ཀེ་ར་ལ་མངའ་སྡེར་བོད་དོན་ཞུ་གཏུག

རྒྱ་གར་ལྷོ་ཕྱོགས་ཁུལ་གྱི་བོད་དོན་ཞུ་གཏུག་ཚོགས་ཆུང་གིས། ཀེ་ར་ལ་མངའ་སྡེའི་སྲིད་སྐྱོང་གཙོས་གནད་ཡོད་མི་སྣར་ཐུག་འཕྲད་ཀྱིས་བོད་དོན་ཞུ་གཏུག་གི་ལས་འགུལ་སྤེལ་ཡོད་འདུག

བོད་མི་མང་སྤྱི་འཐུས་ལྷན་ཚོགས་ཀྱི་སྣེ་འཁྲིད་པའི་རྒྱ་གར་ལྷོ་ཕྱོགས་ཁུལ་གྱི་བོད་དོན་ཞུ་གཏུག་ལས་འགུལ་ཚོགས་ཆུང་གི་ཚོགས་མི་སྤྱི་འཐུས་རྒྱ་རི་བུ་ཕྲུག་དང་བུ་མོ་ཚེ་རིང་། ཚེ་རིང་གཡུ་སྒྲོན། བློ་བཟང་ཡེ་ཤེས། འཇིཊ་མེད་འབྱུང་གནས། ཨ་ཀྲུག་ཚེ་བརྟན་ལཊ་བཅས་ཀྱིས།  ལྷོ་ཕྱོགས་མངའ་སྡེ་ཁག་གི་གཞུང་མང་གཉིས་ལ་བོད་དོན་ཞུ་གཏུག་ལས་འགུལ་སྤེལ་བཞིན་པ་ལྟར། ཟླ་འདིའི་ཕྱི་ཚེས་ ༡༣ ཉིན་ཀེ་ར་ལ་མངའ་སྡེའི་སྲིད་སྐྱོང་དང་མངའ་སྡེའི་གྲོས་ཚོགས་ཀྱི་ཚོགས་གཙོ། གྲོས་ཚོགས་འཐུས་མི། རྒྱ་གར་དབུས་གཞུང་གི་བདེ་འཇགས་སློབ་སྟོན་པ་ཀྲེ་པེ་ཤི་རིས་ན་བ་སན་ (T P Srinavasan) མཆོག་དང་། ཚོགས་སྡེ་ཁག་གི་མི་སྣར་མཇལ་འཕྲད་ཀྱི་བོད་དོན་ཞུ་གཏུག་གི་ལས་འགུལ་སྤེལ་ཡོད་པ་མ་ཟད། ཀེ་ར་ལ་གྲོས་ཚོགས་ཚོགས་གཙོ་རྗེ་ཀར་ཐི་ཀི་ཡན་ (G Karthikayan) མཆོག་དང་མཇལ་འཕྲད་སྐབས། ཁོང་གིས་མངའ་སྡེའི་གསར་འགོད་པ་ ༢༨ ཆེད་འགུག་གིས་བོད་དོན་ངོ་སྤྲོད་དང་། ཁོང་ཉིད་ཀྱིས་ཕྱག་བྲིས་༼བྱམས་བརྩེ་དང་ལྷག་བསམ་བཟང་པོས་བོད་མི་ཚོར་གདུང་སེམས་མཉམ་སྐྱེད་ཡོད༽ཅེས་པར་མཚན་རྟགས་བཀོད་དེ་སྤྱི་འཐུས་རྣམ་པར་ཕུལ་ཡོད་འདུག  

 ཕྱི་ཚེས་ ༡༤ ཉིན་སྤྱི་འཐུས་རྣམ་པ་ཀེ་ར་ལ་རྒྱལ་རྒྱུད་ཀྱི་བཙུན་མོ་མཆོག་དང་། མངའ་སྡེའི་ཀོང་རི་སིའི་ཚོགས་གཙོ་དང་རྒྱུན་ལས། དྲུང་ཆེ་བཅས་ལ་མཇལ་འཕྲད་གནང་ཡོད་པ་དང་། ཕྱི་ཚེས་ ༡༥ ཉིན་མངའ་སྡེའི་སྤྱི་ཁྱབ་བློན་ཆེན་མཆོག་དང་ཡི་ཤུ་ཆོས་དཔོན་སུ་ས་པཱ་ཀིམ (soosa pkim) མཆོག་བཅས་ལ་མཇལ་འཕྲད་གནང་བ་ལྟར་ཁོང་རྣམ་པས་བོད་དོན་རྒྱབ་སྐྱོར་ཡོང་བའི་ཞལ་བཞེས་གནང་ཡོད་པ་མ་ཟད།  ཉིན་དེར་སྤྱི་འཐུས་བློ་བཟང་ཡེ་ཤེས་ལགས་ཀྱིས་མངའ་སྡེའི་མཐོ་སློབ་ཆབ་སྲིད་དང་ཚན་རིག་སྡེ་ཚན་གྱི་སློབ་མ་ ༦༠ ལྷག་ལ་བོད་ཀྱི་འདས་པའི་ལོ་རྒྱུས་དང་ད་ལྟའི་གནས་སྟངས། མ་འོངས་པའི་མངོན་འདོད་བཅས་ཀྱི་ཐད་ནས་གཏམ་བཤད་གནང་ཡོད་འདུག  

གསར་འགོད་པ། དོན་གོ