༄༅། །ལམ་རིམ་ཆེན་མོའི་བཀའ་ཆོས་སུ་ཆེད་ཕེབས་གནང་མཁན་སེར་སྐྱ་ཡོངས་ལ་ཆེད་ཞུ།
བོད་རྒྱལ་ལོ་ ༢༡༣༩ རབ་གནས་ཆུ་འབྲུག་ལོའི་བོད་ཟླ་ ༡༠ ཚེས་ ༡༧ ནས་ ཚེས་ ༣༠། ཕྱི་ལོ་ ༢༠༡༢ ཕྱི་ཟླ་ ༡༡ ཚེས་ ༣༠ ནས་ ཕྱི་ཟླ་ ༡༢ ཚེས་ ༡༣ བར། རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་བོད་མིའི་གཞིས་ཁོངས་བྱེས་ཀྱི་གདན་ས་ཆེན་པོ་དགའ་ལྡན་དང་འབྲས་སྤུངས་གཉིས་སུ། ༸སྤྱི་ནོར་༸གོང་ས་ལྷ་མིའི་རྣམ་འདྲེན་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ནས་བྱང་ཆུབ་ལམ་རིམ་ཆེན་མོའི་བཀའ་ཆོས་བཀའ་དྲིན་བསྩལ་གཏན་འཁེལ་བའི་སྐལ་བཟང་གི་དུས་ཚིགས་ཁྱད་པར་ཅན་དང་སྟབས་བསྟུན་དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་ནས་༸རྗེ་ཙོང་ཁ་པ་ཆེན་པོའི་གསུང་བྱང་ཆུབ་ལམ་རིམ་ཆེན་མོའི་ཐོག་དམིགས་བསལ་བགྲོ་གླེང་ཞིག་གོ་སྒྲིག་ཞུ་ཆོག་པའི་སྙན་གསན་ཞུས་པར་བཀའ་འཁྲོལ་ཐོབ་པ་མ་ཟད། བགྲོ་གླེང་གི་དབུ་འབྱེད་ཀྱང་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་བཀའ་དྲིན་བསྐྱང་རྒྱུའི་ཞལ་བཞེས་བཀའ་དྲིན་ཆེ་དོན་བཞིན། མཁས་པའི་བགྲོ་གླེང་འདི་ལ་ཆེད་དུ་གདན་ཞུས་མཁས་དབང་རྣམ་པ་དང། ཟུར་ཉན་པ་ཕེབས་འདུན་མཆིས་རིགས་རྣམས་དུས་ཐོག་ངེས་ཕེབས་ཡོང་བའི་གསལ་འདེབས་ཞུ་བ་དང། ཞིབ་ཕྲའི་གནས་ཚུལ་མཁྱེན་རྟོགས་དགོས་ཚེ་གཤམ་གསལ་བརྒྱུད་ལམ་ཐོག་འབྲེལ་བ་གནང་སྐྱོང་ཡོང་བའི་གསལ་བསྒྲགས་སུ།
དགའ་ལྡན་ཤར་རྩེའི་སློབ་གཉེར་ལྷན་ཚོགས་ཀྱིས་ ༢༠༡༢ ཕྱི་ཟླ་ ༡༠ ཚེས་ ༦ ལ། །
འབྲེལ་བ་གནང་ཡུལ།
གློག་འཕྲིན། (E-mail) gasharescommunity@gmail.com
ཞལ་པར་ཨང། 09900982380
