དེ་རིང་ནོར་ཝེ་རྒྱལ་ས་ཨོ་སི་ལོ་ནས་ ༢༠༡༢ ལོའི་འཛམ་གླིང་ཞི་བདེའི་གཟེངས་རྟགས་ཡུ་རོབ་མཐུན་ཚོགས་ལ་ཐོབ་ཡོད་པའི་ཁྱབ་བསྒྲགས་བྱས་སོང་།
དེ་རིང་ཕྱི་ཚེས་ ༡༢ ཉིན་ནོར་ཝེ་རྒྱལ་ས་ཨོ་སི་ལོ་(Oslo) ནས་འཛམ་གླིང་ཞི་བདེ་གཟེངས་རྟགས་ཚོགས་ཆུང་གིས། འདི་ལོ་ ༢༠༡༢ ལོའི་འཛམ་གླིང་ཞི་བདེ་གཟེངས་རྟགས་དེ་ཡུ་རོབ་མཐུན་ཚོགས་(European Union) ལ་ཐོབ་ཡོད་པའི་ཁྱབ་བསྒྲགས་བྱས་ཡོད། འདི་ལོ་འཛམ་གླིང་ཞི་བདེ་གཟེངས་རྟགས་ཀྱི་དངོས་གཞིའི་འོས་མིའི་ཐོ་གཞུང་ནང་མི་སྒེར་དང་སྒྲིག་འཛུགས་སོགས་ ༢༣༡ བྱུང་ཡོད་འདུག
༢༠༡༢ ལོའི་འཛམ་གླིང་ཞི་བདེ་གཟེངས་རྟགས་ཡུ་རོབ་མཐུན་ཚོགས་ལ་ཐོབ་ཡོད་པའི་ཁྱབ་བསྒྲགས་བྱེད་སྐབས། འཛམ་གླིང་ཞི་བདེ་གཟེངས་རྟགས་ཚོགས་ཆུང་གི་ཚོགས་གཙོ་སྐུ་ཞབས་ཇག་ལན་ཌི་(Thorbjoem Jagland) ཡིས། རྒྱབ་ཁབ་ ༢༧ ལས་གྲུབ་པའི་ཡུ་རོབ་མཐུན་ཚོགས་ཀྱིས་དམག་འཁྲུག་གི་ཡུ་རོབ་གླིང་དེ་ཞི་བདེའི་ཡུ་རོབ་གླིང་ཞིག་ཏུ་འཕོ་འགྱུར་བཏང་ཡོད་པར་བརྟེན་འཛམ་གླིང་ཞི་བདེ་གཟེངས་རྟགས་དེ་ཕུལ་ཡོད་སྐོར་བརྗོད་འདུག
གཟེངས་རྟགས་ཀྱི་བྱ་དགའི་དངུལ་ཨ་སྒོར་ས་ཡ་ ༡།༢ ཡོད་པ་དེ་འབྱུང་འགྱུར་ཕྱི་ཟླ་ ༡༢ ཚེས་ ༡༠ ཉིན་དངོས་སུ་འབུལ་བཞེས་གནང་རྒྱུ་ཡིན་འདུག
གསར་འགོད་པ། བནྡེ་སྐྱབས།
ཞི་བདེའི་གཟེངས་རྟགས་དེ་ད་ལོར་ཡོ་རོབ་མཐུན་ཚོགས་ལ་ཐོབ་པ་འདིའི་བོད་དོན་ལ་སྔར་ལས་ལྷག་པའི་རྒྱབ་སྐྱོར་བླ་ན་མེད་པ་ཞིག་གནང་བའི་རེ་བ་ཆེ་འོན་ཀྱང་ང་ཚོ་སྤྱི་ས྄ོདབོ་མོ་ཚོས་མི་ལ་རོགས་སྐྱོར་དང་རེ་བ་རྐྱང་བ་བྱས་ནས་བསྡད་བསྡད་པ་འདི་ནི་མི་རིགས་ཤིག་གི་བདེ་སྡུག་གི་ཆ་ནས་བཤད་ན་སྟོང་ཆ་ཆེན་པོ་ཞིག་ཏུ་མཐོང་བས་ཞབས་རིམ་དང་འཚོགས་འདུ་ཙམ་མིན་པར་བོད་ནང་གི་ལས་འགུལ་ལ་གཞིག་པའི་ཁ་ཚ་དགོས་གཏུག་གིས་སྤྱི་སྡོད་པ་ཚོས་ལས་གཞི་རྒྱ་ཆེ་བ་སྤ྄ེལ་དགོས་པར་མཐོང་སོང་། བོད་ནས་མེ་སྦར་ན་བཙན་བྱོལ་ནས་དུ་བ་གཏོང་དགོས་པ་དེ་གལ་བར་མཐོང་།
རྒྱབ་ཁབ་ ༢༧ ལས་གྲུབ་པའི་ཡུ་རོབ་མཐུན་ཚོགས་རྒྱ་གཞུང་སྤྱོད་ངན་ལས་རྒྱལ་འགྱུར་ཅིག །