དེ་རིང་ཞོགས་པར་མདོ་སྨད་བླ་བྲང་བསང་ཆུ་རྫོང་དུ་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཡོད་འདུག
རྒྱ་གར་ལྷོ་ཕྱོགས་འབྲས་སྤུངས་དགོན་པའི་གྲྭ་བསོད་ནམས་ལགས་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། དེ་རིང་ཕྱི་ཚེས་ ༢༢ ཉིན་གྱི་བོད་ནང་གི་ཞོགས་པའི་ཆུ་ཚོད་ ༧།༣༠ ཐོག མདོ་སྨད་བླ་བྲང་བསང་ཆུ་རྫོང་དུ་ཡོད་པའི་བླ་བྲང་དགོན་པའི་གསེར་ཁང་ཆེན་མོའི་ཉེ་འགྲམ་དུ། བོད་མི་དོན་འགྲུབ་འབོད་པ་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་ཡོད་འདུག་ལ། ཅང་མ་འགོར་ཉེ་འཁོར་དུ་ཡོད་པའི་དམག་མི་དང་ཉེན་རྟོག་མི་སྣས་ཁོང་བཙན་ཁྲིད་བྱས་ཡོད་སྟབས། རང་ལུས་མེར་བསྲེཊ་གཏོང་མཁན་གྱི་ཞིབ་ཕྲའི་གནས་ཚུལ་ད་སྔ་ཤེས་རྟོགས་བྱུང་མི་འདུག
གསར་འགོད་པ། དོན་གོ
དུས་བབ་ཚང་ལ་ཞུ་རྒྱུར། འདྲ་པར་གསུམ་པ་དེ་ང་ལ་སྔོན་མ་ནས་ཡོད་། དེ་དེ་རིང་གི་མིན་པ་ཞུ་རྒྱུ་བཅས།
རྒྱལ་གཅེས་དཔའ་བོ་ཁོང་གི་གནས་སྟངས་ལ་ཕར་བལྟས་ན་འདས་གྲོངས་སུ་གྱུར་པ་ཧ་ལམ་ཐག་གིས་ཆོད། ད་དུང་ཁོ་བོས་གནས་ཚུལ་གོ་བ་ལྟར་ན།
དཔའ་བོའི་མིང་ལ་དོན་འགྲུབ་ཟེར། དགུང་ལོ་ལྔ་བཅུ་ཡས་མས་ཤིག་རེད། བཟའ་མི་ལྔ་ཡོད་ལ། ཁོང་གི་རྒན་མོའི་མིང་ལ་སྒྲོལ་མ་འཚོ། བུའི་མིང་རིག་འཛིན་ཆོས་འཕེལ། མནའ་མའི་མིང་སྒྲོལ་མ་དང་བྱིས་པའི་མིང་སྟོབས་ལྡན་དབང་ཕྱུག་ཟེར། ཕ་ཡུལ་བླ་བྲང་སྔགས་སྡེ་ནས་རེད་འདུག
རྒྱལ་གཅེས་དཔའ་བོ་ཁོང་གི་བསམ་དོན་འགྲུབ་པར་སྨོན་་་་
བསང་ཆུ་རྫོང་དུ་མ་རེད་ལགས། བླ་བྲང་དགོན་པའི་ནང་རང་རེད། གསེར་ཁང་ཆེན་མོ་གཡས་ཕྱོགས་སུ་ཟེར་གྱིན་འདུག
མ་གཞི་ནས། བླ་བྲང་དགོན་དང་བསང་ཆུ་རྫོང་གཉིས་ལན་རེར་ངོ་བོ་ཁ་ཁ་ཡིན་པ་མ་ཤེས་པའི་གནས་ཚུལ་མང་དུ་འདུག
དཔའ་བོ་རེ་རེའི་ཕེབས་ཤུལ་ན་ང་ཚོར་སྤྲད་པའི་ལས་འགན་རེ་རེ་ཡོད་པ་ནི། ཁོང་ཚོས་མི་རིགས་ཤིག་གི་བདེ་དོན་ལ་བློས་བཏང་བའི་རྨི་ལམ་རྣམས་རྒྱལ་སྤྱིའི་སྡིངས་ཆར་ཚ་ཚ་འུར་གྱིས་སླེབས་ཐུབ་དགོས་པ་དང་།
རང་ཉིད་ཀྱང་མི་རིགས་འདིའི་ལས་དབང་དང་མཐའ་གཅིག་ཏུ་འབྲེལ་ནས་ཡོད་པ་བརྗེད་མི་རུང་བ་དེ་ཡིན་པས་ང་ཚོ་གཅིག་ཏུ་བརྩོན་གལ་ལོ།།