ཉེ་ལམ་བོད་མདོ་ཁམས་རྫ་ཆུ་ཁར་མཁན་པོ་དང་བླ་སྤྲུལ་རྣམས་ཀྱི་སྣེ་འཁྲིད་འོག ས་གནས་བོད་མི་ཚོས་མཚོན་ཆ་འདྲ་མིན་ཆིག་སྟོང་ལྷག་མེར་བསྲེཊ་བཏང་ཡོད་འདུག
རྫ་ཆུའི་ཟླ་བ་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཉེ་ཆར་ཁམས་རྫ་ཆུ་ཁ་དགེ་མིང་སྡེ་བའི་ནང་མཐུན་སྒྲིལ་གཏིང་ཟབ་དང་ཡ་རབས་ཚུལ་མཐུན་གྱི་ཕྱོགས་ལ་འབད་འབུངས་བྱ་ཆེད། དགེ་མིང་དགོན་པའི་མཁན་པོ་དོན་གྲུབ་ཉི་མ་མཆོག་དང་ས་གནས་ཀྱི་བླ་སྤྲུལ། ས་གནས་ཁག་གི་འཐུས་མི་བཅས་ཀྱི་སྣེ་འཁྲིད་འོག་སྡེ་བའི་ནང་གི་མི་སྐྱ་ ༡༠༠༠ ཡས་མས་འདུ་འཛོམས་ཀྱིས་དེང་ཕྱིན་ལུས་ལ་མཚོན་ཆ་མི་འདོགས་པའི་དམ་བཅའ་ཕུལ་ཡོད་པ་མ་ཟད། ཉིན་གཅིག་ནང་མཚོན་ཆའི་རིགས་འདྲ་མིན་གྲངས་ ༡༠༠༠ བརྒལ་བ་མེར་བསྲེགས་བཏང་ཡོད་འདུག
ཐེངས་འདིའི་མཚོན་ཆ་མེར་བསྲེཊ་ལས་འགུལ་གྱི་དམིགས་ཡུལ་གཙོ་བོ་ནི། ཆོལ་གསུམ་བོད་རིགས་ཡོངས་ཀྱི་མཛའ་བརྩེའི་མཐུན་སྒྲིལ་རྒྱ་སྐྱེད་དང་འཛམ་གླིང་ཐོག་ངོམ་ཆོག་པའི་གངས་ཅན་བོད་མིའི་ཡ་རབས་བཟང་སྤྱོད་སྔར་ལྷག་གོང་སྤེལ། དགེ་བཅུའི་ཁྲིམས་ལ་བརྩི་བཀུར་དང་ལེན་བྱ་ཆེད་ཡིན་པ་མ་ཟད། མིའི་ལུས་ལ་གྲི་རིང་དང་ལྕགས་མགོར་སོགས་མཚོན་ཆའི་རིགས་འཁུར་བ་དེ་རྒྱལ་སྤྱིའི་ཁྲིམས་དང་འགལ་ཡོད་པ་དང་། སྤྱི་ཚོགས་ནང་དེའི་རིགས་བསམ་ངན་གདུག་རྩུབ་དང་རྐུ་འཕྲོག་གསོད་རྡུང་བྱེད་བའི་ཇག་པའི་རིགས་ཀྱི་དན་རྟགས་ཤིག་དང་། མི་རིགས་ཀྱི་ཆོས་ལུགས་དང་བཟང་ཕྱོགས་ཀྱི་རྣམ་འགྱུར་མཐའ་དག་ལས་རྒྱབ་འགལ་དུ་འགྲོ་གི་ཡོད་པ་སོགས་ལ་གཞིགས་ཏེ་ལས་འགུལ་སྤེལ་བ་ཞིག་ཡིན་འདུག
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཀརྨ་པ་འཕྲིན་ལས་མཐའ་ཡས་རྡོར་བརྗེ་མཆོག་ནས་དྲི་ལན་འདི་ལྟར་འདུག་དགོངས་ཚུལ་གང་འདྲ་ཡོད།
http://www.hindustantimes.com/India-news/NewDelhi/I-strongly-wish-self-immolations-would-stop-soon/Article1-971493.aspx#.UMhNb6kuaRM.facebook
ཁ་ཡོད་ལག་ཡོད་ཀྱི་ཡར་རྒྱས་དང་། འཚེ་མེད་ཞི་བའི་ཉམས་ལེན་རེད་དོ། །
ཧེཧེཧེ་་་བླ་སྤྲུལ་འདི་ཚོ་སྨྱོན་པ་རང་རེད། མེས་བོ་བརྒྱུད་པའི་ཤུལ་རྫས་མེར་བསྲེགས་པ་འདི་དོན་གྱི་རང་གི་སྐེ་ལ་ལྕེབས་ཐག་བརྒྱབ་དང་འདྲ་བོ་རེད། ཕྲན་གྱི་བསམ་པར་མཚོན་ཆ་འདི་རིགས་ཀྱིས་དམག་དོན་བསྒྲུབས་བསམ་པ་གང་ཡང་མེད། འོན་ཀྱང་། ཤུལ་རྫས་གཅེས་སྐྱོངས་དགོས་བ་འདི་རིག་གཞུང་གཅེས་འཛིན་བྱེད་པའི་ཆ་ཤས་ཅིག་རེད། དངོས་ནས་བོད་ཀྱི་བླ་སྤྲུལ་འདི་ཚོ་ལྐུགས་རྟགས་འདི་འདྲ་སྟོན་རྒྱུ་ཡོད་བ་རེད། དངོས་ནས་ངུ་རྒྱུ་ཡོང་གི་འདུག
ངས་བསམ་ཚུལ་ཡིན་ན། རྫ་ཆུ་ཁ་ནས་མཚོན་ཆའི་རིགས་འདྲ་མིན་གྲངས༡༠༠༠བརྒལ་བ་མེར་བསྲེགས་བཏང་ཡོད་ན་ཅུང་མ་འགྲིག་པ་རེད། ད་དུང་མཚོན་ཆ་དེ་དག་གི་ཁྲོད་བོད་རང་གི་མགར་བ་སོགས་ཀྱིས་བརྡུངས་པའི་སྒྱུ་རྩལ་གྱི་དངོས་རྫས་ཤིག་ཡོད་ན་དེ་བས་ཀྱང་མ་འགྲིག་པ་རེད། ཅི་བཤད་ཀྱང་མ་བཤད་ཀྱང་། བོད་མི་རིགས་འདི་སྲམ་གཟིག་གི་པགས་པ་གྱོན་མཁན་ཞིག་དང་མཚོན་ཆ་འདོགས་མཁན་ཞིག་ཡིན་པ་བོད་པར་དོ་སྣང་ཡོད་པའི་འཛམ་གླིང་མི་མང་གིས་ཤེས་ཀྱི་རེད། ད་ལྟའི་ཆར་བེད་སྤྱོད་མ་གནང་ན་ཡག་པོ་རེད། མཚོན་ཆ་དེ་དག་འགྲེམ་སྟོན་ཁང་ཞིག་ཏུ་ཉར་ཚགས་གནང་པ་ཡིན་ན། དེའི་ལོ་རྒྱུས་སམ་དུས་ཚོད་ཀྱི་འཕོ་འགྱུར་ཞིག་མཐོང་གི་རེད། ལེགས་ཉེས་ལ་མ་ལྟོས་པར་མི་རིགས་སུ་ཡིན་རུང་རང་གི་གོམས་སྲོལ་དང་སྒྱུ་རྩལ་མཚོན་པའི་བྱ་དངོས་དག་ལོ་རྒྱུས་ཀྱི་དེབ་ཐེར་དང་། འགྲེམ་སྟོན་གྱི་ཤེལ་ཁང་དུ་སྦས་སྐུང་བྱེད་ས་མེད་ལ། དེ་ལྟར་བྱ་མི་རུང་པ་རེད
སྤྱིར་མཚོན་ཆ་བྱེད་སྤྱོད་མི་གཏོང་བའི་ལས་འགུལ་འདི་ཡག་པོ་རེད་ལ་ཞི་བདེ་ལ་དགའ་མཁན་ཡོངས་ཀྱིས་རྒྱབ་བྱེད་དགོས་པ་ཞིག་རེད། འོན་ཀྱང་མཚོན་ཆ་འདི་དག་མེར་བསྲེགས་གཏོང་བ་ནི་ཐལ་དྲག་པའི་ལས་ཀ་ཞིག་ཏེ་རིག་དངོས་རྩ་བརླགས་བྱས་པ་ཞིག་ལ་འགྱུར་གྱིན་པས་རྗེས་ཕྱོགས་ཐ་དྲག་པས་ལས་འགུལ་མ་སྤེལ་ན་ཡག་ངེས་རེད། འདི་དག་ཀྱང་བོད་ཀྱི་རིགས་དངོས་ནི་ཡིན་ངེས་རེད། ཕངས་པ་ལ།