དེ་རིང་ཕྱི་ཚེས་ ༢༠ ཉིན་རྒྱ་གར་རྒྱལ་ས་ལྡི་ལིར་ཡོད་པའི་དཔའ་བོའི་དྲན་རྟེན་རྒྱ་གར་སྒོ་ཆེན་ (India Gate) མདུན་དུ་རྒྱ་གར་གྱི་རྒྱལ་སྲུང་བློན་ཆེན་གཙོས་མཐོ་རིམ་དམག་དཔོན་རྣམས་ཆེད་བཅར་ཐོག ༡༩༦༢ ལོའི་རྒྱ་དཀར་ནག་གི་དམག་འཁྲུག་ཁྲོད་འདས་གྲོངས་ཕྱིན་པའི་དམག་མི་ ༣༠༠༠ ལྷག་དང་། གཞན་སྐབས་དེའི་དམག་འཁྲུག་ནང་ཞུགས་མཁན་འཐབ་མོ་བ་རྣམས་ལ་རྗེས་དྲན་གུས་འདུད་ཀྱི་མཛད་སྒོ་ཚོགས་ཡོད།
རྒྱ་གར་གྱིས་གཞུང་འབྲེལ་ཐོག་རྒྱ་དཀར་ནག་གི་དམག་འཁྲུག་བྱུང་སྟེ་ལོ་ ༥༠ འཁོར་པའི་རྗེས་དྲན་དང་། སྐབས་དེར་འདས་གྲོངས་ཕྱིན་པ་རྣམས་དང་དམག་འཁྲུག་ཁྲོད་ཞུགས་མཁན་འཐབ་མོ་བ་ཚོར་རྗེས་དྲན་གུས་འདུད་ཞུས་པ་ཐེངས་དང་པོ་ཆགས་ཡོད་འདུག
ལོ་དེའི་རྒྱ་དཀར་ནག་གི་དམག་འཁྲུག་ཁྲོད་རྒྱ་གར་ལ་ཕམ་ཉེས་ཆེན་པོ་བྱུང་ཡོད་པ་མ་ཟད། རྒྱ་གར་བྱང་ཤར་ཁུལ་གྱི་ས་ཆ་མང་པོ་ཞིག་རྒྱ་ནག་གིས་བཙན་བཟུང་བྱས་ཡོད།
དེ་རིང་གི་མཛད་སྒོའི་ཐོག་རྒྱ་གར་རྒྱལ་སྲུང་བློན་ཆེན་ཨེ་ཀེ་ཨན་ཊོ་ནེ་ (A K Antony) ཡིས། དེ་རིང་གི་རྒྱ་གར་ནི། ༡༩༦༢ ལོའི་རྒྱ་གར་མིན་པ་དང་།དེང་སྐབས་རྒྱ་གར་གྱི་མཐའ་མཚམས་ནས་བཙན་འཛུལ་དེའི་རིགས་ལ། རྒྱ་གར་དྲག་ཆས་དམག་གི་སྟོབས་ཤུགས་ཀྱིས་རྒྱལ་ཁོངས་སྲུང་སྐྱོབ་དང་རྒོལ་ལན་སྤྲོད་ཐུབ་པའི་གདེང་ཚོད་ཡོད་སྐོར་བརྗོད་འདུག
གསར་འགོད་པ། བནྡེ་སྐྱབས།
རྒྱ་གར་རྒྱལ་སྲུང་བློན་ཆེན་མཆོག་གིས་སྤོ་པ་ཆེན་མོ་སྒོ་ནས་རྒྱ་ནག་ལ་མཐའ་མཚམས་རྩོད་རྙོག་འདི་གང་མགྱོགས་སེལ་ཐབས་བྱེད་དགོས་བ་དེ་གཟིགས་བརྗིད་རེད།
རྒྱ་དཀར་ནག་ས་མཚམས་རྩོད་རྙོག་དེ། །
ཁས་གྲོས་མོལ་བྱས་ནས་སེལ་དགོས་རེད།