དེ་རིང་ཕྱི་དྲོ་བསང་ཆུ་རྫོང་བསང་ཁོག་ཞང་དུ་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག
འདི་གར་གནས་ཚུལ་མཁོ་སྤྲོད་གནང་བ་ལྟར་ན། དེ་རིང་ཕྱི་ཚེས་ ༢༦ ཉིན་གྱི་བོད་ནང་གི་དགོང་དྲོའི་ཆུ་ཚོད་ ༨ ཙམ་ལ་མདོ་སྨད་བླ་བྲང་བསང་ཆུ་རྫོང་བསང་ཁོག་ཞང་། གསེར་ཁྲི་སྡེ་བའི་མགོན་པོ་སྐྱབས་ཚང་གི་མག་པ་རང་ལོ་ ༢༣ ཡིན་པའི་ཐུབ་དབང་སྐྱབས་ལགས་ཀྱིས། བསང་ཁོག་ཞང་ཀུང་ཧྲེ་རྙིང་པའི་རླངས་འཁོར་འབབ་ཚིགས་སུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག སྐུ་གྲོངས་རྗེས་སྐུ་ཕུང་རྒྱ་ལག་ཏུ་ཤོར་མ་བཅུག་པར་གསེར་ཁྲི་སྡེ་བའི་ནང་གདན་ཞུ་གནང་འདུག
རང་ལུས་མེར་བསྲེཊ་གནང་མཁན་ཐུབ་དབང་སྐྱབས་ལགས་ནི། རུ་མིང་སྡེ་བའི་ཀླུ་མོ་བྱམས་ཀྱི་བུ་ཡིན་པ་དང་། རྗེས་སུ་གསེར་ཁྲི་སྡེ་བའི་མགོན་པོ་སྐྱབས་ཚང་དུ་མག་པར་ཕྱིན་ཡོད་ལ། ཁོང་གི་བཟའ་ཟླའི་མིང་ལ་རྡོ་རྗེ་སྒྲོལ་མ་འབོད་ཀྱི་ཡོད་འདུག
གཞན་ཡང་། ཨ་རིའི་རླུང་འཕྲིན་ཁང་གིས་གནས་ཚུལ་བརྗོད་པ་ལྟར་ན། དེ་རིང་ཁམས་འབྲི་རུ་རྫོང་དུའང་བོད་མི་གཉིས་ཀྱིས། རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཡོད་པའི་གནས་ཚུལ་ཐོན་འདུག
![China's Vice Minister of Foreign Affairs Sun Weidong in Tokyo, Japan in 2023 [File: Issei Kato/Pool via Reuters]](https://tibettimes.net/wp-content/uploads/2026/04/Screen-Shot-2026-04-15-at-2.32.14-PM-360x180.png)
ཨ་དཀོན་མཆོག་མཁྱེན།
ཡིན་རུང་བོད་མི་བྱིང་དང་འཛམ་གླེང་མི་དམངས་སྤྱི་ཡོངས་ནས་འདིའི་ཐད་རིམ་གྱིས་ཚོར་སྣང་རླག་འགྲོ་གི་ཡོད་པའི་ངན་ལྟས་ཤིག་མཐོང་གི་འདུག
ཚང་མས་ཐུགས་བསམ་ཞིབ་མོ་བཞེས་རོགས། ཚང་མས་རང་ཐོག་ལ་བྱུང་ཅི་འདྲ་རེད་བསམ་བློ་གཏོང་རོགས།།
བསྟན་དང་དེ་འཛིན་ཆབ་སྲིད་རང་རིགས་སླད། །གཅེས་པའི་ལུས་སྲོགས་ཡངས་བཏང་སྟེ། །འསྐལ་བ་བརྒྱ་ཕྲག་སྒྲུབ་པའི་སྐྱེ་བོ་རྣམ། །གྲུབ་འཛིན་མགོན་དེའི་ཐུགས་རྗེས་བསྐྱོང་བ་མཛོད། །མདོར་ན་མགོན་པོ་སྤྱན་རས་གཟིགས་དབང་ཀྱིས། །