ལ་བསྒྲོན་ཏེ་“བོད་ལ་རང་དབང་དགོས། རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས “ཞེས་སྐད་འབོད་ཤུགས་ཆེན་པོ་གནང་ཡོད་འདུག་ལ། དེ་མ་ཐག་རྒྱ་གཞུང་གི་ཉེན་རྟོག་པ་བསླེབས་ཏེ་རྩུབ་སྤྱོད་དྲག་པོས་མེ་གསོད་ཐབས་བྱས་ཏེ་སྨན་ཁང་དུ་འཁྱེར་ཡོད་ཀྱང་། ཁོང་གི་གཟུགས་པོའི་མེ་འབར་ཤུགས་ཧ་ཅང་ཆེན་པོ་ཆགས་ཡོད་སྟབས་མྱུར་སྐྱོབ་མ་ཐུབ་པར་སྨན་ཁང་ནས་སྐུ་གྲོངས་ཡོད་པའི་གནས་ཚུལ་ཐོན་འདུག་ལ། ད་སྔ་སྐུ་ཕུང་ཡང་ནང་མིར་རྩིས་སྤྲོད་བྱས་ཡོད་མི་འདུག
དགུ་འགྲུབ་ལགས་ནི་དེ་སྔ་རྒྱ་གར་ནང་ཡོང་སྟེ་སློབ་གཉེར་གནང་མྱོང་ཡོད་འདུག་པ་མ་ཟད་ནམ་རྒྱུན་བོད་པའི་ལ་རྒྱའི་སྐོར་གྱི་རྩོམ་ཡིག་འགའ་རེ་ཡང་སྤེལ་མྱོང་མཁན་ཞིག་ཡིན་འདུག
ཕོ་རབས་ཁྱོད་བོད་ལ་སྐྱེས་པ་དོན་གོ་ཆོད་འདུག་ཨ། ནུབ་ཕྱོགས་བདེ་བ་ཅན་དང་ཤར་ཕྱོགས་མངོན་དགའ་གང་རུང་ལ་སྐྱེས་བར་ཤོག།
ངོ་མཚར་ཆེའོ་བོད་ཀྱི་དཔའ་རྒོད་ཚོ། །ཁྱེད་ཚོའི་སྙིང་སྟོབས་ང་ཚོས་བརྗེད་མི་སྲིད། །ང་ཡི་བླ་མ་ཡིད་བཞིན་ནོར་བུ་ཡིས། །ཁྱེད་རྣམས་བདེ་ཅན་ཞིང་དུ་འཁྲིད་དུ་གསོལ། །ཨ་ཧོ་ངོ་མཚར་ཆེ། །
༸སྐྱབས་མགོན་མི་དྲན་གཞིས་ལུས་སུ་ཞིག་ཡོད།།
རང་དབང་མི་འདོད་བོད་མི་གང་དུ་མཆིས།།
རེ་བའི་འདུན་མ་གངས་ཅན་ཕན་བདེའི་ཕྱིར།།
འབར་བའི་མེ་དེ་བདེན་སྟོབས་མེ་ལྕེ་ལགས།།
གུས་འདུད་ཞུ།
རྒྱལ་གཅེས་དཔའ་བོ་རྒྱལ་བ་ཤོག
དགུ་འགྲུབ་ལགས་ནི་དེ་སྔ་རྒྱ་གར་ནང་ཡོང་སྟེ་སློབ་གཉེར་གནང་མྱོང་ཡོད་འདུག་པ་མ་ཟད། བོད་ནང་གི་དུས་དེབ་དང་ཚགས་པར་རེ་འགའི་ཐོག་བོད་པའི་ལ་རྒྱའི་སྐོར་གྱི་རྩོམ་ཡིག་ཀྱང་འགའ་རེ་སྤེལ་ཡོད་འདུག ཟེར།
དགུ་འགྲུབ་འདས་པོའི་ཆེད་དུ་མཆོད་མེ་འགའ་ཕུལ་ནས་སྨོན་ལམ་འདེབས་རྒྱུ་ལས་ལྷག་མི་འདུག ཨ་ཁ་ཁ། གང་དྲག