བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཟླ་འདིའི་ཕྱི་ཚེས་ ༧ ཉིན་མདོ་སྨད་རྔ་པ་སྒོ་མང་ཞང་སྔོ་ཤུལ་དགོན་པའི་གྲྭ་བ་གསུམ་གྱིས་དུས་མཉམ་དུ་རང་ལུས་མེར་བསྲེཊ་ཀྱིས། རྒྱ་གཞུང་གི་དྲག་གནོན་དབང་བསྒྱུར་གྱི་སྲིད་ཇུས་ལ་ངོ་རྒོལ་བྱས་ཏེ། རང་ལོ་ ༡༥ ཡིན་པའི་རྒྱལ་གཅེས་དཔའ་བོ་གྲྭ་རྡོ་རྗེ་ལཊ་ཉིན་དེར་སྐུ་གྲོངས་ཡོད་པ་ལྟར། ཉིན་དེར་རྒྱ་གཞུང་གིས་ཁོང་གི་ཕུང་པོ་བཙན་ཁྱེར་བྱས་ཏེ་ནང་མིར་སྤྲད་མེད་པ་མ་ཟད། ཕྱི་ཚེས་༨ ཉིན་ཁོང་གི་རུས་ཐལ་ཡིན་ཟེར་ནས་ཐལ་ལ་ཞིག་ནང་མིར་སྤྲད་ཡོད་འདུག་ལ། དེ་བཞིན། ཉིན་དེར་ཁོང་དང་མཉམ་དུ་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་རྡོ་རྗེ་སྐྱབས་དང་བསམ་འགྲུབ་རྣམ་གཉིས་སྐུ་གྲོངས་མེད་པའི་གནས་ཚུལ་ཙམ་ལས། ནང་མི་ཉེ་འབྲེལ་ཚོས་གར་ཡོད་ཅི་བྱུང་གི་གནས་ཚུལ་ཅི་ཡང་མ་ཤེས་པར་ལྷག་ཡོད་འདུག
ཉེ་ལམ་རྔ་པའི་སྟོད་སྨད་བར་གསུམ་གྱི་དགོན་པ་དང་སྡེ་བ་ཁག མི་སྒེར་བཅས་སེམས་གསོའི་འཚམས་འདྲི་དང་གདུང་སེམས་མཉམ་སྐྱེད་ཆེད་ཁོང་རྣམ་པའི་ཁྱིམ་དུ་ཕེབས་མུས་ཡིན་འདུག་ཀྱང་། སྔོ་ཤུལ་དགོན་གྱི་དགེ་འདུན་པ་རྣམས་སེམས་གསོ་གནང་བ་དང་སྨོན་ལམ་གསུང་སར་ཕེབས་འཇུག་གི་མེད་པར། སྔོ་ཤུལ་དགོན་དང་སྒོ་མང་ཞང་སོགས་སུ་དམག་མི་འགྲེམས་འཇོག་གིས་དམ་དྲག་བྱེད་ཀྱི་ཡོད་འདུག
