སྐུ་གཤེགས་དཔའ་བོ་ཐུབ་དབང་སྐྱབས་ལགས་ཀྱིས་རང་ལུས་མེར་བསྲེགས་སྐབས། “ ༸རྒྱལ་བ་རིན་པོ་ཆེ་བོད་ལ་གདན་འདྲེན་བྱེད་དུ་འཇུག་དགོས། པཎ་ཆེན་ཆུང་སྲིད་རིན་པོ་མཆོག་གི་གཙོས་ཆབ་སྲིད་བཙོན་པ་རྣམས་མྱུར་དུ་གློད་ གྲོལ་གཏོང་དགོས ” ཞེས་འབོད་ཚིག་བསྒྲགས་ཡོད་འདུག
འདི་གར་རྒྱ་གར་ལྷོ་ཕྱོགས་ནས་གྲྭ་དགེ་འདུན་དང་ཐུབ་བསྟན་གཉིས་ཀྱིས་གནས་ཚུལ་བཏང་འབྱོར་བྱུང་བ་ལྟར་ན། ས་ཁང་ཚེས་༢༦ ཉིན་གྱི་དགོང་དྲོ་བླ་བྲང་བསང་ཁོག་ཞང་གི་སྲང་ལམ་དུ། རང་ལུས་མེར་བསྲེགས་བཏང་སྟེ་རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་སྐུ་གྲོངས་པའི་དཔའ་བོ་ཐུབ་དབང་སྐྱབས་སམ་གཅེས་མིང་ལ་ཐུབ་བྷ་ལགས་ཀྱིས། “ ༸རྒྱལ་བ་རིན་པོ་ཆེ་བོད་ལ་གདན་འདྲེན་བྱེད་དུ་འཇུག་དགོས། པཎ་ཆེན་ཆུང་སྲིད་རིན་པོ་མཆོག་གི་གཙོས་ཆབ་སྲིད་བཙོན་པ་རྣམས་མྱུར་དུ་གློད་གྲོལ་གཏོང་དགོས ” ཞེས་འབོད་ཚིག་བསྒྲགས་ཡོད་འདུག
སྐབས་དེར་ས་གནས་མང་ཚོགས་ཀྱིས་ཁོང་གི་སྐུ་ཕུང་རྒྱ་དམག་ལ་ཁྱེར་མ་བཅུག་པར་བསང་ཁོག་གསེར་ཁྲིའི་རུ་ཁག་བཞི་བའི་དཔའ་བོ་ཁོང་གི་རང་ཁྱིམ་དུ་གདན་འདྲེན་བྱས་ཐུབ་ཡོད་པ་མ་ཟད། མི་མང་མང་པོ་འདུ་འཛོམས་ཀྱིས་ཁོང་གི་སྐུ་ཕུང་སྲུང་ཡོད་པ་དང་། ད་ལྟའི་ཆར་ས་གནས་དེར་དམག་མི་དང་ཉེན་རྟོག་པ་མང་བོ་འབྱོར་ནས་མི་མང་ལ་འཇིགས་སྐུལ་དང་དམ་དྲག་བྱེད་བཞིན་ཡོད་འདུག
སྐུ་གཤེགས་དཔའ་བོ་ཐུབ་དབང་སྐྱབས་ཁོང་གི་སྐྱེས་ཡུལ་ནི། བླ་བྲང་བསང་ཁོག་རུ་མང་རུ་ཁག་གཉིས་པ་ནས་ཡིན་པ་དང་། ད་ལོར་རང་ལོ་༢༡ ་ཡིན་འདུག ཁོང་གི་ཨ་མའི་མིང་ལ་ཀླུ་མོ་བྱམས་ཟེར་ལ། ཁོ་མོར་བུ་གཉིས་ཡོད་པའི་ནང་ཆེ་བའི་མིང་ལ་བཀྲ་ཤིས་དོན་འགྲུབ་དང་། ཆུང་བ་ནི་སྐུ་གཤེགས་དཔའ་བོ་ཚེ་དཔག་སྐྱབས་ཁོང་ཡིན་འདུག སྐུ་གཤེགས་ཁོང་ཁོང་བསང་ཁོག་གསེར་ཁྲིའི་རུ་ཁག་བཞི་བར་མག་པར་སོང་ནས་ལོ་གཅིག་མ་ཟིན་ཕྱིན་ཡོད་དང་། བཟའ་ཟླའི་མིང་ལ་རྡོ་རྗེ་སྒྲོལ་མ་ཟེར་ཞིང་། ད་ལོར་རང་ལོ་༡༨ ཡིན་པ་རེད།
སྤྱིར་བཏང་གི་འགྲོ་བ་མི་ཞིག་ཡིན་ན་གཞན་ཞིག་རང་ལུས་མེར་བསྲེགས་ནས་རང་ཤི་བརྒྱབ་ན་ཨ་ཁ་ཁ་དེ་འདྲ་མ་བྱས་ན་ཨང་བསམ་པའི་ཚོར་ཤུགས་ཆེན་པོ་རང་བཞིན་གྱིས་ཡོང་ངེས། ལྷག་པར་དུ་བོད་མི་ཞིག་ལ་མཚོན་ན་ཉིན་མཚན་མི་འཁྱོལ་བའི་ཚོར་ཤུགས་སྡུག་བསྔལ་མྱོང་ངེས་ཡིན། འོན་ཀྱང་ཚོར་བ་ནི་ཚོར་བ་རང་རེད་ཚོར་བ་སྙིང་རྗེ་དེ་དང་མཉམ་དུ་རྒྱུ་མཚན་ཆ་ཚང་བའི་རྣམ་དཔྱོད་བེད་སྤྱོད་བཏང་མ་ཐུབ་ན་མིག་གཉིས་ལོང་བའི་སེམས་བཟང་ཅན་གྱི་མི་ཞིག་དང་གཉིས་སུ་མ་མཆིས། དེར་བརྟེན་གནས་ཚུལ་ག་རེའི་ཐོག་ལ་ཡིན་ན་ཡང་རྒྱུ་མཚན་ཡོད་མེད་ལ་ཞིབ་འཇུག་གནང་ནས་སྐད་ཆ་བཤད་དགོས་པ་ལས་ཕྱོགས་ལྷུང་ངམ་སེམས་བཟང་ཙམ་གྱིས་བཤད་བསྡད་ན་ཉེན་ཁ་ཆེ།
བོད་མིས་རང་ལུས་མེར་བསྲེགས་གཏོང་བ་ལ་རང་ཉིད་རང་ཉིད་ཀྱིས་བསྲེགས་ཟེར་བ་དང་། རང་ཤི་བརྒྱབ་ཟེར་བའི་མིང་བཏགས་ཀྱང་། དོན་དངོས་ཐོག་རང་ཤི་བརྒྱབ་པ་མ་ཡིན་པར་གཞན་གྱིས་གསད་པ་རེད། དེ་ཡང་མི་གསོད་ན་གྲི་དང་མེ་མདས་གསོད་པ་དང་། ཁ་ལག་དང་འཐུང་ཆུ་བཀག་ནས་གསོད་པ། དམའ་འབེབས་དང་སྐྱོན་མཚང་འབྲུ་བ་དང་། རང་དབང་འཕྲོག་པ། སྡུག་རྩུབ་མནར་གཅོད་བཏང་ནས་རང་ཤི་རྒྱག་བཅུག་པ། ཁོངས་ཁྲོ་ཆེན་པོ་སླང་ནས་རང་ཤི་རྒྱག་བཅུག་པ། ངང་སྐྲག་སླང་ནས་རང་ཤི་བརྒྱབ་བཅུག་པ་སོགས་མི་གསོད་སྟངས་རྣམ་གྲངས་ཆེས་མང་པོའི་ནང་ནས་གཅིག་ཡིན་པ་ཤེས་དགོས། སྐབས་འདིར་རྒྱ་དམར་གྱིས་བོད་མིར་མནར་གཅོད་གཏོང་སྟངས་ནི་བོད་མིར་ཅུང་ཙམ་རྒྱས་མངའ་ཡོད་ན་མཁྱེན་གསལ་ཡིན།
དེ་ཡང་མདོར་ཙམ་བརྗོད་ན། ༢༠༡༢་ཟླ་༨་ཚེས༧་མདོ་སྨད་གཙོས་ནས་སྒྲོལ་དཀར་མཚོ་ཞེས་པའི་དཔའ་མོ་དེས་རང་ལུས་མེར་བསྲེགས་བཏང་ནས་ཅུང་ཙམ་རྗེས་མོས་གྲྭ་བ་ཚོར་བཤད་རྒྱུར། ༼ང་རྒྱ་ལག་ལ་མ་འཇོག ཨ་ཁུ་ལོ་ལོ་ངའི་མགོར་རྡོ་རྒྱོབས་ལ་སོད་ཅིག༽ཟེར་འདུག་པ་དང་། ཡང་ཁམས་ཕྱོགས་ནས་རྒྱ་དམར་ལ་ངོ་རྒོལ་གྱིས་རང་ལུས་མེར་ཚིགས་ནས་མིག་གཉིས་ཞར་ཡོད་ན་ཡང་ཞལ་ནས་ང་རང་ལུས་མེར་བསྲེགས་བཏང་བ་འདི་མི་རིགས་དང་རིག་གཞུང་རང་དབང་གི་ཆེད་དུ་ཡིན་པ་དང་། བོད་ཀྱི་རིག་གཞུང་དང་གོམས་གཤིས་མེད་ན་ང་ཚོ་མི་རིགས་འདི་ག་རེའི་མི་རིགས་རེད། ང་རྒྱ་ལག་པར་མ་བཞག་པར་འདིར་འཁྱེར་ཡོང་བ་བཀའ་དྲིན་ཆེ་བཀའ་དྲིན་ཆེ་ཞེས་ཡང་ཡང་གསུངས་བཞིན་པ་ལ་ཞིབ་ཏུ་བསམ་བློ་ཞིག་ཐོངས། རྒྱ་ལག་ལ་ཤོར་ན་ག་རེ་ཆགས་གི་ཡོད་མེད་ཁོང་ཚོ་ཧ་གོ་གི་རེད་མ་གཏོགས་ཕྱི་ལོག་ནས་གསལ་བོ་ཤེས་ག་ལ་ཐུབ།
ཐེངས་དང་པོ་རྒྱ་དམར་གྱིས་མདོ་སྨད་དུ་བཙལ་འཛུལ་སྐབས་རྨ་ཆུ་ཞེས་པའི་ཡུལ་ལུང་ནས་དང་པོ་རྒྱ་དམག་དང་འཐབ་སྟེ་མང་ཉུང་གིས་དམག་འཐབ་ཕམ་རྗེས་ཁྱིམ་མི་བརྒྱ་ཕྲག་མང་པོ་སྡེབ་སྡེབ་བྱས་ནས་རྨ་ཆུར་མཆོངས་ནས་རང་སྲོག་དོར་དགོས་བྱུང་བ་རེད། ཁོང་ཚོ་རང་སྲོག་དོར་སྐབས་སེམས་ལ་ག་རེ་བསམ་གྱི་ཡོད་པ་དང་ཁ་ནས་གང་བཤད་ཀྱི་འདུག་ཅེས་ན་རྒྱ་ལག་ལ་ཤོར་བ་ལས་ཤི་ན་དགའ་ཟེར་བ་དེ་རེད། བསམ་བློ་དེའི་འོག་ནས་སྲོག་དོར་བཞིན་པ་རེད། འདི་ནི་དོན་ངོ་མའི་ཐོག་རྒྱ་དམར་གྱིས་ངན་གསོད་དམ་སྡུག་གསོད་བྱས་པ་ཞིག་རེད། དེ་ལྟར་མིན་ན་བོད་ལ་རང་དབང་སྤྲོད་དང་རང་ལུས་མེར་བསྲེགས་འཚམས་ཆད་རྒྱུ་ཡིན་པ་ཁག་ཐེག་བྱེད་ཐུབ།
ང་ཚོའི་དཔའ་བོ་དཔའ་མོ་ཁོང་ཚོ་མེ་ཕུང་ནང་ནས་རང་དབང་དགོས་རང་དབང་དགོས་ཞེས་ཡང་ཡང་གསུངས་བཞིན་པ་ཡང་རང་དབང་མེད་ཙང་རེད།
ཤུལ་ལུས་བོད་རིགས་སྤུན་ཟླ་ཚང་མས་རང་དབང་གི་དོན་དུ་ཧུར་བརྩོན་གནང་ན་ད་གཟོད་ཤི་བའི་ཁ་ཆེམས་དང་བོད་ཀྱི་མི་རིགས་རིག་གཞུང་༧གོང་ས་མཆོག་གི་བཀའ་དགོངས་དང་། བཀའ་དྲིན་ལ་བསམ་ཤེས། རང་རིགས་མང་པོས་རང་ལུས་མེར་བསྲེགས་བྱེད་དང་བྱེད་བཞིན་པ་དེས་འཚམས་འཇོག་བྱེད་ཐུབ། དེ་མིན་༧་གོང་ས་མཆོག་གི་གསུངས་གི་མི་འདུག་ཡར་འགྲིག་གི་མི་འདུག་མར་འགྲིག་གི་མི་འདུག་ཟེར་བ་སོགས་ནི་རྒྱུ་མཚན་གྱིས་ཕོངས་པ་དང་ཡང་ན་ཕྱོགས་སུ་ལྷུང་བའི་མི་ངན་དག་གི་བྱ་སྤྱོད་རང་ཡིན་པས་ཆོས་དང་འཇིག་རྟེན་གཉི་གར་འགལ་ཡོད།
ཁོང་རྣམས་པའི་ཚེ་སྲོག་གི་རིན་ཐང་ང་ཚོས་བསྐྲུན་དགོས་།
སྐུ་གཤེགས་དཔའ་བོ་ཚེ་དཔག་སྐྱབས་ལགས་ཀྱིས་རང་ལུས་མེར་བསྲེགས་སྐབས། “ ༸རྒྱལ་བ་རིན་པོ་ཆེ་བོད་ལ་གདན་འདྲེན་བྱེད་དུ་འཇུག་དགོས། པཎ་ཆེན་ཆུང་སྲིད་རིན་པོ་མཆོག་གི་གཙོས་ཆབ་སྲིད་བཙོན་པ་རྣམས་མྱུར་དུ་གློད་ གྲོལ་གཏོང་དགོས ” ཞེས་འབོད་ཚིག་བསྒྲགས་ཡོད་འདུག ་་་ཟེར།
བོད་མི་རིགས་གི་ཆེད་དུ་ལུས་སྲོག་འཕངས་མེད་དུ་ཕུལ་བའི་དཔའ་བོ་འདི་དག་གིས་མེ་སྒྲའི་ཁྲོད་དུ་འབོད་ཚིག་འདི་ལྟར་སྒྲོག་བཞིན་གྱེས་སོང། ཞལ་ཆེམས་རེ་དང་མི་སྲོག་རེ་རེ་ཡིས་ང་ཚོ་ལ་གནམ་གིས་མི་ཐེག་པའི་འོས་འགན་ཞིག་བཞག་ཡོད།