ཐེ་ཝན་བོད་ཀྱི་སྐུ་ཚབ་དོན་གཅོད་ཁང་དང་ཐེ་ཝན་བོད་རིཊ་ཚོཊ་པ་ཐུན་མོང་གི་གོ་སྒྲིག་འོག ཟླ་འདིའི་ཕྱི་ཚེས་ ༡༠ ནས་ ༡༤ ཉིན་བར་ཐེ་ཝན་གཙུག་ལག་སློབ་གཉེར་ཁང་གི་རྒྱལ་སྤྱིའི་ཚོཊ་ཁང་དུ། བོད་ཀྱི་གནད་དོན་སྐོར་གྱི་རྒྱལ་སྤྱིའི་བགྲོ་གླེང་ཚོགས་འདུ་ཞིག་སྐོང་ཚོཊ་གནང་ཡོད་འདུག་ལ། བགྲོ་གླེང་ཚོགས་འདུ་དེར་ཐེ་ཝན་དང་ཧོང་ཀོང་གཙོས་ཨ་རི་དང་ཧྥ་རན་སི། སུ་ཝེ་ཌིན། ཨོ་སི་ཊོ་ལི་ཡ་སོགས་རྒྱལ་ཁབ་འདྲ་མིན་ནས་དགེ་རྒན་ཆེན་མོ་དང་བོད་དོན་ཉམས་ཞིབ་པ། བོད་དོན་རྒྱབ་སྐྱོར་བ། རྒྱ་ནག་དམངས་གཙོ་དོན་གཉེར་བ། བོད་རྒྱ་མཐུན་ཚོགས་ཀྱི་ཚོགས་མི། སློབ་ཕྲུག་བཅས་ཁྱོན་མི་ ༦༠ ལྷག་ཚོཊ་ནང་ཞུཊ་ཡོད་འདུག
ཐེངས་འདིའི་བགྲོ་གླེང་ཐོག་བརྗོད་གཞི། ངྷ་རམ་ས་ལའི་མཐོང་ཐོས་དང་བོད་ཀྱི་གནད་དོན་དང་རང་ལུས་མེར་བསྲེགས། ཧོང་ཀོང་གི་འོས་བསྡུ་དང་བཙན་བྱོལ་བོད་མིའི་དམངས་གཙོ། རྒྱ་ནག་གི་དམངས་གཙོ། ཐེ་ཝན་ལ་གཞིགས་ཏེ་འབྱུང་འགྱུར་རྒྱ་ནག་དམངས་གཙོ་ཅན་དུ་འགྱུར་ཐབས་སྐོར་བཅས་ཡིན་འདུག
ཐེངས་འདིའི་བགྲོ་གླེང་སྐབས་གཏམ་བཤད་གནང་མཁན་གཙོ་བོ་དག་ནི། ཐེ་ཝན་ཀྲུང་ཧྭ་གཙུག་ལག་སློབ་ཆེན་གྱི་དགེ་རྒན་ཙེང་ཅན་ཡོན་ལཊ་དང་། ཐེ་ཝན་གཙུག་ལག་སློབ་ཆེན་གྱི་རིག་གནས་འབུམ་རམས་པ་ཀྲུའུ་ཀྲེང་ཇི། ཧྥ་རན་སིའི་ཡུལ་མི་གྲངས་ཉུང་མི་རིགས་ཉམས་ཞིབ་པ་སྲས་མོ་ཀྲུའུ་ཅི་ལི། ཨོ་སི་ཊོ་ལི་ཡར་གནས་སྡོད་རྒྱ་རིཊ་མཁས་དབང་ཡོན་ཧུང་པེན། ཨ་རིར་གནས་སྡོད་རྩོམ་པ་པོ་ལིས་ཅང་ལིན། ཐེ་ཝན་ཏུང་ཝུ་གཙུག་ལག་སློབ་ཆེན་གྱི་དགེ་རྒན་ལིན་ཇི་ཧྭ། ཨ་རིར་གནས་སྡོད་རྩོམ་པ་པོ་ཏིང་དབྱི་ཧྥུ། རྒྱ་ནག་པེ་ཅིང་སློབ་གྲྭ་ཆེན་མོ་ནས་ཐོན་པ་རིག་གནས་འབུམ་རམས་པ་ལིའི་ཀྲེང་ལེང་། ཀྲུང་ཧྭ་གཙུག་ལག་སློབ་ཆེན་ཉམས་ཞིབ་སློབ་མ་ཧོང་ཅིང་ཧུང་། ཐེ་ཝན་བོད་རྒྱ་མཐུན་ཚོགས་ཀྱི་ཚོགས་གཙོ་སུན་ཀྲེ་བྷན། ཐེ་ཝན་མཉམ་འབྲེལ་སློབ་ཆེན་གྱི་དགེ་རྒན་ཀྲུའུ་ཏེ་རུང་། གྲོས་ཚོགས་འཐུས་མི་ཟུར་པ་ཇན་ཏཱ་སོཊ་ཡིན་འདུག
རྒྱ་རིགས་ཁྱེད་ཚོར་ང་ཚོས་དུས་ནམ་ཡང་བརྗེད་མི་སྲིད་དོ། ཐུགས་རྗེ། བཀའ་དྲིན་ཆེ་ཞེས་ཞུའོ། །
བོད་དོན་བགྲོ་གླེང་འཚོགས་བྱས་པར་དགེ་མཚན་ཆེ་བར་མ་ཟད། བོད་དོན་ཞིབ་འཇུག་པ་དང་། རྒྱ་རིགས་མཁས་ཆེན་དག་ཕེབས་པར་དེ་བས་ཀྱང་རིན་ཐང་ཆེ་ཀི ཡིན་ནའང བགྲོ་གླེང་ལྷུག་པོར་བྱས་རྗེས་ཀྱི་གྲོས་ཆོད་དམ་གྲུབ་འབྲས་ཇི་ཙམ་ཞིག་ཡོད་པ་གསུང་རྒྱུ་ཡོད་དམ། དེ་དག་རིམ་བཀོད་བྱས་ན་ཧ་ཅང་གི་ལྟ་ཀློག་ཡོད་རྒྱུ་རེད།