རྒྱ་གཞུང་གིས་བོད་མདོ་སྨད་རེབ་གོང་མདོ་བ་འབྲོག་དགོན་པའི་གྲྭ་བ་གཉིས་འཇུ་བཟུང་བྱས་ཏེ། ད་ཆར་གར་ཡོད་ཅི་བྱུང་གི་གནས་ཚུལ་ཅི་ཡང་མ་ཤེས་པར་ལྷག་འདུག
རྒྱ་གར་ལྷོ་ཕྱོགས་སེ་ར་དགོན་པའི་གྲྭ་བློ་བཟང་བསྟན་པ་ལགས་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། ཟླ་འདིའི་ཕྱི་ཚེས་ ༡༢ ཉིན་བོད་མདོ་སྨད་རྨ་ལྷོ་རེབ་གོང་མདོ་བ་འབྲོག་ཡོ་ལག་ར་རྒན་སྡེ་བའི་རྒྱལ་གཅེས་དཔའ་བོ་སྙིང་ལྕཊ་འབུམ་ལཊ་ཀྱིས། མདོ་བ་ཞང་སྲིད་གཞུང་གི་སྒོ་ཁར་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་པ་ལྟར། གནས་ཚུལ་བྱུང་བའི་ཉིན་གསུམ་གྱི་རྗེས་སུ་རེབ་གོང་མདོ་བ་འབྲོག་དགོན་པའི་རང་ལོ་ ༡༧ ཡིན་པའི་གྲྭ་བརྩོན་འགྲུས་ཆོས་ལྡན་དང་། རང་ལོ་ ༢༡ ཡིན་པའི་གྲྭ་དཀོན་མཆོག་བསོད་ནམས་གཉིས་མདོ་བ་ནས་རྨ་ལྷོ་ཁུལ་ཐོག་ཏུ་འགྲོ་སྐབས། རྒྱ་གཞུང་ཉེན་རྟོག་པས་ཁོང་གཉིས་དང་བོད་མི་ཁག་ཅིག་བོན་པོ་ཉག་ཁ་ནས་འཛིན་བཟུང་བྱས་ཏེ། གཞན་རྣམས་ཐོ་ཀྱཱ་ཞང་ནས་ཀློད་གྲོལ་བཏང་ཡོད་ཀྱང་། གྲྭ་བ་ཁོང་གཉིས་ད་ཆར་རྨ་ལྷོ་ཁུལ་དུ་ཡོད་པའི་ཚོད་དཔག་ཙམ་ལས་གར་ཡོད་ཅི་བྱུང་གི་གནས་ཚུལ་ཅི་ཡང་མ་ཤེས་ལྷག་ཡོད་འདུག
གྲྭ་པ་ཁོང་གཉིས་ནི་རེབ་གོང་མདོ་བ་འབྲོག་ཁ་སྐྱ་སྡེ་བ་ནས་ཡིན་པ་དང་། གྲྭ་བརྩོན་འགྲུས་ཆོས་ལྡན་ལགས་ཀྱི་ཕ་མིང་ལ་མཁའ་འགྲོ་དང་མ་མིང་ལ་ཀུ་ལེ་འབོད་ཀྱི་ཡོད་འདུག་ལ། གྲྭ་དཀོན་མཆོག་བསོད་ནམས་ལགས་ཀྱི་ཕ་མིང་ལ་བསོད་ལེ་དང་མ་མིང་ལ་གཡང་སྐྱིད་འབོད་ཀྱི་ཡོད་འདུག
གསར་འགོད་པ། དོན་གོ
